بتعرف إنو مو كل صلابة نقرة عند الأطفال هيي التهاب سحايا .. ❗
طيب بتعرف إنو بذات الرئة القمية بكون في صلابة نقرة أحياناً ..❗

إذا ما كنت بتعرف فضروري تتابعنا :

✅ فيسبوك
https://www.facebook.com/profile.php?id=100091772104107&mibextid=ZbWKwL

✅ انستغرام:
https://www.instagram.com/clinical.cases.team?utm_source=qr&igsh=NG93cnZpZWwxd2ox

📌 هاام جداً لمقيمي الداخلية + طلاب الوطني 🚨

مريض الإسهال المزمن: متى نشك بسوء امتصاص؟

📌 السؤال المفتاحي:
"هل الإسهال مرتبط بتناول أطعمة دسمة أو دهنية؟ وهل في شعور ب "نفخة" بعد الاكل ؟

↪️ إذا نعم، ومن زمان فكّر بـ أمراض سوء الامتصاص.

🧬 الأمراض الأساسية لسوء الامتصاص :

1. الداء الزلاقي (Celiac disease)
التحسس من الغلوتين (بروتين موجود بالقمح والشعير)
الأعراض: نفخة، إسهال، نقص وزن
✅ يتحسّن تماماً على حمية خالية من الغلوتين

2. الزُّرب الاستوائي (Tropical sprue)
مشابه للداء الزلاقي، لكن يترافق مع:
✅ حمى
✅ تاريخ سفر/إقامة في المناطق الاستوائية
العلاج:
Tetracycline 250 mg PO × 4 مرات/يوم لمدة 28 يوم


3. داء ويبل (Whipple’s disease) – نادر لكن مهم!
أعراض متنوعة جداً:
جهاز هضمي: إسهال، نقص امتصاص يتميز بأعراضه المتنوعة أهمها في الجهاز العصبي: أعراض عصبية (اختلاجات، تغير وعي...)
العلاج:
Ceftriaxone IV → ثم - (كوتريموكسازول) لعدة أشهر

4. يجب ألا ننسى التفكير بالجيارديا (Giardiasis)
أعراض مشابهة للزرب (حمى، إسهال، فقد وزن) 💡 الفرق المهم: وجود أكياس أو طفيليات في البراز.
العلاج:
Metronidazole


🧠 ملاحظة :
🧬 فرط النمو الجرثومي في الأمعاء الدقيقة (SIBO)
يترافق مع سوء امتصاص ونقص B12
مرتبط بأمراض أخرى (مثلاً: سكري، تصلب لويحي، الركودة الصفراوية، جراحات الأمعاء...)

العلاج:
Tetracycline
تعويض B12
علاج السبب الأساسي

📌 بس طبعاً ما مننسى نسأل عن السوابق الجراحية، إذا عامل قطع لفائفي فهو سبب الاسهال الدهني غالباً وحينها العلاج: كوليسرترامين.

إعداد: سام يوسف
#believe_in_us

🟥 للأصدقاء المقبلين على الاختصاص رح نقدملكن حالة سريرية من أشيع الحالات الي رح تشوفوها بالأسعاف وتكاد لا تخلو مناوبة منها ❤️

📌 المعلومات العامة:

الجنس: ذكر
العمر: 20 سنة
المهنة: طالب جامعي في كلية هندسة
الوضع الصحي السابق: سليم، لا أمراض مزمنة، لا سوابق جراحية، لا أدوية مزمنة.

📍 القصة الحالية:
راجع المريض قسم الإسعاف بقصة شعور بخفة في الرأس (lightheadedness) منذ عدة ساعات، لم تصل إلى درجة الدوار الدوّار أو الإغماء، ولم تترافق مع فقدان توازن أو اضطراب رؤية أو طنين أو ألم صدري.
لا يوجد شعور "بالدوران"، ولا وصف لدوار محيطي.
لا توجد نوبات فقدان وعي، ولا شعور بالدوخة عند تغيير الوضعية.
لا غثيان، لا إقياء، لا ألم صدري، لا ضيق نفس، لا خدر أو ضعف عضلي.

