❗️Cлужбе «Хуткай гуманітарнай дапамогі» вядомыя 15 прозвішчаў (+1 непацверджанае) палітычных зняволеных, што трапілі пад вызваленне

Мы па-ранейшаму не называем імёны вызваленых палітвязняў з меркаванняў бяспекі, але можам падзяліцца некаторай інфармацыяй.

Тэрміны, якія засталося адбыць тым, пра чые вызваленне вядома:

5 чалавек – у межах месяца;
3 чалавекі – у межах 1 года;
5 чалавек – у межах 1.5-2 гадоў;
1 чалавек – у межах 2-3 гадоў;
1 чалавек – больш за 6 гадоў.

З тых, каго датэрмінова вызвалілі за апошнія два дні, вядома пра цяжкі стан здароўя толькі ў Рыгора Кастусёва.

Праваабаронцы падтрымліваюць інфармацыйную цішыню для бяспекі вязняў, таму пакуль не публікуюць прозвішчы астатніх вызваленых.

Ігар Аліневіч: «Я дакрануўся да вас, да дому»

Палітвязень адправіў паштоўку са шпіталя, паведамляецца ў сетцы Facebook. Пра ягоны стан здароўя па-ранейшаму нічога невядома.

«Першае, што ўбачыў, былі неба над галавой, мноства шчабечучых чаек і вялізныя прасторы вакол. Я нават убачыў Менск!!! Узнікла пачуццё, што я дакрануўся да вас, да дому», – напісаў Ігар Аліневіч.

Палітвязень ужо больш за тыдзень знаходзіцца не ў турме ў Жодзіне, а ў шпіталі ў Калядзічах.

«Зніклыя, але не забытыя»

Выданне Thе Washington Post расказала пра беларускіх палітвязняў, якіх трымаюць у рэжыме інкамунікада:

👉🏻 https://www.washingtonpost.com/opinions/2024/07/05/dictators-disappear-political-prisoners-incommunicado-belarus/

«Пры Аляксандры Лукашэнку Беларусь часта служыла палігонам для выпрабаванняў розных метадаў рэпрэсій. Цяпер ён займаецца жорсткімі псіхалагічнымі катаваннямі, утрымліваючы палітычных зняволеных без сувязі з навакольным светам больш за год».

На сённяшні дзень мы нічога не ведаем пра:

Віктара Бабарыку 517 дзён
Міколу Статкевіча 515 дзён
Максіма Знака 515 дзён
Марыю Калеснікаву 511 дзён
Ігара Лосіка 504 дня
Сяргея Ціханоўскага 486 дзён
Уладзіміра Кнігу 306 дзён

«Письма героям» — рубрика о людях, которые пожертвовали свободой ради нашего с вами будущего.

Новый выпуск уже на YouTube-канале
👉🏻 https://youtu.be/CRDQVMAEK8o

В сегодняшнем видео руководитель фонда BYSOL Андрей Стрижак делится статистикой, которая не только демонстрирует скольким людям ежедневно помогают беларусы, но также свидетельствует о том, насколько чудовищна диктатура Лукашенко.

❗️Поддерживайте политзаключенных и их семьи:

🔺Безопасно отправить письмо политзаключенному
👉🏻 https://t.me/stranafund/11214

🔺Подробнее о Банке писем
👉🏻 https://dissidentby.com/letter/bank

🔺Сделать донат на поддержку семей политзаключенных
👉🏻 https://ru.stranafund.org/article/donate

❗️ Меней за 1 працэнт – праваабаронцы падлічылі колькасць палітвязняў, якіх рэжым адпусціў на волю праз памілаванне, амністыю ды іншыя абставіны
@dissidentby

На мінулым тыдні ў Беларусі на волю датэрмінова выйшлі як мінімум 18 палітычных зняволеных. Да таго ж раней маскоўскі і лукашэнкаўскія рэжымы ў межах абмену з Украінай адправілі дадому пяць грамадзянаў гэтай краіны.

Аднак гэта проста кропля ў моры ў параўнанні з агульнай колькасцю асуджаных у Беларусі паводле палітычных артыкулаў. Лік ідзе на тысячы, тады як на волю датэрмінова выходзяць адзінкі.

Так, у 2021 годзе па памілаванні выйшлі 14 палітвязняў. У 2022 годзе яшчэ 12 асобаў пакінулі турмы па памілаванні, тры па амністыі, а яшчэ адна – грамадзянка Швейцарыі Наталля Хершэ, пасля дыпламатычных высілкаў сваёй краіны.

