АЙНИ ПАЙТДА ЮРТИМИЗДА 3113 НАФАР КОРОНАВИРУСГА ЧАЛИНГАН БЕМОР ДАВОЛАНМОҚДА

🔺2020 йил 28 август соат 10:00 ҳолатига кўра, Ўзбекистонда коронавирус инфекцияси қайд этилганлар сони 40 613 (+166) нафарни ташкил этмоқда.

🔴Янги касалланиш ҳолатларининг 115 нафари Тошкент шаҳрида, 40 нафари Тошкент вилоятида, 11 нафари Наманган вилоятида тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, Яшнобод туманида яшаган 63 ёшли М.К. (эркак) ҳамда 59 ёшли М.У. (аёл), жами 2 нафар коронавирусга чалинган бемор вафот этди.

❗️Айни пайтда юртимизда 37 200 нафар коронавирус инфекциясига чалинган фуқаролар (92 фоиз) соғайган.

‼️Ҳозирда мамлакатимизда 3 113 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 279 нафари оғир, 133 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

СОҒЛИҚНИ САҚЛАШ ВАЗИРЛИГИ:
ССВ ТОМОНИДАН ТАЙЁРЛАНГАН ПАНДЕМИЯ ДАВРИДА МАКТАБЛАРГА ҚЎЙИЛАДИГАН САНИТАРИЯ ТАЛАБЛАРИ ТАСДИҚЛАНДИ

❗️“Ўзбeкистон Рeспубликасида COVID-19 пандемияси даврида умумий ўрта таълим мактаблари ва ўрта махсус мактаб интернатларининг фаолиятини ташкиллаштириш бўйича вақтинчалик санитария-эпидемиологик талаблар” Адлия вазирлигида ҳуқуқий экспертизадан ўтказилди ва ҳисобга олинди.

➡️ Мазкур ҳужжат COVID-19 пандемияси даврида мулкчилик шаклидан қатъий назар, барча умумтаълим мактаблари ва махсус мактаб интернатларнинг хавфсиз иш муҳитини таъминлашга қаратилган иш фаолиятига татбиқ этилади.

🔰 Ҳужжатда, жумладан, қуйидагилар назарда тутилган:

⏰ машғулотларни соат 8:00 дан сўнг бошлаш ва 17.30 дан кечиктирмасдан тугатиш тавсия этилади, машғулотлар уч сменада ташкиллаштирилиши мумкин;

⚠️ пандемия даврида оммавий тадбирлар (йиғилишлар, концертлар, туғилган кунлар ва шу кабилар) ўтказиш вақтинча тўхтатилади;

😷 барча болалар ва уларнинг қонуний вакиллари ниқобларда келишлари шарт;

📝 мактабга киришдан аввал, мактабнинг тиббий ходимлари/масъул ходимлари томонидан “эрталабки филтрлаш” бўйича махсус пункт ташкил этилиб, тегиши журнал юритилади;

🚰 “эрталабки филтрлаш” жараёнидан сўнг, ўқувчилар кириш жойларида ўрнатилган махсус диспенсердан антисептик восита ёрдамида қўлларини зарарсизлантирадилар;

❌ ниқоб/респираторсиз мактабга киришига рухсат берилмайди. Бунда, ниқоб камида ҳар 3 соатда, респираторлар камида ҳар 8 соатда ўзгартирилиши лозим;

🏷 синфларда ҳар бир ўқувчига 2 м² дан кам бўлмаган майдон бўлиши талаб этилади;

♨️ пандемия пайтида мактаб ошхоналари ўз ишини амалдаги санитария меъёрлари ва қоидалари талабларига риоя қилинган ҳолда ташкил этади;

🔻 юқумли касалликлар белгилари бўлган ўқувчилар/мактаб ходимлари ушбу белгилар аниқланган вақтдан бошлаб тез ёрдам гуруҳи ёки ота-оналар (қонуний вакил) келгунига қадар зудлик билан изоляция қилинишлари шарт.

Вазирлик расмий канали: @ssvuz

​​Соғлиқни сақлаш вазирлиги:
АЛИШЕР ШАДМАНОВ ЮРТИМИЗГА КЕЛГАН БИР ГУРУҲ ТУРКИЯЛИК МУТАХАССИСЛАР БИЛАН УЧРАШДИ

Ўзбекистон Соғлиқни сақлаш вазири Алишер Шадманов айни пайтда юртимизда бўлиб турган туркиялик тажрибали мутахассислардан иборат тиббий гуруҳ билан учрашди.

Унда Туркия ва Ўзбекистон ўртасида тиббиёт соҳасида олиб борилаётган изчил ҳамкорлик, жумладан, икки давлат тиббиёт ходимларининг биргаликда коронавирус инфекциясига қарши кураш борасидаги тизимли саъй-ҳаракатлари юқори баҳоланди. Жумладан шу қисқа даврда туркиялик мутахассисларнинг учинчи гуруҳи “COVID-19”га қарши курашда кўмаклашиш учун етиб келгани, Туркия томонидан юртимизга 50 та замонавий сунъий нафас бериш аппарати (ИВЛ)нинг етказиб берилиши алоҳида эътироф этилди.

