#Startap #innovatsion_tumanlar

Viloyat hokimi yosh startapchilar bilan uchrashmoqda

Ayni damda Samarqand shahridagi Yoshlar markazida viloyat hokimi Aziz Boboyev yosh startap tashabbuskorlari bilan uchrashuv o‘tkazmoqda.

Uchrashuvda hokim InnoX biznes-inkubatsiya va akseleratsiya dasturini muvaffaqiyatli yakunlagan loyihalar bilan tanishib, ularning ishlanmalari, erishgan natijalari va kelgusidagi rejalari bo‘yicha fikr almashmoqda.

Tadbirda Samarqand Yoshlar Texnoparki vakillari ham faol ishtirok etmoqda.

Uchrashuvning asosiy maqsadi — yoshlarning innovatsion tashabbuslarini qo‘llab-quvvatlash, startap ekotizimini mustahkamlash va amaliy hamkorlikni rivojlantirish.

🔗 Bizni kuzatib boring: Telegram| Instagram| YouTube

#Startap #Ilmiy_loyihalar

Talaba-yoshlar uchun ilmiy-innovatsion va startap loyihalar bo‘yicha seminar tashkil etildi

O'zbekiston Respublikasi
Huquqni muhofaza qilish
akademiyasi talaba-yoshlari uchun Innovatsion rivojlanish agentligi xodimlari ishtirokida ilmiy-innovatsion va startap loyihalarni shakllantirishga bag‘ishlangan seminar-trening tashkil etildi. Tadbir davomida loyiha g‘oyasini aniqlash va asoslash, muammoni tahlil qilish, maqsad va vazifalarni belgilash, kutilayotgan natijalarni shakllantirish hamda loyiha hujjatlarini to‘g‘ri rasmiylashtirish masalalari bo‘yicha tushuntirishlar berildi.

Shuningdek, davlat grantlari va tanlovlarda ishtirok etish tartibi, ariza topshirish jarayoni, baholash mezonlari, ustuvor yo‘nalishlar hamda loyihalarga investitsiya jalb qilish mexanizmlari haqida ma’lumot taqdim etildi. Seminar yakunida talabalar tomonidan berilgan savollarga batafsil javoblar berilib, loyihalarni amaliyotga joriy etish va moliyalashtirish imkoniyatlari yuzasidan qo‘shimcha izohlar taqdim etildi.

🔗 Bizni kuzatib boring: Telegram| Instagram| YouTube

#Yoshlar_texnoparklari

Prezidentimiz tashabbusi bilan har payshanba — “Yoshlar kuni” deb belgilanishi munosabati bilan Innovatsion rivojlanish agentligi huzuridagi hududiy Yoshlar texnoparklarida talaba-yoshlar uchun qator tadbirlar tashkil etildi:

🔵 Andijon viloyati: Muhammad Al-Xorazmiy maktabi o‘quvchilari ishtirokida startap loyihalar taqdimoti va innovatsion g‘oyalarni qo‘llab-quvvatlash bo‘yicha uchrashuv o‘tkazildi.

🔵 Farg‘ona viloyati: "InnoX" dasturi bitiruvchilari va soha mutasaddilari ishtirokida vodiyda startap ekotizimini rivojlantirish hamda loyihalarni moliyalashtirish masalalari muhokama qilindi.

🔵 Samarqand viloyati: Viloyat hokimi ishtirokida "InnoX" dasturi yakunlari bo‘yicha startaplar taqdimoti o‘tkazilib, yosh tadbirkorlarni qo‘llab-quvvatlash choralar belgilandi.

🔵 Qashqadaryo viloyati: Qarshi yoshlar texnoparkida o‘tkazilgan “Demo Day” tadbirida 25 nafardan ortiq startapchi o‘z loyihalarini ekspertlarga taqdim etib, amaliy tavsiyalar va esdalik sovg‘alarini qo‘lga kiritdi.

🔗 Bizni kuzatib boring: Telegram| Instagram| YouTube

#innovatsion_tumanlar #Startap

Samarqand agroinnovatsiyalar va tadqiqotlar institutida uchrashuv bo‘lib o‘tdi

Innovatsion rivojlanish agentligi direktori (v.v.b) Asror Norov Samarqand agroinnovatsiyalar va tadqiqotlar institutiga tashrif buyurib, muassasaning ilmiy-innovatsion faoliyati bilan yaqindan tanishdi.

Institut rektori Sh. Hasanov hamrohligida o‘tgan uchrashuv davomida iqtidorli talabalarning startap loyihalari ko‘zdan kechirilib, ularning muammolarga taklif etayotgan yechimlari, iqtisodiy samaradorligi va amaliyotga tatbiq etish imkoniyatlari atroflicha muhokama qilindi. Shuningdek, professor-o‘qituvchilar tomonidan olib borilayotgan ilmiy-tadqiqot ishlari, sohani modernizatsiya qilishga qaratilgan ishlanmalar va chop etilgan mualliflik adabiyotlari namoyish etildi.

Uchrashuv yakunida institutning ilmiy salohiyati va erishilgan natijalari yuqori baholanib, kelgusida Agentlik bilan hamkorlikda amalga oshiriladigan istiqbolli loyihalar yuzasidan o‘zaro fikr almashildi.

🔗 Bizni kuzatib boring: Telegram| Instagram| YouTube