🍓 Endi fermerlarga hojat qolmaydimi? Dyson qulupnay yetishtirishni robotlarga topshirdi

Dyson Buyuk Britaniyada qishloq xo‘jaligini tubdan o‘zgartiradigan yuqori texnologiyali issiqxonalarni ishga tushirdi. Bu yerda qulupnaylar joy va quyosh nurini tejash uchun xuddi charxpalak kabi aylanadigan 5,5 metrli vertikal konstruksiyalarda o‘stirilmoqda.

Xo‘sh, tizim qanday ishlaydi? Aqlli datchiklar va sun’iy intellekt (AI) dasturlari o‘simliklar muhitini uzluksiz optimallashtiradi, hosildorlikni oshiradi hamda hosilni yig‘ish va ekinlarni himoya qilish jarayonlarini avtomatlashtiradi. Dyson’ning ushbu loyihasi robototexnika va sun’iy intellekt an’anaviy tarmoqlarga jadal kirib, infratuzilma hamda ishlab chiqarish bilan qanchalik uyg‘unlashib borayotganiga yaqqol namuna hisoblanadi.

Bizni kuzatib boring: Telegram | Instagram | YouTube

🚀 InnoX biznes-inkubator va akselerator dasturining 10-mavsumi uchun qabul boshlandi!

Dastur davomida ishtirokchilarga:

✅ Innovatsion g‘oyani to‘g‘ri tanlash va shakllantirish;
✅ G‘oyani loyiha darajasiga yetkazish;
✅ Loyiha prototipi va MVP ishlab chiqish;
✅ Turli tanlov va grantlar uchun loyiha arizalarini tayyorlash;
✅ Loyiha taqdimotini shakllantirish bo‘yicha amaliy yordam ko‘rsatiladi.

Dasturda ishtirok etish mutlaqo bepul!

- Dasturda 16 yoshdan 30 yoshgacha bo‘lgan, innovatsion g‘oyaga ega yoshlar ishtirok etishlari mumkin.
- Arizalar 20-iyun kuniga qadar qabul qilinadi.
- Ro‘yxatdan o‘tish uchun havola orqali ariza qoldiring.

Bizni kuzatib boring: Telegram | Instagram | YouTube

#diqqat_tanlov

❗️❗️❗️❗️❗️❗️❗️

“Kelajak muhandislari” startap akseleratsiya dasturi ishtirokchilarining innovatsion ishlanmalarini dastlabki prototip holatiga keltirish jarayonini moliyalashtirish maqsadida 2026-yilda “Bo‘lajak olim” tanlovi doirasida ilmiy g‘oyalar tanlovida ishtirok eting!

Tanlov ishtirokchilariga qo‘yiladigan asosiy talablar:

- O‘zbekiston Respublikasi fuqarosi bo‘lishi;
- Yoshi, ilmiy darajasi, unvoni, mansabi va ish joyidan qat’iy nazar 40 yoshdan oshmasligi;
- Yoshlarning innovatsion tashabbuslarini qo‘llab-quvvatlash ofisi tomonidan tashkil etilgan akseleratsiya dasturi ishtirokchisi yoki dasturni muvaffaqiyatli tamomlagan bo‘lishi;
- 1 nafar ishtirokchi faqat 1 ta loyiha bilan qatnashishi lozim.

Topshiriladigan ilmiy g‘oyalarga qo‘yiladigan talablar:

- Ilmiy dalil, muammo, faraz, nazariya turli fan sohalarining asosiy tamoyillari, ustuvor qoidalari asosida ishlab chiqilgan loyiha bo‘lishi;
- Jamiyat va iqtisodiyotdagi ma’lum bir muammoning yechimiga qaratilgan bo‘lishi;
- Ilmiy g‘oyani amalga oshirish uchun talab etiladigan mablag‘lar aniq va asoslangan hisob-kitob qilingan bo‘lishi;
- Ilmiy g‘oyaning aniq amalga oshirish mexanizmlari, muddati va dastlabki natijalari ko‘rsatilgan bo‘lishi;
- Amalga oshirishning eng ko‘p muddati 1 yilgacha bo‘lishi;
- So‘raladigan mablag‘ miqdori bazaviy hisoblash miqdorining (BHM) 400 baravarigacha bo‘lishi zarur;
- Ajratilgan mablag‘lar doirasida muallif va ijrochilarga oylik maosh (ish haqi) ko‘rsatish mumkin emas;
- G‘olib loyihalar doirasida maket va (yoki) prototip yaratilib, uning bir birlik namunasi Oliy ta’lim, fan va innovatsiyalar vazirligi koʻrgazmalar zaliga (show-room) joylashtirilishi shart;
- Materiallar ishonchli va ko‘chirmachilikka (plagiat) yo‘l qo‘yilmagan bo‘lishi lozim (ma’lumotlar haqqoniyligi va kutilayotgan natijalarning sifatli bajarilishiga loyiha rahbari shaxsan javobgar).

❗️Eslatma: Arizalar 2026-yilning 25-iyunidan 25-iyul kuni soat 23:59 ga qadar startup.ilmiy.uz platformasi orqali elektron shaklda qabul qilinadi.

🌐 Batafsil

Bizni kuzatib boring: Telegram | Instagram | YouTube

🚀 Eng yaxshi startap g‘oyalari uchun 30 000 000 so‘m: Techstars Startup Weekend endi Nukusda!

26-iyundan 28-iyunga qadar Nukus shahri Techstars Startup Weekend Nukus Ideathon loyihasiga mezbonlik qiladi.

Atigi 54 soat ichida siz:

- Kuchli jamoa to‘plab, mahsulotingizning ilk namunasini (MVP) yaratasiz;
- Techstars metodologiyasi asosida gipotezalarni test qilish va biznes-model tuzish bo‘yicha amaliy vorkshoplarda qatnashasiz;
- Yetakchi ekspertlardan (AI, IT, biznes va marketing yo‘nalishlarida) bevosita mentorlik maslahatlarini olasiz;
- Tayyor mahsulotingizni yirik investorlar oldida himoya qilasiz (Pitching);
- 30 000 000 so‘mlik mukofot jamg‘armasi uchun kurashasiz!

🟢 Manzil: Nukus shahri
🟢 Sana: 26–28-iyun
🟢 Imkoniyatni boy bermang, hoziroq ro‘yxatdan o‘ting: https://go.hackonnect.uz/swn-2026-tg?utm_content=techstarsuzb

Bizni kuzatib boring: Telegram | Instagram | YouTube

⚽️ Adidas Jahon chempionati toʻpini simsiz quvvatlanadigan smart-gadjetga aylantirdi!

Futbol tarixida birinchi marta rasmiy oʻyin toʻpi — Trionda har bir uchrashuv oldidan zaryadlanadigan boʻldi. Toʻp ichidagi 14 grammli datchik uning tezligi va yoʻnalishini soniyasiga 500 marta aniqlikda muhrlaydi. 6 soatlik quvvat oʻyin oxirigacha bemalol yetadi.

Ushbu maʼlumotlar stadion kameralari bilan sinxronlashib, vaziyatlarning real vaqtdagi 3D modelini chizib beradi. Bu VAR hakamlariga offsayd, qoʻl bilan oʻyin va gol chizigʻidagi eng bahsli holatlarda ham soniyalar ichida adolatli qaror chiqarish imkonini beradi.

Narxi qariyb 170 dollar boʻlgan Trionda Jahon chempionatlari tarixidagi eng qimmat rasmiy toʻpga aylandi.

Bizni kuzatib boring: Telegram | Instagram | YouTube

“Ilm-start” marafoni esingizdami?

Sizga yana bir muhim yangilik tayyorladik, tez orada bilib olasiz.

Yangilikni oʻtkazib yubormaslik uchun, kanalni pin 📌 qilib qoʻying