Шу ўринда таъкидлаш жоизки, ўтган йил декабрь ойида юртимизда бўлиб ўтган соғлиқни сақлаш ва фармацевтика соҳасида биринчи ўзбек-турк бизнес форуми ташкил этилган эди. Ушбу тадбирда ҳар икки мамлакат соғлиқни сақлаш соҳаси вакиллари томонидан қатор манфаатли келишувларга эришилди.

Жумладан, шошилинч ва тез тиббий хизмат, фармацевтика, тиббий таълим, онкология ва радиология, гематология ва қон қуйиш, педиатрия, акушерлик ва гинекология, хусусий тиббиёт каби қатор муҳим йўналишларда меморандумлар имзоланган эди. Ушбу келишувлар соғлиқни сақлаш соҳасидаги ҳамкорликни изчил ривожлантириш, ўзаро тажриба алмашишда муҳим аҳамият касб этмоқда.

Изчил ҳамкорлик самараси ўлароқ юртимизга келган туркиялик шифокорлар сафида анестезиолог, реаниматолог, пульмонолог, инфекционист, педиатр, шунингдек, шошилинч тиббий ёрдам, биотиббиёт, умумий амалиёт, ички касалликлар, жамоат саломатлиги бўйича малакали мутахассислар жам бўлишгани эътиборга молик.

Учрашувда меҳмонлар Тошкент шаҳридаги Вируслогия илмий текшириш институти, Эпидемиология, микробиология ва юқумли касалликлар илмий текшириш институти, Тошкент вилоятидаги Зангиота юқумли касалликлар шифохонаси, шунингдек, Қорақалпоғистон Республикаси, Навоий, Фарғона, Андижон ҳамда Наманган вилоятларидаги ушбу соҳага ихтисослашган шифохоналар, тиббий марказ ва лабораториялар фаолияти билан яқиндан танишиб, корновирусни аниқлаш, назоратга олиш ва беморларни даволашда маҳаллий шифокорлар билан ҳамкорликда амалий фаолият кўрсатишлари режалаштирилгани таъкидланди.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

⚡️Ўзбекистонда 3932 нафар бола коронавирусдан зарарланган, 3293 нафари соғайган

ССВ ҳузуридаги Коронавирусга қарши кураш штаби аъзоси Барно Абдусаматова:

🚧 Республика бўйича бугунги кунга қадар 89 755 нафар бола карантинга олинган бўлиб, уларнинг орасида COVID-19 аниқланганлар 3932 нафарни (4,3%) ташкил қилмоқда.

📈 COVID-19 аниқланганлар орасида ёши бўйича таҳлил қилганимизда:

➖ 1 ёшгача 190 нафарни (4,8%);
➖ 3 ёшгача болалар 683 (17,4%) нафарни;
➖ 3 ёшдан 7 ёшгача болалар 934 (23,8%) нафарни;
➖ 7-18 ёшгача болалар 2125 (54%) нафарида касаллик аниқланган.

📍3932 нафар касалланганлар орасида жами соғайганлар — 3293 нафарни (83.7%), бугунги кунда даволанаётганлар 639 нафарни (16,3%) ташкил этмоқда.

🚫 Ҳозирги кунга қадар болалар орасида касалликнинг ўта оғир кечиши кузатилмади, ўлим ҳолати бўлмади.

Вазирлик расмий канали: @ssvuz

Соғлиқни сақлаш вазирлиги:
ЮРТИМИЗДА КОРОНАВИРУСДАН СОҒАЙИШ КЎРСАТКИЧИ ЯНА ЎСДИ

Бугун айни пайтга қадар юртимизнинг 7 та ҳудудида коронавирусга чалинган 673 нафар бемор соғайди.

Жумладан, Тошкент шаҳрида 462 нафар, Тошкент вилоятида 156 нафар, Самарқанд вилоятида 21 нафар, Наманган вилоятида 16 нафар, Хоразм вилоятида 10 нафар, Сурхондарё вилоятида 6 нафар, Қорақалпоғистон Республикаси эса 2 нафар бемор тузалди.

Шундай қилиб, юртимизда 37 873 (+673) нафар коронавирус инфекциясига чалинган фуқаролар тузалиб, соғайиш кўрсаткичи 93 фоизга етди.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

🔺2020 йил 28 август соат 17:00 ҳолатига кўра, Ўзбекистонда коронавирус инфекцияси қайд этилганлар сони 40 720 (+107) нафарни ташкил этмоқда.

🔴Янги касалланиш ҳолатларининг 85 нафари Тошкент шаҳрида, 13 нафари Тошкент вилоятида, 5 нафари Сурхондарё вилоятида, 4 нафари Қорақалпоғистон Республикасида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, Олмалиқ шаҳрида яшаган 74 ёшли Р.У. (аёл) ҳамда Шайхонтоҳур туманида яшаган 56 ёшли С.У. (аёл), жами 2 нафар коронавирусга чалинган бемор вафот этди.

