✅ جلدية

أنواع وأمراض الهربس (الحلأ)
جلدية+ خمجية + أطفال
سكيتش بهمك بكلن

شفرات هالمروحة رح تمثل كل نوع من الحلأ

شفرة منن على شكل رقم 8 وموصولة فيها وحدة تانية على شكل شبح ..
هون عم نحكي عن الحلأ 8 الي بسبب كابوزي ( كابوزي= كابوس وشبح هيك نتذكرو)

وشفرتين على شكل حرف S
لنتذكر الحلأ البسيط
S= simple
Sهدول الي عشكل حرف
وحدة عم يطلع منها رائحة كريهة متل دخان اخضر وهيي الHSV1 الي بيترافق برائحة فم كريهة
والتانية HSV2 الي هوي تناسلي، ولونا احمر ومااعم يطلع منها دخان اخضر لونا أحمر لتذكرنا بالحويصلات المؤلمة واضطراب الحس

Z واخر شفرة على شكل حرف
هي الهربس الحماقي النطاقي VZV
عنا فيه الحماق وداء المنطقة كل سنة سؤال عن واحد منن 😊

وعقاعدة المروحة مكتوب اسيكلوفير الي هو اهم علاج

تابعونا عكل المنصات القادم أجمل للوطني ولما بعد الوطني ❤️

هاد السكيتش ☝️ على بساطتو فيه ٤ افكار من دورات الوطني :

✅ ورد كابوزي كخيار عن أمراض سببها الحلأ.

✅ الHSV1 جاء سؤال قصة سريرية فيه رائحة فم كريهة مع الحويصلات.

✅ وردت قصة سريرية HSV2 : حويصلات تناسلية مؤلمة واضطراب حس وضخامة عقد لمفية.

✅ تكرر سؤال دور الاسكلوفير في علاج داء المنطقة (تقليل شدة ومدة)

✅ داخلية كلية

داء الكلية عديدة للكيسات

اول شي مافي داعي نعمل ربط لنتذكر السكيتش واضح شو هوي من منظر الكلية 🤣
الشجرة بتذكرنا بشجرة العائلة: مرض وراثي بصفة جسمية قاهرة.

منلاحظ جنب الشجرة انو في شب عم يتالم : اشيع عرض هو الالم القطني
تحتو في ساعة : لا تبدأ الاعراض حتى وقت متأخر من الحياة
تحتو في مخطط بياني عم ينحدر بس ببطء بنتذكر انو القصور الكلوي مزمن وليس حاد
بالجهة التانية عنا جهاز ضغط كمان ارتفاع الضغط تدريجي وليس مفاجئ هااااام
وعنا كبد عليه كيسات : اشيع تظاهر خارج كلوي هو كيسات الكبد
وأخيرا نقطة دم اذا تذكرتا رح تذكرك انو في بيلة دموية أحياناً

زملاؤنا الأعزاء ..

💙 مكرر للضرورة 💙

حرصاً على وقتنا و وقتكم، وحرصاً على مشاريعكم وامتحاناتنا في آن واحد :

نذكّركم باعتذارنا عن إضافة تعديلات لمشاريع التخرج بعد مضي أكثر من ١٠ أيام على استلام المشروع.

✔️ علماً أننا مسؤولون عن أي تعديل خلال الفترة المذكورة بكل حب ورحابة صدر، فالتعديل حينها واجب علينا وليس خيار منّا 💙

✨إن أحسنا تحدّث عنا وإن أخطأنا تحدث إلينا ✨

❗ثلاث ممنوعات في السكتة الدماغية لا تنساها:

✅ لا تنزل الضغط أول اسبوع.
✅ لا تستخدم وارفارين وهيبارين.
✅ تجنب الراحة الطويلة بالسرير.

#CCT
#Believe

حالة لمحكني الباطنة ❤️

👨‍🦱 المريض: رجل 48 سنة، مدخن شره (40 pack-year)، يشرب الكحول أحياناً.

📍 القصة المرضية:

يراجع بسبب ضيق نفس مترقٍ منذ 3 أسابيع مع سعال جاف.

منذ يومين ظهر عنده وذمة في الطرف العلوي الأيمن مع احتقان أوردة الرقبة.

