⚡️ Global Tech Weekend Tashkent 2026 — Amaliyot dasturiga qabul boshlandi!

Ushbu loyiha yirik xalqaro tadbirning tashkiliy jarayonlarida bevosita ishtirok etish, global startap asoschilari, yirik investorlar va soha yetakchilari bilan hamkorlik qilish hamda amaliy tajriba orttirish uchun imkoniyatdir.

📍 Toshkent | 2026-yil, 15–17-may. Butun shahar bo‘ylab o‘tkaziladigan, global innovatsion hamjamiyatni birlashtiruvchi markazlashmagan tadbirlar seriyasi.

🎯 Ariza topshirish va harakatga qo‘shilish: havola

🔗 Bizni kuzatib boring: Telegram| Instagram| YouTube

⚡️Prezidentimiz tadbirkorlik va startap ekotizimni rivojlantirish bo‘yicha yana bir muhim Qarorga imzo chekdilar!

Qarorga muvofiq startap g‘oyani shakllantirish, loyihani ishlab chiqish, ishga tushirish hamda masshtablashtirishni o‘z ichiga olgan 4 bosqichli startap ekotizimi joriy etiladi:

1. Venchur sarmoyalar hajmi 2 mlrd dollarga yetkaziladi;

2. 500 ta startap 1 mln, 100 tasi 10 mln va 25 tasi 100 mln dollarlik yirik kompaniyalarga aylantiriladi;

3. Yoshlarning 2 mingta g‘oyasi tijoratlashtirilib, 400 ta loyiha xalqaro bozorlarga olib chiqiladi;

4. Startap loyihalar ishga tushishi natijasida 20 mingdan ortiq yangi ish o‘rinlari yaratiladi;

5. 2026-yildan boshlab har yili “Yosh tadbirkorlar” chempionati o‘tkaziladi;

6. Eng yaxshi 100 ta loyihaning har biriga 1 mlrd so‘mgacha investitsiya kiritiladi;

7. Chempionat g‘oliblari davlat mukofotlari va ko‘krak nishonlariga tavsiya etiladi;

8. Loyihani brendga aylantirish uchun ekspertlarga 41 mln so‘mgacha xizmat haqi to‘lab beriladi;

9. Startap studiya va markazlarni tashkil etish uchun 20 ta loyihaga 5 yil muddatga 5 mlrd so‘mgacha foizsiz qarz ajratiladi;

10. Inkubatsiya va akseleratsiya dasturlari badal to‘lovlari uchun 41 mln so‘mgacha grant beriladi;

11. O‘quvchilar o‘rtasidagi “Eng yaxshi startap g‘oyasi” tanlovi o‘tkaziladi va g‘oliblariga 10 mln so‘mgacha mukofot beriladi;

12. “Eng innovatsion g‘oya” tanlovi o‘tkaziladi va mukofot jamg‘armasi 10 mlrd so‘m etib belgilanadi;

13. Talaba va ilmiy xodimlarning loyihalariga 20 ming dollargacha sarmoya kiritiladi;

14. Ideaton va xakaton g‘oliblariga inkubatsiya yoki akseleratsiya sharti bilan 20 ming dollargacha konvertatsiyalanadigan qarz ajratiladi;

15. “Raqamli startaplar” dasturi doirasida IT loyihalarga 10 ming dollargacha grant beriladi;

16. Yiliga 10 tagacha loyihaga MVP yaratish xarajatlarini qoplash uchun 50 ming dollargacha “R&D” vaucher taqdim etiladi;

17. Startapchilarning nufuzli akseleratsiya va o‘quv kurslarida qatnashish xarajatlarining 50 foizi (20 ming dollargacha) qoplab beriladi;

18. Startaplarni patentlash va intellektual mulkni ro‘yxatdan o‘tkazish xarajatlari qoplab beriladi;

19. 2026-yil 1-apreldan hududlarda hokimlar rahbarligida “Startaplar klubi” tashkil etilib, startapchilar bilan har oy uchrashuvlar yo‘lga qo‘yiladi va hududlardagi yirik tadbirkorlik subyektlari startap loyihalariga biriktiriladi.

20. 2026-yildan boshlab har yili “Startap ekspo” ko‘rgazmasi tashkil etiladi va unda loyihalar investorlar, venchur jamg‘armalar hamda yirik korxonalarga taqdimot qilinadi;

21. Muvaffaqiyatli startaplar bilan davlat xaridlari shartnomalarida oldindan to‘lov 500 mln so‘mgacha bo‘lsa 50 foiz, undan yuqori bo‘lsa 30 foiz etib belgilanadi;

22. Startap ekotizimini rivojlantirishga 2026–2027-yillarda jami 160 mln dollar va 130 mlrd so‘m yo‘naltiriladi;

23. Texnologik startaplar uchun Jahon bankidan 100 mln dollar mablag‘ jalb qilinadi;

24. “Fondlar fondi” va “IT Park Ventures” venchur jamg‘armalariga 50 mln dollar ajratiladi;

25. Yoshlar tadbirkorligini rivojlantirish jamg‘armasi va “Yoshlar ventures” jamg‘armasiga 10 mln dollar beriladi;

26. “UzVC” milliy venchur fondiga byudjetdan 100 mlrd so‘m ajratiladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Maktab o‘quvchilari o‘rtasida “Eng yaxshi startap g‘oyasi” tanlovi o‘tkaziladi hamda tuman darajasidagi g‘oliblarga 5 mln so‘mgacha, viloyat darajasida – 10 mln so‘mgacha mukofot beriladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Maktablarda 2026/2027 o‘quv yilidan boshlab har oyda kamida ikki marta “Mohirlik va biznes soati” tadbirlari tashkil etilib, o‘quvchilar loyihalari har chorakda ota-onalar va biznes vakillariga taqdimot qilinadi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Davlat oliy ta’lim tashkilotlarida har yili “Eng innovatsion g‘oya” tanlovi o‘tkazilib, g‘oliblarga OTMlarning o‘z mablag‘lari hisobidan 100 mln so‘m grant ajratiladi.