🧾 السياق القريب:
قبل 48 ساعة، تعرّض للسعة دبور، تناول على إثرها مضاد هستامين (Cetirizine 10mg).
لا يشكو من أي أعراض منذ ذلك الحين.
لا توجد أعراض تحسسية حالية.
أشار إلى قضاء وقت طويل في الدراسة على الهاتف المحمول منذ عدة أيام، في أوقات طويلة، خاصة خلال الليل.

📊 الفحص السريري و العلامات الحيوية:
ضغط الدم قمت بقياسه عدة مرات:
140/80 – 130/70 – 130/80 – 140/70
النبض: 90/د
SpO₂: 98%
الحرارة: 37
فحص عصبي مختصر: سليم
لا علامات عصبية موضعية
لا شواش سمعي، لا رأرأة، لا اضطراب في المشي

🧪 التحاليل المخبرية:
Hgb: 13.7 g/dL
WBC, CRP: ضمن الطبيعي
لا دلائل على التهاب أو فقر دم.

🧠 التشخيص التفريقي (Differential Diagnosis):
1. دوار وظيفي / نفسي المنشأ
(على أرضية إرهاق أو قلق جامعي أو قلة نوم)
2. إجهاد بصري ناتج عن الاستخدام المطوّل للهاتف (Visual fatigue)
3. أثر جانبي خفيف لمضاد الهيستامين
4. جفاف بسيط / نقص تغذية / تأخر في الوجبات
5. ❌ لا دلائل على:
دوار محيطي أو مركزي
اضطراب قلبي أو عصبي
سبب التهابي أو استقلابي

✅ الانطباع التشخيصي:
> خفة رأس وظيفية – غير عضوية، مرجّحة أن تكون على أرضية إجهاد بصري ونفسي


📌 الخطة العلاجية:
1. شرح الحالة للمريض وتطمينه
2. توصية بالراحة وتخفيف استخدام الشاشات
3. الحفاظ على رطوبة الجسم والنوم المنتظم
4. في حال استمرار الأعراض أو تطورها → إعادة التقييم العصبي/القلبي


📚 تعليق تدريبي:

هذه الحالة تُعد نموذجًا شائعًا في أقسام الإسعاف عند طلاب الجامعات، حيث تُخلط الأعراض النفسية/الوظيفية مع عضوية.
من المهم نفي الأسباب الخطرة، وعدم الاستعجال بوضع "وصمة نفسية" للمريض، بل تقديم شرح علمي داعم وسلوك علاجي يحترم القلق الذي يعيشه.

#CCT
#believe_in_us

🔴أعراض الجلطة الدماغية مجموعة بكلمة Be Fast وهي:

B:Balance1️⃣
اضطراب التوازن أو اضطراب المشي،يصبح الشخص غير قادر على المشي أو يفقد التوازن..

E:Eyes2️⃣
اضطراب الرؤية بواحدة من العينين أو كلاهما، أو قد يحدث ما يدعى ازدواج الرؤية #Double Vision (رؤية شيئين في آن واحد)..

F:Face3️⃣
اضطراب بالوجه:يحدث هبوط لنصف الوجه ،نطلب من المريض الابتسام فتظهر الأعراض بشكل واضح..

A:Arm4️⃣
اضطراب بحركة الذراعين، وعندما نطلب من المريض رفع يديه أمامه تظهر يد أخفض من يد..

S:Speech5️⃣
اضطراب بالكلام أو اضطراب بفهم الكلام..

T:Talking to emergency 6️⃣
في حال ملاحظة هذه الأعراض ينبغي مباشرة الاتصال بالطوارئ و إسعاف المريض لتفادي حدوث مضاعفات خطيرة وغير عكوسة...

#فريق_الحالات_السريرية
#دليل_الطالب
#CCT
#believe_in_yourself
#believe_in_us

#انتبه #أطفال #هام

🚨 فكرة هامة إلك كطبيب شو ماكان اختصاصك :

إذا عندك طفل عندو التهاب بلعوم وكنت شاكك بال EBV لأي سبب كان ..

🟥 لااا تعالج بأمبسلين أو اموكسيسلين لأنو رح تعملو طفح وردي بقعي 🚨.