لا يشكو من ألم صدري واضح، لكن في تعب عام ونقص وزن 6 كغ خلال شهرين.


🔎 الفحص السريري:

ضغط: 110/70 مم زئبق.

نبض: 102/د.

حرارة: 37.5° م.

وذمة واضحة بالذراع الأيمن مع توسع أوردة صدرية سطحية.

أصوات التنفس: نقص تهوية بالذروة الرئوية اليمنى، مع وُجود أزيز خفيف.

لا ضخامة كبد ولا طحال.


🧪 التحاليل:

CBC: فقر دم خفيف (Hb = 11.2).

وظائف كبد وكِلية طبيعية.

Ca++ = 11.5 mg/dl (مرتفع).


❓ المطلوب:
اكيد بعرف انو التشخيص سرطان رئة مو هاد السؤال 😂

السؤال هو شو عم يرافق السرطان وليش الاعراض هيك ! شو اسما هالحالة المرافقة للسرطان الي بتتظاهر بهيك قصة ❗


إعداد : سام يوسف
#Believe
#CCT
#فريق_الحالات_السريرية
#دليل_الطالب

قصة خاصة للـ #تحاليل #طبية 👩🏻‍🔬🔬
حبينا نغير طريقة الشرح 😂
تلخيص #جديد عن ال Brucella

كان يا مكان كان في بنت قصيرة short و ناصحه ' cocobacilli ' اسمها Brucella .. كانت طالعه مع أهلها بيوم من الأيام و عملو حادث و ماتو كل أهلها فكروها الناس ميته بس عرفوا بعدين إنها بتتفس aerobic و ضلت هيه لحالها .. و بهاد الحادث انكسرت رجلها 😞 ' non motile ' و بهاد الحادث كمان فقدت حيويتها و نشاطها 😪 inactive metabolically بس الناس ما تركوها اتعيش لحالها .. اخدها زلمه من كبار الناس لحتى اتعيش جواااات البيت مع بناته located inside the macrophages و طعماها أشياء مفيده فيها بروتينات 🍗 و املاح لحتى تتشافى من الكسر💪
" some strains have been cultivated on defined media containing amino acids, vitamins, salts and glucose "
بس هالبنت لما فقدت أهلها صار عندها حاله نفسيه و صارت اتفكر بطريقه سلبية (-) G حتى الدكتور قال انها كتيير حساسة لل" heat and acid "
و صارت تكره كل الناس و بتحب أذيتهم "obligate parasites " ... و مرة مرضت بمرض اسمه brucellosis و صارت اتعاني " Malaise , fever , weakness , aches and sweats"،، بس اكتر شي بميز مرضتها انه مرات كتيييير بشتد و مرات بكون طبيعي "characterized by an acute bacterimia phase followed by a chronic stage that may extend over many years and may involve many tissue " ،، حتى لما كانت ترتفع درجه حرارتها كانت بنفس الطريقه بالنهار تشتد كتير أما بالليل عاادي
"the fever usually rises in the afternoon and fall during the night "
و استمرت هادي الحالة معها لمده 4 أسابيع
" the incubation period from 1-4 weeks "
و لأنه مرضها كتير خطير قرروا الناس يعزلوها في بيت لحالها و سجلوه باسمها Brucella agar و بسبب هاد المرض الي بخلي الواحد يعصب nervousness ارتكبت 4 جرائم 😱
الجريمه الأولى (+) catalase
أما الجريمه التانية (+) oxidase
و التالتة Hydrogen sulfide production
أما الرابعه reduce nitrate to nitrite
و لأنه كل هادي جرائم خطيرة 😰 كان لااازم من ال FBI انه يتحرك 😂 اخدوا كل احتياطاتهم و كل اجراءاتهم الأمنية لحتى يمسكوها و يتعاملو معها
" all further work on such a culture should be done in a biologic safety cabinet "
طبعا ال Brucella لما سمعت الخبر قررت تهرب لمدينه تانية 😎 .. و لحتى توصل المدينه الي بدها ياها لازم تنقل بالأول بين البيوت الي حواليها اول بيت راحت ع ال skin و بعدين راحت ع ال mucous membrane و بعدين راحت ع ال intestinal tract و بعدين صارت تمشي بالطرق الفرعية lymphatic channels لحتى وصلت للشارع الرئيسي blood stream الي من خلاله رح توصل للمدينه الجديده new organ طبعا ال FBI ما قدروا يمسكوها إلا بعد 3 أسابيع observed for 3 weeks after incubation و يا حرام حطوها بالسجن
" incubated in 8-10% CO2 at 35-37 °C"
و خلصت القصه 😂
إعداد: مها بدور
#فريق_الحالات_السريرية
#دليل_الطالب
#CCT
#believe_in_yourself
#believe_in_us

