Анджэю Пачобуту сёння 53 гады.
Гэта пяты дзень народзінаў які ён сустракае за кратамі. Чакаем на волі!

Новы правакацыйны надпіс ВІЛЬНR НАWA. Гэтым разам на каменнай агароджы Ваенных могілак у Вінгісе.

Надпіс свежы. Яўна разлічаны на тое, што на выходных тут праходзіць шмат людзей, якія яго пабачаць.

«Ведаеш, гэта будзе мучыць нас яшчэ доўга. Мяне — дакладна, і я хачу сказаць, што мне шкада, што я ўводзіў людзей у зман. Гэта было ненаўмысна».

Амерыканскі правакансерватыўны блогер Такер Карлсан прызнаў памылку і выбачыўся за сваю падтрымку Трампа.

Нават, у самых смелых думках не ўяўляю сабе лукашысцкую прапaгандoнскую шушару, што прамаўляе словы выбачэння і прызнання памылак. Няма ў іх такой мікрасхемы ў галаве.

Памятаеце гісторыю пра палітзняволеную, што была за кратамі цяжарная? Наталля Левая была вызваленая і нарадзіла хлопчыка на волі. Віншаванні!

Ты за Фядуту, ці за Бяляцкага?

Пытаюць мяне айчынныя срaчaлюбы. Вось ужо ваісціну не давай беларусу чаркі ды шкваркі, а дай пaсрацца. Але ж мой адказ на вынесенае пытанне не спадабаецца вам, бо я... за кнігу.

Пакуль адбываецца срач наконт таго на якой мове друкаваць, а на якой не друкаваць, побач з намі разварочваецца кніжны трылер. Амаль тры сотні надрукаваных асобнікаў "Восені патрыярха" Габрыеля Гарсіі Маркеса, будуць знішчaныя калі не будуць прададзеныя да лета. Не нaцыстaмі, ці лукaшыстaмі, а ўласнаручна выдаўцом, бо такія ўмовы аўтарскага кантракта.

Калі для вас як і для мяне мае значэнне кніга, то канвертуйце свой праведны запал у дзеянне. І падтрымайце справу беларускага кнігавыдавецтва справай, а не дрочавам па клавіятуры.

Дарэчы, сёння якраз Сусветны дзень кнігі. У Каталоніі, адкуль традыцыя святкавання і пайшла, ёсць выдатная традыцыя. На 23 красавіка хлопчыкі дораць ружы ўсім сустрэчным дзяўчынам, а дзяўчыны дораць сваім блізкім хлапцам кнігі. Сённяшні дзень - гэта дзень св.Валянціна па-каталонску. Зрабіце добрую і прыемную справу. Спасылка на замаўленне кнігі тут.

Веру ў цябе! І нобелеўскі лаўрэат Габрыэль Гарсія Маркес глядзіць на цябе як на чалавека справы 🙂

Еўразвяз канчаткова зацвердзіў крэдыт на €90млрд для Ўкраіны. Варта было прыбраць Орбана і Фіца ў адзіночку вырашыў не размахваць сваім вета перад носам Еўракамісіі.

Цікава назіраць за няўканнем і ныццём некаторых жыхароў суседняй краіны, якія пераймаюцца сапсаванай экалогіяй Туапсэ.

Я чуў што сітуацыя з экалогія значна паляпшаецца калі ня лезеш ратаваць суседзяў ад "нацызма"

У Беларусі цяпер ідуць масавыя зaтрыманнi і пеpaтрусы ў прадстаўнікоў сацыяльна-культурных арганізацый.

У сувязі з гэтым нагадваю кантакт эвака @dogen_free (tg). Калі вы, ці вашыя сваякі ў нeбяспeцы - звяртайцеся па дапамогу.

Дональд Туск на саміце ЕС у Нікасіі:
«Упершыню за гады ў зале не было рускіх, калі вы разумееце, што я маю на ўвазе».
Ох, Дональд. Нешта мне падказвае, што акрамя Орбана, ёсць там у вас і іншыя «рускія».

Яму - 40. Мне амаль 41.

Гэтыя лічбы абсалютна не ўкладваюцца ў галаве, бо калі гутарка заходзіць пра Чарнобыль, я зноў і зноў адчуваю сябе дашкольнікам, які добра ведае што ў лес мы ня ходзім па грыбы і ягады, хаця вакол Рэчыцы вялізарныя лясы, поўныя прыгажосці і смакаты.

