Мустақиллик байрами арафасида ўзбекистонликлар 3 кун кетма-кет дам олишади

2019 йил 14 ноябрдаги ПФ-5875-сонли Президент Фармонига биноан, 29 август — шанба дам олиш куни 31 август — душанба иш кунига кўчирилади.

Демак, 29 август – шанба куни, ҳафтасига неча кун ишлашидан қатъи назар, барча ходимлар учун иш куни ҳисобланади. 31 август – душанба куни эса, ҳафтасига неча кун ишлашидан қатъи назар, барча ходимлар учун дам олиш куни бўлади.

Шундай қилиб Мустақиллик байрами арафасида ўзбекистонликлар қуйидаги 3 кунда кетма-кет дам олишади:

30 август – якшанба (дам олиш куни);

31 август – душанба (барча учун кўчирилган дам олиш куни);

1 сентябрь – сешанба (Мустақиллик байрами).


Манба: ЎзА

Вазирлик расмий канали: @ssvuz

​​Коронавирусга қарши кураш штаби аъзоси Рустам Икромов аҳолидан тушаётган муҳим саволларга жавоб қайтарилди:

〰️〰️〰️〰️〰️
❓Мактабларнинг очилиши билан боғлиқ қандай ишлар амалга оширилмоқда?

🔹Авваламбор мактабларнинг очилишини ижобий баҳолашимиз даркор. Ўқувчиларнинг нафақат билим олиши, балки психологик ҳолати ҳам муҳим жиҳат.

Бироқ мактабларнинг очилишида эътиборга олишимиз зарур бўлган томонлари мавжуд, жумладан:

✅ мактабга ташқаридан инфекциянинг киришига йўл қўймаслик;

✅ ўқитувчилар/ўқувчилар ва бошқа ходимлар орасида COVID-19 тарқалишининг олдини олиш чораларини кўриш.

✍️ Бу борада санитария меъёр ва қоидалари ишлаб чиқилган ва айни кунларда мутасадди вазирлик ва идоралар билан келишилмоқда.

〰️〰️〰️〰️〰️
❓Давлат мактабгача таълим муассасалари очиладими?

🔘Мактабгача таълим муассасалари фаолияти билан боғлиқ 0373-20 сонли “COVID 19 пандемияси даврида мактабгача таълим ташкилотларининг иш фаолиятига қўйиладиган вақтинчалик санитария-гигиеник талаблар” санитария меъёр ва қоидалари ишлаб чиқилди ва 2020 йил 12 августда тасдиқланди.

Ушбу қоидаларга мувофиқ МТМ фаолиятига рухсат этилган кундан эътиборан бошлашлари мумкин бўлади.

〰️〰️〰️〰️〰️
❓Германия ва Россия давлатларидан келган мутахасислар таркибида эпидемиологлар ҳам бор дейишмоқда. Уларни юртимиздаги ҳамкорлиги нималардан иборат?

🇩🇪🇷🇺 Германиянинг Роберт Кох институти ҳамда Россия давлатининг “Роспотребнадзор” тизими мутахассислари айни кунларда юртимизда бўлиб туришибди.

👩🏻‍🔬 Ҳа, уларнинг орасида эпидемиология соҳаси мутахассислари ҳам бор. Уларнинг биз билан ҳамкорликдаги ишлари касаллик манбаини аниқлаш, манбани кузатиш ва касаллик ўчоғини бартараф қилишдан иборат.

〰️〰️〰️〰️〰️
❓Экспресс-тест таҳлили тартиби қандай ва у кимларда ўтказилади?

🌀Иммуноглобулин М ва G синфига кирувчи антитаначалар тезкор тестлар, яъни, сезгирлиги 85% дан, спецификлиги эса 95% дан кам бўлмаган очиқ ва ёпиқ турдаги иммунофермент таҳлили тўпламлари билан аниқланади.

🔬Бунда М синфига кирувчи антитаналар ёки COVID-19 га қарши йиғинди антитаначалар ижобий бўлган барча беморлар тўғрисида шошилинч хабар Санитария–эпидемиологик осойишталик марказига берилади ва улар қўшимча равишда COVID-19 га ПЗР таҳлилида текширилади.

