အသွားအပြန် ရှိမှတော့

ရာထားစီးမှာပေါ့ မမရယ်

ဘာလို့များ လူတစ်ယောက်ကို

မေတ္တာမျှနေအုံးမှာလဲ ။

ချစ်တဲ့သူကို
ချစ်ကြောင်းပြောထား။
ခွင့်လွှတ်ဖို့လဲ မမေ့နဲ့
ကျေးဇူးတင်ဖို့လဲ မမေ့နဲ့ ။

ဒီကမ္ဘာဟာ မနက်ဖြန်တောင်
မသေချာဘူး ။

- မယ်ညို

• အချစ်ဆိုတာဘာလဲ ဘယ်လိုမျိုးလဲ …
• လူတစ်ယောက်ကို ဘယ်အချိန်မှာ ချစ်မိသွားနိုင်လဲ…
• ဘယ်လောက်ထိရော ချစ်နိုင်သလဲ…..

• ဆိုင်သူပိုင်သူတစ်ယောက်ကို သဘောကျမိကြတဲ့အခါ လူတွေအမြင်မှာ စည်းစိမ်ကိုမက်မောလို့ ဥစ္စာကို မက်မောလို့ ရုပ်ရည်ကိုမက်မောလို့ စသဖြင့် ပြောကြတယ် တစ်ကယ်တမ်း ချစ်ခြင်းမေတ္တာဟာ သိပ်ဆန်းကျယ်တယ်။

• ကိုယ်သဘောမကျတဲ့ပုံစံကြီးကိုမှ ကိုယ်သတိမထားမိတဲ့အချိန်မှာ ချစ်မိသွားတာမျိုးလေး….ဘာဆိုဘာမှ မလိုအပ်ပါပဲ ချစ်တာကလွဲရင် ဘာမှမသိတဲ့စွမ်းအားတွေကလဲ အချစ်မှာရှိတယ်။

• ဒီစာအုပ်လေးထဲမှာတော့ မေ ဆိုတဲ့အမျိုးသမီးငယ်ဟာ ဆိုင်သူရှိနေတဲ့ အစ်ကိုနဲ့မေတ္တာမျှခဲ့ပါတယ် ။ သူတို့နှစ်ဦးရဲ့ ချစ်ခြင်းမေတ္တာလွဲမှားတဲ့အချစ်ကြောင့် သူတို့ရဲ့ပူဆွေးမှုအဆုံးမှာ ကိုယ်ကျင့်တရားတွေကိုထိန်းပြီး သူတို့ဘာတွေကို ရွေးချယ်ခဲ့ကြလဲ …….ဘယ်လိုဖြတ်သန်းခဲ့ကြသလဲ…..

👉🏻ဖတ်ရန်နှိပ်ပါ

ပျင်းရိခြင်းမှ အောင်မြင်ခြင်းဆီသို့

စာချစ်သူလေးတို့ ပျင်းဖူးကြပါသလား?

ဒီ‌မေးခွန်းတွက် အဖြေကတစ်ခုထဲပဲ သံပြိုင်ထွက်လာမှာဆိုရင်တော့ဖြင့် မလွဲမသေပါပဲ။

လူတိုင်းမှာ ပျင်းတဲ့စိတ်တွေရှိကြတယ်။ အလုပ်တွေကို စနစ်တကျလုပ်‌တဲ့သူ‌တွေမှာ‌တောင် ပျင်းရိစိတ်က ကိန်းဝပ်နေတတ်ပါသေးတယ်။ ဒီလိုလူတွေမှာတောင် ပျင်းတဲ့စိတ်က ကိန်းဝပ်နေတတ်တာဆိုရင် ကျွန်မတို့လို Free time များတဲ့ လူငယ်တွေအတွက်ဆို ပျင်းတဲ့စိတ်က ကိန်းဝပ်နေတာထက်ပိုလို့တောင် လွှမ်းမိုးနေမှာပါ။

ဒီလိုပျင်းတဲ့စိတ်ကို ဘယ်လိုတွေကျော်လွှားကြမလဲ။

ဒီနေရာမှာ ပထမဆုံးမေးချင်တာက စာချစ်သူလေးတို့ ပျင်းတဲ့အခါ ဘာတွေလုပ်ကြပါသလဲ ဆိုတာပါပဲ။

