تنبيه‼️
انطلقت اليوم التسجيلات الجامعية على منصة progres.

📅 التسجيلات النهائية من 10 إلى 15 أوت 2025 عبر :

https://progres.mesrs.dz/webetu/login.xhtml

خطوات التسجيل:
1. الدخول للموقع في الفترة المحددة (10–15 أوت 2025) باستخدام رقم التسجيل والرقم السري الموجودين في كشف نقاط البكالوريا.
2. دفع حقوق التسجيل بالبطاقة الذهبية فقط، ثم تحميل وصل الدفع.
✅ يعتبر الطالب مسجلاً نهائياً بعد دفع الحقوق.


يمكنكم أيضاً دفع حقوق النقل من نفس الموقع، ثم اختيار الإقامة الجامعية بترتيب 3 خيارات.

الي يخرجلهم انو الحساب غير مفعل ما يتقلقش
لأنو تقدر تدخل للموقع في التاريخ المذكور في ورقة التوجيه فقط

شكون الي فيكم دار تخصص رياضيات تطبيقية في usthb ؟؟؟

📢 تنويه هام للطلبة

🔹 الطلبة الذين لم يقوموا بتحميل شهادة التوجيه الجامعي ولا يعرفون موعد التسجيل النهائي، لا داعي للقلق.

🔹 جرّبوا الدخول للموقع يوميًا حتى يظهر تاريخكم، وغدًا مساءًا 11 اوت سيتم فتح موقع نتائج التوجيه حيث يمكنكم الاطلاع على تاريخ التسجيل الخاص بكم وطباعة شهادة التوجيه.

السلام عليكم 💚
طلبة لي قبلوهم تخصص طب ادخلوا تستفادو لايف لطرح اسئلتكم
https://t.me/Med_cureline?livestream=c5818e7cb85029d9df

السلام عليكم
من فضلكم بنات لي يقراو Esi في الجي و دايرين اقامة خلولي مساج تحت 👇🏻👇🏻

🔴 تعلن وزارة التعليم العالي والبحث العلمي، أن الانطلاق الرسمي للسنة الجامعية 2025-2026، #حدد_يوم_22_سبتمبر_2025.

في الموضوع تكتب:
لي الشرف أن أتقدم إلى سيادتكم الموقرة بطلبي هذا المتمثل في التحويل إلى ( تذكر الجامعة + التخصص).
أحيطكم علمًا أنّني عند إدخال رغباتي في التسجيل الأولي وقعت في خطأ غير مقصود، راجيًا منكم تفهّم وضعيتي ومنحي فرصة إعادة التوجيه نحو التخصص الذي أطمح إليه.
وتقبلوا مني فائق التقدير والاحترام.
إذا أردت التعديل كما تشاء ....

ملف إعادة الإدماج وشروط تجميد العام:

🔴ملف إعادة الإدماج:( دبلوكاج).
✓نسخة من شهادة تسجيل
✓نسخة من كشف نقاط بكالوريا
✓طلب خطي أو سبب طبي مع إستمارة تملأها في الكلية.

🔴شروط تجميد العام (بلوكاج )':
✓وثيقة طبية تثبت مرضك فوق ستة أشهر.
✓استخراج طلب التجميد من الادارة وكتابة كل المعلومات وتسليمه من جديد
تنطلق عملية التجميد في بداية الدخول الجامعي الحضوري وفقكم الله

🔴بالنسبة لطلبة الذين لم يجمدو السنة ولم يدرسو عام كامل لإعادة التسجيل من جديد تحتاجون الملفات الآتية:
✓شهادة التسجيل (اول سنة )
✓سبب الإنقطاع
✓نسخة من كشف نقاط البكالوريا
✓استمارة تسلم من طرف الكلية
🔴"التحويلات ستكون في سبتمبر "

🏫 تم تفعيل موقع دفع حقوق الإقامة، ويمكن لجميع الطلبة الدخول الآن لتسديد المستحقات عبر الرابط التالي :

➡️ https://progres.mesrs.dz/epaiement/epaiementH.xhtml

بالنسبة للأعضاء الجدد باك 2026 مرحبا بكم كامل ❤️

قناتنا يشرفو عليها مجموعة أدمينات متفوقين في الباك، وعندهم خبرة كبيرة فيه ✨
بإذن الله رح نعاونوكم في كل المواد: ملخصات، نصائح، مصادر، كيفاه قرينا هاذ المواد، والأخطاء لي طحنا فيها باش ما تطيحوش فيها أنتوما.

📌 وسط العام كيما العادة نديرو تحديات ونفتحو meet نقراو مع بعض، وشالنج شكون يقرا أكثر ويربح معانا دورات 🎁.

