7-iyuldan abituriyentlar ruxsatnoma olishni boshlaydi

2026–2027-o‘quv yili uchun oliy va professional ta'lim muassasalariga hujjat topshirgan abituriyentlar 7-iyuldan boshlab test sinovlari uchun “Abituriyent ruxsatnomasi”ni yuklab olishi mumkin.
Ruxsatnomani @DTM_Mandat_Bot orqali pasport yoki ID-karta seriyasi va raqamini kiritish orqali olish mumkin.
Test sinovlarida qatnashishda abituriyentlarga o‘zlari bilan pasport yoki ID-karta hamda ruxsatnomani test o‘tkaziladigan manzilga o‘z vaqtida olib kelishi tavsiya etiladi.

📱Telegram 📸Instagram ✅Facebook 📹 YouTube

19 yoshli xitoylik talaba yaratgan AI radar 317 ming dollarga sotildi

Financial express sayti ma’lumotiga ko‘ra, 20 yoshli xitoylik talaba Claude AI yordamida atigi 9 kun ichida sun’iy intellekt asosidagi tezlik radarini yaratgan. Postda aytilishicha, talaba loyiha uchun taxminan 20 dollar sarflagan, eski kamera ishlatgan va keyinchalik tizim shahar tumanlaridan biriga 317 ming dollarga sotilgan.
Postga ko‘ra, sun’iy intellekt asosidagi ushbu tizim tezlikni oshirgan avtomobillarni aniqlash va ularning davlat raqamlarini o‘qish imkoniyatiga egaligi aytilgan. Biroq tizimning qanday ishlashi, texnik imkoniyatlari yoki uning mustaqil ekspertlar tomonidan sinovdan o‘tkazilgani haqida hech qanday ma’lumot keltirilmagan.

📱Telegram 📸Instagram ✅Facebook 📹 YouTube

Magistraturani bitirgan pedagoglarga avtomatik 1-malaka toifasi beriladi

Pedagoglarni qo‘llab-quvvatlash maqsadida, 2026-yildan boshlab magistratura bosqichini tamomlagan pedagoglarga to‘g‘ridan to‘g‘ri 1-malaka toifasi, imtiyozli diplom bilan bakalavrni bitirib maktabga ishga kirganlarga esa 2-malaka toifasi berilishi rejalashtirilmoqda.
Bundan tashqari, pedagoglar uchun davlat xizmatlari to‘lovlari ham kamayadi, ya’ni o‘qituvchilar foydalanadigan ayrim davlat xizmatlari uchun to‘lovlarni 2 baravar kamaytirish ko‘zda tutilgan.

📱Telegram 📸Instagram ✅Facebook 📹 YouTube

Barcha fanlardan milliy sertifikat egalari ruxsatnoma olmaydi va test sinovlaridan ozod etiladi

Xabar berganimizdek, 2026–2027-o‘quv yili uchun oliy va kasbiy ta’lim muassasalariga hujjat topshirgan abituriyentlarga abituriyent ruxsatnomasini berish boshlandi. Shu bilan birga, barcha fanlardan milliy sertifikatga ega ayrim abituriyentlarning shaxsiy kabinetida ruxsatnoma chiqmayotgani yuzasidan ko‘plab murojaatlar kelib tushmoqda.
Ma’lum qilinishicha, barcha fanlardan milliy sertifikatga ega bo‘lgan va ro‘yxatdan o‘tishda “sertifikatdan foydalanaman”
variantini tanlagan abituriyentlar test sinovlaridan ozod etiladi. Shu sababli ularga test topshirish uchun ruxsatnoma shakllantirilmaydi va ular test o‘tkaziladigan hududga borishi talab etilmaydi.
Bilim va malakalarni baholash agentligi ma’lumotiga ko‘ra, bunday toifadagi abituriyentlar test sinovlari yakunlangach qabulning ikkinchi bosqichida ishtirok etadi. Ushbu bosqichda ularga 15 kun davomida oliy ta’lim muassasasi, bakalavriat ta’lim yo‘nalishi, ta’lim shakli hamda tanlov ustuvorligini tanlash imkoniyati yaratiladi.