Што побач з маім домам спешна выбудавалі дзевяціпавярховік, куды засялілі людзей, з тым самым позіркам, які я потым усё жыццё буду сустракаць. А аднойчы пабачу і ў сваім люстэрку. Перасяленцы. Бежанцы. Выгнаннікі.

Людзі, што ў адзін момант згубілі ўсё, пачалі жыць побач з намі. Яны былі ціхія і разгубленыя. З дзецьмі з гэтага дома сябравалі, але ж падчас дзіцячых сварак не забываліся нагадаць што яны "чарнобыльскія". А людзі з гэтага дома і не забываліся.

З часам, на гаўбцах іх кватэр з'явіліся рамы. Была такая мода ставіць шкло на лоджыях і гаўбцах. Рамы ў гэтых кватэрах былі знятыя ў пакінутых у Чарнобыльскай зоне жыхарамі дамах. Людзі везлі разам з сабой частку свайго жыцця.

Матэрыяльнае вымярэнне таго жыцця, якое сёння падаецца цяжкім і няпростым, але ж як згубіш, то адчуваецца як сонечнае і яскравае. Везлі і ставілі гэтыя рамы, каб дадаць цяпла ў кватэры, абараніцца ад халадэчы чужога горада.

Не забываліся на тое хто яны, але ж забыліся на тое, што разам з часткай старога дома, прывозілі ў новы дом смерць. Нябачную, але бязлітасную. Малымі мы цынічна жартавалі што гэты дзевяціпавярховік свеціцца па начох ад радыяцыі. У выпадку са старымі рамамі на гаўбцах, хіба, так яно і было.

Чарнобыль забраў маіх аднакласнікаў, забраў здароўе цэлага пакалення гомельскіх і магілёўскіх дзяцей. Майго пакалення. Але ж, тэхнагенная катастрофа паставіла адвечнае пытанне - ці ўсё добра ў тваёй краіне, калі яе ўлада хлусіць пра жыццё і смерць мільёнаў? Жыць той уладзе заставалася пяць год. Але ж яе паслядоўнікі дагэтуль на сваіх месцах.

Фота маё. Зрабіў у 2009 годзе.

"Фон без изменений. Первый энергоблок БелАЭС отключили в очередной раз

Первый энергоблок БелАЭС вновь отключен от сети. Это сделано для обеспечения надежной эксплуатации, сообщили на БелАЭС."

Пастаянныя адключэнні рэактараў кажуць нам што надзейная эксплуатацыя БелАЭС: у выключаным стане. Добрая тэматычная навіна да ўчарашняга дня.

Беларускія навукоўцы прапануюць вывучаць англійскую мову па... публічных выступах палкоўніка. Адразу прыгадваецца цытатнік Мао, які ажыўляе параненых кітайскіх хунвэйбінаў. Але ж тут бачым вычвapэнне яшчэ больш выкшталцонае :)

Фотачку ўзяў на Белсаце.

Расейская спецура рыхтавала ў Вільні зaбoйcтвa двух асобаў - расейскага палітэмігранта і літоўскага актывіста.

Узровень падрыхтоўкі быў вельмі высокі і ахопліваў некалькі краінаў Еўразвязу. Агулам паліцэйскімі розных краін выяўленыя 13 падазроных у гэтай справе. Большасць з іх б (9) затрыманыя, сярод іх грамадзяне Расіі, Украіны, Беларусі, Грузіі, Латвіі, Малдовы і Грэцыі

Што цікава ў гэтай справе - Літва ў 90-я была краінай, дзе мелася арганізаваная злaчыннacць і тады рэалізаваць такое замоўнае зaбoйcтвa не было б вялікай праблемай. Але ж часы змяніліся, кіраўнікі гaнгaў альбо па турмax, альбо ў трунax і інфраструктуры для такой замовы папросту няма. Таму выканаўцам прыйшлося камбінаваць вельмі складаную схему для рэалізацыі. Падобна што на гэтым яны і пагарэлі.

Вялікі дзякуй літоўскай крымінaльнaй паліцыі і Генпракуратуры за выдатную працу!

Прэзыдэнт зрабіў узмах рукой у бок людзей, што сабраліся яго сустрэць і ў гэты момант раздалася шэсць стрэлaў.