وبداية سبتمبر رح نمدولكم كل المصادر، كيفاه تقراو أي مادة، واش لازم تركزو عليه، وواش لازم تتفاداو

كيما كل عام رح نمدولكم غاع واش قدرنا عليه باذن المولى عز وجل ❤️و بالتوفيق

جروب المناقشة :
https://t.me/studywithanyaa

حساب الادمن للاستفسار :
@inscri_an

#برنامج الفيزياء بالنسبة لشعبة علوم تجريبية و رياضي و تقني
إذا لم يطرأ اي تغيير إذا كان تغيير نقوللكم اكيد ..
فيها 7 وحدات أكيد برنامج طويل اغلب الوقت مايكملوهش يطيحو 5 او 6منهم فالباك و لي هوما :
1/ الاكسدة و الارجاع ( كيمياء )
2/ الميكانيك ( المستوي المائل + الافقي / السقوط الشاقولي + الحر / القذيفة / الكواكب و الاقمار )
3/ الكهرباء ( الوشيعة و المكثفة )
4/ الاحماض و الاسس ( كيمياء )
5/ التحولات النووية
6/ الاسترة ( كيمياء )
7/الاهتزازات
الكيمياء مترابطة يعني لوكان تتمكن من الوحدة الاولى الرابعة و السادسة راح تجوز بيهم الوقت

#الوحدة_1 : الاكسدة و الارجاع ماهيش طويلة و ماهيش قصيرة نورمال تديلكم شهر قراية و ممكن اكثر وحدة تدي الوقت .. الاساس تاعها العلاقات تعرف تخرجهم راك ضامن علامة كاملة فالتمرين لانو بقية الاسئلة ساهلة و واضحة يعني راح تلقا نفس الافكارتتعاود الحاجة صعيبة هي العلاقة لوكان تفيقلهم كيفاه يتحلو من جدول التقدم مبروك عليك الوحدة العلاقات عندهم اكيد استوس إذا عرف الأستاذ يلحقهالك خلاص ، تجي اما في تمرين وحدها او في تمرين مدموج مع الاحماض و الاسس او حتى مع الاسترة عليها بين 6 الى 7 نقاط فالباك ( الوحدة 4+6 كيفهم كيف الوحدة 1 علاقات و قوانين و صاي )فقط الوحدة الأولى تتعاملو مع مؤكسد و مرجع رابعة مع حمض و أساس يعني تبادل بروتونات و سادسة الحمض و الكحول و الوحدة السادسة تزيد عليهم بالتسميات مثلا راح تقراو على تسمية الأستر تسمية الحمض و الكحول إلى اخره ✨
علاه ديك نوصيكم ابداوها بكري و اقراوها مليح و ماتروحوش للميكاتيك قبل ما تتمكنو منها لانها راح تسهل عليك بزاف الوحدات لوخرين
#الوحدة_2 : الميكانيك شوفو هي والله ساهلة مجرد قوانين حرفيا تحفظ و تحط بصح المشكل تاعها طويلة فيها اقمار و السقوط الشاقولي و الحر و المستوى الافقي و المستوى المائل و القذيفة و حدود ميكاتيك نيوتن .
تقريبا شهرين ممكن اكثر بقليل مي تكملوهاكيشغل كملت البرنامج بصح تحفظ القوانين راك ضامن فعليا و فيها الصعوبة السري اسئلتها النظرية متعددة لازم يكون فيك ذكاء باش تقدر جاوب فيها يقدرو يدمجولكم المستوي مع القذيفة ولا المستوي المائل مع الافقي تجي في تمرين عليه اما 6 او 7 نقاط فالباك
#الوحدة_3 : معمرة معادلات تفاضيلية تعرف تخرجهم و تحلهم راك عرفت تحل التمرين مع العلم فيها شوووية قوانين برك ماهيش صعيبة تديلكم شهر كأقصى تقدير قراية تتمكنو أصعب حاجة فيها البيان و قراءةالبيان لازم خلال دراستك للدرس تتمكن من البيانات كامل يعني مثلا تقرا المعادلة التفاضلية تاع التيار تشوف المنحنى تاع تغير التيار اسمط حاجة خطكش فيها بزااااف انواع تاع بيانات 😂 تجي في تمرين عليه 6 او 7 نقاط فالباك
الوحدة_5 : التحولات النووية وحدة حفاظة مافيها حتى فكرة 😂 مافيها حتى حاجة نفس التمرين يتعاود نفس الاسئلة يتبدلو غير الأرقام وشنوفيها بزاف قوانين و تعاريف و اسئلة نظرية بزاف بزاف يطيحو و اغلب النقاط يكونو على الاسئلة النظرية لازم تحفظهم لااااازم تجي في تمرين عليه 6 او 7 نقاط
#الاسئلة_النظرية : أكيد ماننساش نبهكم بلي الفيزياء عبارة عن مادة فيها بزاف اسئلة نظرية تكتاسبوهم من التمارين و من كثرة التمارين تقريبا الجزء الاول من كل تمرين يجي و فيه الاسئلة النظرية و الجزء الثاني اسئلة حسابية مؤخرا مواضيع البكالوريا ولاو 10 نقاط على الاسئلة النظرية و 10 على الحسابية
وحدة اخرى الرياضي و التقني لي هي الاعمدة غالبا ماطيحش ولا طيح جزء من تمرين و هي مع الوحدة الرابعة تقريبا
اطول برنامج في العام هو تاع الفيزياء
لوكان تشد شهر و نص مع الوحدة الاولى شهرين مع الثانية و شهر مع الكهرباء شهر مع الوحدة الرابعة و شهر مع النووي و شهر مع الاسترة راهي تقريبا في 7شهور يعني تبدا في سبتمبر تكمل في أفريل يعني حاولت قدر الامكان نبدلها بكري و ماهيش مادة لي تقدر تخليها للخر مستحيل