Уначы на 6 чэрвеня беларускі рэжысёр Андрэй Гнёт, які цягам апошніх 7 месяцаў знаходзіўся ў Цэнтральная турме Бялграду, апублікаваў у Instagram сторыз.

Таксама ў інтэрнэце з'явілася відэа з Андрэем, дзе ён гаворыць, што зняволенне яму змянілі на хатні арышт. І выказвае падзяку ўсім, хто за яго змагаўся.

41-гадовы беларускі рэжысёр музычных кліпаў і рэкламных ролікаў, журналіст, а таксама адзін з заснавальнікаў Свабоднага абʼяднання спартоўцаў SOS BY (прызнана ў Беларусі экстрэмісцкім фармаваннем) Андрэй Гнёт быў затрыманы праз Інтэрпол у Сербіі ў кастрычніку 2023 году.

Гэта адбылося на запыт рэжыму Лукашэнкі, які вінаваціць Гнёта ў нясплаце падаткаў на суму 300 000 еўраў.

Гнёт прыляцеў у Сербію з Тайланда (дзе ён апошнім часам стала пражываў) і быў затрыманы проста ў аэрапорце.

З таго часу Андрэй Гнёт даказваў, што яго пераследуюць па палітычных матывах. А Бялград упіраўся і хацеў выдаць яго Менску.

Магчыма, замена турмы на хатні арышт адзначае, што Сербія не будзе экстрадаваць Гнёта ў Беларусь.

Праект юрыдычнай дапамогі «Юрыст на сувязі»

Праект аказвае юрыдычную падтрымку беларусам, якія знаходзяцца ўнутры краіны, а таксама недзяржаўным арганізацыям па пытаннях дзейнасці ў Беларусі.

Калі вам патрэбная прававая кансультацыя, падказка ці нават суправаджэнне, выйдзіце на сувязь з намі праз @stranafundyd_YD_bot у Telegram.

Гэта зусім бясплатна, бяспечна і ананімна.

Па якіх пытаннях кансультуюць нашы спецыялісты?
• Працоўнае права
• Адміністратыўнае права
• Грамадзянскае права
• Жыллёвае права
• Гаспадарчае права
• Права сацыяльнага забеспячэння

Вы атрымаеце першасную кансультацыю, вам дапамогуць падрыхтаваць дакументы (заявы, скаргі і г.д.) для дзяржаўных органаў і розных арганізацый.

Спецыяліст распрацуе інструкцыю па абароне вашых правоў у кожным канкрэтным выпадку.

🎥 Смотрите наш новый фильм о тюремной системе Беларуси: https://youtu.be/0SVdjuqUKp8

Почти 1 000 000 граждан Беларуси столкнулись с лишением или ограничением свободы за последние 30 лет. Скорее всего, вы слышали о 1500 политических заключенных, но мало кто знает, что в тюрьмах страны содержатся больше 32 тысяч человек по разным статьям.

В каких условиях проходит заключение? Можно ли заменить лишение свободы другими мерами? И почему все устроено так, что Департамент исполнения наказаний МВД, которому подчиняются все исправительные учреждения, может считаться крупнейшим промышленным предприятием страны?

▶️ Об этом и других важных вещах в системе лишения свободы мы поговорили с людьми, которые много лет борются за права или сами оказались по ту сторону: https://youtu.be/0SVdjuqUKp8

@honestpeople_by
#мычестныелюди #фабриканесвободы

❗️ Абнаўленне інфармацыі пра Сяргея Ерамеева

Басманны суд Масквы працягнуў тэрмін арышту беларуса Сяргея Ерамеева да 30 ліпеня.

Яго арыштавалі 7 снежня мінулага года і абвінавацілі ў выбухах цягнікоў на БАМе. Кажучы юрыдычнай мовай – у здзяйсненні двух асабліва цяжкіх злачынстваў, прадугледжаных ч.2 арт.205 КК РФ «Тэрарыстычны акт».

Сяргею Ерамееву пагражае пазбаўленне волі тэрмінам ад 12 да 20 гадоў.

Згодна з тлумачэннем, якое Сяргей Ерамееў даў на судовым слуханні ў Омску пасля затрымання, ён хацеў паралізаваць рух вайсковых грузаў на чыгунцы.

«Я напісаў у тлумачэнні, што праз БАМ зараз вязуць боепрыпасы... Галоўная мэта была – перашкодзіць руху», – заявіў ён тады.

