ازيكم ي شباب ، يارب تكونوا بخير🔥♥️
فيه خبر لذيذ اووي ناس كتير كانت مستنياه و هو ان التقديم فتح و دا اللينك :https://exls.emis.gov.eg/
و فيه pdf بعتناه فيه حاجات مهمه اقروهاا بردوا تبع التقديم و معاد الامتحان و كدا ف اقروه كويس اووي و متكسلوش🤝🔥
طيب مهمتنا ايه دلوقتي ؟
المفروض انكم معاكم فرصة لتقديم ف مدارس المتفوقين سواء ستيم ، عين شمس او الضبعة من 5/7 ل25/7
يعني قدامكم مدة كويسة جدا بجد
فالمطلوب منكم تمشوا step by step ف التقديم و عامة فيه متطلبات التقديم هتنزل كمان كام يوم بالكتير و هنبقي نبعتهلكم عشان المتطلبات دي اكتر حاجة متاخد وقت عشان مصالح حكومية و كدا
بس لغاية ما تنزل ركزوا ف ان انتوا تملوا الحاجات الموجوده ف لينك التقديم و من ضمنهم الرغباات
و حطوا تحت كلمة رغبات مية خط طيب ليه؟🤔
عشان الرغبات دي هي الهتحدد تقريبا مصيرك بعد قبولك ف الامتحان و كمان عشان مفيش تقليل اغتراب ف لو رتبت رغباتك غلط و جاتلك مدرسة بعيده عن محافظتك بسبب انك كنت مرندهم ملكش الاحقية انك تروح المدرسة ال في محافظتك او القريبة منك
فياجماعة رتبوا رغبتكم من الاقرب للابعد حتي لو الفرق كان بين المحافظة الفلانية و المدرية الفي المحافظة التانية التانية ربع ساعة صدقني هتفرق معااااك جدااا
ف افتح الgps مابين بيتك و كل محافظة و قارنهم بالساعات المدرسة اللي ساعات بتاعتها اقل لبيتك اكتبها الاول
و متستهونوش بالموضوع و ترتبوا اول خمس رغبات و ترندموا الباقي
لان لقدر الله ممكن تتقبل رغبة 7 او 13 عشان ترتيبك مجابش المدارس الانت كاتبها رغبات اولي عاديي جداا جداا
ف رتبوا رغباتكم من الاول للاخر بالراحة و علي مهلكم و صدقوني الموضوع فعلا هياخد وقت منكم بس هترتاحوا بعدين .. و كالعادة لو احتاجتوا اي حاجة او عايزين تستفسروا علي اي حاجة ابعتولنا و احنا معاكوا🔥
و بالتوفييق🔥❤️❤️

المتطلبات ي شباب 🔥♥️

ازيكم ي شباب ، احنا مقصرين معاكوا جامد بس ان شاء الله هنبقي معاكوا قريب المهم احنا حبينا بس نبعتلكوا شوية امتحانات و ماتيريلز هنزلها دلوقتي كويسة جدا ف تابعوها❤️

اولا فيه تشانل علي التلي اسمها STEM Mentorship و دا اللينك بتاعها :https://t.me/stemship
فيها امتحانات كويسة جدا جدا جدا و بيجيبوا افكار عالية اوي ف حلوها هتستفيدوا منها جدا و تابعوها هي بتنزل امتحانات و اسئلة كتير يعني
#stemwarmingup

https://drive.google.com/folderview?id=1UGUJPH6WDtSMhHMBGbkaoWzof5MirjXQ
دي اختبارات قبول
#stemwarmingup