❗️Эътиборли жиҳати, бугун айни пайтга қадар юртимизда 673 нафар коронавирус инфекциясига чалинган фуқаролар тузалиб, жами соғайганлар 37 873 нафарга (93 фоиз) етди.

‼️Ҳозирда мамлакатимизда 2 545 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

​​ПРЕЗИДЕНТ ШАВКАТ МИРЗИЁЕВ РАИСЛИГИДА ЎҚУВ ЙИЛИГА ТАЙЁРГАРЛИК МАСАЛАЛАРИ БЎЙИЧА ВИДЕОСЕЛЕКТОР ЙИҒИЛИШИ ЎТКАЗИЛМОҚДА

Давлатимиз раҳбари кун тартибидаги асосий масалага ўтишдан олдин коронавирус билан боғлиқ вазиятга тўхталди. Жорий ҳафтада кунига ўртача 370 та янги бемор аниқлангани, карантин талаблари юмшатилган ҳозирги шароитда ушбу рақам назорат кўрсаткичи бўлиши қайд этилди.

Президент ҳақиқий ҳолат бўйича рақамларни яширишга мутлақо йўл қўймаслик тўғрисида барча раҳбарларни огоҳлантирди. Бунга уриниш жиноий жавобгарликкача бўлган қатъий чораларга олиб келиши мумкинлиги таъкидланди.

Ҳокимлар, сектор раҳбарлари ҳамда мутасадди идоралар ходимлари ҳар бир маҳаллада, жамоат жойлари, транспорт ва корхоналарда санитария талаблари бажарилиши бўйича темир интизомни таъминлаши зарурлиги айтиб ўтилди. Айниқса, тўй-маросимларни бир неча кун давомида ёки бир кунда 3-4 марта ўтказиш ҳолатларига чек қўйиш кераклиги кўрсатиб ўтилди.
Коронавирусга чалинган беморларни дунёдаги энг илғор ва ишончли усуллар билан даволаш учун барча чоралар кўрилаётгани, жумладан, ҳозирги пайтда Россия, Германия, Туркия, Хитойдан 75 нафар юқори малакали шифокор юртимизда иш олиб бораётгани таъкидланди.

– Инфекцияни юқтирмаслик, аввало, ўзимизга, ўз соғлиғимизга бўлган эътиборимизга, оиламиздаги муҳитга боғлиқ. Агар ҳамма, бутун жамиятимиз тозалик, тиббий ҳимоя ва ижтимоий масофа қоидаларига амал қилса, касаллик кўпаймайди, – деди Шавкат Мирзиёев.

Йиғилишда кўмакка муҳтож оилаларга моддий ёрдам бериш масаласи ҳам кўриб чиқилди.

Шу мақсадда 26 август куни давлатимиз раҳбарининг “Аҳолини ижтимоий қўллаб-қувватлашга қаратилган қўшимча чора-тадбирлар тўғрисида”ги яна бир қарори қабул қилинган эди.
Қарорга кўра, кўмакка муҳтож оилаларнинг болаларини қишки кийим-бош, мактаб формаси ва ўқув қуроллари билан таъминлаш мақсадида “темир дафтар”га киритилган, боқувчисини йўқотган ва ногиронлиги бўлган 16 ёшга тўлмаган болаларга 500 минг сўмдан ёрдам пули берилади. Ушбу моддий ёрдам билан жами 810 мингдан зиёд болалар қамраб олинади. Бунинг учун 400 миллиард сўмдан ортиқ бюджет маблағлари ажратилди.

Боқувчисини йўқотган оилалардаги ва ногиронлиги бўлган 16 ёшга тўлмаган болалар бўйича аниқ ҳисоб-китоблар мавжуд бўлиб, тўловлар Пенсия жамғармаси томонидан пенсия ва нафақага қўшиб берилади. Бу жуда қулай, чунки тизим бор.
Маҳалла ва оилани қўллаб-қувватлаш вазирлиги, ҳокимлар ҳамда сектор раҳбарларига ёрдам пулларини муҳтож оилаларга адолатли, очиқ ва тўғри етказиб бериш, ҳеч кимни эътиборсиз қолдирмаслик юзасидан топшириқлар берилди. Аҳоли билан учрашиб, ушбу маблағлар ҳақиқатда ёрдамга муҳтож болаларнинг баркамол ривожланиши ва соғлиғи учун сарфланиши зарурлигини тушунтириш вазифаси қўйилди.

