Class‌လေး လူပြည့်သွားပါပြီရှင့်

နာမည်စာရင်းပေးပြီး မရလိုက်တဲ့ ကလေးတွေ
မတို့ကနောက်လဲ ဒီလို ပညာဒါန free class လေးတွေ ထပ်လုပ်ပေးမှာမို့ မတို့ channel ကို အမြဲစောင့်ကြည့်ပေးဖို့ မမေ့ပါနဲ့နော်❤️

#studywithus03

ဒီ remixစောစောမသိခဲ့တာ တော်တော်နောင်တရမိတယ်
စာမလုပ်ခင်နားထောင်ကြည့်ကြနော် ပြီးရင် editထဲရောက်ပြီ All Dထွက်တယ်လို့ခံစားကြည့်😝

1:58ကအသက်ပဲဟေးး👏

အမ ခုရက်ပိုင်း အလုပ်အရမ်းရှုပ်နေတာမို့ ၁မှတ်တန်‌လေးတွေ မတင်ဖြစ်သေးတာပါ အမ နောက်ပိုင်းမှန်မှန်လေးတင်ပေးပါ့မယ်နော် 🥺💞

မြန်မာစာဂုဏ်ထူးလိုချင်သူများအတွက်‼️‼️

မြန်မာစာဂုဏ်ထူးလိုချင်လျှင် အရေးကြီးတာကစာကို ဖတ်ရလွယ်အောင်၊ သပ်သပ်ရပ်ရပ်နဲ့ သန့်သန့်ရှင်းရှင်း ရေးနိုင်ဖို့ပါ။

စာမဖြေခင်မှာ ကိုယ်ဖြေမယ့် အဖြေလွှာမှာ ဘေးမျဉ်းလေးအရင်ထားပြီး ‌ ဘေးမျဉ်းနဲ့၁လက်မအကွာမှာ နောက်ထပ်မျဥ်းတစ်‌ကြောင်းကို ခဲတံနဲ့ ဖွဖွလေး ထပ်တားထားပါ။ ✏️ ဒါဆို စာဖြေတဲ့အချိန် စာပိုဒ်ခွဲတဲ့နေရာတွေ၊ အဖြေတစ်ခုနဲ့တစ်ခုကြားမှာ နေရာချထားတာတွေ ပိုပြီးညီညာသပ်ရပ်လာပါတယ်။

ဘာလို့လဲဆိုတော့ မြန်မာစာက အချိန်မလောက်တဲ့ဘာသာ ဖြစ်တာကြောင့် လက်ရေးလှအောင် တစ်လုံးချင်းစီ အချိန်ယူပြီးရေးဖို့က အဆင်မပြေပါဘူး။ ဒါကြောင့် လက်ရေးလှဖို့ထက် သပ်သပ်ရပ်ရပ်နဲ့ အသန့်ရှင်းဆုံးဖြစ်အောင် ရေးပြီး အဖြေတွေကို အချိန်မီပြီးအောင် ဖြေနိုင်ဖို့ ပိုအရေးကြီးပါတယ်။ 🤍(ဖွဖွလေးတားထားတဲ့မျဉ်းကို လိုက်ဖျက်ပေးဖို့လဲ မမေ့နဲ့နော် မဟုတ်ရင် အမှတ်အသားလုပ်တယ်ဆိုပြီး စာဖြေဖို့၁နှစ်အနားခံရမယ်🥹)

လက်ရေးမလှလို့ ဂုဏ်ထူးမထွက်နိုင်ဘူးဆိုပြီး မတွေးပါနဲ့နော်။ ကိုယ်သိထားတာတွေကို အမှတ်ရအောင် ဖြေတတ်ပြီး အဖြေလွှာကို သပ်သပ်ရပ်ရပ်ဖြေနိုင်ရင် ဂုဏ်ထူးအတွက် လုံလောက်ပါတယ်။ 🫶🏻

(အမ final exam မှာ ကျင့်သုံးတဲ့နည်းလမ်းလေးပါ။ဒီနည်းလမ်းလေးကိုလဲ အမတို့CAEကျောင်းရဲ့ မြန်မာဆရာဦးဝင်းအောင်အကြံပေးခဲ့တဲ့နည်းလမ်းလေးပါရှင့်။ဆရာ့အကြံပေးချက်တွေကို ခုလိုသေချာလိုက်မှတ်ပြီးလုပ်ခဲ့လို့ မြန်မာစာ Dထွက်လာတာပါ။ဆရာ့ကျေးဇူးကြောင့်ပါ။)💞

