️☑️طريق الباك – الحلقة الجديدة: ما تكتبليش V ولا A وتروح تقول جبتها صح!

🔘اليوم نحكو على خطأ بسييط بزاف، بصح راهو يضيع نقاط كثيرة…
وكاين بزاف يطيحو فيه خاصة في الفرنسية!

❤️السؤال يجي: “Vrai ou Faux”
وكاين لي يكتبو :
➡️ A - Vrai
➡️ A - V
ويقولك: أنا خدمت و حقروني مامدوليش نقطتي!
و هذا اكبر خطأ

🎯 يعني:
✅ تعاود تكتب الجملة كيما راهي، وبعدها تزيد تكتب Vrai أو Faux / True أو False.
📌 مثلاً:
❌خطأ: A – V
✅ صحيح: The sun rises in the east. → True

حتى لو كتبت A وV قدّام الجملة، ما تحتسبش! لازم الجملة تكون مكتوبة، واضحة، مفهومة.

☑️نفس الشي في أسئلة النص:
ماشي تجاوب بكلمة ولا جملة وتقول “أنا جاوبت!”

☑️لازم تعاود تصيغ السؤال فالإجابة، وتكتب جملة مفهومة وحدها.
📌مثال:
❌خطأ: Blue.
☑️صحيح: The sky is blue.