Манба: president.uz

Вазирлик расмий канали: @ssvuz

​​СЕНТЯБРДАН МАКТАБЛАР ОЧИЛАДИ, УЛАРГА ТИББИЁТ ХОДИМЛАРИ БИРИКТИРИЛАДИ

Ўзбекистон Республикаси Президенти Шавкат Мирзиёев раислигида умумий ўрта таълим муассасаларида ўқув йилига тайёргарлик масалалари бўйича видеоселектор йиғилиши ўтказилди. Йиғилишда айтилишича:

✅Мактабларда таълим жараёнини бир вақтнинг ўзида икки хил шаклда ташкил этишга қарор қилинди. Яъни, аксарият ота-оналар талабига кўра анъанавий, шу билан бирга масофавий шаклда йўлга қўйилади;

✅Санитария хизмати марказлари мактабларга амалий ёрдам кўрсатиб, ота-оналарнинг кўнглини хотиржам қилиш мақсадида 5 сентябрга қадар ўз ҳудудидаги мактабларнинг янги ўқув йилига тайёрлик ҳолатини ўрганиб, жамоага қўшимча ўқув-тренинглар ўтади;

✅Маҳаллий халқ депутатлари кенгашлари ўз туманидаги эпидемиологик шароитдан келиб чиқиб, мактаблар фаолиятини йўлга қўйиш юзасидан тегишли қарор қабул қилади;

✅Халқ таълими вазирлигига ота-оналар ҳамда маҳаллий кенгашлар таклифларидан келиб чиқиб, янги ўқув йилини 14 сентябрдан бошлаш, мактабларда ҳаракатлар схемасини ишлаб чиқиб, тажрибадан ўтказиш бўйича топшириқ берилди;

✅ Видеодарсларни сифатли тайёрлаш, бу жараёнга давлат ва нодавлат телеканалларини фаол жалб этиш, 3 та телеканалда доимий эфирга узатиб бориш зарурлиги қайд этилди;

✅Ўқувчилар учун интернетдан фойдаланишда имтиёзли “Мактаб” тариф режаси жорий этилиши айтилди;

✅Ҳар бир мактабга ички ишлар ва Миллий гвардия ходимлари бириктирилиб, тартибни сақлаш ва карантин талабларига риоя этилишини назорат қилади;

✅Ўқувчилар соғлигидан доимий хабардор бўлиш мақсадида ҳудудий поликлиника ёки врачлик пунктларидан камида бир нафардан тиббиёт ходими жалб этилади;

✅Педагоглар 1 октябрга қадар гриппга қарши бепул эмланади.

✅Мутасадди вазирликларга мактаблар учун пирометр ва дозаторлар харид қилиш ҳамда ҳудудларга етказиш бўйича топшириқлар берилди. Вилоят ҳокимлари мактабларни дезинфекция қилиш, антисептик воситалар, тиббий ниқоблар билан таъминлашга масъул этиб белгиланди.

Манба: president.uz

Вазирлик расмий канали: @ssvuz

Ўзбекистон Республикаси мустақиллигининг йигирма тўққиз йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида
—
О награждении в связи с двадцатидевятилетием независимости Республики Узбекистан группы государственных служащих и работников производственной и социально-экономической сфер

Prezident.uz|Facebook|Instagram|YouTube|Twitter

Президент: Карантинга яна қайтмаслик учун метин интизом билан, қудратли бўлиб чиқишимиз керак
—
Президент: Чтобы не возвращаться к карантину, мы должны быть сильными и дисциплинированными

Prezident.uz|Facebook|Instagram|YouTube|Twitter

Шавкат Мирзиёев: Таълим жараёнларини имкон борича тезроқ ва сифатли тиклаш – юртимиз келажагининг ҳаёт-мамот масаласи
—
Шавкат Мирзиёев: Скорейшее и качественное возобновление учебного процесса - вопрос, имеющий судьбоносное значение для будущего нашей страны

Prezident.uz|Facebook|Instagram|YouTube|Twitter

АЙНИ ПАЙТДА ЮРТИМИЗДА 2 573 НАФАР КОРОНАВИРУСГА ЧАЛИНГАН БЕМОР ДАВОЛАНМОҚДА

🔺2020 йил 28 август соат 23:30 ҳолатига кўра, Ўзбекистонда коронавирус инфекцияси қайд этилганлар сони 40 823 (+103) нафарни ташкил этмоқда.

🔴Янги касалланиш ҳолатларининг 56 нафари Тошкент шаҳрида, 39 нафари Тошкент вилоятида ҳамда 8 нафари Самарқанд вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, 1 нафар коронавирусга чалинган бемор, Учтепа туманида яшаган 70 ёшли Ш.У. (аёл) вафот этди.

❗️Эътиборли жиҳати, бугун Тошкент шаҳрида 536 нафар, Тошкент вилоятида 156 нафар, Самарқанд вилоятида 21 нафар, Наманган вилоятида 16 нафар, Хоразм вилоятида 10 нафар, Сурхондарё вилоятида 6 нафар ҳамда Қорақалпоғистон Республикасида 2 нафар бемор тузалди.

❗️Шундай қилиб, юртимизда 37 947 (+747) нафар коронавирус инфекциясига чалинган фуқаролар (93 фоиз) соғайган.

‼️Ҳозирда мамлакатимизда 2 573 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

ШИФОКОРЛАРИМИЗНИНГ ФИДОКОРОНА МЕҲНАТИ САБАБ ПАНДЕМИЯ ДАВРИДА ЮРТИМИЗДА БИРИНЧИ МАРТА СОҒАЙИШ КЎРСАТКИЧИ 93 ФОИЗГА ЕТДИ

🔺Шу йилнинг 28 август куни мамлакатимизда 376 ҳолатда касаллик қайд этилган.