#studywithus03
@studywithus03

[ ထပ်မံအသိပေး ကြေညာခြင်း]

🧪 Chemistry မေးခွန်းပုံစံ

1 T/F 10
2 Fill up 10
3 Choose 10

🔴 4(a) Chap - 1 5
🔴 4(b)(c) Chap - 2 + 3 + 4 10
⚪ 4(d) Chap - 8 5
⚪ 4(e) Chap - 7 5

🟠 5(a) Chap - 6 5
⚪ 5(b) Chap - 8 5
🟠 5(c) Chap - 5 5

⚪ 6(a) Chap - 8 5
🟠 6(b) Chap - 6 5
🔴 6(c) Chap - 2 + 3 + 4 5

🔴 7(a) Chap - 1 5
🔴 7(b) Chap - 2 + 3 + 4 5
⚪ 7(c) Chap - 8 5

📌 Total Marks

Given Marks — 100
At least — 45

🔴 အဓိက — Chap 1, 2, 3, 4
🟠 ဒုတိယဦးစားပေး — Chap 5, 6

ခုရက်ပိုင်း G12 ကလေးတော်တော်များများ မဆီလာပြီး ရင်လာဖွင့်ကြတယ်။

“အမရေ… စိတ်ညစ်တယ်။”
“Pressure တွေ အရမ်းများတယ်။”
“စာလုပ်နေတာပဲ၊ ဘာလို့ မရသေးတာလဲ မသိဘူး…”
“သူများတွေ ရနေတာကိုယ်ကျ မရဘူးဆိုပြီး စိတ်ဓာတ်ကျတယ်…”

မင်းတို့အခုလို ခံစားနေရတာ မင်းတို့ညံ့လို့ မဟုတ်ပါဘူးနော်။

G12 ဆိုတာ ဒီလိုပဲ။
စာလုပ်နေရင်းနဲ့တောင် “ငါတကယ်ရပါ့မလား” ဆိုတဲ့စိတ်တွေ ဝင်လာတတ်တယ်။
Result မကောင်းရင် စိတ်ဓာတ်ကျတယ်။
သူများတွေကောင်းတာမြင်ရင် ကိုယ့်ကိုယ်ကို ပြန်နှိုင်းယှဉ်မိတယ်။
ပြီးတော့ မနက်ဖြန်အတွက် စိုးရိမ်ရင်း ဒီနေ့ကိုပါ ပျော်မနေနိုင်တော့ဘူး။

ဒါတွေက မင်းတို့တစ်ယောက်တည်း ခံစားနေရတာမဟုတ်ပါဘူး။

ဒါကြောင့် အမက မင်းတို့ကို ပြောချင်တာက—

G12 မှာ ကိုယ့်စိတ်ကို ကိုယ် မနိုင်မနင်း ဖိအားမပေးကြပါနဲ့။

မဖြစ်သေးတဲ့အရာတွေကို ကြိုတွေးပြီး မပူပါနဲ့။
မရသေးတာကို “ဘယ်တော့မှ မရတော့ဘူး” လို့ မတွေးပါနဲ့။

🙏 ဘုရားတရားလည်း မမေ့ကြနဲ့နော်။
စိတ်ပူတဲ့အချိန်မှာ ကိုယ့်စိတ်လေးကို အေးအေးချမ်းချမ်းထားဖို့ ကိုယ့်ယုံကြည်ရာကို အားယူပါ။(G12ကအင်မတန်မှနတ်ကြီးပါတယ်နော် ဒါကြောင့် ဘုရားတရားပိုလုပ်ပေးဖို့တကယ်တိုက်တွန်းပါတယ်။)

🫶 ကျန်းမာရေးလည်း ဂရုစိုက်ပါ။
စာအတွက်နဲ့ ကိုယ့်ကိုယ်ကို မပင်ပန်းလွန်းစေပါနဲ့။
အိပ်ပါ။ စားပါ။ နားပါ။
ပြီးရင် ပြန်ကြိုးစားပါ။

📚 တစ်နေ့စာ တစ်နေ့လုပ်ပါ။
ဒီနေ့လုပ်ရမယ့်စာကို ဒီနေ့ပြီးအောင် ကြိုးစားပါ။
မနက်ဖြန်စာကို ဒီနေ့ကတည်းက ကြောက်မနေပါနဲ့။(အထူးသဖြင့် bio)