من اكتر النصايح الممكن حد كان مكانكم ينصحكم بيها هي انكم الفترة دي تحلو كتيير جدا و تدربوا علي كل انواع و اشكال الاسئلة و تدربوا علي الوقت عشان الوقت مع بعض الناس بيبقي عائق بالنسبة لها
ف حلو امتحانات و اظبطوا تايمر بس دايما خلو التيمر يبقي اقل من عدد الاسئلة يعني لو الاسئلة ٢٠ سؤال ف الامتحان الانتوا بتحلوه خلوا التايمر ١٥ او ١٣ دقيقة
شوفوا المادة او الحاجة الواقعين فيها و حلو عليها كتير و ادوا لنفسكم فرصة تفهموها
شدوا حيلكم الفترة دي هاانت خلاص باقي اقل من ١٠ ايام و احنا فخورين انكم وصلتم لنهاية المحطة و بالتوفيق للجميع و ان شاء دايما نكون معاكم ❤️
متنسوش تشروا التشانل التلي لصحابكم و الواتساب عشان اكبر قدر من الراغبين يستفيدوا
و اخير احنا معاكم و لو احتاجتوا اي استفسار ادخلوا علي جروب الواتس :https://chat.whatsapp.com/CGS8hPinp3z6DRgh0pRr9y و اسألونا و احنا اكيد هنجاوب عليكم ف اقرب وقت ♥️

اهلا اهلااا ي شباب♥️🔥
اولا عايزه اقولكم اني فخورة بيكم جداا انكم وصلتوا للخطوة دي و فخورة بمجهودكم و بمسئوليتكم خلال فترتكم ف تحضير لاختبار القبول ♥️
ثانياً
المطلوب منكم انهارده انكم تمشوا يومكم عادي جدا متضغطوش نفسكم عشان عندكم امتحان بكره استغلوا اليوم بس بدون اي توتر او ضغط
راجعوا ال points و القوانين و الجرامر اللي انتوا كنتوا ملخصنها كويس و الحاجات اللي انتوا مش فاكرينها اعملوا عليها highlight بحيث قبل ما تنام تقرا ال highlights دي
ثانيا حلوا لو عايزين بس متحلوش ب تايمر يعني لو انت كنت متعود الفترة الفاتت تحل امتحانات ب timer انهارده بلاش تحل ب timer عشان هتتوتر علي الفاضي ف حل براحتك و خد وقتك
حاول لما تحل متحلش حاجات صعبه جدا جدا و اول مره تشوفها حل حاجات بسيطة و خفيفة عشان متتوترش يعني مثلا السفير بينزل مراجعات ليالي الامتحانات حلها تقريبا بيبقي الافكار الفيها متعادة و مش اصعب حاجة و دا المطلوب
متحاولش تدخل معلومات جديده ليلة الامتحان يعني لو انت و بتحل لقيت حاجات وقفت معاك حاول تحلها براحة جبت فكرتها كان بها مجبتش skippp بجد
متحاولش تحط الحاجات الهتقف معاك ليلة الامتحان ف الاعتبار عادي كأنك مشوفتهاش
بس لو يعني خلاص متدخلش معلومات كتير اوي يعني خمسة ست معلومات بالكتير جداد و بردوا متبقاش شاغل بالك بيهم اوي
حاولوا تحضروا شكل ال cubes هبعتهلكم عشان ترسموها و تعملها مجسم و تحضروها و تاخدوها معاكم
دا يومك انهارده !
بالنسبة لبكره اصحي عادي و افطر و لو انت شخص طبيعتك بتحب تراجع قبل الامتحان خلاص راجع الحاجات الانت عملت عليها highlights انت و بتراجع انهارده بس 🙂
بمجرد ما تنزل من البيت متفتحش اي حاجة لا تفتح جروب راغبيين و لا حتي تراجع حاجة ف الطريق و لا اي حاجة قضي الوقت دا بتعمل حاجة بتحبها اتكلم مع اهلك اسكرول علي الفيسبوك اسمع قرآن اسمع اغاني اي يكن هتعمل ايه المهم متحاولش تكلم حد او تدخل تشوف حاجة ف زون الامتحان .
ادخل الامتحان كأنك رايح تجرب حظك حرفيا خليك بارد و متتوترش عرف نفسك ان اي كان الهيحصل جوا الامتحان انا عملت العليا و هدخل اجرب حظي الموضوع دا هيفرق معاك جدا و اقنع نفسك ان توترك مش هيفيدك ف حاجة بجد
☆ ☆ ☆
و اخيراا اعمل plan للامتحانات الانت هتدخلها نصيحة مني متدخلش Maths و Iq ورا بعض و لا تدخل حاجة فيهم اول امتحان هتندم بجد لو عملت كدا
لان بطبعتك ان هتدخل حتي لو كنت بارد الصبح هتتوتر شوية ف انت عايزه حاجة تحلها تطمنك شوية ف متحلش المادتين دول خالص الاول خلي دايما Science او English الاول عشان تسخن و بعدين ادخل بمادة فيهم
خد بين كل امتحان و امتحان بريك حتي لو خمس دقايق مش هيعرضوك خالص لو قولتلهم هتاخد بريك
لو اتوترت انت و بتمتحن اشرب ماية و خد نفس عميق و غمض عينك و كمل عادي جدا
ادخل اللجنة ب ازازة ماية و عصير مثلا و بسكوته او شوكلاته و كلهم ف البريك بين كل امتحان عشان يعلوا تركيزك
و بس كدا بعد ما تخلصوا الامتحان ياريت تطلعوا تطمنونا عليكم https://chat.whatsapp.com/CGS8hPinp3z6DRgh0pRr9y♥️🔥
#SWU