🔴Шу билан бирга, Тошкент шаҳрида 4 нафар, Тошкент вилоятида 1 нафар, жами 5 нафар коронавирусга чалинган бемор вафот этди.

❗️Эътиборли жиҳати, бугун Тошкент шаҳри, Қорақалпоғистон Республикаси, Тошкент, Самарқанд, Наманган, Хоразм, Сурхондарё вилоятларида жами 747 нафар бемор соғайди.

❗️Ҳозирда касаллик қайд этилган жами 40 823 нафар бемордан 37 947 нафари соғайди. Таъкидлаш жоизки, шифокорларимизнинг фидокорона меҳнати туфайли пандемия даврида биринчи марта юртимизда коронавирусдан соғайиш кўрсаткичи 93 фоизгача кўтарилди.

‼️Айни пайтда тиббиёт муассасаларида даволанаётган 2573 нафар бемордан 301 нафари оғир, 131 нафари эса ўта оғир аҳволда.

@ssvmatbuotkotibi

🔺2020 йил 29 август соат 10.00 ҳолатига кўра, Ўзбекистонда коронавирус инфекцияси қайд этилганлар сони 40953 (+130) нафарни ташкил этмоқда.

🔴Янги касалланиш ҳолатларининг 88 нафари Тошкент вилоятида, 30 нафари Тошкент шаҳрида, 7 нафари Бухоро вилоятида, 3 нафари Қашқадарё вилоятида, 2 нафари Наманган вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, Миробод туманида яшаган 72 ёшли Н.Ш. (аёл) ҳамда Олмазор туманида яшаган 65 ёшли Э.Р. (эркак), жами 2 нафар коронавирусга чалинган бемор вафот этди.

❗️Айни пайтда юртимизда 37947 нафар коронавирус инфекциясига чалинган фуқаролар (93 фоиз) соғайган.

‼️Ҳозирда мамлакатимизда 2701 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 301 нафари оғир, 131 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

✈️ Ўзбекистон фуқароларини хориждан олиб келиш бўйича навбатдаги чартер рейслар РЎЙХАТИ

31 августдан 30 сентябргача бўлган бир ой мобайнида амалга ошириладиган чартер рейслар жадвали тасдиқланди.

〰️〰️〰️〰️〰️

🔹31 август
Тошкент – Москва – Тошкент
Тошкент – Владивосток – Тошкент
Сеул – Тошкент – Сеул
Тошкент – Минск – Тошкент

🔹1 сентябрь
Истанбул – Тошкент – Истанбул
Дубай – Тошкент – Дубай
Тошкент – Санкт-Петербург – Тошкент
Минск – Тошкент – Минск

🔹2 сентябрь
Тошкент – Москва – Тошкент
Тошкент – Истанбул – Тошкент

🔹3 сентябрь
Тошкент – Екатеринбург – Тошкент
Тошкент – Санкт-Петербург – Тошкент
Тошкент – Франкфурт – Тошкент

🔹4 сентябрь
Тошкент – Москва – Тошкент
Тошкент – Сеул – Тошкент
Тошкент – Истанбул – Тошкент
Тошкент – Дубай – Тошкент

🔹5 сентябрь
Тошкент – Қозон – Тошкент
Истанбул – Тошкент – Истанбул

🔹7 сентябрь
Тошкент – Москва – Тошкент
Сеул – Тошкент – Сеул
Тошкент – Минск – Тошкент
Тошкент – Истанбул – Тошкент
Дубай – Тошкент – Дубай

🔹8 сентябрь
Истанбул – Тошкент – Истанбул
Дубай – Тошкент – Дубай
Тошкент – Санкт-Петербург – Тошкент
Минск – Тошкент – Минск

🔹9 сентябрь
Тошкент – Москва – Тошкент
Тошкент – Истанбул – Тошкент
Истанбул – Тошкент – Истанбул

🔹10 сентябрь
Тошкент – Новосибирск – Тошкент
Тошкент – Сеул – Тошкент
Тошкент – Санкт-Петербург – Тошкент
Тошкент – Франкфурт – Тошкент

🔹11 сентябрь
Тошкент – Москва – Тошкент
Тошкент – Истанбул – Тошкент
Тошкент – Дубай – Тошкент

🔹12 сентябрь
Тошкент – Қозон – Тошкент
Тошкент – Владивосток – Тaшкент
Истанбул – Тошкент – Истанбул

🔹14 сентябрь
Тошкент – Москва – Тошкент
Сеул – Тошкент – Сеул
Тошкент – Минск – Тошкент
Тошкент – Истанбул – Тошкент

🔹15 сентябрь
Истанбул – Тошкент – Истанбул
Дубай – Тошкент – Дубай
Тошкент – Санкт-Петербург – Тошкент
Минск – Тошкент – Минск

🔹16 сентябрь
Тошкент – Москва – Тошкент
Тошкент – Истанбул –Тошкент
Истанбул – Тошкент – Истанбул

🔹17 сентябрь
Тошкент – Новосибирск – Тошкент
Тошкент – Сеул – Тошкент
Тошкент – Санкт-Петербург –Тошкент
Тошкент – Франкфурт – Тошкент