Гатэль Вашынгтон Хілтан - знакавае месца, якое вельмі часта прымае прэзыдэнтаў ЗША на розныя івенты. Івент 30 сакавіка 1981 года быў сотым візітам у гатэль дзеючага прэзыдэнта ЗША і быў сустрэчай з выбарцамі. 25-гадовы Джон Хінклі-малодшы, стpaляў у бок Рэйгана шэсць разоў. Былі пapaненыя сам прэзыдэнт і яшчэ трое чалавек. Рэйгана дастала самая апошняя шостая куля, якая зрыкашэціла ад браняванага барта лімузіна і трапіла роўна ў праём між дзвярыма і корпусам машыны у якую ахоўнікі паспелі ўсадзіць шэфа. Куля закранула рабрыну і спынілася усяго ў 25 міліметрах ад сэрца.

Пазней стрaлок на следстве раскажа што стрaляў у прэзыдэнта... каб прыцягнуць увагу актырысы Джодзі Фостэр, якую паслядоўна і неадступна стaлкерыў доўгі час. Пазней малады чалавек быў прызнаны недзеяздольным і змешчаны ў псіхіятрычны шпіталь, у якім ён прабыў ажно да 2016 года.

Рэйган не адразу зразумеў што адбылося, боль у грудзі ён прыняў за пералом рабрыны, бо ахоўнікі запіхвалі яго ў лімузін без асаблівых цырымоній. Але ж пасля пачалося крывацячэнне горлам. Ужо пасля таго як прэзідэнт трапіў на аперацыйны стол, адбыўся ягоны знакаміты дыялог з хірургам (негледзячы на сур'ёзнасць ранення, Рэйган быў у свядомасці). «Спадзяюся, вы рэспубліканец», на што атрымаў адказ: «Сёння, спадар прэзідэнт, мы ўсе рэспубліканцы». Калі б не своечасова аказаная дапамога і шматчасавая складаная аперацыя з пераліваннем крыві, Рэйган бы памёр.

27 красавіка 2026 года, праз 45 гадоў гатэль Вашынгтон Хілтан зноў стаў месцам пaкушэння на прэзідэнта ЗША. Гэтым разам няўдалага. Цікава, ці паўтарыўся б такі дыялог паміж урачом і пацыентам, калі б нападнік здолеў ажыццявіць свой замысел?

Улетку 2023, па запрашэнні праграмы Злучаных Штатаў Амерыкі, я жыў у гэтым гатэлі. На месцы пакушэння на Рэйгана ўсталяваная мемарыяльная таблічка.

Наша Ніва: "Вызваляюць Пачобута"
🤞🤞🤞

Анджэй Пачобут і прэм'ер Польшчы Дональд Туск. Першае фота палітвязня на волі!

І яшчэ адна важная навіна на сёння. Аб'яднаныя Арабскія Эміраты выходзяць з нафтавага картэля АПЕК. А гэта значыць што гэтая краіна з вялікімі запасамі нафты (шостыя ў свеце) цяпер зможа самастойна вырашаць колькі нафты яна здабывае і выпускае на сусветны рынак. А гэта значыць што з першага мая з'яўляецца дадатковы моцны самастойны гулец, які будзе значна ўплываць на кошты на нафту.

Як сёння выглядае Анджэй Пачобут у чарговы раз нагадвае нам з кім мы маем справу па той бок фронту. І гэта сапраўдны твар сістэмы, якая спрабуе злaмaць, знiшчыць, запудрыць мазгі ўсім, хто стаіць на яе шляху. Кaтaванні - гэта кaтaванні, а не "імкненне да дыялогу", "веганскія батончыкі" і таму падобнае.

Сыйшла эпоха. Легендарны рэсурс udaff. com больш не існуе.

Мова падонкафф у нулявыя гады была істотным контркультурным феноменам постсавецкай прасторы. Аффтар жжот, пешыісчо, ржунімагу, фбабруйск жывтоне - гэтыя фразы на "олбанском езыге" нарадзіліся ў гэтым харчовым булёне, што варыўся ў запаленых галовах дапатопных інтэрнатаў задоўга да моднага сёння brainrot.

Кожнай генерацыі свае прыколы. Аффтары ўбілicя апсцену змазаную йадам.

RIP

Немагчыма двойчы ўвайсці ў адну ваду. А ў туапсінскую нафту можна і чатыры разы.

ЗСУ