У першыя месяцы пасля арышту да Сяргея Ерамеева не пускалі незалежнага адваката. Аднак зараз блакада прарваная, і беларус можа сустракацца з нанятым адвакатам і выбудоўваць лінію абароны.

Сяргей Ерамееў – 52-гадовы жыхар Наваполацка, не жанаты. Ёсць двое малалетніх дзяцей. У 2020 годзе браў удзел у страйку на «Нафтане», пасля чаго яго звольнілі з прадпрыемства.

Калі ласка, падтрымайце Сяргея Віктаравіча Ерамеева ў турме. Ён вельмі спадзяецца на нашую салідарнасць!

Пісаць лісты можна на адрас:
✉️ 111020, г. Масква, вул. Лефортаўскі Вал, д. 5, СІЗА № 2.

Летнія вакацыі ў Італіі для семʼяў уцекачоў з Беларусі

Асацыяцыя беларусаў у Італіі «Талака» і Народныя амбасада Беларусі ў Італіі адкрылі праграму падтрымкі для семʼяў уцекачоў з Беларусі.

Арганізатары падкрэсліваюць, што будуць аддаваць перавагу семʼям з дзецьмі. Максімальная колькасць людзей – 6. З сабой можна браць хатніх гадаванцаў.

🔺Вы можаце патрапіць у праграму пры наступных умовах:

- пражываеце ў Італіі (пажадана);
- маеце статус уцекача або чакаеце гэтага статусу;
- гатовыя прайсці верыфікацыю;
- знаходзіцеся ў дзяржаўных праграмах па падтрымцы ўцекачоў S.A.I. ці C.A.S, але не працуеце;
- не знаходзіцеся ў дзяржаўных праграмах і маеце крытычна нізкі ўзровень даходаў.

Максімальны перыяд дзеяння праграмы – 9 дзён. Яе арганізатары бяруць на сябе адказнасць за пражыванне і базавыя рэчы ў апартаментах. Квіткі і харчаванне – за кошт удзельнікаў!

🔺Форма для ўдзелу ў праграме:
👉🏻 https://docs.google.com/forms/d/e/1FAIpQLScqrjn9Dblbl15S_AkCz8zPT1micbPZTg1eAlqRl6WyfVU__Q/viewform

❗️❗️ Пачатак працы шэлтара ў Вільні

Сябры, каманда службы «Хуткай гуманітарнай дапамогі» з радасцю абвяшчае пра адкрыццё шэлтара ў Вільні.

Вось хто зможа жыць у ім:
• былыя палітвязні;
• семʼі палітвязняў;
• палітычныя актывісты.

Калі заяўку на пражыванне падаюць семʼі з дзецьмі, то яны маюць прыярытэтнае значэнне. Гэтаксама як і асобы сталага ўзросту, і асобы ва ўразлівым становішчы. Прыярытэт вызначае каманда службы «Хуткай гуманітарнай дапамогі». Яна таксама праводзіць абавязковую верыфікацыю ўсіх заявак.

Тэрмін пражывання ў віленскім шэлтары складзе ад 1 да 2 месяцаў і будзе вызначаны індывідуальна. Да таго з жыхарамі шэлтару заключаць дамову, якая рэгулюе правілы* і працягласць пражывання, адказнасць бакоў ды іншае. 

*Пражыванне з хатнімі жывёламі ў шэлтары забароненае. 

Пры пільнай патрэбе, калі ласка, звяртайцеся па дапамогу ў тэлеграм-канал шэлтара ў Вільні @Shelteris.

Нагадаем, служба «Хуткай гуманітарнай дапамогі» разам з актывістамі забяспечвае функцыянаванне і працу шэлтараў для беларускіх уцекачоў яшчэ ў двух краінах і трох гарадах свету:

Сакартвело, Батумі – @snorryblazetheghostrider;
Польшча, Уроцлаў – @Ymnik901;
Польшча, Варшава – @michas_help.

‼️ Сербія мае намер дэпартаваць Андрэя Гнёта ў Беларусь

Гэткае рашэнне прыняў суд у Белградзе. Беларус збіраецца аспрэчваць пастанову, апеляцыю можна падаць цягам трох дзён.

