خالص العزاء لكم دفعة 2024

🔹إيران :
1-الطب العام 95% وجامعة طهران 90%
2- طب الأسنان 85% وطهران 80%
3-الصيدلة 85% وطهران 80%
4-التخدير والتمريض والعلاج الطبيعي 50%
5- -هندسة النفط أو البترول 50%

🔹الأردن :
1--الطب العام 95%
2- طب الأسنان 85%
3-الصيدلة 85%
4-التخدير والأمن السيبراني وهندسة البرمجيات والذكاء الإصطناعي 50%
5- معهد صيدلة 70%
6-التمريض والعلاج الطبيعي 55%

🔹مصر:
1- الطب العام في جامعة القاهرة 90%( ضمن تصنيف شنغهاي لأول 500 جامعة ) وبقية الجامعات 95%.
2-الصيدلة وطب الأسنان 80% في جامعة القاهرة فقط وبقية الجامعات المصرية 85%.

🔹قبرص التركية:
1-الطب العام 95%
2-طب الأسنان والصيدلة 85%
3-التمريض والعلاج الطبيعي وهندسة النفط وهندسة الذكاء الإصطناعي50%

🔹تركيا:
1-الطب العام 95%
2- طب الأسنان 85%
3-الصيدلة 85%
4-التخدير والتمريض والعلاج الطبيعي 50%

🔹روسيا:
1-الطب العام 95%
2- طب الأسنان 85%
3-الصيدلة 85%
4-التخدير والتمريض والعلاج الطبيعي 50%
5-هندسة النفط أو البترول 50%

🔹الصين:
أغلب جامعاتها ضمن تصنيف شنغهاي لأول 500جامعة لذلك تقبل طب عام بمعدل 90% وصيدلة وطب اسنان بمعدل 80%

المصادر موثوقة 100% مع كامل مودتي واحترامي لكم وكل الإمتيازات تم إلغائها من متميزين وشهداء وحملة شهادات عليا وأطباء.

شباب للتوضيح ترة بمصر بس جامعة القاهرة ضمن تصنيف شنغهاي لأول 500 جامعة اما الباقي لا يعني بس جامعة القاهرة تقبل 90 %طب عام و80%صيدلة وطب أسنان كذلك مصر متنطي نقل يعني لازم تكمل هناك ال6سنين للطب وال5سنين للصيدلة والأسنان

أقساط جامعة القاهرة وجامعة عين شمس وجامعة الإسكندرية:
1-الطب العام 8000$
2-طب الأسنان 8000$
3- الصيدلة 6000$

ترتيب الدول من حيث تكلفة الدراسة والعيش كالآتي (من الأقل إلى الأعلى):
1-إيران
2-تركيا
3-مصر
4-روسيا
5-قبرص
6-الصين
7-الأردن
تم الأخذ بعين الإعتبار تكاليف الدراسة والعيش والنقل بالترتيب أعلاه.

السلام عليكم شباب اكو نصيحة مهمة اخذوها مني.
للطلاب اللي متأكدين راح يدرسون بإيران او بالخارج بشكل عام خلي من هسة يرتبون وضعهم ويحولون فلوسهم للدولار ونصيحتي هية خلي يروحون للبنك المركزي من هسة ويصرفون على ال 135 لإن من تريدون تسجلون راح يصير لود قوي ومتلحكون والقبول يطلع بسرعة وأول ميطلع القبول لازم تدفعون القسط لذلك جهزوا أموركم من هسة وإذا تريد تعرف شكد تصرف كم ورقة تعال خاص وكلي شنو ناوي تقدم حتى أكلك شكد.

السلام عليكم شباب..
خبر سار عودة جامعة طهران ضمن تصنيف شنغهاي لأول 500 جامعة يعني جامعة طهران الآن تقبل طب عام بمعدل 90 وتقبل صيدلة وطب اسنان بمعدل 80 قسطها حاليا 50 ورقة للطب و25 صيدلة وطب اسنان بس اكيد راح يصعد لإن رجعت للتصنيف لذلك اذا تريدون تسجلون استعجلوا واذا تريد نصيحة علتسجيل مني تعال خاص

شباب بمناسبة عودة جامعة طهران ضمن تصنيف شنغهاي لأول 500 جامعة ولإن الوزارة عدها عداوة وياكم ما اعرف ليش😂ف الوزارة حاليا صدرت كتاب بإيقاف كل إمتيازات القبول اللي كان معمول بيها سابقا واللي تشمل تصنيف شنغهاي وإحتساب درجة الدور الأول وكذلك درجة الفرنسي وقانون جبر الكسر أثناء التقديم وعلى ضوء كلام اللي بالوزارة خلال اسبوع علساس ينزل كتاب جديد اما يبقوهن او يلغون جزء منهن او يلغوهن كلهن .طبعا الكلام ينطبق مو بس على جامعة طهران وانما على التقديم بشكل عام للدراسة بالخارج.

