سلام عليكم
نصيحة للمقبلين على البكالوريا: كاين مثل يقول:
( لا تعمل فقط بجهد ، اعمل ايضا بذكاء )

بما أنو هاجس الممتحنين تع الباكالوريا هو الأسئلة نتع الموضوع في كل مادة ، حبيت نبين نقطة مهمة.

ما هو الأساس اللّي عليها يقوم الأساتذة لي يديرو الموضوع تع الباك ؟  يعني اساتذة راهم حابين يحضرو موضوع لكالوريا نتع الفيزياء مثلا،كيفاش يصيغو الأسئلة ؟

في كل كتاب من كتب التعليم الأساسي بما فيها كتب البكالوريا ، تلقى الدروس مقسمة إلى محاور des chapitres  ، لوكان تروح تفتح الكتاب ، تلقا بلي في بداية كل محور ، كاين شرح بسيط ، هذا الشرح يقدم لمحة على علاه دارو هاد المحور ، و على واش قائم ، و كاينة عبارة مهمة هي(الكفاءة_المستهدفة )
روحو قراو هاداك الشطر،جينيرالمون تكون مكتوبة بهذا الشكل :

(في نهاية هذا المحور سيكون التلميذ قادرا على:.... و ..... و .... و ....

النقاط لي يذكروها في  الكفاءة المستهدفة تع كل محور ، هي النقاط لي إنطلاقا منها سيتم صياغة الأسئلة نتع الباكالوريا

يعني اذا راك تريفيزي للباكالوريا في اي مادة تقدر انت وحدك دير تقييم لروحك وتشوف الاشياء لي راهي مذكورة ف الكفاءة المستهدفة واش راك متمكن فيها ولا نن اذا راك متمكن فأنت في الطريق الصحيح واذا لا تقدر تعرف نقاط الضعف لي راهي عندك و تعالجها قبل فوات الاوان...

تقدر تعرف واش راك تريفيزي كمّا و نوعا ولا راك تريفيزي فقط الكمية و الفعّالية ماكانش

بتوفيق🩵