سؤال بحاجة عباقرة الغدية والنسائية ❤️‍🔥

مريضة أجرت عملية تجميل للثدي، فحصل لديها بعد فترة فقد للرغبة الجنسية، ما السبب !.

#فريق_الحالات_السريرية
#دليل_الطالب

أطوار الدورة الشهرية بشكل مختصر وسريري ..
لن تراه بهذا الترتيب غير هنا ❤️

🔹 1. الطور الجُرَيبي (Follicular / Proliferative) ( من اليوم الخامس لرؤية الدم حتى اليوم ١٤ تقريباً، يعني من اليوم الخامس للطور النزفي الذي سيرد أخيراً👇 حتى اليوم ١٤ )

✔️فيزيولوجية: يبدأ على مستوى المبيض، تحت تأثير FSH ينمو جريب مبيضي، ↑ إستروجين ومنه نمو بطانة الرحم (تكاثرية).
✔️الأعراض: مفرزات قليلة مائية، مزاج أفضل، نشاط عام.
✔️إمكانية الحمل: منخفضة بالبدايات، ↑ تدريجياً.


🔹 2. طور الإباضة (Ovulatory) (في اليوم ١٤ من رؤية الدم، نكرر رؤية الدم المقصود بها الطور النزفي الذي سيرد أخيراً).
✔️فيزيولوجية: ذروة LH يحصل تحرر للبويضة من الجريب. مخاط عنق الرحم يصبح شفاف/ممدود (spinnbarkeit).
✔️الأعراض: ألم إباضة (Mittelschmerz)، ↑ حرارة الجسم نصف درجة، مفرزات لزجة شفافة.
✔️ إمكانية الحمل: أعلى ما يمكن (نافذة الخصوبة).


🔹 3. الطور الأصفر (Luteal / Secretory) : (يستمر من اليوم ١٥ حتى اليوم ٢٨ اذا كانت الدورة ٢٨ يوم)
✔️فيزيولوجية: الجريب يتحول إلى جسم أصفر يفرز بروجسترون الذي يجعل بطانة الرحم إفرازية مهيأة للتعشيش.
✔️الأعراض: احتباس سوائل، انتفاخ الثديين، تقلب مزاج (PMS).
✔️إمكانية الحمل: ممكن، إذا تم الإلقاح والتعشيش.

🔹 4. الطور النزفي (Menstrual) ( وهو رؤية الدم هنا تبدأ السيدة بعدّ الأيام ونعتبره اليوم ١، يستمر ٥ -٧ أيام ثم ندخل بالطور التكاثري الجريبي للدورة الجديدة، #يعني من ناحية فيزيولوجية هو #نهاية دورة لكن من ناحية العد هو بداية العد).
✔️فيزيولوجية: غياب الحمل يسبب ضمور الجسم الأصفر فينخفض كل من بروجسترون/استروجين هذا يؤدي لتنخر وانسلاخ بطانة الرحم = طمث.
✔️الأعراض: نزف دموي، مغص بطني، تعب.
✔️إمكانية الحمل: معدومة.