🚧 ПЗР тахлилини жавоби маълум бўлгунча текширилган шахслар уй карантинида бўлишади.

‼️ ПЗР таҳлили манфий, лекин G синфига кирувчи антитаначалар ёки COVID-19 га қарши йиғинди антитаначалар текшириш натижаси ижобий бўлган шахсларда иммунитет пайдо бўлган ва COVID-19дaн ҳимояланган деб ҳисобланади.

🧪 ПЗР таҳлили жавоби мусбат бўлганда текширилувчи коронавирус инфекцияси билан касалланган деб ҳисобланади ва касаллик кечиши даражасига қараб даволанишга юборилади.

Вазирлик расмий канали: @ssvuz

⚡️Энди олий тиббий маълумотга эга бўлган мутахассислар ҳам дорихона очиши мумкин

〰️〰️〰️〰️
Бу ҳақда АОКА залида Адлия вазирлиги мутасаддилари иштирокида бўлиб ўтган матбуот анжуманида маълум қилинди.

@ssvuz

ТЕДРОС ГЕБРЕЙЕСУС: ВАКЦИНАНИНГ ЯРАТИЛИШИ ПАНДЕМИЯНИНГ ОЛДИНИ ОЛИШДА ЖУДА МУҲИМ ВОСИТА

Жаҳон соғлиқни сақлаш ташкилоти CОVID-19 мутацияларини аниқлаш учун махсус ишчи гуруҳ тузди.

Бу ҳақда дунё ҳамжамиятига ЖССТнинг Фавқулодда касалликлар бўлимининг техник гуруҳи раҳбари Мария Ван Керкхове маълум қилди.

Унинг сўзларига кўра, тадқиқотлар мутацияларнинг коронавирусга ва унинг одамлар орасидаги ҳаракатларига қандай таъсир қилишини аниқлаши керак.

Ўз навбатида, ЖССТ раҳбари Тедрос Адханом Гебрейесус вакцинанинг яратилиши CОVID-19 пандемиясининг дарҳол тугашига олиб келмаслигидан огоҳлантирди, аммо унинг сўзларига кўра, бу жуда муҳим восита бўлади.

Унинг таъкидлашича, бу касаллик ҳақида кўп нарса маълум бўлганига қарамай, инсоният бор-йўғи 8 ойгина тўпланган тажрибага эга, холос. Ваҳоланки, CОVID-19нинг узоқ муддатли оқибатлари тўғрисида ҳамон етарли маълумотлар йўқ.

Вазирлик расмий канали: @ssvuz

🔺2020 йил 25 август соат 17:00 ҳолатига кўра, Ўзбекистонда коронавирус инфекцияси қайд этилганлар сони 39 641 (+135) нафарни ташкил этмоқда.

🔴Янги касалланиш ҳолатларининг 126 нафари Тошкент шаҳрида (улардан 110 нафари хориждан келган ва Ўртасарой карантин марказига жойлаштирилганлар орасидан), 7 нафари Тошкент вилоятида ҳамда 2 нафари Андижон вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, Шайхонтоҳур туманида яшаган 79 ёшли Ғ.Ш. (эркак) ҳамда Яшнобод туманида яшаган 49 ёшли Қ.А. (эркак), жами 2 нафар коронавирусга чалинган бемор вафот этди.

❗️Бугун айни пайтга қадар Тошкент шаҳрида 189 нафар, Тошкент вилоятида 107 нафар, Андижон вилоятида 6 нафар, Қашқадарё вилоятида 5 нафар, Жиззах вилоятида ҳам 5 нафар, Наманган вилоятида 3 нафар, Қорақалпоғистон Республикасида ҳам 3 нафар, жами 318 нафар бемор соғайди.

❗️Шундай қилиб, юртимизда 35 869 (+318) нафар коронавирус инфекциясига чалинган фуқаролар (90 фоиз) тузалди.

‼️Ҳозирда мамлакатимизда 3 488 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

⚡️Мактабларда 2020/2021 ўқув йилини бошлаш ва санитария қоидаларига риоя этилиши тартиби

Шу мавзу бўйича АОКА залида Халқ таълими ва Соғлиқни сақлаш вазирлиги мутасаддилари иштирокида матбуот анжумани бошланди.