ياريت ي جماعة تبعتوها لكل التعرفوه عشان الكل يستفيد ♥️

Thanks for ur effort all the time. We appreciate all what u did all the time. Just be proud of yourself . U are about to end it up ♥️

SWU;))

دي صورة ال cubes اعملوا منها مجسمات و دول اكتر اتنين معتاديين ممكن ميلعبش ويجيب المعتادة بس ممكن يجيب حاجة مش معتادة ف يفضل تعرفوهم واعملو من المعتادة عادي
بس لو فالامتحان جاب مش معتادة
ارسموها فالامتحان واقطعو عادي مش هتاخد وقت كتير
#SWU

Tips and Tricks
لو مديك مثلا مثلث وبيقولك اضلاعه ٨ و٧ وعايز التالت وانت معرفتش تجيبه
روح عند ال ضلع الي المفروض انو ب ٨ وقيسه عالكمبيوتر لو لقيته عالكمبيوتر ب ٤ مثلا يبقا كده نسبة المثلث الموجود عالشاشة للمثلث الي هوا عايزه نص
ف هتروح تقيس الضلع الي عايزه عالشاشة هتلاقيه مثلت ب ٣
يبقا الضلع الي هوا عايزه ب ٦
الطريقة دي غالبا بتنفع ومش شرط تنفع بردو وده في حالة إنك مش عارف تحل السؤال خالص او حاولت ومعرفتش
يعني المعني ان الشكل الموجود او الي هوا راسمه بيبقا في تناسب مش الشكل الي المفروض يحصل
طريقة مضمونة بنسبة ٦٠ فالمية احسن من انك تسيب السؤال فاضي
بردوا
لو طلب زاوية ومعرفتوش تجيبوها قيسوها بالمنقلة بردو هتطلع صح ان شاء الله
حاولوا لو معرفتوش السؤال استبعدوا الاجابات الغلط او الانت شاكك فيها
بختصار استخدم طريقة الدوك اسلام ف الرندمة
#SWU

