STEM Warming Up

3rd talk 👌🏻
ازيكم يا شباب ، احنا تيم SWU و دي تالت talk لينا والtalk انهارده عن ازاي تذاكر و تحضر لاختبار القبول👩‍🏫 عشان ناس كتيير جداا سألتنا عن الموضوع دا ،ف لو انت interested ب ال topic دا كمل التوك للاخر 🥰 ♥️🔥
☆ ☆ ☆
اولاً للي ميعرفش اختبار القبول عبارة عن اربع امتحانات لاربع مواد مختلفة (Maths /رياضة ، Science/علوم ،English ،IQ)
☆ ☆ ☆
■اول plan هنقولك عليها ازاي تذاكر لوحدك؟🧐
طيب مبدئيا كدا قبل ما نبتدي كل المصادر الهقول عليها هتلاقوها ف الدرايف بتاعنا 🙌

1# Science/علوم
المنهج المقرر عليك لمذاكرته من رابعة ابتدائي لتالتة اعدادي
ف هتجيب كشكولك الجميل و هتبتدي تلخص ال main points ف كل درس من رابعة لغاية تالته اعدادي و متدخلش ف details ملهاش لازمة احنا عايزينك بس تعرف الحاجات الاساسية
ثانيا بعد ما تخلص تلخيص خالص لل6 سنين ابتدي راجع علي الانت اللي انت لخصته
ابتدي حل من ملازم السفير ، هتلاقي نفسك ف البداية مش عارف تحل و الاسئلة صعبة متقلقش و افضل حل عشان بس تدرب نفسك علي التفكير ف الاسئلة الغير مباشرة و تطور من طريقة تفكيرك عموما بس في نفس الوقت متبقاش مركز علي مادة واحده عشان صعوبة الاسئلة دي
طيب هل دا مستوي امتحان ال Science / علوم ؟🤔
لا خاالص مستوي الامتحان بجد كان حلو جدا جداا و مكنش فيه اسئلة صعبة خالص زي اسئلة السفير بس بقولك حل اسئلة السفير عشان تدرب نفسك علي التفكير بس
☆ ☆ ☆
2# Maths/رياضة
المنهج المقرر عليك لمذاكرته من اولي اعدادي لتالتة اعدادي
ف لخص كل القوانين و ال rules زي مثلا (parallelogram, midpoints ,..) اللي اخدتها خلال التلات سنين دول
عندك مصدرين تلخص منهم ياما تلخص من كتب المعاصر و دي هتلاقيها ف الداريف بتاعنا او تلخص تلخيص المستر الكنت بتاخد معاه ف المرحلة الاعدادية لو المستر بتاعك كان بيدي ورق بيلخص فيه الدروس و الورق دا معاك لغاية دلوقتي 🙌
كمان هتلاقينا باعتين القوانين بتاعت ال Maths/رياضة هنا بردوا ممكن تبص بصة عليها و تكتبها ف ملخصك
بعد ما تخلص ابتدي حل من ملازم السفير الاول و شوف الافكار الجايبها و حاول تحلها
طيب هل صعوبة الامتحان ف ال Maths /رياضة زي ملازم السفير كدا ؟
للاسف اه بس مع التدريب و الحل الكتير هتعرف تحل المسائل الصعبة في وقت قليل ف متقلقش من الموضوع دا خالص
☆ ☆ ☆
3# English
راجع grammer تالته اعدادي حكومي كفايا جداا و لو عايز تراجع علي الكلمات مفيش مشكلة
و ابدأ حل من ملازم السفير بردوا و ركز علي القطع عشان تدرب نفسك تحل قطع طويلة
بالنسبة للكلمات هنحاول نجمعلك شوية كلمات و نحطهالكم علي التلي
هل صعوبة الامتحان زي ملازم السفير ؟
لا خالص امتحان الانجلش كان بسيط جدا و ال grammer كانت بسيطة متقلقش خالص الكلمات الغريبة و الصعبة مش بتبقي كتير ف الامتحان ممكن اتنين او تلاته بالكتير بس هو السفير هتلاقي ف الملازم بتاعته grammer جديدة ممكن عليك كدا ف دي حاجة كويسة انك تحسن مستواك بس القطع ال اه فعلا بتبقي نفس الصعوبة شوية ف ركز علي القطع
☆ ☆ ☆
4# IQ
شوف فيديوز الاول و ازاي تحل iq و احنا كنا باعتين فوق فيديوز كتير لل iq عشان ال iq افكار ف انت عايز بس ف الاول حد يقعد معاك و بعد كدا هتعرف تحل لوحدك عادي
احل منين؟؟🤔 ابتدي حل من كتاب الدليل و بفضل تحل النسخة العربي عشان ال IQ بيجي عربي حتي لو انت لغات و بعد ما تلخصه حل منسا و بعدين ممكن تحل السفير و تتفرع ف باقي الماتيريلز الموجوده ف الدرايف براحتك
☆ ☆ ☆
فلو انت معاك ماتيريلز كتيرة و مش عارف تبدا منين دي انسب plan ليك و بعد ما تخلص ال plan دي ابتدي حل براحتك من الماتيريلز اللي معاك
☆ ☆ ☆
■ Plan 2
-انا مش عارف ازاكر لوحدي خالص و لازم اخد كورس ف ايه احسن كورسات اقدر اخدها و تديني معلومات و كواليتي كويسة
1-كورس السفير كويس خالص
فيه منه كورس اساسي و دا الهيبدأ خلاص و فيه كورس مراجعات كمان
-طب اي الي بيميز كورس سفير عن اي كورس تاني؟؟🤔
بص يا سيدي ، الدوك بيشرح الحاجة الصعبة كذا مره تقدر تبعت الي انت عايزه من الاسأله تاني بسهولة و هيتشرح تاني ديما الدوك هيحاول يسهل عليك الدنيا الكورس متقسم اساسي و المراجعات
#1 الكورس الاساسي بيشرح حاجات كتير بالتفصيل و بيكون الدوك دايما معاكوا خطوة بخطوة في التقديم و انو ازاي تعرفوا المدرسة و اسأله الكورس الاساسي بتكون مختلفة عن المراجعات
#2 لان المراجعات بتكون للبوينتس الاهم و ده عن تجربة
و ده لينك فيه تفاصيل اكتر عن الكورس
https://www.facebook.com/100063578034099/posts/pfbid0MsY5LsUTAiEK2QaG28tViH4oEHdNnEtEfp3KW5x2X2x5hHowXtpXXQe49Nuvkc4Rl/?mibextid=Nif5oz

Facebook

See posts, photos and more on Facebook.

👍1

489 views13:12