❗️Тўғридан-тўғри томоша қилинг:

👉 https://youtu.be/LXxrmwLelWs

@ssvuz

⚡️Шерзод Шерматов: Мактабларнинг кириш қисмида дезинфекцияга мўлжалланган туннеллар ўрнатилишига йўл қўйилмайди. Чунки хлор болалар соғлиғига салбий таъсир қилиши мумкин...

Халқ таълими ва Соғлиқни сақлаш вазирлиги мутасаддилари иштирокидаги матбуот анжуманидан.

Вазирлик расмий канали — @ssvuz

❓Синфда ўқувчилар қандай жойлаштирилади?

❓Мактабга кириш-чиқишда ўқувчилар орасида тиқилинч юзага келса, бу вирус тарқалишига олиб келмайдими?

❓Мактаблар очилса, ўқувчиларнинг тана ҳароратини ўлчашдан ташқари яна қандай чоралар кўрилади?

Усмон Шарифхўжаев — Халқ таълими вазирининг биринчи ўринбосари.

Халқ таълими ва Соғлиқни сақлаш вазирлиги мутасаддилари иштирокидаги матбуот анжуманидан.

Вазирлик расмий канали — @ssvuz

❓Хлор билан мактаб ва синфхоналарни дезинфекция қилиш зарарлими?

Баҳром Алматов — Соғлиқни сақлаш вазирлиги ҳузуридаги Санитария-эпидемиологик осойишталик агентлиги директори ўринбосари.

Халқ таълими ва Соғлиқни сақлаш вазирлиги мутасаддилари иштирокидаги матбуот анжуманидан.

Вазирлик расмий канали — @ssvuz

Халқ таълими вазири Шерзод Шерматов:

❗️Ўқувчиларнинг ярми дарсга келмаса ҳам, бу ўқитувчиларнинг ойлиги камаймайди.
😷 Ўқувчиларга тиббий ниқоблар текин тарқатилиши кўзда тутилмаган.
🧪 Ўқитувчиларнинг ҳаммаси коронавирусга тест топширади.
👨🏻‍💻 Хусусий мактаблар ўқув йили бошланиш санасини ўзлари ҳал қилади.

Халқ таълими ва Соғлиқни сақлаш вазирлиги мутасаддилари иштирокидаги матбуот анжуманидан.

Вазирлик расмий канали — @ssvuz

❓Ёши катта ёки сурункали касаллиги бор ўқитувчилар дарс ўтиш пайтида касал бўлиб қолса, уларга қанақадир компенсация ёки ёрдам кўрсатиладими? Мабодо синф раҳбари касал бўлса, синфга бошқа ўқитувчи бириктирилиб, дарс ўтиш давом эттириладими ёки синф карантинга ёпиладими?

Халқ таълими ва Соғлиқни сақлаш вазирлиги мутасаддилари иштирокидаги матбуот анжуманидан.

Вазирлик расмий канали — @ssvuz

🔺2020 йил 25 август соат 23:00 ҳолатига кўра, Ўзбекистонда коронавирус инфекцияси қайд этилганлар сони 39 664 (+23) нафарни ташкил этмоқда.

🔴Янги касалланиш ҳолатларининг барча 23 нафари Тошкент вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, Олмазор туманида яшаган 63 ёшли М.З. (аёл), Учтепа туманида яшаган 62 ёшли А.Т. (эркак) ҳамда Сергели туманида яшаган 55 ёшли С.Б. (аёл), жами 3 нафар коронавирусга чалинган бемор вафот этди.

❗️Эътиборли жиҳати, бугун Тошкент шаҳрида 291 нафар, Тошкент вилоятида 117 нафар, Андижон вилоятида 6 нафар, Жиззах ва Қашқадарё вилоятларида 5 нафардан, Қорақалпоғистон Республикаси ва Наманган вилоятида эса 3 нафардан ҳамда Навоий вилоятида 2 нафар бемор тузалди.

❗️Шундай қилиб юртимизда 35 983 (+432) нафар коронавирус инфекциясига чалинган фуқаролар (90 фоиз) соғайган.

