G‘oyangiz pul olib keladimi yoki yo‘qmi?

Accio — bu startapchilar uchun bozor xaritasidir. Uning asosiy vazifasi — g‘oyangiz pul olib keladimi yoki yo‘qmi, shuni sotuv boshlanmasidan oldin aniqlab berish.

Platformaning asosiy foydalari:

🔵 Talabni amalda tekshirish: Amazon va ijtimoiy tarmoqlardagi real savdo ma’lumotlarini tahlil qilib, mahsulotingizga haqiqiy talab bor-yo‘qligini ko‘rsatadi. Bu talab yo‘q g‘oyaga bekorga pul tikishdan asraydi.
🔵 Raqiblar tahlili: Raqobatchilarning qaysi mahsuloti yaxshi sotilayotgani va mijozlar nimalardan norozi ekanini fosh qiladi. Siz ularning xatosidan dars olib, yaxshiroq yechim taklif qilasiz.
🔵 Trendlarni egallash: Pinterest va Reddit’dagi qiziqishlar asosida hali ommalashib ulgurmagan, lekin ertaga "portlaydigan" yo‘nalishlarni bugun ko‘rsatib beradi.
🔵 Murakkablikdan qochish: Minglab qatorli statistikani o‘rganib o‘tirmaysiz — tizim hammasini tushunarli grafik va vizual hisobotlarga aylantiradi.

Agar mablag‘ingizni havoga sovurishni xohlamasangiz, iste’molchi ehtiyojlarini sayt orqali o‘rganib chiqing!

🔗 Bizni kuzatib boring: Telegram| Instagram| YouTube

🔺 Qarshi shahrida innovatsion startaplar uchun mahorat darsi

UEnter innovatsiyalar markazi American Makerspace Qarshi bilan hamkorlikda barcha startapchilar, talabalar va yangi g‘oyalar ustida ishlayotgan kreativ yoshlarni maxsus mahorat darsiga taklif etadi.

Ushbu vorkshop davomida ishtirokchilar o‘z loyihalarini qanday qilib noldan boshlash, mavjud qo‘llab-quvvatlash dasturlaridan unumli foydalanish hamda mentorlik platformalari orqali tajribali mutaxassislar bilan aloqa o‘rnatish mexanizmlari bilan yaqindan tanishadilar.

Sana: 2026-yil 17-fevral | Vaqt: 15:00 | Manzil: American Makerspace Qarshi |
Mo‘ljal: Qarshi sh., Bunyodkorlik ko‘chasi, 15-uy
Ro‘yxatdan o‘tish uchun: havola

🔗 Bizni kuzatib boring: Telegram| Instagram| YouTube

Agar menda $1000 va bitta noutbuk bo'lganda, qanday startap boshlardim?

Mana sizga startapni qanday qilish bo'yicha 3 ta yo'l:

🔸 1-hafta: Tor muammoni tanlayman.
Hech qanday ofis va xodimlarsiz, men kichik bizneslar (masalan, stomatologiya yoki o'quv markazlari) uchun mijozlar bilan muloqotni AI yordamida avtomatlashtiradigan servisni tanlayman. Muammo aniq — ular mijozlarni kutishda yo'qotyapti.

🔸 2-hafta: MVP (Minimal mahsulot) yig'aman.
Dasturchi yollamayman! Bubble yoki Glide kabi no-code platformalarda 1 haftada birinchi versiyani quraman. Xarajat: maxsimum $200.

🔸 3-hafta: Bozorga chiqish.
Qolgan pulning $400 qismini maqsadli reklama (Target)ga tikaman. Maqsad — kamida 5 ta real mijoz. Ulardan tushgan birinchi daromadni mahsulotni yanada yaxshilashga yo'naltiraman.

👇 Sizda hozir $1000 bo'lsa, qaysi sohada startap boshlagan bo'lardingiz? G'oyangizni yozing, birga tahlil qilamiz!

🔗 Bizni kuzatib boring: Telegram| Instagram| YouTube

✅ GarajHub — Loyihangiz uchun hamkor topishda yordam beradi!