📱Telegram 📸Instagram ✅Facebook 📹 YouTube

Xorijiy va nodavlat OTMlardan o‘qishni ko‘chirish bo‘yicha o‘tish ballari e’lon qilindi
 
2026/2027-o‘quv yili uchun xorijiy va nodavlat oliy ta’lim muassasalaridan o‘qishni ko‘chirish istagidagi talabgorlar uchun o‘tkaziladigan maxsus sinovlarning o‘tish ballari tasdiqlandi. Tegishli buyruq Oliy ta’lim, fan va innovatsiyalar vaziri tomonidan imzolangan.
Tasdiqlangan mezonlarga ko‘ra,
—Huquq — 165 ball;
—Siyosatshunoslik — 140 ball;
—Xalqaro munosabatlar — 140 ball;
—Jahon iqtisodiyoti va xalqaro iqtisodiy munosabatlar —140 ball;
—Sogʻliqni saqlash — 132 ball;
—Sanʼat, Ijtimoiy fanlar, Jurnalistika, Biznes va boshqaruv — 105 ball;
—Transport xizmatlari — 104 ball;
—Taʼlim, Gumanitar fanlar, Tillar, Atrof-muhit, Matematika va statistika, AKT, Ijtimoiy taʼminot — 94 ball;
—Biologik fanlar, Fizika, Xizmat koʻrsatish — 80 ball;
—Muhandislik, Ishlab chiqarish, Arxitektura — 75 ball;
—Qishloq, oʻrmon va baliq xoʻjaligi, Mehnat muhofazasi — 70 ball;
—Veterinariya — 60 ball etib belgilangan.
Shu bilan birga, xorijiy oliy ta’lim muassasalaridan O‘zbekiston davlat OTMlarining mos yoki turdosh bo‘lmagan bakalavriat ta’lim yo‘nalishlariga o‘qishni ko‘chirishga ruxsat berilmaydi.

📱Telegram 📸Instagram ✅Facebook 📹 YouTube

Ikkinchi oliy ta’lim uchun hujjatlar qabuli 10-iyuldan boshlanadi
 
Oliy ma’lumotga ega fuqarolar uchun ikkinchi va undan keyingi oliy ta’lim bo‘yicha hujjatlar qabuli 10-iyuldan boshlanadi. Arizalar 10-avgustga qadar (shu kuni ham) my.edu.uz platformasi orqali onlayn shaklda qabul qilinadi.
Amaldagi tartibga ko‘ra, oliy ma’lumotga ega bo‘lgan fuqarolar bakalavriatning boshqa ta’lim yo‘nalishida ikkinchi yoki undan keyingi oliy ma’lumot olish uchun hujjat topshirishi mumkin. Qabul faqat to‘lov-kontrakt asosida amalga oshiriladi.
Ro‘yxatdan o‘tishda pasport va JShShIR ma’lumotlari kiritiladi, shuningdek, diplom hamda uning ilovasi elektron shaklda yuklanadi. Talabgor o‘qishni istagan oliy ta’lim muassasasi va ta’lim yo‘nalishini ham tanlashi kerak.
Ikkinchi va undan keyingi oliy ta’lim bo‘yicha qabul kvotalari har bir oliy ta’lim muassasasining ilmiy-pedagogik salohiyati hamda moddiy-texnik imkoniyatlaridan kelib chiqib belgilanadi. Ushbu ko‘rsatkichlar oliy ta’lim muassasalari kengashlari tomonidan mustaqil tasdiqlanadi.