‼️Ҳозирда мамлакатимизда 3 394 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

БУГУН ЮРТИМИЗДА КОРОНАВИРУСГА ЧАЛИНГАНЛАР 316 НАФАРНИ ТАШКИЛ ЭТИБ, СЎНГГИ КУНЛАРДАГИ ЭНГ ПАСТ КЎРСАТКИЧ ҚАЙД ЭТИЛДИ

🔺Шу йилнинг 25 август куни мамлакатимизда 316 ҳолатда касаллик қайд этилди, бу эса сўнгги кунлардаги энг паст кўрсаткичдир.

🔴Бугун Тошкент шаҳрида 7 нафар коронавирусга чалинган бемор вафот этди.

❗️Айни пайтгача Тошкент шаҳри, Қорақалпоғистон Республикаси, Тошкент, Андижон, Жиззах, Қашқадарё, Наманган ҳамда Навоий вилоятларида жами 432 нафар бемор соғайди.

❗️Ҳозирда касаллик қайд этилган жами 39 664 нафар бемордан 35 983 нафари соғайиб, даволаниш кўрсаткичи 90 фоизни ташкил этмоқда.

❗️Айни пайтда тиббиёт муассасаларида даволанаётган 3 394 нафар бемордан 294 нафари оғир, 110 нафари эса ўта оғир аҳволда.

@ssvmatbuotkotibi

🔺2020 йил 26 август соат 10.00 ҳолатига кўра, Ўзбекистонда коронавирус инфекцияси қайд этилганлар сони 39790 (+126) нафарни ташкил этмоқда.

🔴Янги касалланиш ҳолатларининг 105 нафари Тошкент шаҳрида, 8 нафари Самарқанд вилоятида, 6 нафари Сурхондарё вилоятида, 5 нафари Наманган вилоятида ҳамда 2 нафари Тошкент вилоятида тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🔴Шу билан бирга, Олмазор туманида яшаган 81 ёшли М.И. (эркак) ҳамда Мирзо Улуғбек туманида яшаган 73 ёшли Д.И. (аёл), жами 2 нафар коронавирусга чалинган бемор вафот этди.

❗️Айни пайтда юртимизда 35983 нафар коронавирус инфекциясига чалинган фуқаролар (90 фоиз) соғайган.

‼️Ҳозирда мамлакатимизда 3518 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 294 нафари оғир, 110 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

​​Малика ҚУЛЖАНОВА:
“ҲАР БИР НЕЪМАТГА ШУКР ҚИЛИБ ЯШАШ КЕРАКЛИГИНИ БЕМОРЛАРИМИЗ МИСОЛИДА КЎРМОҚДАМАН…”

Айни кунларда коронавирус инфекциясига қарши қаҳрамонларча кураш олиб бораётган тиббиёт ходимларининг меҳнати ҳар қанча таҳсинга лойиқ. Ана шундай фидойи тиббиёт ходимларидан бири, Республика ихтисослаштирилган акушерлик ва гинекология илмий-амалий тиббиёт маркази чақалоқлар патологияси бўлими катта ҳамшираси Малика ҚУЛЖАНОВА билан суҳбатимиз самимий кечди.

— Юртимизда илк бор коронавирус инфекцияси аниқланганини эшитганингизда хаёлингиздан нималар ўтди?

— Мана шундай пайтда беморларга ёрдам беришим кераклигини англаб етдим. Вирусология илмий текшириш институти клиникаси ходимлари ушбу ишга сафарбар этилганини кўриб, уларнинг ёнида бўлгим келди. Беморларга ёрдам бериш истаги менга бир дақиқа ҳам тинчлик бермади. Ўзим Республика ихтисослаштирилган акушерлик ва гинекология илмий-амалий тиббиёт марказининг болалар патологияси бўлимида катта ҳамшираман. Ишхонамизнинг бош ҳамширасига учрашиб, мени коронавирус юқтирган касаллар парвариши учун жўнатишини илтимос қилдим. Ташаббусимни қўллаб-қувватлаб, уларга ёрдам беришимга шароит яратиб беришди.

— “COVID-19”га чалинган беморлар билан бевосита мулоқотда бўлганда, касалликни юқтириб олишдан қўрқмадингизми?