-တချို့က လုပ်စရာရှိတဲ့အလုပ်တွေပုံနေတာတောင် မလုပ်ဘဲ ပျင်းတယ်ထိုင်အော်နေတတ်ကြတယ်
-social media တွေသုံးကြတယ်
-TVထိုင်ကြည့်တယ်
-Game ဆော့တယ်
-Chatting ထိုင်ကြတယ် အစရှိသဖြင့်ပါပဲ

ကျွန်မတို့တွေအနေနဲ့ လုပ်စရာရှိတဲ့အလုပ်တွေပုံနေပါလျက် ဘာမှမလုပ်ဘဲ ပျင်းတယ်ဆိုပြီးထိုင်အော်နေကြတဲ့သူတွေဟာ ပျင်းတယ်ဆိုတာထက် တာဝန်ယူလုပ်ကိုင်တတ်တဲ့အလေ့အကျင့်မရှိခြင်းလို့ပဲ ဆိုရမှာပါပဲ။ ဒါကတော့ ကိုယ်ရည်ကိုယ်သွေးပိုင်းနဲ့ သက်ဆိုင်သွားတာပါပဲ။

လိုရင်းလေးပြန်သွားကြရအောင်

ပျင်းတဲ့အခါ ဘာတွေလုပ်သင့်လဲ။ကျွန်မ မနေ့ကမှဖတ်ဖြစ်တဲ့ THE 7HABITS OF HAPPY KIDSစာအုပ်ထဲက ရှဉ့်င‌ပွေးလေးအကြောင်းပြောပြချင်ပါတယ်။

တစ်ခါက ရှဉ့်ငပွေးဟာ ပျင်းလွန်းလို့ အလွန်ငြီးငွေ့နေသတဲ့။အဲတာနဲ့ သူ့ဖေဖေကပြောတယ်။

"သားပျင်းနေရင် ဝါသနာပါတဲ့အလုပ်တွေလုပ်လေ"

အဲဒီခါမှာရှဉ့်ငပွေးလေးက

"အဲဒီဟာတွေ ဘာမှမလုပ်ချင်ဘူးဖေဖေရာ"

ရုတ်တရက် သူ့အစ်မကိုသတိရသွားတယ်။ မမညိုမီ အခန်းထဲမှာရှိမလားမသိဘူးဆိုပြီတော့ပေါ့။ အဲဒီခါမှာ သူ့မေမေကမီးဖိုချောင်ကနေ လှမ်းပြောပြန်တယ်

"သားအစ်မကြီး အခန်းမှာမရှိဘူး စာကြည့်တိုက်သွားတယ်"

အဲတာနဲ့ သူလည်း သူ့သူငယ်ချင်း ငပူးဆီသွားလည်တယ်။

"ဟေ့ ငပူး ကျွန်တော်ပျင်းလို့ ခင်ဗျားဆီလာလည်တာပါ ဘာတွေလုပ်နေတာလဲ"

"ဂီတာတီးပြီး ဇိမ်ကျနေတာ"

"ကျွန်တော်ပျင်းလို့ဗျာ တစ်ခုခုလုပ်ရအောင်"

"ဒါဆိုငါနဲ့အတူ သီချင်းလိုက်ဆို"

"ဟာ..အဲဒါကပိုတောင် ပျင်းသေး မလုပ်ချင်ပါဘူး"

"ဒါဆိုလည်း မိရှဉ့်ပေါဆီ သွားလည်လေ"

"အင်း သူဆီသွားကြည့်လိုက်မယ်" ဆိုပြီး ဒီပုံစံအတိုင်းပဲသူငယ်ချင်းတွေဆီ သွားလည်တာပေါ့။ အားလုံးကသူတို့ဝါသနာပါရာတွေလုပ်နေကြတယ်။ ပြီးတော့ သူ့ကိုပါ အဖော်ခေါ်ကြတယ်။ သူကလည်း ထုံးစံအတိုင်း ငြင်းတယ်။ နောက်ဆုံး သူဟာ မိနီလေးဆီသွားတယ်။ အဲတာနဲ့ မိနီလေးရဲ့အဖွားကပြောတယ် မိနီလေးက ဖျားနေတယ်ဆိုပြီး‌တော့ပေါ့။

"ဟာ ပျင်းလို့သူ့ဆီလာလည်ကာမှ သူကဖျားနေတယ်"

"တခြား သူငယ်ချင်းတွေနဲ့ကစားပါလား"

