رؤية التصحيح النموذجي ما تعنيش بالضرورة بلي خلاص راح الباك، بالعكس، راك تشوف نسخة مثالية من الإجابة، مش بالضرورة تشبه طريقة المصحّح في الواقع.

المصحّح ما يبحثش عن الكمال
حتى لو غلطت في حاجة، ممكن تعوّض في حاجة أخرى
حتى لو ما كتبتش كما في النموذجي بالضبط، المصحّح يقدّر الأسلوب والتنظيم والفكرة العامة.

ديرو فبالكم : التصحيح فيه هامش تقدير، والمصحّحين بشر.
بزاف ناس خرجوا من الباك معندهمش امل وشافوا روحهم راسبين، وبعدها داو كثر من لي دارو في بالهم
راك درت جهدك، هذا هو الصح الباقي مش بيدك الآن
ارتاح، وربّي يرزقك فوق توقعاتك
ادعيييو🫶

🔴 تخصص طب الأسنان في الجزائر 🦷

✔️الإيجابيات : تخصص سهل نوعا ما يعتمد على الحفظ و القليل من الفهم لا يتطلب ذكاء خارق كالذكاء الاصطناعي و الاعلام الالي و الرياضيات مدة الدراسة 6 سنوات و بعدها تقدر تفتح وحدك
❌السلبيات : فرص العمل ضئيلة في المستشفى ، للخدمة بريفي لازم دراهم كبار في الدراسة لازم تكون حفاظ عندك بزاف حفظ مثلا سنة ثانية عندك 16 مادة

المعدل العام الماضي شعبة علوم و رياضيات 16.99 المعدل وطني

☑️طب الأسنان من أجمل التخصصات الطبية لازم الشخص لي يديره يكون يبغي تخصص الطب عنده نظرة حرفية أي يبغي التفاصيل ❤️😍
☑️مدة دراسة طب الأسنان هي 6 سنوات تنتهي بالحصول على شهادة دكتور في طب و جراحة الأسنان
☑️مور هذ الست سنوات تقدر تزيد تخصص و هذا بعد اجتياز امتحان التخصص و هناك 5 تخصصات في الجزائر نهدر عليها لاحقا
🔴أول سنة : رايحة تكون جذع مشترك بين الطب و الصيدلة تقرو فيها مقاييس بسيطة رايحة تجيك صعيبة شويا فالبداية لأنها جديدة عليك
🔴ثاني سنة : هي السنة لي راح تدخل فيها للتخصص و تتعمقوا فيه هي السنة لي فيها ضغط كبير و رايحين ديرو فيها نحت الأسنان على الصابون أجمل حاجة
🔴ثالث سنة : راح تتعمقوا فالتخصص أيضا ولكن نظريا فقط و لكن راح تكون أقل ضغطا من السنة الثانية
⬅️كي تكملوا السنة الثالثة مبروك عليك كملت le cycle pré clinique و راح تبدا le cycle clinique
🔴السنة الرابعة و الخامسة : راح تكون بين الجامعة و السبيطار تولي طبق واش قريت على المرضى و المقاييس راح تبدا تنقص على السنوات السابقة
🔴السنة السادسة : هي رايحة تكون أجمل سنة يبغوها كامل أطباء الأسنان رايحة تكون سبيطار فقط و تنتهي بتحضير مذكرة التخرج و مبروك عليك وليت دكتور في طب الأسنان

بالنسبة للتخصصات لي رح نحكي عليهم فلول رح نبدا بالتخصصات لي شايعة بزاف
امبعد نحكيلكم على التخصصات لي مشي سامعين بيهم بزاف مثلا مدرسة عليا للسياحة (تدخلولها بكونكور)
اعطوني بعض التخصصات لي حابين نهدرلكم عليها 👇