📌 مفتاح للحفظ السريع:

Follicular = نمو

Ovulation = إطلاق

Luteal = تثبيت

Menstrual = طرح

#فريق_الحالات_السريرية
#دليل_الطالب
#CCT
#Believe

ما الفرق بين كيسات المبيض الوظيفة ( الجرابية) والمبيض متعدد الكيسات؟ ..
ومن منهن يختلط بالانفتال ؟

سؤال هااام للوطني ❤️

الإجابة في التعليق 👇

#Believe
#CCT
#فريق_الحالات_السريرية

كيف أعرف إن كان هذا الفريق/ المكتبة خيرَ عون لي في مشروع التخرج ويعاملني بمهنية ؟ 🤔

🙏 الفريق المهني :
✅ لا يحدد تكلفة الصفحة قبل رؤية الملف.
✅ لا يرفض توضيح تقسيم التكلفة مابين ترجمة وتنسيق عند الطلب.
✅ لا يحدد علامة مضمونة للمشروع.
✅ ينوه على نقاط الصعوبة في المشروع عند تسليمه.
✅ لا يطلب أجور على التعديلات البسيطة.
✅ لا يقبل تعديلات بعد أيام طويلة من تسليم المشروع.


للتواصل مع مكتب الترجمة والتنسيق لفريقنا :

+963952432453
@Teammed2

تلغرام حصراً

Believe in yourself, Believe in us 💙

باقة معلومات سريرية أساسية بالعينية، أي طبيب (حتى لو مو عيون) لازم يكون بيعرفها لأنها من الحالات اليومية والمصيرية 🚑👁️


1. فقدان الرؤية المفاجئ

🛑 حالة إسعافية → أهم الأسباب: انسداد شريان الشبكية المركزي (CRAO)، انفصال شبكية، التهاب عصب بصري.

الفحص السريع: حدة البصر + فحص الحدقة (منعكس الضوء).



2. القرنية

خدش القرنية → ألم شديد + رهاب ضوء + دموع غزيرة → يتأكد بالفلوريسئين.

القرنية لا تحتوي أوعية → أي التهاب أو تقرح خطير ممكن ينتهي بانثقاب.



3. الزرق الحاد (Acute angle closure glaucoma)

ألم شديد بالعين + صداع + غثيان + رؤية هالات حول الأضواء.

العلامة: عين حمراء، حدقة متوسطة متوسعة غير متفاعلة، ضغط عيني مرتفع جداً.

🆘 إسعاف حقيقي: يحتاج خفض سريع للضغط (مانيتول، أسيتازولاميد).



4. التهاب الملتحمة

أشيع سبب لاحمرار العين.

فيروسي: مفرزات مائية + عدوى سريعة.

جرثومي: مفرزات قيحية كثيفة.

تحسسي: حكة شديدة + مفرزات خيطية.

المهم: الرؤية تبقى جيدة → إذا في انخفاض رؤية، فكر بمرض أعمق (قرنية/قزحية).



5. التهاب القزحية الأمامي (Iritis/Uveitis anterior)

ألم + رهاب ضوء + نقص رؤية + حقن هدبي (حول القرنية).

العلامة: تضيّق الحدقة + التصاقات خلفية ممكنة.



6. اللطخة الصفراء (Macula)

مركز الرؤية الدقيقة. أي أذية فيها (تنكس بقعي، وذمة، ثقب) → فقدان الرؤية المركزية مع بقاء المحيطية.



7. الاعتلال الشبكي السكري

سبب رئيسي للعمى عند البالغين.

كل مريض سكري لازم يعمل فحص قاع عين دوري.



8. التهاب العصب البصري

شاب/شابة مع فقدان رؤية تحت حاد + ألم عند تحريك العين → فكر بـ التصلب اللويحي.



9. الرؤية المزدوجة (Diplopia)

أحادية العين: غالباً انكسارية (مشكل عدسة/قرنية).

ثنائية العين: غالباً عصبية/عضلية (شلل عضلة، حول).



10. علامة العين الحمراء



شائعة جداً. التفريق السريع مهم:

إذا الرؤية طبيعية = غالباً ملتحمة.

إذا نقصت = فكر بقرنية، قزحية، زرق.