"သူတို့လည်းမအားကြဘူးတဲ့ ကျွန်တော်ကပျင်းနေတာ"

"ပျင်းတယ် ငြီးငွေ့တယ်ဆိုတာ ကိုယ့်မှာပဲဖြစ်နေတာ။ ပျော်ရွှင်မှုဆိုတာ မင်းကိုအဖော်လုပ်ပေးမဲ့ သူငယ်ချင်းဆီမှာမရှိဘူးကွဲ့။ ကိုယ့်ကိုယ်ကိုယ် ပြောင်းလဲပြီးနေရမယ်။ မပြောင်းလဲရင် ပျင်းရိငြီးငွေ့စရာပဲဆက်ဖြစ်နေဦးမှာ။သားဘာသာပျော်အောင်နေတတ်ရမှာပေါ့။ အခြားလူက ကိုယ့်ကိုပျော်ရွှင်စေမှာလား။သားရဲ့ပတ်ဝန်းကျင်မှာဘယ်လိုအရာက ကိုယ့်ကိုပျော်အောင်လုပ်နိုင်မလဲလို့ရှာကြည့်လေ"

အဲလိုနဲ့ ရှဉ့်ငပေါတစ်ယောက် မိနီရဲ့အဖွားပြောတဲ့အတိုင်း ပတ်ဝန်းကျင်ကို စူးစမ်းလေ့လာကြည့်တဲ့အခါ ရေဒီယိုအပျက်တစ်လုံးကိုတွေ့တယ်။အဲတာနဲ့ သူ့ရဲ့ဝါသနာအတိုင်း ရေဒီယိုလေးကိုပြင်တယ်။ခဏကြာတော့ရေဒီယိုလေးပြန်ကောင်းသွားတယ်။သူပြင်နေတဲ့ရေဒီယိုလေးကောင်းသွားတော့ ဝမ်းသာနေတာပေါ့။

ရှဉ့်ငပွေးလေးအကြောင်းကတော့ ဒီလောက်ပါပဲ။ ဒီလိုပါပဲ ကျွန်မတို့တွေ ပျင်းတဲ့အခါမှာ ကိုယ့်ရဲ့ပတ်ဝန်းကျင်ကနေ ကိုယ့်ကိုပျော်ရွှင်စေမဲ့ အရာတွေလုပ်ကြည့်သင့်ပါတယ်။ ‌ကိုယ့်ကိုပျော်ရွှင်စေမဲ့အရာက တစ်ခုမက နှစ်ခု သုံးခုလည်း ရှိနေတတ်ပါတယ်။ ဒီကနေ ဝါသနာဆိုပြီး ဖြစ်တည်လာမှာပါ။ ဝါသနာဖြစ်တည်လာရင် ရည်မှန်းချက်ဝမ်းစာအဖြစ်ပါ ပြုစုပျိုးထောင်ပြီးလျှောက်လှမ်းရပါမယ်။ဝါသနာဆိုတာ တစ်ခုမကရှိတတ်တာသဘာဝမလို့ ဝင်ငွေကောင်းတဲ့ဝါသနာလမ်းကြောင်းကို အထူးလေ့ကျင့်ပျိုးထောင်ပါ။ ဒါမှသာ ကျွန်မတို့အရွယ်ရောက်လုပ်ငန်းခွင်ဝင်တဲ့အခါ ကိုယ့်ရဲ့အလုပ်ပေါ် စိတ်ပင်ပန်းငြီးငွေ့မှုတွေမရှိတဲ့ အောင်မြင်တဲ့လူနေမှုဘဝကို လျှောက်လှမ်းနိုင်မှာပဲဖြစ်ပါတယ်။

သာယာသောနေ့လေးဖြစ်ပါစေရှင်❤️

စာချစ်သူလေးများအား အစဥ်‌ချစ်ခင်လေးစားကျေးဇူးတင်လျက်...

