متحصل على شهادة البكالوريا معدل 18,64 شعبة رياضيات :
هاذو هوما الاساتذة الي كنت نتبعهم
مات
كنت نتبع عند بزاف خاصة نور الدين و بوسيف الي يدير افكار
فيزيك
كنت نتفرج عند طيايبة و عبد اللطيف دروس و افكار تمارين (زدون و بقية ما يصلحوش بالنسبة ليا)
علوم (انا ماتيلام )
كتفي تطول بزاف في فيديوهات و كانت تقري على اساس نتا راك قاري الدرس اصلا و تعطي صوالح ماهمش هامين و تنساهم
عليها استاذ ايوب هو احسن واحد
اسلامية فصل الاول و زاوج على بوسعادي
فصل ثالث دروس ساهلين وليت عند شمس الدين
بصح دروس الصعاب كيما ربا و ميراث ذوك اتفرجيهم من بزاف اساتذة و ننصحك تحفظي من كتاب بوسعادي و تشري ثاني الكتاب الاخضر

كاين محمد لعروق و امين سكول التاريخ
عربية كنت نتفرجها عند حيقون (تفرجت كل حلول المواضيع و فيديوهات تاع العلميين ) و بوبكر للدروس الي حيقون ما يشرحهمش مليح
اونجلي كاين امين انجليش و عبد المؤمن تحفة وضعيات كنت نكتب في يوتيوب و لا chat gbt
و فرونسي 😔 الله غالب
بصح كاين زوج قنوات اتفرجيهم ما تندميش استاذة سالي و prof ouss
كاين هواري و ضيف و عادل مقرود و خليل سعيداني بصح مشي كلهم يديرو فيديو على كل المقالات. الفلسفة

واش رح تقراو في الفيزياء هاذ العام؟🧪
الشعب العلمية:

🔴المتابعة الزمنية لتحول كيميائي:
①المدة المستغرقة لتحول كيميائي
②طرق المتابعة الزمنية لتحول كيميائي
③سرعة التفاعل وزمن نصف التفاعل
④العوامل الحركية

🔴تطور جملة ميكانيكية: ①مقاربة تاريخية لتاريخ نيوتين
②شرح حركة كوكب نيوتن
③السقوط الشاقولي لجسم صلب في الهواء
④تطبيقات ( القذائف والحركة على مستوي)

🔴دراسة الظواهر الكهربائية:
①تطور التطور الكهربائي بين طرفي المكثفة
②ثنائي القطب RC
③تطور شدة التيار المار في الوشيعة
④ثنائي القطب RL

🔴تطور جملة كيميائية نحو حالة التوازن:
①محلول مائي PH
②تأثير حمض وأساس على الماء
③تطور جملة كيميائية نحو حالة التوازن
④التحولات حمض أساس

🔴التحولات النووية:
①النشاط الإشعاعي
②الانشطار النووي والاندماج النووي
③العالم بين مخاطر ومنافع النشاط النووي

🔴مراقبة تطور جملة كيميائية:
①التطور التلقائي لجملة كيميائية
②تطبيق على الأعمدة (شعبة تقني + رياضي)
③مدخل مختصر إلى الكيمياء العضوية
④مراقبة تحول كيميائي (الأسترة)

🔴التطورات المهتزة: ①الإهتزازات الحرة لجملة ميكانيكية
②الإهتزازات الحرة لجملة كهربائية
③الإهتزازات القسرية دارة RCL (تقني رياضي)
④التطابق ميكانيك _ كهرباء (تقني و رياضي)

https://t.me/studywithanyaaa

فالهندسة الميكانيكية و كما هو معروف يوجد موضوعين الاول عن مدحرجات BC و الثاني عن مدحرجات KN
ملاحظة رقم 1: نصيحة نصيحة عندكم تبعو معلومة انو درس القص و قوانينو طيح غير مع مدحرجات KB و درس الانحناء مع المدحرجات BC و تقراو غير نوع منهم و تهمشو الثاني (يعني تقراو BC لي ناس كل تخير السوجي تاعها و تهملو KB) اقراوهم في 2 ساهلين قوانين و طبق ماهمش حاجة صعيبة تحتاج ذكاء يحتاجو شوي حفظ برك راكم تندمو و يصرالكم كيما بكلوريا 2026 جا سوجي تع KB مع الانحناء و BC مع درس القص

ملاحظة رقم 2: عندكم تبعو اساتذة لي يقولولكم احفط هاذو القوانين برك لخرين جامي جاو و درس هاذا جامي طاح فالباك من 2008 خاصة قوانين القص مخلطين بزاف احفظوهم كل واحد ما يحددلكم صح ام بزا مي احفظو كلش تعلمو تحددو جهة القوى المطبقة على المسننات المخروطية بيهم بقوانينهم ثاني و طريقة رسم القوى اساتذة بزاااف ما يقريوهمش يقلك جامي طاحو من 2008 و طاحو ف 2026

ملاحظة رقم 3: فالانحناء جامي يقولولكم تخرج النتيجة 0 عند اخر نقطة انحناء هي اي تخرج 0 ولازم تخرج 0 و في عالم كامل وين يقراو هندسة ميكانيكية تخرج 0 قانون عالمي ماشي تع الجزائر ولكن بكلوريا 2026 نعم فالانحناء النتيجة ما تخرجش 0 تخرج 0.5 وهاذا لي خلا تلاميذ كاملة تحسب و تعاود و ضيعو وقت كبير فالحساب غير على النتيجة لانو لازم تخرج 0 لكن بكلوريا 2026 كان عندها رأي ثاني
يعني احسب 3 4 خطرات صايي فوت ما تبقاش تكسر راسك مهم نتيجة تخرج قريبة لل 0