Сам Андрэй Гнёт так пракаментаваў сітуацыю:

«Яны не маюць права мяне экстрадаваць сёння, яшчэ павінны быць фармальныя працэдуры з боку суда другой інстанцыі, і трэцяя інстанцыя – подпіс міністра юстыцыі. Два рашэнні суда першай і другой інстанцыі павінны пакласціся на стол міністра юстыцыі, ён павінен прыняць фінальнае рашэнне: экстрадаваць мяне ці не. Але зараз сітуацыі вельмі-вельмі небяспечная, я ў адным кроку ад таго, каб аказацца на шляху да смерці».

Андрэй Гнёт - беларускі рэжысёр, журналіст і адзін са стваральнікаў Вольнага аб'яднання спартоўцаў SOS BY.

Яго арыштавалі летась у кастрычніку ў Сербіі, куды ён прыляцеў па працы. Нагодаю стаўся запыт Беларусі ў «Інтэрпол».

Лукашэнкаўскі рэжым вінаваціць Гнёта ў нясплаце падаткаў на суму ў 300 000 еўраў. Беларуса больш чым на паўгады змясцілі ў турму ў Белградзе, адкуль выпусцілі днямі пад хатні арышт.

«Письма героям» — рубрика о людях, которые пожертвовали свободой ради нашего с вами будущего.

Новый выпуск уже на YouTube-канале
👉🏻 https://youtu.be/RTtLWGOxatI

В сегодняшнем видео правозащитники и создатели ресурса Dissidentby.com — Марина и Вячеслав Косинеровы расскажут об анархистах и антифашистах. В Беларуси их жестоко преследует режим.

Также Марина и Вячеслав расскажут о методах поддержки политзаключенных и о Банке писем.

❗️Поддерживайте политзаключенных и их семьи:

🔺Безопасно отправить письмо политзаключенному
👉🏻 https://t.me/stranafund/11214

🔺Подробнее о Банке писем
👉🏻 https://dissidentby.com/letter/bank

🔺Сделать донат на поддержку семей политзаключенных
👉🏻 https://ru.stranafund.org/article/donate

❤️Працягваем аказваць матэрыяльную дапамогу семʼям палітвязняў

Важна! Сябры, нагадваем:
для кожнай сямʼі палітвязняў, якая раней не атрымлівала разавыя ці рэгулярныя плацяжы ад нашага Фонду, прадугледжваецца грашовая дапамога ў памеры 300 еўра.

Сродкі будуць выплачвацца пры прадастаўленні ўсіх неабходных дакументаў і ў парадку чарговасці.

Для атрымання дапамогі, калі ласка, запоўніце форму па спасылцы:
👉🏻 https://forms.gle/52Wmk8yxFL5A2kGY6

Таксама, калі гэта бяспечна для вас, просім працягваць падтрымліваць семʼі палітвязняў. Зрабіць гэта можна як разавым плацяжом, так і аформіўшы падпіску на рэгулярны плацёж па спасылцы:
👉🏻 https://by.stranafund.org/article/donate

Разам мы можам многае! Давайце будзем працягваць праяўляць сапраўдную беларускую салідарнасць✊🏻

❗️Дзень нараджэння Васіля Быкава

19 чэрвеня спаўняецца 100 гадоў з дня нараджэння славутага беларускага пісьменніка Васіля Быкава.

Ён быў не проста адным з многіх аўтараў, што пісалі пра Другую Сусветную вайну ў жанры так званай «лейтэнанцкай прозы». Ён быў сярод пачынальнікаў гэтага жанру. Асноўная тэма апавяданняў Быкава – псіхалагічная драма героя ў найскладанейшых жыццёвых абставінах.

Васіль Быкаў быў патрыётам Беларусі і шчыра вітаў дэмакратычныя перамены і здабыццё незалежнасці напачатку 90-ых гадоў мінулага стагоддзя.

Падрабязней на нашым сайце і далучайцеся да імпрэзаў, прысвечаных да дня народзінаў Васіля Быкава.

👉🏻 https://by.stranafund.org/blog/news/dzien-naradzennia-vasilia-bykava

Кампенсацыя медычных выдаткаў

Гэты праект прадугледжвае дапамогу палітвязням і іх родным, якія маюць сур'ёзныя захворванні і патрабуюць медычнага лячэння і догляду.

Хто можа атрымаць дапамогу?
🔺Палітвязні і члены іх семʼяў.

Як атрымаць дапамогу?
🔺Карэктна запоўніце форму і прымацуйце неабходныя дакументы.

Калі чакаць адказу?
🔺Пакіньце запыт у форме на нашым сайце і з вамі звяжуцца на працягу 7 дзён з моманту звароту.

