بسم الله الرياضيات و هي اسهل مادة في البكالوريا المادة الوحيدة لي تقدر تضمن فيها 20

لي ميعرفوش البرنامج من واش يتكون للشعب العلمية:
الدوال العددية
الدالة الاسية و اللوغارتمية
المتتاليات العددية
الاعداد و الحساب (تقني رياضي و رياضيات)
التكامل و الدوال الاصلية
الاحتمالات
الاعداد المركبة
الهندسة في الفضاء (احتمال يلحقولو العام هذا)
و الان نروح كيفاه نقرا المادة موضوع البكالوريا رح يتكون من كل هذه المحاور
تمرين الدوال لي عليه اكبر عدد من النقاط :
الدوال كيفاه كنت نقراها رح نتفصل شوي كنت نعتمد على حل و التمرن على الجزء الاول اكثر مثلا كنت نشوف فيديوهات تاع نور الدين لي داير جميع حالات نهايات الدالة الاسية و اللوغارتمية نحكم الدالة نشتقها ندير اتجاه تغير و نديرلها النهايات اعتمدت هذه الطريقة باش تتمشى يدي و درتها لاكثر من دالة تع البكالوريا تان بصح غير الجزء الاول خاطرش هو الاهم لوكان يروحلك الجزء الاول راحت الدالة كامل
اما الجزء الثاني للدالة فانا نشوفو نوعا ما كحفظ خاطرش ديما نفس الطريقة و اسئلة تجاوب عليهم دائما بنفس الطريقة مثلا نقطة انعطاف ، ادرس الوضعية النسبية.. يعني نفس الخدمة برك الدالة تختلف
كمصادر كنت نعتمد على عقبة ابن نافع و نور الدين ننصحكم بالكتاب تاعو فيه كلش

رح نكملو نهدرو على باقي المواد غدوة خاطرش عندي انتيرو غدوة راني نقرا ادعوليي😭❤️

‏ اللهم جمّل مُستقبلي بقدر جَمال جنتك.

‏﴿أَصْحَابُ الْجَنَّةِ هُمُ الْفَائِزُونَ﴾