InnoX nima?

InnoX — Innovatsion rivojlanish agentligining hududlardagi Yoshlar texnoparklari tomonidan amalga oshiriladigan biznes-inkubatsiya va akseleratsiya dasturi. Uning asosiy vazifasi yoshlarning startap g‘oyalarini saralash va ularni bozor talablariga javob beradigan tayyor biznes loyihasi darajasiga keltirishdir.

Dastur quyidagi yo‘nalishlarni qamrab oladi:

🟣Startaplar g‘oya shakllanishidan (inkubatsiya) boshlab, mahsulotni sotuvga chiqarish va kengaytirish (akseleratsiya) davrigacha bo‘lgan jarayonni o‘taydi.
🟣Mutaxassislar yordamida biznes-model tuziladi, mahsulot prototipi (MVP) yaratiladi va marketing rejalari ishlab chiqiladi.
🟣 Ishtirokchilarga texnoparklardagi kovorking maydonlari, laboratoriya va uskunalar bilan ishlash imkoniyati yaratiladi.

Dastur yakunida o‘tkaziladigan “Demo Day“ orqali eng yaxshi loyihalar investorlar va venchur fondlariga taqdim etiladi.

Bizni kuzatib boring: Telegram | Instagram| YouTube

📢 Termiz yoshlar texnoparkida “InnoX” dasturining yangi mavsumiga qabul boshlandi

Termiz yoshlar texnoparki 18 yoshdan 30 yoshgacha bo‘lgan iqtidorli yoshlar va yosh olimlar uchun “InnoX” biznes-inkubatsiya va akseleratsiya dasturini e’lon qiladi.

Ishtirokchilar uchun yaratilgan imkoniyatlar:

✅ Mutaxassislar tavsiyalari va o‘quv dasturlari asosida startap g‘oyalarni shakllantirish;
✅ Ilmiy-ijodiy g‘oyalarni amaliyotga tatbiq etish va muammolarga innovatsion yechim topish bo‘yicha ko‘nikmalar;
✅ Texnopark platformasi orqali loyihalarni hayotga tatbiq etishda texnik va uslubiy yordam.

Ro‘yxatdan o‘tish: 1-mayga qadar;
Ariza topshirish: Havola
Ma’lumot uchun: +998 90 226 00 11 | @Rustamovich2107

Loyiha bo‘yicha savollarni Telegram-guruhda muhokama qilishingiz mumkin.

Bizni kuzatib boring: Telegram | Instagram| YouTube

🔔 Toshkent shahrida xalqaro forum bo‘lib o‘tadi

2026-yil 21-aprel kuni soat 10:00da “CAEx” ko‘rgazma markazining “Toshkent” zalida “Innoprom. Markaziy Osiyo” ko‘rgazmasi doirasidagi nufuzli xalqaro forum bo‘lib o‘tadi.

Tadbirda vazirlik va idoralar rahbarlari hamda yetakchi ekspertlar ishtirokida mintaqaviy integratsiya va texnologik mustaqillik masalalari muhokama qilinadi. Panel sessiyalari davomida sanoatga sun’iy intellektni joriy etish, texnologiyalar transferi hamda ilm-fan va ishlab chiqarish integratsiyasi kabi dolzarb mavzularga asosiy e’tibor qaratiladi.

Forum yakunida MDH davlatlari o‘rtasida ilmiy-texnologik hamkorlikni kengaytirish va yangi qo‘shma innovatsion loyihalarni qo‘llab-quvvatlash bo‘yicha aniq kelishuvlarga erishilishi ko‘zda tutilgan.

📞 Ishtirok etish uchun:
Mas‘ul shaxs S. Shukurov (+998 99-617-63-30) bilan bog‘lanish so‘raladi.

Bizni kuzatib boring: Telegram | Instagram| YouTube

#dayjest

⚡️ Hafta davomida startap ekotizimi bo‘yicha qanday ishlar amalga oshirildi?

#4-son

Innovatsion rivojlanish agentligi: Haftalik “STARTUP WEEKEND” dayjesti!

Startap ekotizim va hududiy rivojlanish boshqarmasi joriy haftaning (2026-yil 12-19-aprel holatiga ko‘ra) eng muhim va qiziqarli voqealari jamlangan haftalik dayjestni taqdim etadi.

📖 Dayjestni quyidagi havola orqali mutolaa qilishingiz mumkin:
👉 https://online.pubhtml5.com/qxrce/sjag/

Bizni kuzatib boring: Telegram | Instagram| YouTube

InnoX ga qaytamiz 😉

Guliston yoshlar texnoparkida InnoX dasturi doirasida yangi co-working maydoni ish boshladi. Ushbu joy startapchilar va innovatsion g‘oyalar egalari uchun ochiq maydon vazifasini o‘taydi.

Yangi co-working zonasida quyidagi imkoniyatlar yaratilgan:

✅ startap loyihalarni noldan rivojlantirish;
✅ mutaxassislar va hamfikrlar bilan jamoalarga birlashish;
✅ innovatsion yechimlar ustida ishlash.

O‘z startapi uchun jamoa va qulay ish maydoni qidirayotgan yoshlar Guliston yoshlar texnoparkiga murojaat qilishlari mumkin.

Bizni kuzatib boring: Telegram | Instagram| YouTube

📢 Urganch yoshlar texnoparkida “InnoX” dasturiga qabul boshlandi

Urganch yoshlar texnoparki 18 yoshdan 30 yoshgacha bo‘lgan iqtidorli yoshlar, yosh olimlar va startap tashabbuskorlari uchun “InnoX” biznes-inkubatsiya va akseleratsiya dasturining yangi mavsumini e’lon qiladi.

Ishtirokchilar uchun yaratilgan imkoniyatlar:

✅ Tajribali mentorlar yordamida startap loyihalarni takomillashtirish;
✅ Biznes yuritish bo‘yicha nazariy va amaliy bilimlarni egallash;
✅ G‘oyalarni MVP (minimal ishchi mahsulot) darajasigacha rivojlantirish;
✅ Treninglar va hamfikr yoshlar bilan tajriba almashish muhiti.

Ro‘yxatdan o‘tish: 1-maydan 6-mayga qadar;
Ariza topshirish: Havola
Ma’lumot uchun: +998 97 221 14 41 | +998 94 234 40 42

Bizni kuzatib boring: Telegram | Instagram| YouTube