ပြီးတော့ အခုရနေတဲ့ Result တစ်ခုကြောင့် ကိုယ့်အနာဂတ်ကို မဆုံးဖြတ်လိုက်ပါနဲ့။

ဒီနေ့ Result မကောင်းတာက
မင်းတို့ရဲ့ နောက်ဆုံး Result မဟုတ်ပါဘူး။

ဒီနေ့ မရသေးတာက
ဘယ်တော့မှ မရတော့ဘူးဆိုတဲ့ အဓိပ္ပာယ်လည်း မဟုတ်ပါဘူး။

တကယ်အရေးကြီးတာက တက္ကသိုလ်ဝင်စာမေးပွဲမှာ မင်းတို့ ဘယ်လိုဖြေဆိုနိုင်မလဲဆိုတာပါ။

ဒါကြောင့် အခု Result ကောင်းရင်လည်း အရမ်းအပျော်မလွန်နဲ့။
မကောင်းရင်လည်း အရမ်းဝမ်းမနည်းနဲ့။

“ငါဘယ်နေရာမှာ လိုသေးလဲ” ဆိုတာ သိပြီး ပြန်ပြင်ဖို့အတွက်ပဲ အသုံးချပါ။

ပြီးတော့ မင်းတို့မှာ အချိန်ရှိပါသေးတယ်။

ဒီလအပါအဝင် ၆ လလောက် ကျန်သေးတယ်ဆိုတာ
“၆ လပဲ” လို့ မတွေးပါနဲ့။

၆ လဆိုတာ အများကြီးပါ။

ဒီနေ့ကစပြီး နေ့တိုင်းနည်းနည်းချင်း ပုံမှန်ကြိုးစားသွားရင် ၆ လအတွင်း မင်းတို့ကိုယ်တိုင်တောင် မယုံနိုင်လောက်အောင် ပြောင်းလဲလာနိုင်ပါတယ်။

ဒါကြောင့်—

သူများနဲ့ မနှိုင်းယှဉ်ပါနဲ့။
သူများရတဲ့အချိန်နဲ့ ကိုယ်ရတဲ့အချိန် မတူပါဘူး။

ကိုယ့်လမ်းကိုယ် လျှောက်ပါ။
ကိုယ့်အရှိန်နဲ့ကိုယ် သွားပါ။

စိတ်ပျော်မှ စာလုပ်နိုင်မှာပါ။

စာလုပ်နေတဲ့အချိန်မှာ စာလုပ်ပါ။
နားတဲ့အချိန်မှာ နားပါ။
ပျော်တဲ့အချိန်မှာ ပျော်ပါ။

အမြဲတမ်း “ငါရပါ့မလား၊ ငါမရရင်ဘယ်လိုလုပ်မလဲ” ဆိုပြီး တွေးနေပြီး ကိုယ့်စိတ်ကို ကိုယ် မနှိပ်စက်ကြပါနဲ့နော်။

မင်းတို့အခု ဖြတ်သန်းနေရတဲ့ ဒီအချိန်က ဘဝတစ်ခုလုံး မဟုတ်ပါဘူး။
G12 ကာလတစ်ခုပဲ ဖြစ်ပါတယ်။

အချိန်တွေကုန်သွားတဲ့တစ်နေ့မှာ
အခုစိတ်ပူခဲ့တာတွေကို ပြန်ကြည့်ပြီး
“အဲ့ဒီတုန်းက ငါတော်တော်လေး စိုးရိမ်ခဲ့တာပဲနော်” လို့ ပြုံးနိုင်မယ့်နေ့ ရောက်လာမှာပါ။

ဒါကြောင့် အခုလေးတင်ပဲ—

အသက်ရှူပါ။
စိတ်လေးကို ဖြေလျှော့ပါ။
ဘုရားတရားလုပ်ပါ။
ကျန်းမာရေးဂရုစိုက်ပါ။
ပြီးတော့ ကိုယ့်စာကိုယ် ပုံမှန်လုပ်ပါ။

၆ လရှိသေးတယ်။
အချိန်ရှိသေးတယ်။
အခွင့်အရေးရှိသေးတယ်။

အမ ယုံတယ်။
မင်းတို့ လုပ်နိုင်ပါတယ်။ 🤍

မင်းတို့ကိုယ်တိုင်လည်း ကိုယ့်ကိုယ်ကို ယုံပေးကြပါနော်။ 🌷
#studywithus03
@studywithus03