“Eng innovatsion g‘oya” tanlovining respublika bosqichi 10 ta yo‘nalishda o‘tkazilib, uning mukofot jamg‘armasi 10 mlrd so‘m etib belgilanadi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Ideaton va xakatonlar g‘oliblariga boshlang‘ich loyihalar uchun 20 ming dollargacha konvertatsiya qilinadigan qarz yoki raqamli loyihalar uchun 10 ming dollargacha grant beriladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Oliygohlarda “Oliygohohlar – startaplar generatori” dasturi joriy etiladi va OTMlarga istiqbolli loyihalarga 20 ming dollargacha o‘z mablag‘larini investitsiya qilish huquqi beriladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Har yili “Yosh tadbirkorlar” chempionati o‘tkazilib, 100 tagacha eng yaxshi loyihaning har biriga 1 mlrd so‘mgacha investitsiya kiritiladi hamda ularni brendga aylantirish xarajatlari qoplanadi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Startap loyihalarni sinovdan o‘tkazish (MVP yaratish) uchun yilliga 10 ta loyihaga 50 ming dollargacha “R&D” vaucherlari taqdim etiladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Nufuzli xalqaro akseleratsiya dasturlarida qatnashish xarajatlarining 50 foizi (20 ming dollargacha) davlat tomonidan qoplab beriladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Startap studiyalar va inkubatsiya markazlarini tashkil etish uchun 5 mlrd so‘mgacha foizsiz qarz (ssuda) hamda mahalliy dasturlarda qatnashish uchun grantlar ajratiladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Muvaffaqiyatli startaplarga xorijda filial ochish va ularni moliyalashtirish uchun yiliga 500 ming dollargacha mablag‘ni alohida qarorlarsiz chetga o‘tkazishga ruxsat beriladi.

Manba: PQ-59 (11.02.2026)

🔗 Bizni kuzatib boring: Telegram| Instagram| YouTube

Ish vaqtida issiq ovqat yeyishga ulgurmayapsizmi?

Heatwave Go startapi mikroto‘lqinli pech funksiyasiga ega lanch-boksni yaratdi — u yo‘lda, ishda yoki o‘qishda ko‘p vaqt o‘tkazadiganlar uchun ayni muddao.

Konteyner nafaqat taomlaringizni kun bo‘yi yangi saqlaydi, balki ularni infraqizil nurlar yordamida isitib beradi. Bir porsiya ovqatni isitish uchun bor-yo‘g‘i 15 daqiqa kifoya, kerakli haroratni o‘rnatish va jarayonni kuzatish esa maxsus mobil ilova orqali amalga oshiriladi.

🔗 Bizni kuzatib boring: Telegram| Instagram| YouTube

🤖 Humanoid robotlardan navbatdagi yangilik

Xitoyning Oltoy mintaqasida o‘tkazilgan sinovlarda Unitree roboti −47°C sovuq haroratda 130 000 qadam bosib, hayratlanarli natija ko‘rsatdi.

Robot qorli va murakkab relyef bo‘ylab qariyb 100 km masofani bosib o‘tdi. Sinov davomida u maxsus himoya kiyimi bilan jihozlandi, bu esa unga o‘ta past haroratda ham barqaror harakatlanish imkonini berdi.

Ushbu muvaffaqiyat humanoid robotning bunday ekstremal sharoitlarda uzoq vaqt davomida operatsiyalarni bajara olishi bo‘yicha dunyodagi ilk hujjatlashtirilgan holatlardan biri sifatida qayd etildi.

🔗 Bizni kuzatib boring: Telegram| Instagram| YouTube

G‘oyangiz pul olib keladimi yoki yo‘qmi?

Accio — bu startapchilar uchun bozor xaritasidir. Uning asosiy vazifasi — g‘oyangiz pul olib keladimi yoki yo‘qmi, shuni sotuv boshlanmasidan oldin aniqlab berish.

Platformaning asosiy foydalari:

🔵 Talabni amalda tekshirish: Amazon va ijtimoiy tarmoqlardagi real savdo ma’lumotlarini tahlil qilib, mahsulotingizga haqiqiy talab bor-yo‘qligini ko‘rsatadi. Bu talab yo‘q g‘oyaga bekorga pul tikishdan asraydi.
🔵 Raqiblar tahlili: Raqobatchilarning qaysi mahsuloti yaxshi sotilayotgani va mijozlar nimalardan norozi ekanini fosh qiladi. Siz ularning xatosidan dars olib, yaxshiroq yechim taklif qilasiz.
🔵 Trendlarni egallash: Pinterest va Reddit’dagi qiziqishlar asosida hali ommalashib ulgurmagan, lekin ertaga "portlaydigan" yo‘nalishlarni bugun ko‘rsatib beradi.
🔵 Murakkablikdan qochish: Minglab qatorli statistikani o‘rganib o‘tirmaysiz — tizim hammasini tushunarli grafik va vizual hisobotlarga aylantiradi.

Agar mablag‘ingizni havoga sovurishni xohlamasangiz, iste’molchi ehtiyojlarini sayt orqali o‘rganib chiqing!

🔗 Bizni kuzatib boring: Telegram| Instagram| YouTube