🔹18 сентябрь
Тошкент – Москва – Тошкент
Тошкент – Истанбул – Тошкент
Тошкент – Дубай – Тошкент

🔹19 сентябрь
Тошкент – Қозон – Тошкент
Истанбул – Тошкент – Истанбул

🔹21 сентябрь
Тошкент – Москва – Тошкент
Сеул – Тошкент – Сеул
Тошкент – Минск – Тошкент
Тошкент – Истанбул – Тошкент
Истанбул – Самарқанд – Истанбул
Дубай – Тошкент – Дубай

🔹22 сентябрь
Истанбул – Тошкент – Истанбул
Дубай – Тошкент – Дубай
Тошкент – Санкт-Петербург – Тошкент
Минск – Тошкент – Минск

🔹23 сентябрь
Тошкент – Ростов -Дон
Тошкент – Москва – Тошкент
Тошкент – Истанбул – Тошкент
Истанбул – Тошкент – Истанбул

🔹24 сентябрь
Тошкент – Екатеринбург – Тошкент
Тошкент – Сеул – Тошкент
Самарқанд – Истанбул – Самарқанд
Тошкент - Санкт-Петербург – Тошкент
Тошкент – Франкфурт – Тошкент

🔹25 сентябрь
Тошкент – Москва – Тошкент
Тошкент – Истанбул – Тошкент
Тошкент – Дубай – Тошкент
Тошкент – Олмота – Тошкент

🔹26 сентябрь
Тошкент – Қозон – Тошкент
Тошкент – Владивосток – Тошкент
Истанбул – Тошкент – Истанбул

🔹27 сентябрь
Тошкент – Нью-Йорк – Тошкент

🔹28 сентябрь
Тошкент – Москва – Тошкент
Сеул – Тошкент – Сеул
Тошкент – Минск – Тошкент
Тошкент – Истанбул – Тошкент
Истанбул – Самарқанд – Истанбул

🔹29 сентябрь
Истанбул – Тошкент – Истанбул
Дубай – Тошкент – Дубай
Тошкент – Санкт-Петербург –Тошкент
Минск – Тошкент – Минск

🔹30 сентябрь
Тошкент – Москва – Тошкент
Тошкент – Истанбул – Тошкент
Истанбул – Тошкент – Истанбул

@ssvuz

Республика махсус комиссиясининг мамлакатимиз аҳолисига мурожаати

Муҳтарам Ватандошлар!

Авваламбор, барчангизни яқинлашиб келаётган энг улуғ, энг азиз байрам – Ватанимиз мустақиллигининг 29 йиллиги билан чин юракдан самимий табриклаймиз.

Бугун Ўзбекистон ўз тараққиётининг янги босқичига дадил қадам қўймоқда. Муҳтарам Президентимиз Шавкат Миромонович Мирзиёев бошчилигида Ўзбекистоннинг янги, очиқ, демократик ва инсонпарвар қиёфаси яратилмоқда. Жонажон халқимизнинг эртага эмас, бугун бахтли яшаши учун амалга оширилаётган мазкур ислоҳотларнинг таъсирини ҳар бир юртдошимиз ўзи ва оиласи мисолида кўриб, сезиб турибди.

Ойнинг ўн беши ёруғ, ўн беши қоронғу бўлганидек, ҳаёт ҳам турли синов ва қийинчиликлардан иборат. Буни бутун ер юзи аҳолисини жиддий ташвишга солаётган хавф – пандемия мисолида ҳам кўриш мумкин.

Бизга ҳам, афсуски, бу синов етиб келди. Кутилмаганда ҳаёт тарзимизни, одатларимизни, бир маромда кетаётган жараёнларни ўзгартиришимизга, янги талаб ва шартлар асосида яшашга ўрганишимизга тўғри келди.

Беш ойдан ортиқ вақт давомида давлатимиз раҳбарининг топшириқлари ва кўрсатмаларига мувофиқ бу хатарни имкон қадар кам талафот билан енгиб ўтиш учун барча зарур чораларни кўриб келмоқдамиз.

Кўрилган самарали чора-тадбирлар ҳамда тиббиёт ҳодимларининг фидокорона хизматлари натижасида бугунги кунга келиб Ўзбекистонда коронавирус юқтирган жами 40 мингдан ошиқ фуқароларимизнинг қарийиб

38 мингга яқини ёки 93 фоизи соғайди, 2 минг 700 дан зиёд беморни даволаш ва оиласи бағрига қайтариш чоралари кўрилмоқда.

Вазият айниқса Тошкент шаҳрида ижобий томонга ўзгармоқда. Яқинда Россия, Германия ва Хитойдан таклиф этилган шифокорлар ҳудудлар ўртасида тақсимлангани, хорижлик экспертлар асосан оғир аҳволдаги касалларни энг замонавий услублар асосида, тизимли равишда даволашга жалб этилгани ўзининг яхши самарасини берди.

