🔺 “Yoshlar texnoparklarida tashkil etilgan akseleratsiya va inkubatsiya dasturlaridan muvaffaqiyatli o‘tgan startap loyihalar“ uchun tanlov

“Bo‘lajak olim” tanlovi doirasida Yoshlar texnoparklarining akseleratsiya va inkubatsiya dasturlaridan muvaffaqiyatli o‘tgan startap loyihalarni qo‘llab-quvvatlash uchun arizalar qabul qilinadi.

Tanlov ishtirokchilariga qo‘yiladigan talablar:

- Ishtirokchi O‘zbekiston Respublikasi fuqarosi bo‘lishi kerak;
- Yoshi 40 yoshdan oshmasligi lozim;
- Ilmiy daraja, unvon yoki ish joyidan qat’i nazar barcha yoshlarga ochiq;
- Har bir ishtirokchi faqat 1 ta loyiha bilan qatnashishi mumkin.

Startap loyihalarga qo‘yiladigan talablar:

- Startap loyiha Yoshlar texnoparkining akseleratsiya/inkubatsiya dasturlaridan muvaffaqiyatli o‘tgan va tegishli sertifikatga ega bo‘lishi;
- Loyiha an’anaviy biznesdan ilmiy-innovatsion yangiligi bilan farqlanishi;
- Jamiyat yoki iqtisodiyotdagi dolzarb muammoning amaliy yechimiga qaratilgan bo‘lishi;
- Loyiha uchun zarur bo‘lgan mablag‘ aniq hisob-kitoblar bilan asoslangan bo‘lishi;
- Amalga oshirish muddati bir yildan oshmasligi;
- Aniq mexanizmlar, muddatlar va dastlabki natijalar ko‘rsatilgan bo‘lishi;
- So‘ralgan mablag‘ miqdori BHMning 3000 baravarigacha bo‘lishi;
- Materiallar haqqoniy, ishonchli, plagiatsiz bo‘lishi;
- Amalga oshirish muddati 12 oydan oshmasligi;
- Keltirilgan ma’lumotlar uchun loyiha muallifi shaxsan javobgar hisoblanadi.

Tanlovga taqdim etiladigan arizalar belgilangan hujjat shakllari asosida to‘ldirilib, 2026-yilning 5-yanvar kuni soat 23:59 ga qadar faqat elektron shaklda (startup.ilmiy.uz) qabul qilinadi.

🔗 Batafsil

🔗 Bizni kuzatib boring: Telegram| Instagram| YouTube

📰 Startapchilar uchun eng foydali maqolalar joylanadigan sayt

Startupsmagazine.co.uk — startaplar va tadbirkorlar uchun yaratilgan professional sayt bo‘lib, unda biznesni boshlash va rivojlantirishga oid maqolalar, yangiliklar va maslahatlar mavjud. Sayt startapchilarga bozor trendlarini kuzatish, foydali g‘oyalar olish va loyihalarini samarali rivojlantirishda yordam beradi.

🔗 Bizni kuzatib boring: Telegram| Instagram| YouTube

🤩 Andijon Yoshlar Texnoparki sizni ilhom va innovatsiyalar muhitiga chorlaydi!

⚫️Texnoparkda faoliyat yuritayotgan "InnoX" biznes-inkubator va akselerator dasturining 7-mavsum ishtirokchilari o‘zining uzoq mehnat va izlanishlar samarasini namoyon etuvchi “Demo Day” tadbiriga tayyor!

⚫️Bu kunda siz yoshlar tomonidan yaratilgan ijodiy g‘oyalar, zamonaviy yechimlar va startap loyihalar bilan yaqindan tanishish imkoniga ega bo‘lasiz. Ta’lim jarayonida shakllangan har bir loyiha – mehnat, intilish va orzularning yorqin mevasi.

✔️Agar siz ham innovatsiyalar olamiga kirib borishni, yangi startaplar bilan tanishishni yoki o‘z g‘oyangiz uchun ilhom topishni istasangiz, unda ushbu imkoniyatni qo‘ldan boy bermang!

🟢15-dekabr
🟢Soat 10:00
“Demo Day” tadbirida sizni kutib qolamiz!

🔅Keling, birgalikda yoshlarni innovatsion loyihalarini qo‘llab-quvvatlaylik va ularga yangi marralar sari kuch bag‘ishlaylik!

👀 Bizni kuzatishda davom eting!

📱Telegram | 📱Instagram | 📱Facebook

So'rovnoma natijalariga ko'ra, ko'pchilik bu imkoniyatni qo'ldan boy bergan yoki bexabar qolgan

Keling, buni to'g'irlaymiz 🔥

🔺 Yoshlar texnoparklari — bu yoshlar yangi g‘oyalarini yaratishi, o‘rganishi va startaplarini rivojlantirishi uchun tashkil etilgan zamonaviy markazlardir.

Maqsadi: yoshlarning bilimini oshirish, ularni ilmiy ishlar va startap loyihalariga jalb qilish, g‘oyalarini amalda sinab ko‘rishga yordam berish.