Летась памілаванне закранула дваіх – Рамана Пратасевіча і Сафію Сапегу. Яшчэ 6 палітвязняў апынуліся на волі па амністыі, прычым некаторыя потым ізноў патрапілі пад пераслед.

Агулам, паводле ацэнак праваабаронцаў, колькасць палітычных вязняў, якіх рэжым з 2020 года выпусціў на волю праз памілаванне, амністыю і іншыя абставіны складае 0,9% ад агульнай колькасці асуджаных з палітычных прычынаў.

Па стане на 6 траўня 2024 году праваабаронцы справаздачацца не менш як пра 254 палітвязня, якія знаходзяцца за кратамі ў асаблівай рызыцы.

Сярод іх 16 чалавек з інваліднасцю, 92 у цяжкім стане здароўя, 63 асобы, чый узрост перавышае 60 гадоў (шмат хто з іх мае вялікія праблемы са здароўем), а таксама 10 чалавек з ментальным разладам.

Агулам у турмах Беларусі цяпер утрымліваюць як найменей 1500 палітвязняў і палітвязынак.

Праваабаронцы радыя за кожнага з тых, хто апынуўся дома. Але мы застаемся рэалістамі і пакуль не бачым пазітыўных зменаў у сітуацыі з правамі чалавека ў Беларусі, гледзячы на лічбы затрыманых і новыя прысуды для людзей, якія могуць папоўніць спіс тых, хто знаходзіцца ў асаблівай рызыцы.

Спыненне рэпрэсій і вызваленне ўсіх палітычных вязняў – вось нашая мэта.

🕯Гадавіна смерці Алеся Пушкіна: вечная памяць нязломнаму мастаку і палітвязню

11 ліпеня 2023 года ў Беларусі памёр Алесь Пушкін – вядомы беларускі мастак-нонканфарміст, іканапісец, перформер і арт-куратар. Яго смерць ва ўзросце 57 гадоў наступіла ў рэанімацыі больніцы, куды палітвязня даставілі з гарадзенскай турмы.

Прычына смерці – нясвоечасовае лекаванне прабадной язвы. Мастака-палітвязня забіла беларуская пенітэнцыярная сістэма.

Алесь Пушкін застанецца ў памяці беларусаў як сапраўдная асоба, бясстрашны чалавек, які асабіста і праз сваю творчасць кідаў выклік рэпрэсіўнаму лукашэнкаўскаму рэжыму.

Пра шлях Алеся да свабоды - у нашым матэрыяле:

👉🏻 https://by.stranafund.org/blog/news/gadavina-smerci-alesia-pushkina-vechnaya-pamiat-niazlomnamu-mastaku-i-palitviaznu

❗️Паліну Шарэнда-Панасюк даставілі ў шпіталь у Навінках

Этап з гомельскага СІЗА цягнуўся 9 дзён – напісаў муж палітзняволенай Андрэй Шарэнда. Паліна прабудзе ў Цэнтры судовых псіхолага-псіхіятрычных экспертызаў у Навінках некалькі тыдняў.

Раней яе ўжо двойчы скіроўвалі ў гэтую ўстанову з мэтай экспертызы. Хібаў у псіхічным здароўі выяўлена не было.

Праваабаронцы разглядаюць этапаванне з калоніі або турмы як форму катавання вязня.

Да таго ж вядома пра выпадкі бесчалавечнага абыходжання з Палінай Шарэнда-Панасюк у калоніі (яе неаднаразова змяшчалі ў штрафны ізалятар, пазбаўлялі перадач і сустрэчаў з роднымі).

Палітзняволеная мусіла выйсці на волю 21 траўня, аднак яе не выпусцілі. Ёй у чарговы (ужо трэці раз) інкрымінавалі непадпарадкаванне адміністрацыі калоніі.

Муж Паліны Андрэй вымушана пакінуў Беларусь. Разам з двума дзецьмі ён жыве ў Літве.

Статус фонду "Краіна для Жыцця": Экстрэмісцкае фармаванне і яго наступствы

12 ліпеня 2021 года шэраг рэсурсаў фонду "Краіна для Жыцця» (СДЖ) былі прызнаныя экстрэмісцкімі матэрыяламі, а 30 лістапада 2022 года і сам Фонд абвесцілі "экстрэмісцкім фармаваннем".

Разам з юрыстамі нашага Фонду мы проста і падрабязна адкажам на пытанні, звязаныя з гэтым статусам, каб засцерагчы ўсіх, хто ўдзельнічаў у нашай дзейнасці і працягвае падтрымліваць палітвязняў:

👉🏻 https://by.stranafund.org/blog/news/status-fonda-strana-dlya-zhizni-ekstremistskoe-formirovanie-i-ego-posledstviya