Падзяліцеся гэтай інфармацыяй з тымі, каму яна можа быць неабходна, але памятайце пра сваю бяспеку!

Прапагандыст Тур прыгразіў канфіскацыяй маёмасці блізу 1000 беларусаў. Як абараніць сябе?

Літаратурны герой Астап Бэндэр ведаў 400 адносна сумленных спосабаў адбору грошай у насельніцтва.

У дзяржавы ж арсенал гэткіх метадаў увогуле не абмежаваны, бо ў яе руках законатворчасць.

Якім чынам дзяржава можа пазбаўляць уласнасці? Як абараніць сябе? Ці можа дзяржава прадаць жыллё з зарэгістраванымі ў ім жыхарамі?

- на гэтыя і іншыя пытанні адказваюць юрысты Фонда:

👉🏻 https://by.stranafund.org/blog/news/prapagandyst-tur-prigraziu-kanfiskaciyay-majomasci-blizu-1000-belarusau-yak-abaranic-siabie

Спойлер: калі дзяржава захоча адабраць вашую маёмасць - яна яе адбярэ.

Тыдзень супраць катаванняў 2024: змагаемся за справядлівасць!

Стартаваў шосты па ліку Тыдзень супраць катаванняў – акцыя, арганізаваная «Прававой ініцыятывай» і «Міжнародным камітэтам па расследаванні катаванняў у Беларусі».

Мэта акцыі – прыцягнуць увагу да праблемы катаванняў, якія да гэтага часу прымяняюцца ў Беларусі.

Разнастайная праграма чакае вас на працягу тыдня: мерапрыемствы пройдуць у Вільні, Варшаве, Познані, Львове, а таксама анлайн.

👉🏻 https://by.stranafund.org/blog/news/tyzdzen_suprats_katavannyau_2024_zmagajmsya_za_spravyadlivasc

Далучайцеся! Разам мы можам зрабіць пратэст супраць катаванняў гучней!

❤️ Справаздача за «Дзіцячы збор» і падзяка ад дзяцей палітвязняў

Сябры, каманда службы «Хуткай гуманітарнай дапамогі» падводзіць канчатковыя вынікі дабрачыннага летняга збору для дзяцей палітвязняў.

Традыцыйная дзіцячая акцыя была арганізаваная сёлета праектам служба «Хуткай гуманітарнай дапамогі». У яго ўваходзяць Фонды BYSOL і «Краіна для Жыцця», грамадская кампанія ByHelp, ініцыятыва Dissidentby. Да акцыі таксама прыядналіся «Асацыяцыя беларускага бізнесу за мяжой» і «Асацыяцыя Беларусаў у Амэрыцы»

Дзякуючы неабыякавым беларусам удалося сабраць амаль 32 тысячы еўра! На платформе BYSOL мы зафіксавалі ахвяраванні ад 246 чалавек. Дзякуй вам вялікі – ад службы «Хуткай гуманітарнай дапамогі» і ад імя дзяцей палітвязняў!


Мы таксама ўдзячныя за дабрачынны фэст ў Варшаве @belarusoutsidesoundsystem з удзелам 14 артыстаў, на ім сабралі на карысць дзяцей амаль 1700 еўра, а таксама Асацыяцыі беларусаў у Даніі «Талака». Іх унёсак склаў больш за тысячу еўра!

Усяго дапамогу атрымалі 250 дзяцей палітвязняў.

Сабраныя для іх грошы пайшлі на:
• экскурсіі, паездкі, падарожжы, летнія дзіцячыя лагеры;
• адукацыйныя гурткі па шахматах, маляванні і інш.;
• спартовыя секцыі: басейн, тэніс, футбол;
• экіпіроўку для гульняў: мячы, красоўкі, самакаты, веласіпеды, ролікі, пэндзлі, ватманы.

Усё, каб зрабіць лета для дзяцей незабыўным.

Пасля збору і пералічэння сродкаў дзецям палітвязняў (кожнае з 250 дзяцей атрымала па 100 еўра), у распараджэнні службы «Хуткай гуманітарнай дапамогі» засталося 6842 еўра. Гэтыя грошы пойдуць на наступны «Дзіцячы збор», з дапамогай якога мы дапаможам сабраць у школу дзяцей палітвязняў.

Запрашаем далучыцца да гэтай акцыі, ужо хутка служба «Хуткай гуманітарнай дапамогі» апублікуе падрабязнасці яе правядзення.