Мазкур йўналишда амалга ошираётган шу ва бошқа чора-тадбирларимиз яқин кунларда ўзининг ижобий самарасини кўрсатишига, барча юртдошларимиз янада жипслашиб, ҳар томонлама тартиб-интизомни сақлаган ҳолда, юксак онглилик ва масъулият кўрсатиб, мўътабар кексаларимизнинг дуои фотиҳалари билан бу синовдан эсон-омон ўтишимизга, қаттиқ ишонамиз.

Касаллик тарқалишининг суръатини пасайтириш ва жараённи жиловлаб туришда оммавий тадбирлар ва турли маросимлардан воз кечишнинг аҳамияти катта эканини бугун яхши англаб етдик. Халқимиз саломатлиги ҳар нарсадан устун туришини, инсон ҳаёти энг олий қадрият эканини ҳам пандемия даври бизга яна бир бор эслатди, кўрсатди.

Вужудга келган мураккаб шароитни ҳисобга олиб, бу йилги қатор байрамлар ва оммавий тадбирлар ўтказишни вақтинча тўхтатганимиздан барчангиз хабардорсиз.

Мана, юртимиз мустақиллигининг 29 йиллик айёми ҳам яқинлашиб келяпти. Давлатимиз раҳбарининг топшириқларига мувофиқ, пандемия шароитида мазкур буюк санани нишонлаш тартибини келишиб олиш учун соғлиқни сақлаш тизмининг вакиллари билан маслаҳат қилдик. Албатта, бунда ҳам асосий вазифа – халқимиз саломатлигини асраш нуқтаи назаридан масалага ёндашилди.

Пандемия билан боғлиқ вазият бу йил жойларда катта йиғин ва оммавий сайиллар ўтказишни, шунингдек, боғ ва кўнгилочар майдончаларда концерт дастурлари ташкил этишни, Тошкент шаҳри ва вилоятлар марказларида мушакбозликларни чеклашни талаб қилмоқда. Шунинг учун ушбу улуғ санани кўпроқ оила даврасида нишонлашни ташкил этиш мақсадга мувофиқ, деган қарорга келдик.

Корхона ва ташкилотларда ҳам байрам тадбирлари режалаштирилган тақдирда, уларни санитария нормаларига қатъий риоя этган ҳолда ўтказиш кераклигини алоҳида таъкидламоқчимиз.

Ушбу кунлар биз учун ҳар қачонгидан-да синовли бўлади. Кўрилаётган чоралар қанчалик натижа бериши тез орада аён бўлади.

Шу муносабат билан, ҳар биримиз пандемия шароитида яшаш ва ишлашга, ҳаракатларимизда эпидемилогик талабларга сўзсиз амал қилишга одатланишимиз керак.

Давоми: https://telegra.ph/Republika-mahsus-komissiyasining-mamlakatimiz-a%D2%B3olisiga-murozhaati-08-29

Вазирлик расмий канали — @ssvuz

ССВ ҳузуридаги Коронавирусга қарши курашиш штаби аъзоси Барно Абдусаматова аҳолидан тушган саволларга жавоб берди:

〰️〰️〰️〰️

❓ЖССТ коронавирусдан тузалган беморларда антитаначалар шаклланган бўлса ҳам қайта касалланиш мумкинлигини инкор этмаяпти. Кимларда ушбу ҳолатлар кузатилиши мумкин?

🦠 Коронавирус касаллиги ҳали охиригача ўрганилмаган ва ҳозирги кунга қадар изланишлар давом этаётган касалликдир. Олимлар ушбу касаллик билан қайта касалланиш мумкинлигини инкор этмаяптилар ва уларнинг фикрига кўра касаллик иммунитети паст, сурункали касаллиги бор ва касалликка қарши антитаначалари кам бўлган беморларда учраши мумкинини таъкидладилар. Изланишлар ушбу беморларда аниқланган вируслар жуда кўп маротаба мутацияга учраганини ҳам кўрсатмоқда.

❗️Кўпчилик мен касалликдан қутилдим, антитаначалар бор деб ниқобсиз, масофани сақламасдан юришни бошладилар. Юқоридаги маълумотларга асосланиб, атрофдагиларни хавф хатарга қўймаслик учун ҳам барча санитария-гигиена қоидаларига тўлиқ риоя этишни тавсия этамиз.

〰️〰️〰️〰️

❓Нима учун Ўзбекистонга чет элдан мутахассислар келяпти? Бизнинг тизим ва тиббиёт ходимларимиз ўз ишларини уддалай олмаяптиларми?

📌 Юртимизда тизим ёки шифокорлар ўз ишларини удалай олмадилар дейиш нотўғри бўлади. Коронавирусдан соғайганлар кўрсаткичи ҳам буни исботлаб турибди.