ကျက်စရာမဟုတ်ဘူးနော် သိပ်မမေးဘူးးးး

Physics chapter-4&5👏
#studywithus03
@studywithus03

🧬 Bio ထိုင်ငိုသမားလေးတွေအတွက် စာကျက်ပုံ၊ စာကျက်နည်း 🥹📚

Bio က အရမ်းမများပါဘူး။
ဒါပေမယ့် ရှေ့ကျက် နောက်မေ့၊ နောက်ကျက် ရှေ့မေ့ ဖြစ်နေတတ်လို့ စိတ်ညစ်နေကြပြီလား? 😭

ဒီအချက် ၅ ချက် ကို သေချာလိုက်လုပ်ပေးမယ်ဆိုရင် Bio ကို ပိုမှတ်မိလွယ်လာနိုင်ပါတယ်။ 💯

1️⃣ ကျောင်းမှာ တစ်နေ့သင်လိုက်သမျှ မချန်ထားဘဲ အဲဒီနေ့မှာပဲ ပြန်ကျက်ပါ။
နေ့စဉ်သင်ခန်းစာကို မရွှေ့ထားဘဲ ပုံမှန်ပြန်လုပ်ပေးတာက နောက်ဆုံးစာမေးပွဲနီးမှ အများကြီးစုကျက်ရတာကို လျော့ချပေးနိုင်ပါတယ်။

2️⃣ Bio ကို မကျက်ခင် အစဆုံး ၂ ခေါက်လောက် စိတ်ဝင်တစား ဖတ်ပါ။
အဓိပ္ပာယ်ကို အရင်နားလည်အောင်ဖတ်ပြီးမှ ကျက်ရင် အလွတ်ကျက်တာထက် ပိုမှတ်မိလွယ်ပါတယ်။

3️⃣ မြန်မာလို အဓိပ္ပာယ်နဲ့ တွဲမှတ်ပြီး ကျက်ပါ။ 🇲🇲
English စာကြောင်းကိုပဲ အလွတ်ကျက်မယ့်အစား “ဒါက ဘာကိုဆိုလိုတာလဲ” ဆိုတာ မြန်မာလိုနားလည်အောင် တွဲမှတ်ပါ။
ဒါဆို စဉ်းစားလိုက်တာနဲ့ အကြောင်းအရာက ခေါင်းထဲ ပိုမြန်မြန်ပေါ်လာပါလိမ့်မယ်။

4️⃣ S / ES တွေကို အထင်ရှားလုပ်ထားပါ။ ✍️
Verb တွေရဲ့ s / es လို အလွယ်တကူမှားနိုင်တဲ့နေရာတွေကို မှင်နီ (သို့) မှင်ပြာနဲ့ highlight လုပ်ထားပါ။(အမကတော့ s/seတွေကိုမှင်နီနဲ့ဝိုင်းထားပါတယ်)
စာပြန်ကြည့်တဲ့အချိန်မှာလည်း အဲဒီနေရာတွေကို အထူးသတိထားနိုင်ပါတယ်။

5️⃣ ကျက်ပြီးတာနဲ့ ချက်ချင်းချရေးပြီး ပြန်စစ်ပါ။ 📝
ကိုယ်ရေးထားတာကို Text နဲ့ ပြန်တိုက်စစ်ပြီး
❌ မှားတဲ့နေရာ
❓ ဇဝေဇဝါဖြစ်တဲ့နေရာ
တွေကို မှင်ပြာနဲ့ မျဉ်းတားပြီး highlight လုပ်ထားပါ။

တစ်ခါမှားတဲ့နေရာကို “ဒီနေရာ ငါမှားတတ်တယ်” ဆိုပြီး သိထားရင် နောက်တစ်ခါပြန်ကျက်တဲ့အခါ ပိုသတိထားနိုင်ပါတယ်။ 💪

📌 နောက်ဆုံးအရေးကြီးဆုံးတစ်ချက် — Bio ကို တစ်ခန်းပြီးတစ်ခန်း သေချာကျက်ပြီး Active Recall နဲ့ ပြန်ရေးလေ့ကျင့်ပါ။(တစ်ခန်းပြတ်ကို ၄/၅နာရီအတွင်းအလွတ်ရေးပါ)