#CCT
#believe_in_us

🩺 من أكثر الحالات يلي بتلخبط طالب الطب وحتى المقيمين وبتسبب توتر : الطفل يلي ممكن يجيك عم يسعل بعد ما أكل شي!

بتجي الأم شايلة ابنها وبتقلك: "من ساعة أكل فستق، وبلّش يسعل وما عاد وقف!" 😰

هون بدك تفكر بسرعة وتعرف تفرق بين حالتين ممكن تكون خطيرة كتير، ولازم تتصرف بسرعة!

ونحنا رح نعطيك سر التمييز بين الحالتين بسرعة 👇❤️

👶 السيناريو الأول: طفل عم يسعل بعد تناول طعام، ولاحظت:
سـعـال
صـريـر
وزيز
سحب بين الأضلاع

✅ تفكيرك لازم يروح فوراً نحو جسم أجنبي!
➡️ الخطوات:
صورة صدر
ثم تحويل عالتنظير القصبي حسب التقييم.

👶 طيب التشخيص التاني ؟
شايف الأعراض السابقة؟ بس إذا انضاف عليها :
وذمة شفاه أو خراخر بالرئتين عند الإصغاء
🛑 هون صار الموضوع تأق (تحسس شديد) مو جسم أجنبي!

✅ العلاج بهالحالة:
إبرة أدرينالين عضلية IM
موسعات قصبية بالإنشاق


📚 هي كانت "زبدة التفكير السريري" بهيك موقف! بتمنى صار عندك فرق واضح بين الحالتين، لأن التشخيص الصح بهالموقف = إنقاذ حياة.

✍️ تابعونا على كل المنصات لمزيد من الحالات الطبية والمهارات السريرية السريعة 🔍

#فريق_الحالات_السريرية
#الامتحان_الوطني
#طب_أطفال
#اسعاف

🚨 منكمل معكم بتلخيص وتبنيد حالات من الي بتسبب توتر كبير عند الطبيب المبتدئ، على طريقة فريقنا

بس قبل 🫵 إذا عم تستفيدو ياريت تضيفو اصدقاءكم على منصات الفريق ❤️.


💡 أحياناً ما بتكون القصة بفحص دم أو تصوير، بتكون بجرأة التصرف والمعرفة الأساسية.
✔️ احفظ كيف تتعامل مع اختلاج حروري من خلال تخيل أحداث القصة الآتية:

كنت قاعد مع عيلتك، وفجأة ابن أختك (عمره 3 سنين) صار وجهه أزرق وعيونه مفزوعة، وبلّش يختلج!
الكل صار يصرخ لأنو هي أو مرة بصير هيك وأول مرة بشوفو هيك شي أساساً .... وأنت يمكن أول مرة ... بس عندك معلومات 👇

👨‍⚕️ بسرعة حسبت الزمن، وقلت: "اختلاج حروري غالباً!"
ما في وقت للتحاليل أو الكلام... الحرارة عالية، الطفل عم يختلج، ولسّا ما وقف!

🚨 ركّزت... فتحت درج الإسعاف الصغير بالبيت، ولحسن الحظ كان في: 💊 تحميلة ديازبيام (5 ملغ) – جرعة مناسبة لعمره ووزنه.

✔️ أعطيتوياها شرجياً،
✔️ حطّينا الطفل عالجانب (وضعية أمان).
✔️ بعد دقايق قليلة... رجع تنفّسو طبيعي، وفَكّ الاختلاج 🎯

راجعنا طبيب عصبية ❤️

#طب_الأطفال 🧒
#اختلاجات_حرورية
#الديازبيام
#طب_بالموقف
#تعلم_من_قصة

مريض إجاك بعد شجار آكل لكمة على وجهو وفقد سن.

شو أول سؤال ضروري تسألو ياه ؟ وليش ؟ 🤔

الجواب بالتعليق 👇

لا تنسوا تتابعونا فيسبوك وأنستغرام 🫆💙
#CCT
#believe_in_yourself
#believe_in_us

ماذا لو اكتشفت أن دماغك يحمل بصمة قاتل إجرامي ..لكنك إنسان سوي وطبيعي⁉️🤔

⬅️هذا ما حصل مع عالم الأعصاب #جيمس_فالون حين اكتشف بالصدفة أن مخه يحمل سر أخطر المجرمين والعدوانيين🧠.

