☑️✨ طريق الباك – واش ندي معايا نهار الباك🎒
📦واش لازم تديو معاكم؟

🧠 الوثائق:
• استدعاء الباك اكيد (تنساه و داركم بعيدة ولي لعام الجاي)
• بطاقة التعريف بلاك تطيحلك🥲

✍️ الأدوات:
• 3 أقلام زرقاء او سوداء مشي واحد قادر يحبس
• قلم رصاص، ممحاة، مسطرة.
• الة حاسبة ،مصحح(عادي تخدم بيه متكثرش)
•3 ليماركور كيما قتلكم باش تستعملوهم كي تقارنو بين الموضوعين
• agrafeuse تسحقوها كي تزيدو الورق

🍫 اديو معاكم حاجة خفيفة للاكل:
• قرعة ماء صغيرة(كي تشرب اغلقها بلاك دير كارثة و تتفرغ على ورقتك🙂).
• حلوة شوكولا، ولا تمر ولا زبيب لي يحبوه، باش تعطيك طاقة في لحظات التعب ولا لي يهبطلهم السكر ولا يتعبوا بلخف.

🩷النفسية:
• لبسة تكون مريحة اهم شيء

🎯ملاحظة:
من الافضل متدوش صاك قادر وين تكونو يسرقو ولا كي تجو خارجين يطولو باش يمدولكم صوالحكم لازم لاشان..
ديو معاكم porte documents من الافضل و يكون شفاف باش لي يعسوكم ميزعجوكمش و يبانلهم كلش
حضّروها ليلة قبل الباك، باش تصبحو مرتاحين وماكاش توتر

الحلقة الجاية رح تكون اخر حلقة 👀
ربي يوفقكم❤️