တစ်ခန်းကို အလွတ်ပြန်ရေးနိုင်တဲ့အထိ လေ့ကျင့်ထားရင် စာမေးပွဲမှာ မေးခွန်းတွေ့တဲ့အခါ ပြန်စဉ်းစားပြီး ဖြေနိုင်ဖို့ ပိုလွယ်လာပါလိမ့်မယ်။ 🧬✨

Bio က အလွတ်ကျက်ရုံနဲ့မပြီးဘူးနော် —
ဖတ် → နားလည် → ကျက် → မကြည့်ဘဲရေး → စစ် → မှားတာပြန်ပြင်
ဒီ cycle လေးနဲ့ သွားပါ။ ❤️

အမကိုယ်တွေ့မို့ ပြောတာပါနော် 🥹📚
ကြိုးစားထားရင် Bio က မကြောက်ရတော့ပါဘူး! 💯

#studywithus03
#Biology
@studywithus03

🚨 G12 ဖြေမယ့်သူတွေ ဒီအချက်ကို သေချာဖတ်ပါ!
(ဖတ်ဖြစ်အောင်ဖတ်ပေးပါ)

“ဘာသာစုံကို အမှတ်ကောင်းအောင်လုပ်မှ ရမယ်” ဆိုပြီး အားလုံးကို တစ်ပြိုင်နက်တည်း ဖိလုပ်နေရတာမျိုး မလုပ်ပါနဲ့။

ကိုယ်သွားချင်တဲ့ Line / University ကို အရင်ဆုံးသိထားပါ။ ❤️

ကိုယ်က Medical / Technological Line သွားချင်တယ်ဆိုရင် ကိုယ့် Line အတွက် အဓိကဖြစ်တဲ့ ဘာသာရပ်တွေကို ပိုပြီး ဦးစားပေးလုပ်ပါ။

🩺 Medical University
➡️ EBC = 260 ဝန်းကျင်နှင့်အထက်ကို ရည်မှန်းပါ။

⚙️ Technological University
➡️ EMCP = 240 နှင့်အထက်ကို ရည်မှန်းပါ။

🏫 COE ကို ရည်မှန်းထားရင်
➡️ EMCP = 300 ကျော်ကို ရည်မှန်းပါ။

📌 ISO ကျောင်းတွေကတော့ ကျောင်းနဲ့ မြို့အလိုက် လိုအပ်တဲ့အမှတ်တွေ ကွာနိုင်တာကြောင့် နောက်ဆုံးထုတ်ပြန်တဲ့ ဝင်ခွင့်သတ်မှတ်ချက်ကို သေချာစစ်ဆေးပါ။

အဓိကက—

❌ ဂုဏ်ထူးအများကြီးရဖို့အတွက်ပဲ အားမကုန်ပါနဲ့။
✅ ကိုယ်သွားချင်တဲ့ Line အတွက် အရေးကြီးတဲ့ ဘာသာရပ်တွေမှာ အမှတ်ကောင်းအောင်လုပ်ပါ။

တခြားသူတွေပြောတာနားယောင်ပြီး
“ဒါလည်းလုပ်ရမယ်၊ ဟိုဟာလည်းလုပ်ရမယ်” ဆိုပြီး ဟိုယောင်ယောင် ဒီယောင်ယောင် မဖြစ်ကြပါနဲ့။

ကိုယ့်အကြောင်းကိုယ်သိပါ။
ကိုယ့်ရည်မှန်းချက်ကိုယ်သိပါ။
ကိုယ့်အချိန်နဲ့ အင်အားကို မှန်မှန်ကန်ကန် ခွဲသုံးပါ။ 💪🏻📚

အဓိက ၃/၄ ဘာသာမှာ အမှတ်ကောင်းလာရင် Total အမှတ်ကလည်း သူ့အလိုလို တက်လာမှာပါ။

ဒါကတော့ G12 ဖြေပြီးထားတဲ့ ကျောင်းသူတစ်ယောက်အနေနဲ့ အကြံပေးတာပါ။
လုပ်တာ၊ မလုပ်တာကတော့ မင်းတို့ရဲ့ တာဝန်ပါ။ အမက အကြံပေးရုံပါ။ 🤍

ကိုယ်သွားချင်တဲ့နေရာကို အရင်ဆုံးရွေးပါ။
ပြီးရင် အဲ့ဒီနေရာကို ရောက်အောင် စနစ်တကျကြိုးစားပါ။ 🌷


#studywithus03
@studywithus03
@Khinii08