عاملين اي يا شعلات بقالي كتير اوي مش بتكلم معاكو 😂❤️
⁃ قبل اي حاجة ستيم او ثانوي ده طريقين لنهاية طريق واحد يا حلوين ❤️
المهم بما ان النتيجة خلاص هتطلع عايزه اقول كام حاجة بما اني كنت في نفس المكان من سنه ( و علي فكرة محصلش نصيب و مدخلتش ستيم)
بالنسبة للناس الي هتتقبل الف مبروك
انت كده وصلت لهدفك يا بطل و احنا فخورين بيك و اجتهد عشان توصل لهدفك الاكبر الي هي الجامعة و بلاش السنه الجايه لو راغب طلب منك المساعده بلاش تصعبها عليه هو عايز يوصل زيك يا بطل ❤️
و مش بما ان حد متقبلش زيك يبقي هو مكنش يستحق لا ده الخير
⁃ ياريت نراعي مشاعر اي حد و بلاش حركات عيال تزعلنا من بعض ❤️
⁃ بالنسبة لابطلنا بقي الي محصلش ليهم نصيب مش معني كده يا بطل انك معملتش الي عليك انت عملت الي عليك بس ده الخير ليك بلاش يائس و احباط و تفضل مكانك انو خلاص احلامي كده راحت خااالص
⁃ حاول تبص للحاجات الايجابيه
⁃ الناس الي عرفتها و الاوقات الحلوه
⁃ انك بقي عندك معلومات كتير اوي
⁃ نصيحة مني (لان زي ما قولت اني دخلت ثانوي ) عارفه انو الموضوع صعب بس لازم تتخطي يا بطل و تبدأ تشوف المرحلة الجديده الي انت داخل عليها
⁃ مش معني انو مفيش ستيم يبقي تبقي عادي لا لا انت تبدا تشوف المسابقات و ادخل و جرب الدنيا اي غير تجارب ❤️
⁃ و طبعا طبعا هنفرح للناس الي اتقبلت عشااان احنا شوفنا تعب بعض كويس 😂❤️❤️❤️

النتيجه ظهرت يشباب
لينك عين شمس
https://shamresult.emis.gov.eg/
لينك ستيم
https://stemresult.emis.gov.eg/
بالتوفيق ليكم جميعا❤️

مبدئيا كدا الف مبرووك لكل اللي اتقبلوا في المدرسة و حققوا هدفهم و برافو استمر انك تتنافس و تبذل مجهود اكتر عشان تبقي انت المميز فيهم .
الف مليووون مبروك للابطال الهينوروا و هيشرفوا الثانوي العام ♥️!
مش بجامل والله بس حقيقي المرحلة دي بنت فيكم حاجات كتير جداا صعب تلاقيها ف شخص كان كل هدفه انه يخلص تالته اعدادي و يمشي مع الموج انه يدخل ثانوي و هكذا روتين حياته و شخص تاني قرر لا انا حابب اجرب حاجة جديدة و اثبت نفسي ف مكان انا اخترته و ابتديت فعلا تذاكر عشان تحقق الشروط بعد كدا حققت الشروط و ابتديت لمرحلة اختبار القبول الهي كانت بالنسبة لاغلب الناس مش بعيد كلكم كانت صعبه ف الاول و كنتوا بتصيحوا كتير كن الاسئلة و درجتكم ف الامتحانات ف صدقني انت مريت بمرحلة اتعلمت منها حاجات كتيييير جدا جدا جداا مكنتش هتاخد الحاجات دي الا لو مريت ف التجربة دي .و صدقني ستيم مش اخر المطاف ...
من حقك طبعا تضايق و تزعل بس خليك فاكر ان يوم ما هترجع هترجع اقوي لانك انت عديت الحاجات دي بكتير اووي ف انت اكبر من كدا و هتعرف تثبت نفسك ف المكان الربنا اخترهولك ♥️و وفر عليك تعب كتير اووي كان ممكن يحصلك لو دخلت المدرسة و حرفيا فيه ناس كتير دخلت المدرسة و كانت بالنسبه لها ستيم دي حاجة ف الخيال و يا ستيم يابلاها تعليم خالص و اتقبلت و دخلت و مرتحتش فيها و حولت و لو رجع الزمن بيها كانت هتختار عام مش ستيم فشوفت بقا بدل ما تلف اللفه دي كلها ربنا وفرلك تعبك دا فحاجة احسن و اكبر ♥️♥️
طيب هو كدا انا هبقي طالب ثانوي عادي صح عشان مش هعرف اعمل الحاجات البيعملوها الاستيمرز ؟!
اطلاقاااااااااااااااااا انت هتعمل الحاجات دي و اكتر و ف وقت و مجهود اقل ، ازاي ؟
دي بقا هقولهالك لما تفوق حبه و متقلقوش مش هسيب واحد فيكوا غير لما افهمه كل الدنيا البتحصل ف ستيم و تبقوا اجمد STEMers without STEM ♥️♥️♥️
بس العايزه اطلبه منك طلب واحد بس اانك بعد ما تخلص زعلك و تموف اوون اقعد مع نفسك و شوف انت كنت عايز ستيم ليه حابب ايه فيها عشان تبتدي تاخد اكشن و تظبط دراستك مع الحاجات الكنت عايزها من ستيم و لو حطيت ف دماغك انك هتنجح من غير ستيم هتنجح صدقني
و انا من الناس المعترفه جدااا ان انت اللي بتخلي قيمة للمكان و بترفع من شأنه مش المكان اللي بيخلي ليه قيمة او بينجحك و بيرفع من شأنك !!!
و بسس كداا اتمني تكونوا مبسوطين و فرحانين و افرحوا لغيركوا و اتبسطوا مع صحابكم و موفف اوووون بسرعة 🥰❤️❤️