December.14.2024.Sat(7:07PM)
Maru(မာရု)


#Sarphat
#Mask

"စာပိုဒ်ရှည်မယ် စိတ်ပါမှ ဝင်ဖတ်ပါ။"

ယောကျာ်းလေးတစ်ယောက်ရဲ့ နှလုံးသားကို ကိုင်လှုပ်နိုင်ဖို့ဆိုတာ ခက်ခဲပေမဲ့ နည်းလမ်းသိရင် အရမ်းလွယ်ကူပါတယ်ဗျ

အဲဒီတော့

"ဟုတ်ပြီ ဟုတ်ပြီ လာခဲ့စမ်း ကောင်မ"

နင်ကို တမင်သက်သက် မျှားခေါ်တာ

ဒါမျိုးကျ စာကရှည်မည် ရေထားတာတောင် See more. .. နှိပ်ပြီး စိတ်အတော်ပါနေတယ် ဟုတ်လား

ဗဟုတုသ စာပေတင်ပေးရင် အရေးမလုပ် ခေါင်းစဉ်လောက်ပဲ ကြည့်

"ဟင် နင်တော်တော် အချစ်ခံချင်တာပေါ့လေ"

"ကောင်မ အချစ်တော့ မခံရဘူး"

မကြာခင် နင်တို့အတွဲ ပြတ်ကိုပြတ်ရမယ်... ဒါ ရိုးသားတည်ငြိမ်ပြီး ရုပ်ရည်ချောမောလှပသော Fa တစ်ယောက်ရဲ့ ကျိန်စာပဲ.....


ဟေ့စတာနော်😭

#crd
#Mask

နှစ်တွေအကြာကြီး လူတစ်ယောက်နဲ့အတူ
အသက်ရှင်ခဲ့ပြီးမှ ပြန်ကွဲကွာခဲ့ရတယ်ဆိုတာ
အဲ့ဒီနှစ်တွေကို ဖြုန်းတီးလိုက်တဲ့သဘော မဟုတ်ဘူးလား ။

-ဆပ်ရိပ်

"နှစ်တွေ အကြာကြီး  ဘယ်လိုများ
မြဲအောင်တွဲခဲ့သလဲ"တဲ့
သူက စချစ်တယ်
ကိုယ်က ဆက်ချစ်တယ် ဒီလိုပဲပေါ့။

-သွယ်မြိတ်

ချစ်တယ် နဲ့ သံယောဇဉ် ရှိတာ မတူဘူး။
ချစ်တယ်ဆိုတာ
တစ်ခဏလေး တွေ့လိုက်ချိန် အတွင်းမှာပဲ
လူတစ်ယောက်ကိုချစ်မိသွားနိုင်တယ်။
ဒီနေ့
ချစ်မိနေပြီးမနက်ဖြန်မှာ ချက်ချင်းပဲ
မချစ်နိုင်တော့တာလဲ ဖြစ်နိုင်တယ်။
"သံယောဇဉ်" ဆိုတာ က
ချစ်တယ် ဆိုတာထက် ပိုလေးနက်တယ်။
တည်ဆောက်ရတဲ့ ကာလကလည်း
ကြာတယ်.........
လူနှစ်ယောက် မချစ်ပဲ နဲ့ လည်း
သံယောဇဉ်ကြောင့်
လက်ထပ် သွားကြ တာလည်း ရှိတယ်။
သံယောဇဉ်က
"ချစ်တယ်" ဆိုတာ လိုမျိုး
အပြောင်းအလဲ မရှိဘူး။
ဒီနေ့ "သံယောဇဉ်" ရှိလည်း
နောက်နေ့..... နောက် နေ့ပေါင်းများစွာလည်း
ရှိမှာပဲ။
မုန်းနေရင်တောင်
"သံယောဇဉ်" ကြောင့်စိတ်ထဲ တွေးမိ ပြီး
သတိရနေ မှာပဲ။
အဲ့တော့
တစ်ယောက်နဲ့ တစ်ယောက်
ချစ်တာ အပြင်သံယောဇဉ် ရှိသွားရင်
ဘယ်သူ ဖြတ်ဖြတ် မပြတ်ကြတာ များတယ်။
ပြတ်သွားခဲ့ သည်ရှိတောင်
တစ်ယောက်နဲ့ တစ်ယောက်
သေရာပါ မမေ့နိုင်ကြတာ များတယ်။
"သံယောဇဉ်" ဆိုတာက "ချစ်တယ်"
ဆိုတာထက် ပိုလေးနက်သလို
ပိုပြီးလည်း ဖြတ်တောက်ရ ခက်တဲ့ ကြိုးပါ.။
ကျွန်တော်ကတော့
လူတစ်ယောက်ကို
"သံယောဇဉ်" အပြင် " ချစ်တယ်" ဆိုတာထက်
ပိုပြီး ချစ်တတ်တဲ့ လူအမျိုးအစား ထဲမှာပါတော့
ခံစားရရင်လည်း
သူများထက် ၃ ဆလောက်ပိုတယ်။...