#فريق_الحالات_السريرية
#دليل_الطالب
#Believe_in_yourself
#believe_in_us
#CCT

مقابلات اللاذقية - الباطنة - فلاش كارد مع CCT ❤️

اذا ماعندك وقت تدرس للمقابلات تابع معنا الرسائل الي رح ننزلها هون الي هيي تجميعات مكررة وهامة مكثفة
ومنبلش مع الاهم على الإطلاق ❤️‍🔥❤️‍🔥❤️‍🔥

#الغدية

🩺 السكري
اختلاطات حادة: نقص سكر، حماض خلوني (فرط سكر).
اختلاطات مزمنة: اعتلال شبكية، كلية، أعصاب، أوعية.
اعتلال الكلية السكري: اعتلال أوعية دقيقة + تصلب كبيبات → بيلة ألبومينية.

خافضات السكر نمط 2:
ميتفورمين (↓ إنتاج كبدي).
سلفونيل يوريا (↑ إفراز إنسولين).
ميغليتينيد (سريع/قصير للوجبات).
غليتازون (↑ حساسية إنسولين – وزن + سوائل).
α-غليكوزيداز (أكاربوز – يمنع امتصاص سكريات).
غليبتين (DPP-4 inh – ↑ إنكريتين).
إنسولين (عند الفشل أو قصور كلوي/كبدي).

🦋 الغدة الدرقية
قصور الدرق: تعب، برودة، إمساك، بطء قلب، جفاف جلد.
فرط الدرق: عصبية، تعرق، فقد وزن، تسرع قلب، رجفان.


#القلبية
_قصور القلب الأيسر: ضيق نفس، زلة ليلية، وذمة رئوية.
_قصور التاجي بالأصغاء: نفخة انقباضية قمية مشعة للإبط.
_احتشاء قلبي – تدبير: مورفين + _أوكسجين + نيتروغليسيرين + أسبرين + إعادة فتح شريان (PCI/TPA). (راجع اعراض الاحتشاء اذا مانك ذاكرها كتير مهمة)
_تدبير وذمة الرئة LMNOP. (لازيكس، مورفين، نترات، اوكسجين، وضعية جلوس)
_لا يوجد نفخة انبساطية سليمة.
_ في سؤال عم يتكرر سنوياً: عدد تشخيصات تفريقية للألم الصدري.


🥼 #الهضمية
_قرحة معدية: ألم يزيد مع الطعام.
_قرحة عفجية: ألم يخف مع الطعام ويعود بعد ساعات.
_ علاج القرحة الهضمية: اجتثاث الملوية البوابية :أكثر من صاد + أحد مثبطات الإفراز PPI
_داء كرون: من الفم للشرج، آفات متقطعة، عميقة، ناسور.
_التهاب كولون قرحي (UC): مستمر، يبدأ بالمستقيم، سطحي، نزف.
_علاج:
كرون: ستيروئيد + إيميون/بيولوجي.
UC: 5-ASA + ستيروئيد جراحة استئصال.
_ السل يصيب الأمعاء الدقيقة في الدقاق.

#مقابلات_سادسة_اللاذقية_باطنة

المسا دفعة تانية غدية قلبية هضمية
وبكرا منجمع افكار من الصدرية والكلية والعصبية إن شاء الله ❤️‍🔥

#حصري_CCT

مقابلات سادسة باطنة - كيميا حيوية ومخبر (ضمن مقابلة الباطنة)