كان جيمس في أحد مختبرات علم الأعصاب يدرس الأنماط الوظيفية لأدمغة المجرمين ذوي السمات العدوانية باستخدام تقنية التصوير المقطعي (PET Scane), كان الهدف من بحثه كشف الاختلالات في الدوائر العصبية المرتبطة بالتحكم الانفعالي والتعاطف والسلوك الأخلاقي.

🔍وعند تحليل سلسلة من مسوحات الدماغ المجهولة المصدر والتي شملته مع أفراد عائلته كانت جميع صور الأشعة مكتوب أسماء أصحابها لكنها تكون مخفية من أجل دراستها بشكل محايد، بعد تحليله لمسحة معينة اكتشف فيها مميزات استثنائية :

1️⃣أظهرت القشرة أمام الجبهية الحجاجية المسؤولة عن كبح الدوافع العنيفة واتخاذ القرارات الاخلاقية نشاطاً شبه معطل.
2️⃣سجلت مناطق التعاطف في اللوزة الدماغية والفص الصدغي الأمامي نشاطاً ضعيفاً وهي السمة التي رصدها في أدمغة القتلة المجرمين.

🔴أعلن فالون لزملائه بقلق:

هذا النمط يظهر خللاً واضحاً في الشبكات العصبية المسؤولة عن الضبط الاجتماعي، صاحب هذا الدماغ يحمل مؤشرات خطر بيولوجية عالية قد تدفعه للسلوك المعادي للمجتمع.

💥لكن المفاجأة الصاعقة كانت عندما اكتشف أن الدماغ الذي حلّله كان دماغه هو نفسه.

✨هذا العالم المتخصص في الاضطرابات النفسية والعصبية يحمل التركيبة الدماغية نفسها التي كان يدرسها في أخطر المجرمين.

🧬تبين لاحقاً أنه كان يحمل طفرة جينية في محور #MAO_A المرتبطة بالعدوانية، لكن بيئته الأسرية والمجتمعية الداعمة حمته من تحويل هذه السمات إلى سلوك أجرامي.

📌هذه الحالة تظهر تعقيد العلاقة بين البيولوجيا العصبية والبيئة، فالاختلال في مناطق السيطرة الاندفاعية والتعاطف قد يزيد خطر السلوك العنيف لكنه ليس حتمياً، فالعوامل البيئية مثل الدعم الأسري والتربية الأيجابية يمكن ان تعيد تشكيل التعبير الجيني وتوفر مرونة عصبية تمنع تطور الاضطراب.

💡هذه القصة غيرت نهج علم الأعصاب في العالم، فالسمات العدوانية والإجرامية قد تكون كامنة في أشخاص عاديين، لكنها لا تفعّل دون سياق اجتماعي محفّز.

دمتم بخير❤

إعداد : مريم منهل علي.

#فريق_الحالات_السريرية
#دليل_الطالب
#CCT
#believe_in_yourself
#believe_in_us

#معلومة

🔴عند صرف دواء 💊Metronidazole المعروف باسمه التجاريFlagyl ،يتم تنبيه المريض إلى أن هذا الدواء قد يؤدي لتغير لون البول إلى بني غامق(Dark brown Urine)و ذلك نتيجة تحلل نواتج الدواء داخل الكبد وتراكم بعض المركبات مثل#Azometabolitesفي البول مما يمنح البول هذا اللون الغامق...


#فريق_الحالات_السريرية
#دليل_الطالب
#CCT
#believe_in_yourself
#believe_in_us

زملاؤنا الأعزاء
نعتذر عن إضافة تعديلات لمشاريع التخرج بعد مضي أكثر من ١٠ أيام على استلام المشروع.