— Аввало, Аллоҳга таваккал қилиб, фақат унга ишонганман. Бундан ташқари, бемор билан бевосита мулоқотда бўлганимиз учун ўзимизни ҳам ҳимоя қила олишимиз зарур. Шу боис, тиббиёт ниқобларини, махсус кийимларни ўта эҳтиёткорлик билан алмаштирамиз. Бу учун махсус тайёргарликдан ўтдик ва имтиҳон топшириб, кейин ишга киришдик.

Ҳамшираларга бугунги кунда талаб кучли, кўп вазифалар юклатилган. Ҳамшира қачонки шифокор буюрган муолажани ўз вақтида меҳр билан бажарса, бу фақат беморга ёрдам беради.

— Юртимизнинг бир гуруҳ тиббиёт ходимлари коронавирусга қарши курашишда кўмаклашиш учун Тожикистон Республикаси бўлиб қайтишди. Улар сафида сиз ҳам ҳамшира сифатида бориб келдингиз. Таассуротларингиз...

— Яширмайман, Тожикистонга сафаримиз менга улкан маъсулият юклади. Бу юртдаги беморларни даволаш учун борадиган шифокорлар сафида бўлганимдан хурсандман.

Малакали мутахассислардан иборат гуруҳимиз Тожикистондаги ҳамкасбларига коронавирусга чалинган беморларни даволаш борасида катта амалий кўмак беришди, тажрибалари билан ўртоқлашди. Бу ердаги фаолиятимиз оғир бўлишига қарамасдан завқ билан ишладим.
Шу ўринда таъкидлаш жоизки, коронавирус ҳар қандай инсонни тушкунликка солиб қўйишининг гувоҳи бўляпман. Бу касалликдан шифо топишда энг муҳими, касалликни енгиб ўтишга бўлган ишончдир.

— Касбингиздан мамнунмисиз?

— Албатта, шу касбим орқасидан халқимнинг меҳрини қозондим. Касбимни фақат ишхонада эмас, балки қаерда менинг ёрдамим керак бўлиб қолганини кўрсам, ўша ерда давом эттириб кетавераман. Реанимация бўлимида ишлаганим ҳаётда менга жуда қўл келади. Ҳамшира бўлиб, ҳеч кимнинг дилини оғритмасликни ўргандим. Бизга берилган ҳар бир неъматга шукр қилиб яшаш кераклигини беморларимиз мисолида кўрмоқдаман. Қолаверса, яқинда Президентимиз фармони билан камтарин меҳнатим эъзозланиб, “Содиқ хизматлари учун” медали билан тақдирланганим ҳам кучимга куч қўшди.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали: @ssvuz

Организмдаги ўлик вируслар ҳам тестда мусбат натижани кўрсатиши мумкин

Савол:
— 2 ой аввал коронавирусни бошдан кечирдим, уйда даволандим. Ҳозир ўзимни яхши ҳис қиляпман, лекин ПЗР тест натижаси ҳар гал мусбат чиқяпти. Менда вирус яна қайталандими ёки тузалмадимми?

Коронавирусга қарши кураш штаби аъзоси Барно Абдусаматова:

— Агар шифокорингиз Сизни тиббий кўрикдан ўтказиб, тузалганингизни айтган бўлса, демак одамлар учун безарарсиз ва қайта касалланмагансиз.
🔬Одатда ПЗР таҳлил мусбат чиқадиган бўлса, бу бемор вирусларни ташқарига чиқариши билан атрофдагиларга хавфли ҳисобланади.
🛏 Лекин Сизда касаллик 2 ой олдин бошланган ва сўзингизга кўра, уйда шифокор назоратида даволангансиз, демак Сизда касалликни оғир тури бўлмаган.
‼️ Зарарланган тўқималардан нафақат тирик ва фаол вируслар, балки ўлган ҳужайралардан ўлик вируслар ҳам ташқарига чиқиши кузатилади.
🧪 ПЗР тести эса — вирусларнинг чиқишини кўрсатгани сабабли ўлик вируслар ҳам бу даврда тест натижаларини мусбат кўрсатиши мумкин. Лекин ушбу даврда бемор атрофдагиларга безарар булади.