هاذو هوما برك انيا النصائح لي كانو سبة اني من بديت نقرا هندسة ميكانيكية فالدوزيام جامي نقطة تاعي كانت تحت 19 و بسبة اني تبعت الاساتذة لي 90% ولا 95% غلطونا راكنت نتائجنا كارثية 🙂💔 انا واحد من ناس ديت 13.5 نورمالمو

مع اقتراب الدخول المدرسي حبيت ننوه لحاجة برك ولي هي وين لازم نكون واصل قبل الدخول ؟ ولا اسك راني روطار ولا نو

رياضيات و الفيزياء و العلوم لازم قبل الدخول تكون مكمل المكتسبات (اذا متقدم في ليكور في الدروس مليحة ولكن سيي استراح شوي لانو مثلا الدوال محور لديسمبر و نتوما تقاو فيه تبقا تتقدم في الدروس بدون خطة مدروسة تعيا برك)

مواد الحفظ هل نحفظ ضك مدام راني في العطلة و نحي عليا دروس و لا نو : المواد هذو كن تحفظ درس برك كل سمانة تلقا روحك منا للباك معاود البرنامج 4 مرات + من غير المنطقي تقرا مواد ادبية و نتا نزلت الأساسيات تاع المواد الأساسية مزلت مقريتهمش للجماعة لي مهيش مراجعة
الممتازين تبعو الليسي عندكم كل سمانة درس في الليسي تروحوا تحفظوه منها تراجعوا للفروض و الاختبارات منها للباك

اللغات كيف كيف اذا نتا عندك مشاكل مع المواد الأساسية متبداهمش ضك
الممتازين عندك كل سمانة تريفيزيو القواعد بشوي مبعد كي تكملوا توليو كل سمانة سيجي باك
++++ الدخول مزالو ايام معناها لي مزال مبداش في المكتسبات غير يبدا ( النظاميين ) اما الاحرار مزال الحال شوي
و ربي يوفق الجميع ❤️

#برنامج_الرياضيات تاع عام الباكالوريا بالنسبة لشعبة علوم و الرياضي و التقني رياضي باش تعرفو وين دورو ❤️
ملاحظة قبل ما نبدا برنامج الرياضيات تاع لباك ردوه جايح لي يطبق كثر يدي كثر و مايعتامدش على ذكاء الشخص .
كاين 4 محاور
1/ الدوال
2/ المتتاليات
3/ الاحتمالات
4/ الاعداد المركبة
نبداو بالدوال مقسمين
#الدوال_العددية نقدر نقوللكم هي تذكير للمكتسبات
- دوال أسية
- دوال الوغاريتمية
- الدوال الاصلية و حساب المساحات لي هي فالحق محور وحدو
#الدوال_الاسية_و_اللوغاريتمية يديولكم وقت اكثر من الدوال الاصلية و حساب المساحات خطكش جي فقط في جزء من المسألة اما الدوال الاسية او اللوغارتمية فهوما اساسا اساس المسألة ✅ يجيو في تمرين عليه 7 نقاط
اذا قدرت تتمكن من الدوال الاسية الدوال اللوغارتمية مايديولكش كثر من 15يوم و تتمكن منهم 100%
بالنسبة #المتتاليات مقسمة الى:
- المتتاليات الهندسية
- المتتاليات الحسابية
ماهمش صعاب تقريبا نفس الافكار راح نلقاوها في جميع التمارين اسمط حاجة فيهم المجاميع .. مايدوش وقت طويل باه تتمكنو منهم و يقدرو يدمجولكم بينو وبين الدوال في حزء بسيط تستمعمل فيه الدالة المرفقة يجيو في تمرين عليه بين 4 او 5 نقاط .
#الاحتمالات
اسهل اسهل محور في الرياضيات عندك شوييييية قوانين شوية كلمات نفهمهم مثلا في ٱن واحد مثنى مثنى الى ٱخره و تخدم راسك برك باش تفهم وش حب يقول التمرين و مبروك عليك و يجيو في تمرين علي بين 4 الى 5 نقاط فالباكالوريا
#الاعداد_المركبة فيهم جزئين :
- حسابي
- هندسي
الجزء الحسابي ماهوش صعيب نهائيا ساهل ڨاطو قانون طبقو يخرجلك النتيجة عادي جدا+ الحاجة لمليحة لي فيهم هو انو الدرس اصلا تمرين ماكانش افكار هك ولا هك لي تقدر تخلطك ملخر اما بالنسبة للجزء الهندسي لي يخلطو بزاف فيه خطكش كاين فيه بزااااف افكار لكن شوي مخلط يعني لازم تركز مليح مليح و تحل بزاف تمارين باه ترسخهم في ذهنك يجي في تمرين عليه 4 او 5 نقاط فالباكالوريا ✨
التقنيين و الرياضي عندكم محور اضافي الاعداد و الحساب و هو الحلو كامل فيهم انا نعتبره كلعبة كي نجي نحلو مهوش ساهل و مهوش صعيب لازملو بزاف تمارين كاين الجزء الاول تفيقلو كيفاه يتحل جميع التمارين رح يتحلو بنفس الطريقة و انت العب بالبواقي و بدل كيما تحب
هادي فكرة عامة على برنامجكم تاع الرياضيات تاع الباك ..
الدوال(لواحد جديد) تقريبا ممكن شهرين يتخلص منهم متتاليات شهر و نص احتمالات شهر اعداد مركبة شهرين يعني 6شهور و نص تقريبا مارس تكون تمكنت منها كليا كان تبدا في سبتمبر و تقدر بعدها مباشرة تنطلق في حل المواضيع حاول انك تقراها من قلبك خطكش هي اسهل مادة علمية و تقدر تضمن فيها 18 يعني تضمن بيها لباك 🤍