💙 آملين تعاونكم شاكرين تفهمكم

💚 للتواصل بخصوص المشاريع (ترجمة، تنسيق، بحث، تدقيق) تلغرام حصراً :
0952432453

✨إن أحسنا تحدّث عنا وإن أخطأنا تحدث إلينا ✨

سكيتشي فريق الحالات السريرية للمساعدة بالوطني رح ينطلق اليوم 😌💙

طبعاً كنا حابين بعد ما ننتهي نخبركن عنو .. #ولكن .. مادام انتو اصدقاءنا وكتار عم يحضرو للوطني قررنا نخليكم معنا أول بأول عقناة :
Sketchy CCT
ليوصلكم كل يوم سكيتشي من المعلومات المطلوبة للوطني وبتهم طلاب الرابعة والخامسة جداً جداً 🫵🫆

الصور حصرية وخاصة بالفريق والمسا منخبركم اكتر ومنرسل القناة 💙

✅ جراحة أوعية

✨ هي الصورة عناصر بدون قصة، بعض السكيتشات رح يكون فيها قصة أكيد ✨

#داء_بيرغر
من الهمبرغر منتذكر انو الصورة عم تحكي عنو، منلاحظ إنو بمكونات البرغر في عدة ألوان وهيي دلالة على إصابة الشرايين (الأحمر) والأوردة (الأزرق) الأوعية اللمفية (الأخضر) والأعصاب (الأصفر) بهاد المرض ..

منشوف بالزاوية اشارة خطأ على نقطة صفراء نقطة دهنية وهاد (بيذكرنا إنو غير عصيدي).

السيجارة بتذكرنا انو عند المدخنين.

أما الكولا الي اكيد رح نتذكر وجودا مع البرغر منشان تلاحظ قياساتا .. وحدة صغيرة و وحدة وسط (مادام اصغر من البرغر فهيي وسط وهاد مهم للتذكر انو المريض بصيب الشرايين الصغيرة والمتوسطة ـ هااام جداً )

هاد تقريبا كلشي بهمك من داء برغر ..
وهلق ارجع طلع عالصورة و ماعد رح تنسى ..

إذا حسيتو سكيتش بسيط وبدك الأشمل والأطول، وافينا عالقناة المخصصة sketchy CCT 💙 :

https://t.me/SketchyCCT

انتظروا جديدنا .. 🙏💙

✅ جراحة عصبية
#رضوض_النخاع : #ذيل_الفرس #براون_سكوارد
(هي مهمة للوطني وللمقابلات بكل الجامعات)

"الفرس والفارس براون"

فرس تعبان ورخو وتحتو الوعاء الي بيتبول فيه عم يفيض، عليه سرج وفوق منو في زمور خطر، أما الفارس فهو براون الي معو سيف قوي، براون مجروح بجسمو وبالنصف التاني متغير لونو وماسك سيفو فيها.

#شرح :
فرس (إصابة ذيل الفرس) تعبان ورخو ( شلل رخو) وتحتو الوعاء الي بيتبول فيه عم يفيض (سلس بولي بالإفاضة)، عليه سرج (توزع سرجي للألم يعني بالعجان والأطراف السفلية) وفوق منو في زمور خطر (جراحة إسعافية)، أما الفارس فهو براون (إصابة براون سيكوارد) الي معو سيف (أذية قاطعة بطلق ناري او سكين)، براون مجروح بجسمو وبالنصف التاني (قطع نصفي) متغير لونو (فقد حس وألم وحرارة بالجهة المعاكسة لجهة الإصابة) منلاحظ انو براون ماسك السيف بالجهة غير جهة الاصابة لأنو جهة الاصابة مشلولة (يعني فقد حركة وحس في الجهة الموافقة).

هلق ارجع طلع عالصورة وإن شاء الله الفقرتين صارو بالجيبة 💙
انتظروا جديدنا، لا تنسونا بصالح الدعاء 💙

✅ جراحة بولية

#الصفن_الحاد : انفتال الخصية والتهاب الخصية والبربخ.
(دورات الوطني + دورات اللاذقية)

الحالتين براجعونا بألم خصية حاد .. كيف منميز بيناتن..؟ بهالسكيتش رح نتعلم نميز بيناتن + نحل الاسئلة الي بتخصن 💙👇

عنا كرتين، الكرة السودة على زرقة عم تتألم وتبكي ومعها مشرط، أما الحمراء عم تتعرق وبإيدها حبة دوا وفي حبل ماسكتو عم يشدها لفوق، وبيناتن في إشارة كهربائية موجية.