📱Telegram 📸Instagram ✅Facebook 📹 YouTube

Bolalarga zo‘ravonlik qilgan pedagoglar 1 yil ishlay olmaydi

Senatning 17-yalpi majlisida bolalar huquqlarini himoya qilishni kuchaytirishga qaratilgan qonun ma’qullandi. Unga ko‘ra, 6 ta kodeks va 13 ta qonunga o‘zgartirish hamda qo‘shimchalar kiritiladi.
Endilikda ta’lim muassasasida bolani urgan, unga nisbatan jismoniy zo'ravonlik qilgan, kamsitgan yoki xo‘rlagan shaxs ma’muriy javobgarlikka tortiladi.
Bundan tashqari, bolalarga nisbatan jismoniy yoki ruhiy zo‘ravonlik qilgani uchun ma’muriy javobgarlikka tortilgan pedagoglar 1 yil davomida maktabgacha ta’lim tashkilotlarida ishlay olmaydi.
Bundan tashqari, endi davlat yoki nodavlat muassasasida to‘liq ta’minotda bo‘lgan bola uchun ota-ona aliment to‘lashdan ozod etilmaydi. Shuningdek, yetim va ota-ona qaramog‘idan mahrum bo‘lgan bolalarni oilaga tarbiyaga berishda avvalo ularning qarindoshlariga ustuvorlik beriladi.
Senatorlar ushbu qonun bolalar huquqlarini yanada ishonchli himoya qilish, ularning qadr-qimmati va xavfsizligini ta’minlashga xizmat qilishini ta’kidladi.

📱Telegram 📸Instagram ✅Facebook 📹 YouTube

Bugundan ikkinchi mutaxassislik uchun hujjat topshirish boshlandi

2026–2027-o‘quv yili uchun ikkinchi va undan keyingi oliy ta’limga qabul jarayoni rasman boshlandi. 10-iyuldan boshlab oliy ma’lumotga ega bo‘lgan fuqarolar bakalavriatning ikkinchi mutaxassislik yo‘nalishlariga hujjatlarini my.edu.uz platformasi orqali onlayn tarzda topshirishlari mumkin. Arizalar 10-avgustga qadar (shu kuni ham) qabul qilinadi. Hujjat topshirish uchun quyidagilar talab etiladi:

• pasport va JShShIR ma’lumotlari;
• diplom hamda uning ilovasining elektron nusxasi;
• o‘qish istalgan oliy ta’lim muassasasi va ta’lim yo‘nalishini tanlash.

Shuningdek, xorijiy oliy ta’lim muassasalari tomonidan 1992-yil 1-yanvardan keyin berilgan diplomlar belgilangan tartibda nostrifikatsiyadan o‘tkazilgan bo‘lishi shart.

Ikkinchi oliy ta’lim bo‘yicha qabul kvotalari har bir oliy ta’lim muassasasi tomonidan o‘zining ilmiy-pedagogik salohiyati va moddiy-texnik bazasidan kelib chiqib mustaqil belgilanadi.

📱Telegram 📸Instagram ✅Facebook 📹 YouTube

⚡️ Bu yil OTMga kirish imkoniyati yuqoriroq bo‘lishi mumkin!

📚 2026-yilgi qabul uchun O‘zbekistonda 664 609 nafar abituriyent ro‘yxatdan o‘tdi. Bu so‘nggi 10 yil ichidagi eng past ko‘rsatkich bo‘ldi.

📊 So‘nggi yillardagi statistika:
• 2019 — 1,066 mln
• 2020 — 1,48 mln
• 2022 — 1,21 mln
• 2023 — 1,18 mln
• 2025 — 732,4 ming
• 2026 — 664,6 ming

✅ Abituriyentlar sonining kamaygani sababli, bu yil ayrim yo‘nalishlarda o‘qishga kirish imkoniyati o‘tgan yillarga nisbatan yuqoriroq bo‘lishi mumkin. Biroq yakuniy natija tanlangan yo‘nalish, kvotalar va to‘plangan ballarga bog‘liq.