✅ البلازما (Plasma): الدم بدون الخلايا عند إزالة الخلايا بعد إضافة مضاد تجلط (مثل الهيبارين).
نضيف مادة مضادة للتجلط مثل الهيبارين قبل فصل البلازما عن باقي مكونات الدم.
المصل (Serum): بلازما بدون عوامل تخثر
✅ تتراوح عادة قيمة حمض البول بين 2.4 إلى 6.0 ملغ/ديسيلتر عند البالغين.
✅INR
INR (International Normalized Ratio): يستخدم لمراقبة فعالية مضادات التجلط مثل الوارفارين.
القيمة الطبيعية عادة بين 0.8 و2.1، وقد تختلف حسب الحالة الصحية.
✅القاعدة في نقل الدم كريات دم المعطي لا ترتص عادة مع مصل الآخذ.
الأم سالبة الريزوس مع الجنين إيجابي: لا مشكلة في الحمل الأول. الحمل اللاحق: خطر تحلل دم الجنين بسبب أضداد الأم.
الأم إيجابية الريزوس: لا تحدث مشكلة لأنها لا تشكل أضداد.
الوقاية: إعطاء D-Anti للأم السالبة.
✅ استقصاءات مريض ارتفاع الضغط
فحص السكر والخضاب الغلوكوزي (للكلية السكري).
معايرة حمض البول.
وظائف الكلى: بول وكرياتينين.
الشحوم والكولسترول: LDL وHDL.
الشوارد: Na، K، Ca، Mg.
الكالسيوم والباراثرومون (للكشف عن فرط نشاط جارات الدرق).
فحص الدم: خضاب وصيغة الدم (كريات حمراء وبيضاء).
فحص البول والراسب.
✅ البراز لونه من الستيروبيلين
✅سرعة التثفل: الرجال 0–20، النساء 0–30.
البوتاسيوم الطبيعي: 3.5–5.5 mmol/L.
✅ تقنية PCR تضخيم وتكثيف قطع محددة من DNA أو RNA. للكشف عن الأمراض المعدية، الفيروسات، البكتيريا، والأبحاث الوراثية. تستخدم لفحص الآباء والأمهات المحتملين لحمل أمراض وراثية.
✅ الفرق بين التهاب وانتان
التهاب: استجابة مناعية للضرر أو الإصابة → تورم، احمرار، ألم، سخونة.
انتان: غزو ميكروبات (بكتيريا، فيروس، فطريات) → حمى، تورم، ألم، صداع، عدوى.
✅ ارتفاع البيليروبين غير المباشر
أسباب: زيادة الإنتاج (مثل انحلال الدم).
عيوب خلقية أو مكتسبة في الالتقاط أو الاقتران للبيليروبين.
✅ ارتفاع البيليروبين المباشر
أسباب: عيوب خلقيّة أو مكتسبة تمنع إفراغ البيليروبين في القناة الصفراوية.
يؤدي إلى تراكمه في الخلية الكبدية وارتفاعه في المصل.
قد يدل على أمراض صفراوية، قصور كبد، التهاب كبد كحولي.
✅ دلالة ارتفاع البيليروبين (عام)
ارتفاع المباشر وغير المباشر شائع في الأمراض الكبدية.

✅ السالمونيلا (تشخيص مخبري)
التهاب معوي كولوني:
زرع براز (مكونكي → مستعمرات عديمة اللون، S-S agar).
حميات معوية: زرع دم (أفضل)، تفاعل فيدال (أسرع وأرخص).
الحملة المزمنون: زرع براز.

✅ الجذور الحرة
جزيئات تحوي إلكترونات مفردة → مؤذية بزيادة.
أمراض: قلبية وعائية، سرطان، التهابية، تنفسية، سكري، الساد، عقم، شيخوخة، باركنسون/زهايمر/تصلب متعدد/تشمع.
مضادات أكسدة غذائية.
Coenzyme Q (لحوم).
Selenium (بحري، لحوم، حبوب).
Proanthocyanidins (عنب).
Catechins (شاي أخضر).
Quercetin (بصل، نبيذ أحمر).
Ellagic acid (توت، جوز، رمان).
✅ بول 24 ساعة
تخلص أول بول صباحاً → جمع كل بول لاحق 24 ساعة → تبريد/ثلاجة → خلط كامل للقياس.
✅ الأميلاز
يرتفع: التهاب بنكرياس، غدد لعابية، انثقاب قرحة، أي بطن جراحي حاد.
✅ سؤال مهم قبل تحليل شحوم/كوليسترول/Na/K
منذ متى بدأ الصيام (>12 ساعة).

📌 البلورات
حمض البول: مضلع – نقرس
أوكزالات الكالسيوم: ظرف – دريقات
فوسفات الكالسيوم: مواشير – نجمية
فوسفات أمونيوم/مغنزيوم: هرم – متقلبات
سيستين: سداسية

شكراً جزيلاً لرسائلكم العزيزة ❤️

سادسة ـ مقابلات - اللاذقية

بالنسبة للاستفسارات إذا رح نشتغل باقي المواد أو لا، فإن شاء الله عم نحضرلكم مفاجأة كتييير كتير مهمة #للجراحة أما باقي المواد مامنعرف إذا رح نلحق نعمل شي 😂 المهم نلحق نمشي امورنا بالباطنة والجراحة لأنو ثقلن أكبر شي

إن شاء الله الجراحة اليوم المسا منبعت نص وبكرا نص ❤️

( الداخلية منشان اذا حدا ما انتبه تشمل ٧٠٪ من الأفكار المكررة سنوياً وقت الدراسة المتوقع حوالي ٣ ساعات )

🌺 الشكر موصول لكل النوط التي نستفيد منها في التلخيص والتبنيد (المصادر كثيرة لضمان التنوع).