الشرح :

عنا كرتين (كل كرة حالة) الكرة السودة على أزرق (هي انفتال الاسود بذكرنا بنقص التروية) عم تتألم وتبكي ومعها مشرط (العلاج جراحي)، أما الحمراء (الاحمر بذكرنا بالالتهاب وزيادة التروية) عم تتعرق (في ارتفاع حرارة ) وبإيدها حبة دوا (علاج دوائي بالصادات وليس جراحة) وفي حبل ماسكتو عم يشدها لفوق (اذا رفعنا الخصية بالالتهاب بخف الألم فهيي عم تحاول تطلع، أو بالانفتال يزيد بالرفع) ، وبيناتن في إشارة كهربائية موجية (رمز عن الايكو دوبلر ضروري للتميز : بالانفتال بتكون التروية ضعيفة او مقطوعة بالالتهاب زايدة متل ما حكينا)

هلق ارجع طلع عالصورة، فيك تقول صارت الاسئلة حول الصفن الحاد بالجيبة، على الأقل فيك تستبعد خيارين بسهولة 💙

لا تنسونا بالدعاء

✅ دموية

داء تكور الكريات الوراثي 💙

طفل ماشي حامل بإيدو طابة، الطفل مبين وجهو اصفر ومبين انو شرير وعم يضحك ضحكة خبيثة وحامل بإيدو مشرط، أما الطابة مكتوب عليها رمز بيتا، ومن راس الطفل طالعة فقاعة عم يتذكر فيها جدو.

شرح :

طفل ماشي حامل بإيدو طابة (كرة = داء التكور)، الطفل مبين وجهو اصفر (حصيات صباغية مرارية ويرقان) ومبين انو شرير (وراثة قاهرة وليس مقهورة) وحامل بإيدو مشرط (علاج باستئصال الطحال) ، أما الطابة مكتوب عليها رمز بيتا (هو سببو اضطراب بروتين بيتا بغشاء الكرية) ومن راس الطفل طالعة فقاعة عم يتذكر فيها جدو ( قصة عائلية وليس مناعي)

هلق ارجع طلع بالصورة ماعد تنسى ، وانتظروا جديدنا ..
نعمل لأجلكم - CCT 💙

💉 #سكيتشات_الجراحات

جراحة عصبية :
_ إصابة ذيل الفرس وبراون سيكوارد

جراحة صدرية :
_ أورام الرئة

جراحة بولية :
_ الصفن الحاد

جراحة أطفال :
_ فتق بوكدالك + مورغاني + الانسداد بالعقي
_ الفتق الأمينوسي وانشقاق البطن

جراحة أوعية :
_ داء بيرغر

❤️
#CCT
#Believe

🩻 سكيتشات الداخليات

✅ دموية
_ أسباب فقر الدم الانحلالي
_ داء تكور الكريات الوراثي
_ اضطرابات الارقاء البدئي (توسع الشعيرات النزفي، فرفرية هيونخ شونلاين، نقص الصفيحات الأساسية ITP).
_ الناعور A
_ لمفوما هودجكن

💙
#CCT
#Believe

💌 اصدقاؤنا الأعزاء :
مننصحكن بالإطلاع على السكيتش أول بأول لتقدروا تستفيدوا منن لأنو اذا تجمعو وصارو كتار ماعد يكونو مفيدين.

📎 وإذا ماعندك وقت على الأقل افتح واكتب عند الفقرة CCT لتتذكر اسم القناة وقت تجي تدرس هالفقرة. وطبعاً عملنا مثبتة عم نضيف عليها الي عم ينشغل 💙

✅ نحنا عم نحاول نرفع الشمولية وياريت تفيدونا بملاحظاتكم على القناة الأساسية ✅

سكيتش جراحة بولية جميل قادم لكم.. انتظرونا .. ولا تنسوا تضيفوا أي طالب سادسة بسوريا 💙.