✉️ Сябры, мы ведаем, што вы чакаеце навіны. З вялікай надзеяй мы чакаем, што ў людзей будзе магчымасць застацца ў краіне і самастойна выбраць свой далейшы шлях. Тым не менш, мы гатовыя і да розных сцэнароў развіцця падзей.

У любым выпадку, хочам запэўніць вас, што пры любых выніках мы будзем імкнуцца аказаць усю неабходную дапамогу. Мы таксама разумеем, што ў Беларусі людзі могуць сутыкацца з ціскам і спробамі прымусовага супрацоўніцтва, і ўлічваем гэтыя рызыкі ў сваёй працы, імкнучыся дзейнічаць максімальна асцярожна і адказна.

💎Важна: як толькі з’явіцца пацверджаная інфармацыя або канкрэтныя магчымасці для дапамогі, мы абавязкова праінфармуем вас і падзелімся неабходнымі кантактамі для сувязі і падтрымкі.

Аказанне дапамогі адбываецца дзякуючы аб’яднаным высілкам шырокай сеткі праваабарончых і гуманітарных арганізацый у розных краінах, якія сумесна працуюць дзеля падтрымкі людзей у гэтай сітуацыі.

🔜Сёння на адным з праўладных беларускіх рэсурсаў выйшла навіна, у якой прыводзіцца цытата Аляксандр Лукашэнка пра нядаўнія вызваленні палітычных зняволеных:

Мы іх ведаем. Перш чым выпусціць, яны ўсе былі ўзяты пад кантроль спецслужбамі і міліцыяй.

У сувязі з усё большым пагаршэннем сітуацыі з правамі чалавека ў Беларусі падобныя заявы могуць сведчыць пра тое, што рэжым мае намер працягваць ціск на людзей, якія ўжо пацярпелі ад несправядлівага зняволення, пазбаўленняў і катаванняў.

❗️Мы, як прадстаўнікі праваабарончай і гуманітарнай супольнасцей Беларусі, выказваем глыбокую занепакоенасць гэтай сітуацыяй і заклікаем дзейныя органы ўлады краіны забяспечыць бяспеку вызваленых палітычных зняволеных і стварыць для іх магчымасць рэалізаваць у поўным аб’ёме гарантаваныя ім правы.