#حصري_CCT
#believe_in_us
#فريق_الحالات_السريرية

مقابلات سادسة جراحة

عظمية ٢ - تمت

✨الكسر المرضي يكون على عظم غير طبيعي أما الكسر الجهدي على عظم طبيعي .
✨كسر الكتاب المفتوح يكون في الحوض.
✨الم وحشي القدم مفاجئ عند الدبكة مثلا: كسر في العظم المشطي الخامس ، أما كسر المشط الخامس باليد
(الخنصر- أنسي) فهاد كسر الملاكم.
✨ كسر الزورقي : غير متحرك : حبيرة بوضعية حامل الكأس اما المتحرك او المتفتت يحتاج جراحة.
✨قصر الطرف السفلي مع دوران خارجي لازم فكر بكسر عنق الفخذ وكسر بين المدورين في الفخذ. كسر عنق الفخذ يكون الألم أعلى الفخذ و مغبني انعكاسي للركبة أما في كسر يين المدورين يكون عند المدور الكبير/ مين منن بيختلط بنخرة جافة ونضطر لتبديل الفصل؟! عنق الفخذ وهو المعروف بكسر الموت.
✨استطبابات جراحة الترقوة: تباعد بين القطع اكتر مز ٢ سم/ خروج العظم من الجلد/ تراكب/ قصر/ متعدد غير مستقر/ ألم وعدم التئام ٦ ل ١٢ اسبوع/ وجود إصابات أُخرى.


✅ إصابات عصبية في الكسور
كسر رأس العضد → إصابة العصب الإبطي.
كسر جسم العضد → إصابة الشريان العضدي + العصب الكعبري.
كسور فوق اللقمتين (العضد) → إصابة الشريان العضدي + العصب الناصف أو الزندي.
كسر كوليس → إصابة العصب الناصف.
كسور الحوض → إصابة الضفيرة القطنية العجزية (خصوصًا العصب الفخذي أو الوركي).
كسر جسم الفخذ → إصابة الشريان الفخذي.
كسور فوق اللقمتين (الفخذ) → إصابة الشريان المأبضي.
كسر عنق/قرب اللقمة الوحشية للظنبوب أو كسور الطبق → إصابة العصب الشظوي.

رح ننهيلك خوفك من مقابلة الجراحة القلبية .. قريباً جداً🫀❤️‍🔥

بس قبل لازم نوضح انو ياريت قبل مقابلة الباطنة ندرس مع نقاط الباطنة قلبية أعلاه 👆 نقاط الجراحة القلبية الخارقة الي رح تنبعت لأنو كتيير مهمة للمقابلتين ❤️

ملخصات CCT رح تضل معك كل العمر مو بس للمقابلات
لا تنسونا بصالح الدعاء ❤️

مقابلات سادسة–جراحات

عامة ١
عامة ٢
عامة ٣
عظمية ١
عظمية ٢
جراحة بولية
جراحة صدرية
جراحة عصبية ١
جراحة عصبية ٢
جراحة قلبية ١
جراحة قلبية ٢
جراحة أطفال
جراحة تجميلية

منذكر انو الجراحة القلبية تعتبر تتمة للباطنة يعمي بكملو بعض وبالجراحة العامة في تتمة بسيطة للهضمية موضحينا 🙏

🕰️وقت الدراسة المتوقع : ٦ ساعات.

🌺 بضل الأوعية والأورام فيهن تكرار منيح بس مروا على اسئلتن.

بالنسبة للتخدير والإنعاش مارح نلحق نشتغلا منشان نلحق نشتغل أطفال وتوليد وممكن نسائية 🙏❤️

لا تنسونا بصالح الدعاء ❤️