Sizda startap g‘oyasi bormi, lekin uni amalga oshirishga jamoangiz yetishmayaptimi? Masalan, dasturchisiz-u, sizga dizayner kerak yoki g‘oya egasisiz-u, texnik mutaxassis qidiryapsiz.

GarajHub aynan mana shunday maqsadli insonlarni bir-biri bilan bog‘laydi. Loyiha vazifasi — O‘zbekistondagi tadbirkorlar va mutaxassislarga bir jamoa bo‘lib, g‘oyalarini real biznesga aylantirishda ko‘maklashish.

Qanday foydalaniladi?

🔢@GarajHub_bot ga kirasiz.
🔢Kimni qidirayotganingiz yoki loyihangiz haqida e’lon qoldirasiz.
🔢Bot e’lonni tasdiqlaydi va u kanalda chiqadi.

Hozirda xizmat mutlaqo bepul.

Kanal: https://t.me/GarajHub_uz

🔗 Bizni kuzatib boring: Telegram| Instagram| YouTube

🌙 "Parvoz" loyihasi jamoasi sizni va yaqinlaringizni muqaddas Ramazon oyi bilan muborakbod etadi!

Ushbu qutlug' oyda tutilgan ro'zalar, qilingan duolar va ezgu amallar ijobat bo'lishini tilaymiz. Qalbingizni xotirjamlik, xonadoningizni esa fayz va baraka tark etmasin. Ma’naviy yuksaklikka intilishda kuch-g‘ayratingiz yanada ziyoda bo'lsin!

Ramazon muborak bo'lsin!

🔗 Bizni kuzatib boring: Telegram| Instagram| YouTube

🔵“Mirzo Ulug‘bek vorislari” tanlovi uchun arizalar qabuli davom etmoqda

Agar siz 16 yoshdan 25 yoshgacha bo‘lgan, o‘zining ilmiy g‘oyasi yoki innovatsion ishlanmasiga ega iqtidorli yoshlardan biri bo‘lsangiz, ushbu tanlov aynan siz uchun.

Tanlovda ishtirok etish uchun:

✅ www.vorislar.uz saytiga kiring.
✅ Shaxsiy ma’lumotlaringiz va loyihangiz haqidagi ma’lumotlarni kiritib, ro‘yxatdan o‘ting.
✅ Arizangizni 2026-yil 25-fevral soat 18:00 ga qadar yuborishga ulguring.

G‘oliblar qanday mukofotlanadi?

Tanlov ikki bosqichda o‘tkaziladi va har bir bosqichda g‘oliblar pul mukofoti bilan taqdirlanadi:

🔵 Tuman va shahar bosqichi: 5 nafar g‘olibning har biriga BHMning 5 baravari miqdorida mukofot beriladi.
🔵 Viloyat va respublika bosqichi: 20 nafar eng yaxshi loyiha egasi BHMning 10 baravari miqdorida pul mukofotini qo‘lga kiritadi.

Imkoniyatni qo‘ldan boy berishni istamasangiz, hoziroq ro‘yxatdan o‘ting

🔗 Bizni kuzatib boring: Telegram| Instagram| YouTube

🔵 Biz nafaqat imkoniyat beramiz, balki unga olib boradigan yo‘lni ham ko‘rsatamiz.

Keyingi muhim yangilimiz, “Mirzo Ulug‘bek vorislari” tanlovi haqida bo‘ladi 😉

🔵 “Mirzo Ulug‘bek vorislari” tanloviga ro‘yxatdan o‘tdingiz va tez orada keyingi bosqichlar boshlanadi.

“Parvoz” loyihasi doirasidagi darsimiz tanlovning tuman (shahar) bosqichlari va viloyat bosqichini o‘tkazish tartibi bo‘yicha bo‘lib o‘tadi.

👤 Spiker: Erkin Danaboyev
Samarqand viloyati Innovatsion rivojlanish bo‘linmasi bosh mutaxassisi

🗓 Sana: 21-fevral
📊 Vaqt: 20:00
🎤 Format: Telegramda ovozli chat

🔗 Bizni kuzatib boring: Telegram| Instagram| YouTube

Donald Tramp: “Shavkat Mirziyoyev — mening do‘stim, mamlakatingizda ishlar zo‘r ketyapti, siz zo‘r ketyapsiz!”