دي سيشن اتكلمت فيها عن كل حاجة بنعملها ف ستيم وازاي انت كطالب ثانوي تقدر تحاكي البيحصل ف ستيم ف تقدروا تشوفوها دلوقتي و دا لينك الجروب لا فيه اي سؤال عايز تسأله بالتوفيق♥️ https://chat.whatsapp.com/Dj4Nb4PlTmxBwmDzrH0aiM

دي تجميعة لاهم واشهر المسابقات على مدار السنة✨️:

بعض المسابقات الى مهتمه بالبحث العلمي :

-Intel ISEF
-EISTF
-Blastoff
-Google Science Fair
-Innovation Prize for Africa
-Ebn El Haytham
-Geneva international exhibitions of inventions
-Regeneron Science Talent Search
أسماء مسابقات تانية محتاجة مواصفات وشروط معينة للمشروع وبتاخد وقت اقل في التحضير وغالبا بيبقى مع تيم مختلف:
-Technovation
-NASA Space Apps
-Junior Academy
اغلب المسابقات :
• Nasa space apps
• Anzisha prize
• Intel Sciene & Engineering Fair
• Egypt International science & Technology Fair
• Blastoff
• Science Olympiads
• World Robot Olympiads
• Robot challenge
• Genius Olympiads
• MIT Arab startup competition
• Model Entrepreneur
• Minesweeper
• I-sweep
• Facebook Hacker Cup
• Remote Operate Vehicles
• First Lego League
• Nawah Social entrepreneurship
• Microsoft Imagine Cup
• Arab Reading Challenge
• VEX Robotic Competitions
_Research platforms
• Pubmed
• Europe Pubmed
• Harvard paper chase
• Vixra
• Arxiv
• Google scholar
• Climate Science Olympiad
•International Biology Olympiad
•International Astronomy and Astrophysics Competition (IAAC)
• International Youth Math Olympiad (IYMC)
• Brainbee
• GOI Peace Foundation Essay Competition
• International Math Olympiad (IMO)
•International Physics Olympiad (IPHO)
•Breakthrough Junior Challenge
•Stockholm Junior Water Prize
•Siemens Competition in Math, Science and Technology
•Microsoft Imagine Cup
•International Genetically Engineered Machine (IGEM) Competition
•National Geographic Geobee
• Science Journals; such as Nucleic acids research, The Cell, Nature genetics... etc
مواقع تقرأ من عليها أوراق بحثية:
Sci Hub
CORE
Science Open
Academia
Researchgate
Science Direct
Nature
#SWU