(أمنيتي اعرف دفعتكم شمسوين مكسورة وية الوزير بحيث هيج قافل عليكم)

السلام عليكم شباب بالنسبة للإمتيازات اللي أعلنوا عليها ف حاليا بس ذوي الشهداء رسميا الهم 5 درجات دون الحد الأدنى للقبول وكذلك احتساب درجة الدور الأول أما بالنسبة لجبر الكسر والفرنسي تم إلغائها .أما شنغهاي وامتيازات المتميزين ف لسة ماكو خبر رسمي صحيح يوضح إلغائها او إحتسابها بس أغلب الأخبار تكول الغاء شنغهاي وإحتساب 5 درجات للمتميزين بس كخبر رسمي وأكيد ماكو لسة.
شباب هاي الإمتيازات فقط للتقديم للدراسة في الخارج أما في حال العودة بعد اكمال السنة الأولى والتقديم للجامعات العراقية سواء الحكومية او الأهلية فيتم احتساب درجة الدور الأول ودرجة الفرنسي ايضا.

السلام عليكم شباب خلال ساعات راح احصل على القرار الرسمي والنهائي لإمتيازات القبول وفتح الملف الدراسي وعلى الأغلب ان شاء الله امتيازات المتميزين بس انتظروا خلال الساعات القادمة

السلام عليكم شباب الآن القرارات الرسمية والنهائية الصادرة من وزارة التربية هي كالآتي :
🔴معدلات دراسة المجموعة الطبية في الخارج وفتح الملف للطب العام 95% والصيدلة وطب الأسنان 85%.

🔴إلغاء الإمتيازات التالية:
1-مدارس المتميزين وثانوية كلية بغداد.
2-تصنيف شنغهاي.
3-أبناء الكفاءات العلمية من حملة الشهادات العليا او الأطباء .

🔴الإبقاء على الإمتيازات التالية أقل ب 5 درجات دون الحد الأدنى للقبول:
1-أبناء الشهداء .
2-مدارس الموهوبين.
(معدل فتح الملف لكليهما هو 90%طب عام و80% صيدلة وطب اسنان).

🔴إحتساب درجة الدور الأول ودرجة الفرنسي أيضا.

ملاحظة مهمة:وزارة التربية تتبع النظام التراكمي أثناء التقديم يعني اذا طالب عنده درجة الدور الاول والفرنسي وشهداء او موهوبين يكون معدل فتح الملف مالته أقل ب 7 درجات وهكذا.
تحياتي للجميع وان شاء الله الموفقية والنجاح في مسيرتكم الدراسية.

السلام عليكم شباب الآن ورد خبر مفرح من الوزارة وهو ارجاع امتياز جبر الكسر للطلبة الدارسين خارج البلد يعني اذا معدلك 94.5 تكدر تدرس طب عام وتفتح ملف وكذلك 84.5 لطب الأسنان والصيدلة.

شباب راح انطيكم اسماء جامعات ايرانية جانت ترجع مرحلة ثانية بالسنين السابقة يعني اخر شي لحد قبولات العام اما قبولات السنة ف لسة منعرف حالي حالكم.

جامعة ايران للعلوم الطبية ⬅️طب النهرين
جامعة تبريز⬅️جامعة الأنبار او تكريت
جامعة ارومية⬅️جامعة القادسية
جامعة اصفهان ⬅️جامعة واسط
(احتمال اكو بعد جامعات ترجع مرحلة ثانية بس حاليا اللي وصلني خبرهن هذني بس).

السلام عليكم.
رجعتلكم بعد انقطاع كبير بسبب الدراسة بس هسة راح ابدي انزل معلومات مرة ثانية عن الجامعات وتفاصيل اخرى وكذلك الاجور للجامعات واللي عنده طالب سادس او هو طالب سادس ويريد يقدم على ايران او الأردن دزوله رابط القناة من فضلكم وشكرا♥️.