သူများအိပ်တဲ့အခါ
ကိုယ်က လေ့လာပါ
သူများ တွေဝေနေတဲ့အခါ
ကိုယ်က ဆုံးဖြတ်ပါ
သူများ လေထဲ တိုက်ဆောက်နေတဲ့အခါ
ကိုယ်က ပြင်ဆင်ပါ
သူများ အချိန်ဆွဲနေတဲ့အခါ
ကိုယ်က စတင်ပါ
သူများ ဆုတောင်းနေတဲ့အခါ
ကိုယ်က လက်တွေ့လုပ်ပါ
သူများ ဖြုန်းနေတဲ့အခါ
ကိုယ်က စုပါ
သူများပြောနေတဲ့အခါ
ကိုယ်က နားထောင်ပါ
သူများမျက်နှာကြောတင်းနေတဲ့အခါ
ကိုယ်က ပြုံးပါ
သူများရပ်လိုက်တဲ့အခါ
ကိုယ်က ဇွဲရှိပါ
မဖြုန်းသင့်သည့်အရာ ( ၃ )ခု
ငွေကို ဖြုန်းလျှင် ဥစ္စာကို ဆုံးရှုံးရတတ်သည်
စကားကို ဖြုန်းလျှင်သိက္ခာကို ဆုံးရှုံးရတတ်သည်
အချိန်ကို ဖြုန်းလျှင် ဘဝကို ဆုံးရှုံးရတတ်သည်။

ငါတို့က ... အဝေးမှာလေ ။

တစ်ခုခုဆိုရင်
ပြေးလာလို့ ရတဲ့ အကွာအဝေးမှာ
မဟုတ်သလို

အရေးအကြောင်းဆို
အနားရှိနေပေးနိုင်တဲ့
အခြေအနေတွေမှာလည်း
မဟုတ်တာမို့

အမြဲတမ်း စိတ်ပူနေရသလို
နည်းနည်းလေး ဆက်သွယ်လို့မရတော့ရင်
ကိုယ့်မှာ ကမ္ဘာတွေ ပျက်မလိုပါပဲ ။

အဆင်မပြေတာ တစ်ခုခုဆိုရင်
ပြောနော် ဆိုတဲ့ စကားနဲ့ပဲ
ကိုယ့်မှာ အဝေးနေရင်း
အများကြီး လွမ်းရတယ် ။

ဖြစ်နိုင်ရင် ... အနားမှာနေရင်းပဲ
အရာရာကို အတူတူကျော်ဖြတ်ချင်နိုင်တဲ့အထိ
ဘဝတွေ ပြည့်စုံချင်သလို

တစ်ခုခုဆို …
ကာကွယ်ပေးနိုင်တဲ့အထိ
အနားမှာရှိချင်မိတယ် ။

အခုတော့ ...
ငါတို့က အဝေးမှာမို့
ကျေးဇူးပြုပြီးတော့
ဂရုစိုက်ပါနော်

တစ်ခုခုဆို....
မြိုသိပ်တတ်တာမို့
အဆင်ပြေပြေမပြေပြေ
ပြေပါတယ်ဆိုတဲ့ စကားလုံးလေးကိုသုံးပြီး
ဒဏ်ရာတွေကို ဖုံးထားတတ်မှန်း သိတာမို့

တကယ်အဆင်ပြေရဲ့လားဆိုတဲ့မေးခွန်းလေးကို
တဖွဖွမေးနေမိတာပါ ။

#𝓝𝓪𝓲𝓷𝓰

သိပ်ချစ်နေမှန်းသိလျှက်နဲ့
အနိုင်ယူရက်တဲ့သူနဲ့

နာကျင်နေမှန်းသိလျှက်နဲ့
လှည့်မထွက်နိုင်တဲ့သူနဲ့ တွေတဲ့အခါ

အချစ်တွေဟာ
သိပ်အကျည်းတန်တယ်
သိပ်တန်ဖိုးမဲ့တယ်
သိပ်လည်းသနားစရာကောင်းတယ်

ဘယ်လမ်းရွေးရွေး
နာကျင်စရာကြီးပဲမို့လား

အဝေးဆုံးကိုပြေးဖို့
အနီးဆုံး ဂိတ်ကိုပဲရွေးချယ်ရတဲ့အခါ
အချစ်ဟာ သံသရာတစ်ပတ်လည်ဖို့ပဲ
ဆုတောင်းဖြစ်‌တော့တယ်။