📱Telegram 📸Instagram ✅Facebook 📹 YouTube

2026/2027-o‘quv yili test sinovlari sanalari e’lon qilindi
 
2026/2027-o‘quv yili uchun davlat oliy va kasbiy ta’im muassasalariga kirish test sinovlari 14–23-iyul kunlari bo‘lib o‘tadi. Imtihonlar 10 kun davomida kuniga ikki smenada tashkil etiladi. Birinchi smena soat 08:00, ikkinchi smena esa 15:00 da boshlanadi. Abituriyentlar test o‘tkaziladigan hududga imtihon boshlanishidan kamida 1,5 soat oldin yetib kelishlari kerak. Testda ishtirok etish uchun zarur bo‘lgan “Abituriyent ruxsatnomasi” onlayn ro‘yxatdan o‘tganlarga @DTM_Mandat_Bot orqali taqdim etilmoqda. Ruxsatnomani oldindan yuklab olib, chop etish tavsiya etiladi.
Har bir abituriyent ruxsatnomada ko‘rsatilgan manzil, sana va smena bo‘yicha test sinovida qatnashadi. Belgilangan hudud, kun yoki smenadan tashqarida imtihon topshirishga ruxsat berilmaydi. Test sinoviga kirishda pasport yoki ID-karta hamda abituriyent ruxsatnomasini olib kelish majburiy.

📱Telegram 📸Instagram ✅Facebook 📹 YouTube

Barcha fanlardan sertifikatga ega 13 mingga yaqin abituriyent testdan ozod etildi

Bilim va malakalarni baholash agentligi ma’lumotiga ko‘ra, joriy o‘quv yili uchun 677 ming 907 nafar abituriyent onlayn ro‘yxatdan o‘tgan.
Ro‘yxatdan o‘tganlarning 451 ming 744 nafari (66,6%) joriy yil bitiruvchilari bo‘lsa, qolgan 226 ming 163 nafari (33,4%) avvalgi yillarda ta’lim muassasasini tamomlaganlardir. Abituriyentlarning 365 ming 196 nafari (53,9%) ayollar, 312 ming 711 nafari (46,1%) esa erkaklarni tashkil etadi.
 Test sinovlarida jami 664 ming 609 nafar abituriyent ishtirok etishi kutilmoqda. Ro‘yxatdan o‘tish jarayonida yuklangan xalqaro sertifikatlar tekshirilib, 24 ming 526 tasi tasdiqlangan. Shuningdek, 193 ming 186 nafar abituriyent umumta’lim fanlari bo‘yicha, 125 ming 354 nafar abituriyent esa chet tillari bo‘yicha milliy yoki xalqaro sertifikatga ega ekanini ko‘rsatilgan.
Joriy yilda barcha fanlardan milliy yoki xalqaro sertifikatga ega bo‘lgan 12 ming 997 nafar abituriyent test sinovlaridan ozod etilib, to‘g‘ridan-to‘g‘ri tanlov bosqichiga o‘tkazilgan.
Taqqoslash uchun, 2025-yilda bunday imkoniyatdan atigi 678 nafar abituriyent foydalangan edi.

📱Telegram 📸Instagram ✅Facebook 📹 YouTube

O‘qishni ko‘chirishda sertifikat egalariga qo‘shimcha imkoniyat beriladi
 
2026-yildan xorijiy va nodavlat oliy ta’lim muassasalaridan davlat OTMlariga o‘qishini ko‘chirmoqchi bo‘lgan talabgorlar uchun yangi tartib amal qiladi.
Unga ko‘ra, chet tili va umumta’lim fanlari bo‘yicha milliy yoki xalqaro sertifikatga ega talabgorlarga o‘qishni ko‘chirish sinovlarida tegishli fanlardan tabaqalashtirilgan yoki maksimal ball beriladi.
Mazkur tartib Vazirlar Mahkamasining 2026-yil 11-iyundagi 299-son qarori bilan tasdiqlangan bo‘lib, hujjat 12-iyundan kuchga kirgan. Yangi qoidalar 2026-yildagi o‘qishni ko‘chirish jarayonida ham to‘liq qo‘llaniladi.