🦠 Коронавирус янги ва унинг очилмаган қирралари кўп. У географик тузилишга, об-ҳавога, иқлимга, маҳаллий шароитига ва одамларни олиб бораётган турмуш тарзига қараб турлича кечмоқда. Ҳар бир давлат тавсияларни маҳаллий шароитларга мослашган ҳолда ишлаб чиқади ва ҳар қандай вақтда уни тўлдириши ёки ўзгартириши мумкин. Шунинг учун ривожланган мамлакатларнинг малакали мутахассислари билан мунтазам тажриба алмашиб туриш хозирги кун талабидир. Олимлар турли давлатларга бориб нафақат амалий ёрдам берадилар, балки маҳаллий олимлар билан бирга ҳар бир мамлакатда изланиш ўтказадилар ва даволаш ва касалликни саралаш, ташхис қўйиш бўйича янги, замонавий ва қулай, самарали усулларни кашф этадилар ҳамда тажриба алмашадилар .

❗️Айтиш керакки, чет эл мутахассислари Ўзбекистон танлаган йўли ва тактикасига юқори баҳо бермоқдалар.

〰️〰️〰️〰️

❓12 ёшли фарзандим коронавирусдан уй шароитида даволанмоқда. Икки кундан бери иситмаси 37,8 гача чиқяпти. Шифокоримиздан унга ҳароратни туширувчи дори берсам бўладими десам, у енгил турини ўтказмоқда, деб рухсат бермади. Шу тўғрими?

✔️ Тўғри. Иситма — тананинг нормал ҳимоя реакциясидир. Бу ҳароратда иситмани туширишга ҳаракат қиладиган бўлсак, иммун тизимини заифлаштирган бўламиз.

🍷Ушбу ҳолатда кўпроқ суюқлик ичиш тавсия этилади. Организмнинг ўзи ишлаб чиқилган антитаначалар ёрдамида курашади. Енгил турида болаларга кўп ва пала-партиш дорилар бериш тавсия этилмайди (дориларни дозаларига ҳам эътибор беришимиз керак). Шунинг учун ҳар қандай вазиятда шифокор назоратида бўлиш ва шифокор тавсияларига амал қилишимиз керак.

〰️〰️〰️〰️

❓Яқинда мулоқотда бўлган жиянимда коронавирус аниқланди. Ишга бормаслигим мумкинми?

✔️ Ҳа. Ҳудудий шифокорингизга мурожаат қилинг. Сизга яккалаш тартибида ўтирганингиз учун ҳудудий поликлиникада касаллик варақаси очилади ва шифокор сизни назоратга олади. Сиз ушбу муддатда ишхонангизга телефон орқали маълумот бериб қўйишингиз керак.

@ssvuz

​​Соғлиқни сақлаш вазири:
АЛИШЕР ШАДМАНОВ ВА РУСТАМ ХОЛМАТОВ ЧИНОЗ ТУМАН МАРКАЗИЙ ШИФОХОНАСИНИНГ ЯНГИ БИНОСИНИ ОЧИШДИ

Давлатимиз раҳбарининг 2019 йил июнь ойида Тошкент вилоятига ташрифи давомидаги топшириқлари асосида вилоят соғлиқни сақлаш тизимидаги муассасаларни қуриш, реконструкция ва таъмирлаш учун қўшимча 387 миллиард сўм маблағ ҳисобига жами 71 та даволаш профилактика муассасалари қурилиш, реконструкция ҳамда мукаммал таъмирлаш ишлари олиб борилиши белгиланган эди.

Вилоятнинг барча ҳудудлари қатори, Чиноз туманида ҳам қатор қурилиш-таъмирлаш ишлари амалга оширилди. Жумладан, Ватанимиз Мустақиллигининг 29 йиллик байрами арафасида туман марказий шифохонасининг янгидан бунёд этилган биноси фойдаланишга топиширилди. Шифохонанинг очилиш маросимида Соғлиқни сақлаш вазири Алишер Шадманов ва Тошкент вилояти ҳокими Рустам Холматов иштирок этишди.

Таъкидлаш жоизки, ушбу шифохона бунёд этилишига 23,5 миллиард сўм сарфланди. Муассаса энг замонавий тиббий технологиялар билан жиҳозланган бўлиб, беморларга аниқ ташхис қўйиш, самарали даволаш учун барча имкониятлар яратилган. Болалар бўлими, шошилинч тез ёрдам, терапия ва туғруқхона бўлимлари, умуман олганда, 140 ўринли мазкур замонавий шифохонада нафақат Чиноз тумани, балки қўшни вилоятлар ва туманлар аҳолисига ҳам сифатли ва самарали тиббий ёрдам кўрсатиш имкониятига эга.

Бу ердаги малакали шифокорлар самарали фаолият юритиши, касалликка чалинган фуқароларнинг сифатли тиббий ёрдам олишлари, ҳатта, беморларни кўришга келган яқинлари учун ҳам барча шароитлар яратилган. Бундай қулайлик эса пандемия шароитида аҳолининг тезкор ва зарур тиббиёт ёрдам олишларида муҳим аҳамият касб этиши шубҳасиз.

Бир сўз билан айтганда, мазкур марказий шифохона туман аҳлига, меҳмонларга замонавий ва сифатли тиббиёт ёрдам кўрсатадиган маскан сифатида узоқ йиллар хизмат қилади.

Соғлиқни сақлаш вазирлиги
Жамоатчилик билан алоқалар бўлими.