AQSH prezidenti Tinchlik kengashining birinchi sammitida O‘zbekiston Prezidenti Shavkat Mirziyoyevni alohida e’tirof etdi.

Tramp aytganidek biz zo‘r ketyapmiz, qadrli startapchilar 😎

🔗 Bizni kuzatib boring: Telegram| Instagram| YouTube

#foydali

🚀 Y Combinator: 2026-yil bahori uchun istiqbolli yo‘nalishlar

Y Combinator o‘zining "Request for Startups" (Startaplar uchun so‘rovnoma) ro‘yxatini yangiladi. Unda 2026-yilda investitsiya kiritilishi kutilayotgan asosiy texnologik trendlar belgilab berilgan:

🔸 Mahsulot menejerlari uchun "Cursor"
Foydalanuvchilar bilan o‘tkazilgan intervyular va tahliliy ma’lumotlarni aniq mahsulot rejalariga (roadmap) va tayyor funksiyalarga aylantiruvchi SI vositalari.

🔸 SI-native agentliklar
Dizayn, marketing yoki yuridik xizmat ko‘rsatuvchi, jarayonlari to‘liq dasturiy ta’minotga asoslangan va rentabelligi yuqori bo‘lgan yangi avlod agentliklari.

🔸 SI-native xej-fondlar
Moliyaviy hisobotlarni o‘rganish, bozor signallarini tahlil qilish va savdolarni amalga oshirish jarayonlari to‘liq SI agentlari tomonidan boshqariladigan investitsiya fondlari.

🔸 LLM’larni o‘rgatish infratuzilmasi
Katta ma’lumotlar to‘plami (datasets) bilan ishlash va murakkab tilli modellarni o‘rgatish jarayonini soddalashtiruvchi texnologiyalar.

🔸 Davlat boshqaruvi uchun SI
Davlat organlarida ortib borayotgan ish yuklamasini kamaytirish, jarayonlarni tezlashtirish va xarajatlarni optimallashtirishga qaratilgan yechimlar.

🔸 Steblkoin (Stablecoin) moliyaviy xizmatlari
Transchegaraviy to‘lovlar va investitsiyalar uchun steblkoinlar asosida qurilgan yangi moliyaviy tizimlar.

🔸 Firibgarlikni aniqlash infratuzilmasi
Korrupsiyaga oid dalillar, tartibsiz hujjatlar va murakkab korporativ zanjirlarni tizimlashtirish orqali davlat idoralariga yordam beruvchi platformalar.

🔸 Zamonaviy metallurgiya zavodlari
Eski po‘lat va metall ishlab chiqarish tizimlarini avtomatlashtirish hamda energiya samaradorligini oshirish loyihalari.

🔸 Yirik fazoviy modellar (Large Spatial Models)
2D va 3D makonni tushunadigan, jismoniy obyektlar harakatini tahlil qila oladigan SI tizimlari.

🔸 Jismoniy ishlar uchun SI yo‘riqnomalari
Kamera va datchiklar yordamida ishchilarga real vaqt rejimida bosqichma-bosqich ko‘rsatma beruvchi "aqlli" yordamchilar.

Manba: Y Combinator

🔗 Bizni kuzatib boring: Telegram| Instagram| YouTube

#inno_yangilik

🤖 Ayollarning orzusi ushaldi!

Ko‘pchilik robotlar ish o‘rnimizni egallab olishidan xavotirda edi. Ular esa oshxona tomonga qarab “harakatlana boshladilar“.

Endi ayollar oshxona yumushlarini “temir oshpaz“ga topshirib, ko‘proq vaqtlarini oilalari va farzandlariga ajratishlari mumkin.

Gap shundaki, Xitoyning STAR1 roboti eng charchatadigan va vaqt oladigan oshxona ishlarini “egallamoqda“ .

U xamir bilan ishlashni, chuchvara tugishni va hatto uni mustaqil pishirishni ham uddalayapti.

Siz-chi bu yangilik haqida qanday fikrdasiz? Izohlarda yozib qoldiring.

🔗 Bizni kuzatib boring: Telegram| Instagram| YouTube