📱Telegram 📸Instagram ✅Facebook 📹 YouTube

O‘qishni ko‘chirish va tiklash uchun arizalar qabuli boshlandi
 
15-iyuldan 2026/2027-o‘quv yili uchun davlat oliy ta’lim muassasalariga o‘qishni ko‘chirish va qayta tiklash bo‘yicha arizalar qabuli boshlandi. Hujjatlar 5-avgustga (shu kuni ham) qadar onlayn qabul qilinadi.
Davlat OTMlari o‘rtasida ikki uzrli sababga ko‘ra o‘qishni ko‘chirish yoki bir OTM doirasida o‘qishni tiklash istagidagi talabgorlar transfer.edu.uz platformasi orqali murojaat qiladi.
Xorijiy va nodavlat OTMlardan davlat OTMlariga o‘qishini ko‘chirmoqchi bo‘lganlar esa arizalarini my.uzbmb.uz platformasi orqali topshiradi.
Bu yilgi tartibga ko‘ra, milliy sertifikatlar avtomatik tekshiriladi, xalqaro sertifikatlar esa elektron shaklda yuklanadi. Shuningdek, tegishli sertifikatga ega talabgorlarga o‘qishni ko‘chirish sinovlarida ayrim fanlardan maksimal yoki tabaqalashtirilgan ball beriladi.

📱Telegram 📸Instagram ✅Facebook 📹 YouTube

Yangi o‘quv yili uchun bakalavriat qabul kvotalari ma’lum qilindi

2026/2027-o‘quv yili uchun oliy ta’lim muassasalariga qabul parametrlari tasdiqlandi. Oliy ta’lim, fan va innovatsiyalar vaziri Qo‘ng‘irotboy Sharipovning ma’lum qilishicha, bakalavriatning kunduzgi ta’lim shakli bo‘yicha 234 mingdan ortiq qabul o‘rni ajratilgan.
Yangi o‘quv yilida 36 ming 23 ta davlat granti ajratilishi rejalashtirilgan. Qabul kvotalarini shakllantirishda muhandislik, axborot texnologiyalari, pedagogika va agrar yo‘nalishlar ustuvor yo‘nalish sifatida belgilangan.
So‘nggi yillarda kunduzgi ta’lim uchun ajratilgan qabul o‘rinlari ham sezilarli oshgan. Xususan, 2024-yilda 127 ming 995 ta, 2025-yilda 148 ming 400 ta bo‘lgan bo‘lsa, 2026-yilda bu ko‘rsatkich 234 mingdan ortiqni tashkil etdi.

📱Telegram 📸Instagram ✅Facebook 📹 YouTube

Xorijdagi o‘zbekistonlik talabalarni ish beruvchilar bilan bog‘lovchi yangi modul yaratiladi

2026-yil 1-oktabrdan career.edu.uz platformasida “Xorijdagi talabalar ” moduli ishga tushiriladi. Yangi tizim xorijda ta’lim olayotgan o‘zbekistonlik talabalarni mahalliy davlat idoralari va xususiy kompaniyalar bilan bog‘laydi.
Modul orqali talabalar amaliyot o‘tashi, ish beruvchilar bilan hamkorlikni yo‘lga qo‘yishi va o‘qishni tamomlagach ishga joylashish imkoniyatiga ega bo‘ladi.

📱Telegram 📸Instagram ✅Facebook 📹 YouTube

Qozog‘istonda diplomni “yirtgan” bitiruvchi 5 sutkaga qamaldi

Qozog‘istonning Olmaota shahrida bitiruv marosimida diplomini yirtgandek ko‘ringan yigit 5 sutkaga ma’muriy qamaldi. Tekshiruvda u haqiqiy diplomni emas, oldindan tayyorlangan soxta muqovani yirtgani aniqlandi. Shunga qaramay, video tez fursatlarda tarqalib, shov-shuvlarga sabab bo‘ldi va sud uni mayda bezorilikda aybdor deb topdi.