Imkoniyatlari:

🔺 Startaplar ustida ishlash uchun qulay sharoit;
🔺 Treninglar, seminarlar va master-klasslar;
🔺 Ustozlar va ekspertlar bilan ishlash imkoniyati;
🔺 Xorijda tajriba orttirish yo‘llari;
🔺 Grant va tanlovlarga yo‘naltirish.

Umuman olganda Yoshlar Yoshlar texnoparklari — bu yoshlar yangi g‘oyalarini yaratishi, o‘rganishi va startaplarini rivojlantirishi uchun tashkil etilgan zamonaviy markazlardir.

🔗 Bizni kuzatib boring: Telegram| Instagram| YouTube

🚀 STARTUP AMBASSADORS — ARIZA TOPSHIRISH RASMAN OCHILDI!

Agar siz boshlamasangiz — hududingizda startap madaniyati umuman boshlanmasligi mumkin.
Bugun esa aynan siz uchun imkoniyat eshiklari ochildi.

Endilikda O‘zbekiston bo‘ylab 208 ta tuman va shahardan eng iqtidorli, tashabbuskor yoshlar Startup Ambassadors dasturiga rasmiy tarzda ariza topshirishlari mumkin.

📍 4–10 yanvar | Bo‘stonliq | Yoshlar oromgohi
➡️ 1 haftalik intensiv BOOTCAMP

Bootcamp davomida siz:

— startap ekotizimi bo‘yicha amaliy bilim va ko‘nikmalarga ega bo‘lasiz;
— yetakchilik va tashkiliy kompetensiyalaringizni rivojlantirasiz;
— o‘z tumaningizda startup klubini tashkil etishga tayyor holda qaytasiz.

🔗Ariza topshirish uchun havola: topcoachuni.com/events

🔗 Bizni kuzatib boring: Telegram| Instagram| YouTube

👓 Li Auto avtomobilni boshqaruvchi aqlli ko‘zoynaklarini taqdim etdi

Xitoylik elektromobil ishlab chiqaruvchisi Li Auto (Lixiang) o‘z avtomobillari bilan integratsiyalashgan, masofadan boshqaruv va sun’iy intellekt interfeysi vazifasini bajaruvchi aqlli ko‘zoynaklarni rasman namoyish qildi. Ushbu qurilma kompaniyaning raqamli ekotizimini avtomobil panelidan tashqariga olib chiqadi.

🔸 Lixiang Livis tizimi orqali foydalanuvchilar ko‘zoynak yordamida avtomobilni avtoturargohdan chaqirishi, yukxonasini ochishi, salon haroratini oldindan sozlashi hamda boshqa muhim funksiyalarni boshqarishi mumkin.

🔸 Qurilma birinchi shaxs nuqtayi nazaridan (POV) video yozib olish imkonini beruvchi kamera bilan jihozlangan. Ramkaga o‘rnatilgan Sony tasvir sensorlari qo‘llarni ishlatmasdan sifatli video yozishni ta’minlaydi.

🔸 Ko‘zoynakka AI yordamchi integratsiya qilingan bo‘lib, u ovozli buyruqlarni qabul qiladi va harakat davomida foydalanuvchiga kontekstga mos tavsiyalar beradi.

🔸 Li Auto ma’lumotiga ko‘ra, aqlli ko‘zoynak 19 soatgacha batareya quvvatiga ega bo‘lib, uni kundalik foydalanish uchun qulay va uzluksiz ishlovchi gadjetga aylantiradi.

Ushbu yangilik Xitoy elektromobil sanoatida avtomobil, sun’iy intellekt va kiyiladigan texnologiyalar tobora yagona platformaga birlashib, mashinalar shaxsiy raqamli muhitning ajralmas qismiga aylanayotganini yaqqol namoyon etadi.

🔗 Bizni kuzatib boring: Telegram| Instagram| YouTube

#Yoshlar_texnoparki

4 oylik mehnat natijasi sarhisob qilindi

Avval xabar berganimizdek, kuni kecha Andijon Yoshlar texnoparkida tashkil etilgan “InnoX” biznes-inkubator va akselerator dasturi ishtirokchilarining yakuniy “Demo Day” yopilish taqdimot marosimi bo‘lib o‘tdi.

Tadbirda Yoshlar Ventures, Aloqa Ventures, Startap Garaj, IT Park, Yoshlar kelajagimiz jamg‘armasi hamda Savdo-sanoat palatasi vakillari ishtirok etdi.

Yoshlar tajribali mentorlar va startaperlardan olgan bilimlari asosida yaratgan innovatsion loyihalarini hakamlar hay’ati hamda investorlar oldida taqdim etdilar.

Yakuniy natijalarga ko‘ra, eng yuqori ball to‘plagan “Tikuvchi”, “TopArena”, “Sayohat AI” loyihalariga Yoshlar texnoparki tomonidan har biriga 1 000 000 so‘mdan, jami 3 000 000 so‘m pul mukofoti, esdalik sovg‘alari va sertifikatlar topshirildi.

“InnoX” dasturining boshqa ishtirokchilariga esa maxsus sertifikatlar va sovg‘alar taqdim etildi.

🔗 Bizni kuzatib boring: Telegram| Instagram| YouTube