နာကျင်မှုတွေ ပိုပြီး နက်ရှိုင်းသွားတဲ့ ညတွေမှာ၊
ရင်ထဲမှာ တိတ်ဆိတ်စွာ တောင်တက်နေတဲ့ အလွမ်းတစ်စိတ်၊
တခါတလေ ပြန်လည်ရင်ဆိုင်ဖို့ စိတ်ချမ်းသာမှုနဲ့၊
မင်းရဲ့အတွင်းက သည်းခံမှုဟာ အားနည်းခြင်းမဟုတ်ပါဘူး၊
ဒါဟာ ခြေလှမ်းသစ်တစ်ခုအတွက် ပြင်ဆင်မှုပါ။
#Atomic

မင်းမှမင်းဖြစ်နေတုန်းမှာ နည်းနည်းလေးဖြစ်ဖြစ် ဂရုစိုက်ပါ ...

နေနိုင်သွားမှ နေနိုင်သွားလေခြင်းဆိုတဲ့ အပြစ်တွေ ဖွဲ့နေတာထက်စာရင် မနေနိုင်သေးတဲ့ အချိန်တွေမှာ နည်းနည်းလောက်ဖြစ်ဖြစ် ပြန်ငဲ့ကြည့်ပေးသင့်တာပေါ့ ပြီးတော့မှ ပြောင်းလဲသွားလိုက်တာဆိုတဲ့ ခေါင်းစဥ်တွေတပ်ပြီး ကျွန်တော့ကို လူဆိုးတစ်ယောက်အဖြစ် မသတ်မှတ်ပါနဲ့ ။

ဖုန်းတွေဆက်နေတယ်ဆိုတာ ခင်ဗျားကို လွမ်းလို့လေ ... အကြိမ်ကြိမ်ဆက်နေမိတယ်ဆိုတာကတော့ ဘာဖြစ်နေလဲဆိုတာ စိတ်ပူနေတာကြောင့်လဲ ပါတယ် ။ ခင်ဗျားအသံလေးကြားရင် အဆင်ပြေသွားမယ်ဆိုတဲ့ အတွေးနဲ့ပဲ ဖုန်းတွေဆက်နေမိတာ ။ ဒါပေမယ့် ဆက်လို့မှမကိုင်ရင် ကျွန်တော်ကလဲ ခက်တယ် ဆက်တိုက်ပဲ ဆက်ချင်နေတာ ဒါဟာ နှောင့်ယှက်တာမဟုတ်ဘူးလေ ခင်ဗျားအသံလေး ကြားချင်ရုံသက်သက်ပါ။

ပြီးတော့ ... ကျွန်တော်က သိပ်သ၀န်တိုတတ်တာ ။ ကျွန်တော်နဲ့မှ မဟုတ်ရင် ဘယ်သူနဲ့မှ စိတ်ချတဲ့ကောင် မဟုတ်ဘူးလေ ။ နှာလေးချေမှာကအစ ခြင်ကိုက်တာအဆုံး နေရာတကာလိုက်ပြီး စိတ်ပူနေတတ်တာ ။ ဒါတွေကိုတော့ နည်းနည်းလေး ပြန်ငဲ့ကြည့်ပေးစေချင်ပါတယ် ။ သူ စိတ်ပူနေတာလား သူ သ၀န်တိုနေတာလား နည်းနည်းလေး ပြန်သိတတ်စေချင်ပါတယ် ။

မင်းမှမင်းဖြစ်နေတုန်းမှာ အချိန်အကြာကြီး ပစ်မထားနဲ့ ။ စာတွေ မပို့ပဲနေလို့ရတယ် ဒါပေမယ့် တစ်ရက်လုံးတော့ မဟုတ်ဘူး ဖုန်းတွေမကိုင်လို့ရတယ် ဒါပေမယ့် အားတဲ့အချိန်လေးတော့ ဖုန်းပြန်ဆက်ပေးပေါ့ မဟုတ်ဘူးလား ။

ကျွန်တော်ဟာလဲ လူသားတစ်ယောက်ဆိုတာမှန်း ကျေးဇူးပြုပြီးတော့ မေ့မထားပါနဲ့ ။

#Atomic