📱Telegram 📸Instagram ✅Facebook 📹 YouTube

BAAda maktabni a'lo bahoga bitirganlarga 27 ming AQSh dollaridan berildi
 
Birlashgan Arab Amirliklarida maktabni eng yuqori baholar bilan tamomlagan 12 nafar bitiruvchilar taqdirlanib, ularning har biriga 100,000 dirhamdan (27 ming AQSh dollari) berildi. Bu haqida “Khaleej Times” xabar berdi. Qayd etilishicha, o‘quvchilar turli yo‘nalishlar bo‘yicha eng yuqori natijalarni qayd etgan bitiruvchilar orasidan saralangan. Mukofotlarni Dubay hokimi va BAA Bosh vaziri o‘rinbosari Shayx Muhammad bin Rashid Ol Maktum topshirgan.
Dubay hokimi bitiruvchilarning muvaffaqiyatida ota-onalar va ustozlarning hissasi beqiyos ekanligini qayd etib, ularga minnatdorlik bildirgan.

📱Telegram 📸Instagram ✅Facebook 📹 YouTube

OTMlarga qabul kvotalari rasman tasdiqlandi
 
2026/2027-o‘quv yili uchun davlat oliy ta’lim tashkilotlariga qabul parametrlari rasman tasdiqlandi. Unga ko‘ra, bakalavriat va magistratura bosqichlari bo‘yicha kunduzgi, kechki hamda masofaviy ta’lim shakllari uchun jami 227 mingdan ortiq qabul o‘rni ajratildi.
—Kunduzgi bakalavriat — 155 852 ta;
—Kechki bakalavriat — 28 942 ta;
—Masofaviy bakalavriat — 20 810 ta;
—Magistratura — 22 050 ta (10 340 ta davlat granti, 11 710 ta to‘lov-kontrakt).

Qabul kvotalari til kesimlari bo‘yicha:
—Bakalavriat, kunduzgi ta’lim: 130 843 tasi o‘zbek, 19 341 tasi rus, 4 888 tasi qoraqalpoq, 335 tasi qozoq, 315 tasi tojik, 75 tasi qirg‘iz va 55 tasi turkman
—Bakalavriat, kechki ta’lim: 26 010 tasi o‘zbek, 2 277 tasi rus, 655 tasi qoraqalpoq
—Bakalavriat, masofaviy ta’lim: 18 543 tasi o‘zbek, 1 800 tasi rus va 467 tasi qoraqalpoq
—Magistratura, kunduzgi ta’lim: 18 568 tasi o‘zbek, 3 392 tasi rus

Shuningdek, axborot texnologiyalari va sun’iy intellekt yo‘nalishlari uchun davlat granti kvotalari 35 foizga oshirildi.
nogironligi bo‘lgan shaxslar uchun — 2%;
yetim va ota-ona qaramog‘idan mahrum bo‘lganlar uchun — 1%;
Ijtimoiy reyestrdagi oilalar farzandlari uchun — 10%;
ichki ishlar, bojxona organlari, Qurolli Kuchlar va Milliy gvardiya xodimlari farzandlari uchun alohida grant o‘rinlari;
Muddatli harbiy xizmatni o‘tagan fuqarolar uchun 5% alohida qabul ko‘rsatkichi ajratildi.

Bundan tashqari, xotin-qizlar uchun kunduzgi ta’limga qo‘shimcha 4 mingta davlat granti, 5 yillik mehnat stajiga ega ayollar uchun 2 500 ta alohida to‘lov-kontrakt o‘rni, xorijdagi yosh vatandoshlar uchun 30 ta davlat granti, Green University uchun esa 100 ta davlat buyurtmasi o‘rni tasdiqlandi.

📱Telegram 📸Instagram ✅Facebook 📹 YouTube