Вазирлик расмий канали: @ssvuz

​Соғлиқни сақлаш вазирлиги:
РОССИЯЛИК МУТАХАССИСЛАР ЮРТИМИЗ БЎЙЛАБ КОРОНАВИРУСГА ЧАЛИНГАН БЕМОРЛАРНИ ТИББИЙ КЎРИКДАН ЎТКАЗИШ ВА ДАВОЛАШДА ФАОЛ ҚАТНАШМОҚДАЛАР

Россиянинг нуфузли тиббиёт муассасаларида фаолият олиб бораётган 40 нафарга яқин мутахассисдан иборат нуфузли тиббий гуруҳ юртимизда бўлиб турганлиги ҳақида аввал хабар берган эдик.

Реаниматолог, пульмонолог, инфекционист, вирусолог, кардиолог, эндокринолог каби мутахассислардан иборат делегация гуруҳларга бўлиниб, юртимизнинг турли ҳудудларида, жумладан, Тошкент шаҳри, Жиззах, Бухоро, Сурхондарё, Самарқанд, Хоразм, Тошкент вилоятларида коронавирусга чалинган беморларни даволашда шифокорларимиз билан ҳамкорликда фаол иш олиб боришмоқда.

Жумладан, улар кеча Самарқанд шаҳридаги коронавирусга чалинган ва гумон қилинган 98 нафар беморни тиббий кўрикдан ўтказишди ҳамда уларнинг касаллик варақаларини ўрганган ҳолда даволаш жараёнига тегишли қўшимчалар киритишди.

Эътиборли жиҳати, 35 нафар бемор ҳолатидаги ижобий ўзгаришлар сабабли уйига рухсат беришга тавсия берилди.

Шунингдек, шу куни меҳмонларнинг бир гуруҳи Термиз шаҳридаги Саралаш ва тақсимлаш марказида коронавирусга чалинган ва гумон қилинган 25 нафар беморни ҳам тиббий кўрикдан ўтказишди.

Бундан ташқари, уйида даволанаётган 6 нафар беморнинг ҳолидан хабар олишиб, зарур тиббий маслаҳатларни беришди.

– Ўзбекистонга келганимиздан буён ҳар куни турли шифохоналарда бўлиб, “COVID-19”га чалинган беморларни даволаш жараёнида иштирок этаяпмиз. Жумладан, 24 август куни Тошкент вилояти Олмалиқ шаҳар юқумли касалликлар шифохонасида бўлиб, у ерда яратилган шароитлар билан яқиндан танишдик. Сатурацияси 90 дан паст бўлган 21 нафар, шунингдек, реанимация бўлимида даволанаётган 7 нафар беморни тиббий кўрикдан ўтказдик, – дейди россиялик шифокор М.Замятин. – Эътиборли жиҳати, бу ерда беморларни даволаш тактикаси яхши йўлга қўйилган. Айниқса, реанимация бўлимида уларни парваришлаш сифати юқори даражада экан.

Меҳмонлар Зангиота туманидаги юқумли касалликлар шифохонасида ҳам бўлишиб, реанимация бўлимидаги 39 нафар аҳволи оғир беморларни даволаш жараёнида бевосита иштирок этишди. Маҳаллий шифокорлар билан биргаликда касаллик ва унинг асоратларидан вафот этиш ҳолатларини камайтириш чораларини муҳокама қилишди.

Россиялик мутахассисларнинг маҳаллий шифокорлар билан ҳамкорликдаги фаолияти давом этмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

Соғлиқни сақлаш вазирлиги:
БУГУН ЮРТИМИЗДА КОРОНАВИРУСДАН СОҒАЙИШ КЎРСАТКИЧИ 91 ФОИЗГА ЕТДИ

Бугун айни пайтга қадар юртимизда коронавирусга чалинган 419 нафар бемор соғайди.

Жумладан:
Тошкент шаҳрида 268 нафар;
Тошкент вилоятида 115 нафар;
Самарқанд вилоятида 13 нафар;
Наманган вилоятида 11 нафар;
Сурхондарё вилоятида 6 нафар;
Андижон вилоятида 4 нафар;
Қорақалпоғистон Республикасида 2 нафар бемор тузалди.

Шундай қилиб, юртимизда 36 402 (+419) нафар коронавирус инфекциясига чалинган фуқаролар тузалиб, соғайиш кўрсаткичи 91 фоизга етди.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz