Соғлиқни сақлаш вазирлиги | Вакцина – ягона чора!
42.3K subscribers
2.84K photos
844 videos
8 files
4.26K links
Соғлиқни сақлаш вазирлиги расмий телеграм канали — t.me/ssvuz

Вазирликнинг Матбуот ва ПР хизмати томонидан юритилади.

Facebook саҳифамиз: facebook.com/ssvuz
Twitter саҳифаси: twitter.com/furqatsanayev
Вазирлик расмий сайти — ssv.uz
Download Telegram
to view and join the conversation
18 октябр – Самарқанд шаҳри кунида Самарқанд давлат тиббиёт институтининг янги биноси фойдаланишга топширилди.

Унда вилоят ҳокими Эркинжон Турдимов ҳамда шаҳар жамоатчилиги, институт профессор-ўқитувчилари, талаба ёшлар қатнашди.

Маълумот ўрнида айтиш мумкин, мазкур объектнинг қурилиши 2017 йилда бошланган бўлиб, қисқа муддатларда қуриб битказилди. Бинода 12 та кафедра, 200 дан ортиқ ўқув хоналари, 15 та лаборатория хоналари мавжуд. Барча хоналар замонавий мультимедия ва IT технологиялар, интерактив доска, охирги русумдаги лаборатор ускуналар ва планшет мониторлар билан жиҳозланди.

▶️@ssvuz
▶️@ssvmatbuotkotibi
Ханс Клюге коронавирус пандемиясининг тугашига оид ижобий прогнозини эълон қилди

Дунё 2022 йил бошида коронавирус пандемиясидан чиқиши мумкинлиги маълум қилинди. Бу ҳақда Беларуснинг «STV» телеканалига берган интервьюсида Жаҳон соғлиқни сақлаш ташкилотининг Европа бюроси раҳбари Ханс Клюге хабар берди.

Унинг сўзларига кўра, дунё 2022 йил бошида коронавирус пандемиясидан чиқади, аммо хасталикнинг ўзи бутунлай йўқ бўлиб кетмайди. Аксинча грипп каби мавсумий касалликка айланади. «Мен оптимистман, ишонаманки, келгуси йил пандемиядан чиқамиз. Аммо бир нарсани унутмаслик керак, коронавирус ҳеч қаерга кетмайди. У билан яшашга тўғри келиши мумкин», — дейди мутахассис.

Жаҳон соғлиқни сақлаш ташкилоти вакилининг қўшимча қилишича, ҳозирда дунёда коронавирусга қарши вакцина етарли бўлиб, улардан нафақат хавф остида бўлганларни, балки бошқа барча истовчиларни ҳам эмлаш мумкин. «Ўзимизни хавфсиз ҳис қилишимиз учун аҳолининг камида 80–85 фоизини эмлаш керак», — хулоса қилган Клюге.

Эслатиб ўтамиз, 2019 йилнинг сентябрь ойида ЖССТнинг Европа минтақавий бюроси директорлигига сайланган доктор Ханс Клюге 2020 йил 10 февраль куни ўзининг илк расмий хорижий ташрифини бюрога аъзо бўлган 53 давлат орасида айнан Ўзбекистондан бошлаган эди.

Соғлиқни сақлаш вазирлиги
Матбуот хизмати

▶️@ssvuz

▶️@ssvmatbuotkotibi
Диққат! Ота-оналар ойлиги:

20 ОКТЯБРДАН БОЛА ПАРВАРИШИГА ДОИР МУҲИМ ТАВСИЯЛАР ТАҚДИМ ЭТИЛА БОШЛАЙДИ

Бола касал бўлмаслиги учун нималар қилиш керак? Олти ойлик гўдакка қандай қўшимча овқатлар берса бўлади? Боланинг тишлари чиқаётганда нималарга эътибор қаратиш зарур? Жажжи ўғил-қизларнинг қомати тўғри шаклланиши қандай омилларга боғлиқ? Уларга ҳарф танитишни қачондан бошлаган маъқул? Фарзандларимизнинг иммунитетини қандай мустаҳкамлаш мумкин?

Ҳар бир ота-она фарзанд парваришида шу каби минглаб саволларга рўбарў келади ва ҳар бирига тўғри жавоб топишга ҳаракат қилади. Айниқса, ёш оилаларда бу жараён бир мунча мураккаб кечиши табиий.

Бундай вазиятда кўпинча катталарнинг кўмагига суянишимиз бор гап. Бобою бувиларимизнинг кўрсатма ва йўл-йўриқлари, ҳаётий тажрибаси биз учун дастуриламал. Аммо бугунги тараққиёт асрида фарзанд тарбиясига доир ҳар бир вазифа ва юмушни илмий асосланган тавсияларга мувофиқ бажариш мақсадга мувофиқ. Бунинг тиббий ҳамда педагогик жиҳатдан мақбул метод ва технологиялари ҳам ишлаб чиқилган.

Эртага — 20 октябрдан бошлаб ана шундай тавсия ва маълумотлар билан бепул танишиб боришингиз мумкин. Чунки ушбу санадан эътиборан ЮНИСЕФ, Ўзбекистон Республикаси Соғлиқни сақлаш вазирлиги ҳамда Мактабгача таълим вазирлиги ҳамкорлигида юртимизда “Ота-оналар ойлиги” эълон қилинмоқда.

Мазкур қўшма лойиҳа болалаларнинг илк ривожланиш даврида ота-оналарга кўмаклашишни кўзда тутади. У кичкинтойлар парваришига доир илмий-амалий далилларга асосланган муҳим маълумот ҳамда тавсияларни тақдим этишга қаратилган.

Бунинг учун етакчи мутахассис ва соҳа экспертлари бир ой давомида илк босқичда болаларни тўғри парваришлаш ҳамда уларнинг соғлом ривожланишини таъминлашга доир илғор тажрибаю маслаҳатлари билан ўртоқлашади.

Ана шу материаллар саломатлик, тўғри овқатланиш, иммунитет мустаҳкамланиши, боларда кўникмаларни эрта шакллантириш, рағбатлантириш, ҳимоя ва хавфсизлик қоидалари юзасидан тавсиялар, фото ва видеолавҳаларни ўз ичига олган.

ЮНИСЕФ, Ўзбекистон Республикаси Соғлиқни сақлаш вазирлиги ҳамда Мактабгача таълим вазирлиги веб-сайтлари, ижтимоий тармоқлардаги расмий саҳифалари ҳамда бошқа медиа-майдонлар орқали мавзуга оид қизиқарли ҳаётий мисоллар, мақолалар ва маҳорат дарслари аҳолига тақдим этилиши режалаштирилган.

Шунингдек, ойлик доирасида мутахассислар ота-оналар ва бола парвариши билан шуғулланувчилар саволларига теледастурлар орқали ҳам жавоб берадилар.

— Фарзандлар ҳаётининг илк йилларида улар парваришига эътиборли бўлиш инсон капитали, соғлом жамият ва келажакни шакллантиришда муҳим роль ўйнайди, — дейди ЮНИCЕФнинг Ўзбекистондаги ваколатхонаси раҳбари Мунир Мамедзаде. — Саломатлик, озиқланиш, хавфсизлик ва эрта таълим билан боғлиқ илк тадбирлар болалар ривожланишининг асосидир. Ўғил-қизларни ҳаётининг дастлабки йилларида ота-оналар ва бошқа тарбиячилар томонидан тўғри парвариш қилиш ва қўллаб-қувватлаш уларнинг баркамол ривожланишида ҳал қилувчи омиллардан биридир. Бу ўғил-қизларнинг келгуси ҳаётидаги муваффақиятлар учун ҳам пойдевор бўлади.

Яна бир янгилик: ҳозирги кунда ЮНИСЕФ, Соғлиқни сақлаш ва Мактабгача таълим вазирликлари ота-оналар ҳамда бола парваришловчиларга мўлжалланган инновацион дастур — “Bebbo” мобиль иловасини яратиш устида иш олиб бормоқда. 7 ёшгача бўлган кичкинтойларни тарбиялашда асқатадиган мазкур йўриқнома Ўзбекистонда 2021 йилнинг ноябрь ойида ишга туширилади.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
ЮРТИМИЗДА ЧИЛИМ ВА ЭЛЕКТРОН СИГАРЕТАЛАРНИ ЖАМОАТ ЖОЙЛАРИДА ЧЕКИШ ҚОНУН БИЛАН ТАҚИҚЛАНАДИ

Маълумки, 2018 йил 4 октябрда “Жамоат жойларида чилим ва электрон сигареталар чекишни чеклаш тўғрисида”ги Ўзбекистон Республикаси қонуни қабул қилинган.

Ушбу қонунга кўра, қуйидаги жамоат жойларида чилим ва электрон сигареталарни чекишга йўл қўйилмайди:

📌стационар савдо объектларида, шунингдек, умумий овқатланиш корхоналарида, бундан чилим ва электрон сигареталар чекиш учун махсус ажратилган хоналар мустасно;

📌кинотеатрларда, театрларда, циркларда, концерт, кўрик ва кўргазма залларида ҳамда оммавий дам олиш учун мўлжалланган бошқа ёпиқ иншоотларда;

📌 клубларда, дискотекаларда, компьютер залларида, Интернет жаҳон ахборот тармоғидан фойдаланиш бўйича хизматлар кўрсатиш учун жиҳозланган хоналарда ёхуд бошқа кўнгилочар (бўш вақт ўтказиладиган) жойларда;

📌 музейларда, ахборот-кутубхона муассасаларида;

📌 маҳаллий ва узоққа қатнайдиган поездларда, шаҳар атрофига қатнайдиган поездларнинг вагонларида (шу жумладан тамбурларида), дарё кемаларида, шаҳарда, шаҳар атрофига, шаҳарлараро ва халқаро қатнайдиган автобусларда, таксиларда, йўналишли таксиларда ҳамда шаҳар электр транспортида, шунингдек ҳаво кемаларида;

📌 ер ости ўтиш жойларида, транспорт бекатларида ва автотранспорт воситаларини вақтинчалик сақлаш жойларида;

📌аэропортларнинг, темир йўл, автомобиль вокзалларининг ва сув транспорти бекатларининг биноларида;

📌 давлат ҳокимияти ва бошқаруви органларининг, хўжалик бошқаруви органларининг, шунингдек корхоналар, муассасалар ва ташкилотларнинг биноларида;

📌соғлиқни сақлаш тизими муассасалари ва ташкилотларида, таълим муассасаларида, жисмоний тарбия-соғломлаштириш ва спорт иншоотларида;

📌 иш жойлари бўлган хоналарда;

📌 кўп квартирали уйларнинг йўлакларида, шунингдек уйлар олди ҳудудида жойлашган болалар ва спорт майдончаларида;

📌 хиёбонларда, боғларда, кўчаларда ва бошқа жамоат жойларида.

Шунингдек, чилим ва электрон сигареталар чекишни реклама қилиш, яъни чилим ва электрон сигареталар чекиш усуллари ва йўллари, шунингдек уларни олиш жойлари тўғрисидаги маълумотларни тарқатишга қаратилган фаолиятга йўл қўйилмайди.

Бундан ташқари, чилим ва электрон сигареталар чекишни тарғиб қилиш, яъни чилим ва электрон сигареталарни чекишни рағбатлантирувчи, шахсда уларни истеъмол қилишнинг зарарсизлиги ҳақидаги тасаввурни шакллантирувчи ғоялар, қарашлар ва бадиий образларни очиқ ёки яширин шаклда тарқатишга қаратилган ҳаракатлар қонун билан тақиқланади.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
ССВ: “ТЕЗ ЁРДАМ” ШИФОКОРИГА ОҒИР ТАН ЖАРОҲАТИ ЕТКАЗГАН ФУҚАРО ҚАМОҚҚА ОЛИНДИ

Сир эмас, бугунги мураккаб пандемия шароитида тиббиётимизнинг фидойи ва жонкуяр ходимлари, шифокор ва ҳамширалар ўз ҳаёти ва соғлиғини хавф остига қўйиб бўлса-да, аҳоли саломатлиги йўлида туну кун хизмат қилмоқда.

Бироқ ана шундай заҳматкаш инсонларнинг меҳнатини қадрламаслик, хусусан, беморларга ёрдам бериш учун келган “тез ёрдам” ходимларига беписанд муносабатда бўлиш, уларни дўппослаш, куч ишлатиш, тан жароҳати етказиш ҳеч бир қонун талабига ҳам, инсонийлик тамойилларига ҳам тўғри келмайдиган ҳолатдир.

Хабарингиз бор, кеча Kun.uz сайтида Андижон вилояти Пахтаобод туманида беморнинг маст қариндоши “тез ёрдам” шифокорини дўппослаб, унга жиддий тан жароҳати етгазгани ҳақида хабар тарқалди.

Мазкур ҳолат Cоғлиқни сақлаш вазирлиги томонидан назоратга олиниб, зудлик билан мавжуд вазиятга аниқлик киритиш мақсадида ўрганишлар олиб борилди.

Аниқланишича,
жорий йил 17 октябрь куни соат 00:30 лар чамаси Пахтаобод тез тиббий ёрдам бўлими Маданият шохобчаси диспетчер хизматига шу туманнинг "Маърифат" маҳалласидан мурожаат келиб тушади.

Шундан сўнг чақирув манзилига дарҳол навбатчи шифокор Нодирбек Аҳмедов бошчилигидаги тез ёрдам бригадаси юборилади. Бироқ чақирув бўлган хонадон эгаси, 1991 йилда туғилган фуқаро Б.Т. шифокорларнинг етиб боришини кутмай, бемор онаси Г.У.ни ўз шахсий автомашинасида “тез ёрдам” шохобчасига олиб келади.

Ўша куни туман тез тиббий ёрдам бўлими Маданият шохобчасида навбатчилик қилаётган бошқа бир шифокор, 1994 йилда туғилган Шоҳруҳ Зокиров дарҳол бемор Г.У. нинг қон босими, юрак уришини ўлчаб, унга керакли тиббий ёрдам кўрсатади.

Ўз вақтидаги муолажалар сабабли бемор Г.У. нинг қон босими меъёрлашиб, умумий ҳолати яхшиланади. Аммо фуқаро Б.Т. онасига кўрсатилаётган тиббий ёрдамдан қониқмасдан, жамоат жойи ҳисобланган “тез ёрдам” биносида жамиятда юриш-туриш қоидаларини қасддан менсимасдан шифокорларни уятли сўзлар билан ҳақорат қилади ва ўз хизмат вазифасини ўтаётган яна бир шифокор – М. Деҳқоновнинг ёқасидан олиб, уни бўға бошлайди.

Шу пайт ҳамкасбини ажратиш учун борган Ш. Зокировнинг ҳаракатлари муштумзўр Б.Т.га ёқмайди ва у шифокорнинг юзига мушт туширади. Бунга қаноат қилмаган Б.Т. мушт зарбидан ерга йиқилган Ш. Зокировнинг юзи ва танасининг турли жойларига уриб, унга жиддий жароҳат етказади.

Шундан сўнг, олган тан жароҳатлари билан Ш. Зокиров Андижон давлат тиббиёт институти клиникасига ётқизилади.

Ўтказилган суд-тиббий экспертизаси давомида Ш. Зокировга бош мия чайқалиши, бурун суягининг синиши, иккала кўз қовоқлари ва бурун соҳасидаги қонталаш ташхиси қўйилган.

❗️Ҳозир ушбу ҳолат юзасидан туман ички ишлар бўлими томонидан терговга қадар текширув ҳаракатлари олиб борилиб, Ўзбекистон Республикаси Жиноят кодексининг 277-моддаси 3-қисми “г” банди билан жиноят иши қўзғатилди ва тиббиёт ходимига тажовуз қилган Б.Т.га нисбатан қамоққа олиш эҳтиёт чораси қўлланилди.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
This media is not supported in your browser
VIEW IN TELEGRAM
Юртимиз ҳаётидаги муҳим сиёсий воқеа – Ўзбекистон Республикаси Президенти сайловига ҳам саноқли кунлар қолди.

Шу муносабат билан айни дақиқаларда Ўзбекистон Республикаси Президенти сайлови тарихида илк маротаба теледебат бошланди.

Унда президентликка номзодларнинг вакиллари иштирок этиб, томошабинлар уларнинг қизғин баҳс-мунозараларига гувоҳ бўлади.

Теледебатни ЎзМТРКнинг “Ўзбекистон 24”, “Ўзбекистон”, “Ёшлар”, “Маҳалла” ва “Маданият ва маърифат” телеканаллари орқали томоша қилишингиз мумкин.

Шунингдек, аҳолининг барча қатламларини қамраб олиш мақсадида “Ўзбекистон 24” ва “Ўзбекистон” телеканалларида дебатлар сурдотаржима билан тақдим этилади.

Шу билан бирга, дебатлар “Ёшлар” ва “Тошкент” телеканалларида русча таржимада, “Маданият ва маърифат” телеканалида эса инглизча таржимада эфирга узатилади.

Бундан ташқари, теледебатни МТРКнинг онлайн платформаси – uztv.uz орқали ҳам томоша қилишингиз мумкин.

▶️@ssvuz
▶️@ssvmatbuotkotibi
CCВ: Малака тоифасини бериш аттестацияси бўйича ҳужжатлар вазирлик ҳузуридаги Инновацион соғлиқни сақлаш миллий палатасида қабул қилинмоқда

Инновацион соғлиқни сақлаш миллий палатаси ва унинг ҳудудий бўлинмалари ҳузуридаги тиббиёт ва фармацевтика ходимларига малака тоифаси бериш бўйича ихтисослаштирилган аттестация комиссиялари йиғилиши жадвали тасдиқланди. Палатанинг илк аттестациялари жорий йилнинг 23 октябридан бошланмоқда.

Эслатиб ўтамиз, 2021 йил 5 майдаги “Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида”ги Президент фармонига кўра, Инновацион соғлиқни сақлаш миллий палатаси Соғлиқни сақлаш вазирлиги ҳузуридаги врачлар ва фармацевтларга лицензия бериш ва аттестациядан ўтказиш Республика марказини қўшиб олиш йўли билан қайта ташкил этилган эди.

Қарорга кўра, Инновацион соғлиқни сақлаш миллий палатасига тиббиёт ва фармацевтика ходимларини аттестациядан ўтказиш ва уларга малака тоифаларини бериш ваколати берилган.

Палатанинг ҳудудий бўлинмалар ҳузурида ташкил этилган аттестация комиссиялари томонидан врач ва фармацевтларга – учинчи, иккинчи ҳамда биринчи малака тоифаларини, “Олий ҳамширалик иши” мутахассислигига эга бўлган ҳамширалар, ўрта тиббиёт ва ўрта фармацевтика ходимларига эса иккинчи, биринчи ва олий малака тоифаларини бериш бўйича аттестациялар ўтказилади.

📌Батафсил маълумот Соғлиқни сақлаш вазирлигининг ssv.uz ҳамда Инновацион соғлиқни сақлаш миллий палатасининг uzhealth.uz расмий web сайтларида ҳамда вазирликнинг @ssvuz ва @ssvmatbuotkotibi каналларида эълон қилиб борилади.

♻️Тиббиёт ходимлари малака тоифасини олиш аттестацияси бўйича саволларга Инновацион соғлиқни сақлаш миллий палатасининг қуйидаги телефон рақами орқали жавоб олишлари мумкин:

Тиббиёт ва фармацевтика
ходимларини аттестациядан ўтказиш
ва уларга малака тоифаларини бериш бўлими: (71)267-63-93


Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
❗️Касалланишлар ва ўлимлар сони ортди: кеча юртимизда 400 нафардан ортиқ кишида коронавирус инфекцияси қайд этилиб, 3 нафар бемор вафот этди

🔺2021 йил 19 октябрь ҳолатига кўра, Ўзбекистонда коронавирус инфекцияси қайд этилганлар сони 182060 (+406) нафарни ташкил этмоқда.

🔴Янги касалланиш ҳолатларининг:
📌6 нафари Қорақалпоғистон Республикасида,
📌11 нафари Андижон вилоятида,
📌9 нафари Бухоро вилоятида,
📌12 нафари Жиззах вилоятида,
📌4 нафари Қашқадарё вилоятида,
📌3 нафари Навоий вилоятида,
📌6 нафари Наманган вилоятида,
📌37 нафари Самарқанд вилоятида,
📌11 нафари Сирдарё вилоятида,
📌2 нафари Сурхондарё вилоятида,
📌26 нафари Фарғона вилоятида,
📌11 нафари Хоразм вилоятида,
📌116 нафари Тошкент вилоятида,
📌152 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 4 нафар,
🔹Андижон вилоятида 9 нафар,
🔹Бухоро вилоятида 10 нафар,
🔹Жиззах вилоятида 10 нафар,
🔹Қашқадарё вилоятида 4 нафар,
🔹Навоий вилояти 2 нафар,
🔹Наманган вилояти 6 нафар,
🔹Самарқанд вилоятида 44 нафар,
🔹Сирдарё вилоятида 4 нафар,
🔹Сурхондарё вилоятида 3 нафар,
🔹Фарғона вилоятида 29 нафар,
🔹Хоразм вилоятида 13 нафар,
🔹Тошкент вилоятида 112 нафар,
🔹Тошкент шаҳрида 200 нафар бемор тузалиб, касалликдан соғайганлар жами 177979 (+450) нафарга етди ва соғайиш кўрсаткичи 98 фоизни ташкил этмоқда.

⚫️Шунингдек, 3 нафар коронавирусга чалинган бемор вафот этиб, касалликдан вафот этганлар сони 1295 нафарни ташкил қилди.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
2021 йил 19 октябрь куни 13 нафар кишида пневмония аниқланиб, жами беморлар сони 27581 нафарга етди. Кеча уларнинг 19 нафари соғайиб, умумий соғайганлар сони 26077 нафарни ташкил қилмоқда.

Юқоридаги жадвалда пневмония қайд этилиши ва ушбу касалликдан соғайиш кўрсаткичлари вилоятлар кесимида келтирилган.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
❗️Айни кунгача мамлакатимизда жами 24,3 миллион дозадан ортиқ коронавирусга қарши вакцина қўлланилди

🔺19 октябрда мамлакатимиз ҳудудлари бўйлаб 213 971 доза COVID-19га қарши вакцина қўлланилди. Улардан:
💉1-босқич эмланганлар 76 900 нафарни,
💉2-босқич эмланганлар 79 740 нафарни,
💉3-босқич эмланганлар 57 331 нафарни ташкил қилди.

❗️Айни кунгача мамлакатимизда жами 24 300 975 доза вакцинадан фойдаланилди. Улардан:
💉1-босқич эмланганлар 12 938 201 нафарни,
💉2-босқичда эмланганлар 7 692 878 нафарни,
💉3-босқич эмланганлар 3 669 896 нафарни ташкил қилди.

📊Кеча эмлаш кўрсаткичлари бўйича юқори ўринларни:
📌Cурхондарё вилояти (24 431 доза),
📌Фарғона вилояти (23 938 доза),
📌Наманган вилояти (23 164 доза) банд қилди.

🔺 Фарғона, Андижон, Наманган, Самарқанд, Сурхондарё ва Тошкент вилоятларида жами қўлланилган вакциналар миқдори 2 миллион дозадан ошиб улгурган.

Эмлаш жараёнлари давом этади.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
▶️@sanepidxizmat
ССВ: Ўзбекистонга келтирилган ва ишлаб чиқарилган вакциналар миқдори 31 миллион дозадан ошди

Бугун тунда юртимизга Sinovac вакцинасининг 864 000 дозалик партияси олиб келинди.

Шундай қилиб, юртимизда эмлаш жараёнларида фойдаланилаётган жами вакцина 31 283 538 дозани ташкил қилмоқда.

Улардан:
💉1 594 480 дозаси AstraZeneca,

💉23 177 998 миллион дозаси ZF-UZ-VAC2001,

💉720 500 дозаси "Sputnik V",

💉 3 000 060 дозаси Moderna,

💉 1 726 500 дозаси Pfizer/BioNTech,

💉1 064 000 дозаси Sinovac вакцинасидир.

Шундан 24 300 975 дозаси эмлаш жараёнларида қўлланилган.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
ЎЗБЕКИСТОНДА МУРАККАБ ОПЕРАЦИЯЛАР НАРХИ БИР НЕЧА БАРОБАР АРЗОН

Бир инсон ички аъзосини бошқа одам танасига кўчириб ўтказиш яқин-яқингача мўъжизага қиёс этилган. Ҳозир ҳам бундай операциялар мураккаб жарроҳлик амалиёти ҳисобланса-да, аммо жаҳон тиббиёти учун оламшумул янгилик бўлмай қолди.

Шунга қарамай, оғир хасталикдан азият чеккан юртдошларимиз яқин-яқингача жигар, буйрак, ўпка трансплантацияси, юрак соҳасидаги нозик операциялар учун илғор хорижий мамлакатларга даво истаб боришга мажбур эди.

Бугун эса юртимизда тиббиётнинг кўплаб йўналишлари қатори хирургия соҳасида ҳам ўзгаришлар катта. Натижада деярли барча мураккаб операциялар Ўзбекистоннинг ўзида ўтказилмоқда.

Масалан, айни пайтда республикамизда 5 минг нафар бемор жигар циррозидан азият чекяпти. Улардан 500 нафари жигар трансплантациясига муҳтож. Шу кунгача Академик В. Воҳидов номидаги Республика ихтисослаштрилган Хирургия илмий-амалий тиббиёт марказида 10 нафар беморга жигар кўчириб ўтказилди.

Бундай ноёб операция учун Ҳиндистонда ўртача 45 минг доллар маблағ талаб қилинади, — дейди мазкур марказ директори Саидмурод ИСМАИЛОВ. — Россияда эса янаям қимматроқ — 70 минг доллар атрофида. Беларусь давлатида жигар трансплантациясини ўтказмоқчи бўлганлар эса қарийб 165 минг доллар тўлашлари керак. Энг юқори нарх АҚШда — тахминан 200 минг доллар. Бизда эса бу турдаги операцияни ўтказишга сарфланадиган сарф-харажатлар донор ва бемор учун ўрта ҳисобда 18-20 минг долларга тўғри келиши ўрганилган. Аммо буни янлиш тушунмаслик керак. Гап шундаки, мамлакатимизда жигар циррози билан касалланган юртдошларимизни ордер тизими асосида даволаш йўлга қўйилган. Бу ҳолатда фақат донор операцияси, яъни жигарнинг бир бўлагини олиш учун беморнинг оиласи томонидан маълум миқдорда маблағ тўланади, холос.

С. Исмаиловнинг маълум қилишича, юрак ва ўпка етишмовчилиги терминал босқичидаги беморлар орасида ҳам трансплантация амалиётига муҳтожлар кўп. Бироқ бундай операциялар баҳоси Россияда 100 минг, Беларусда 200 минг, АҚШда 250 минг доллар атрофида. Ўзбекистонда эса нарх кўрсаткичлари Океанорти мамлакатига нисбатан қарийб 10 баробар арзон.

Умуман, бугунга келиб, юртимизда йилига ўртача 750 мингта жарроҳлик амалиёти бажариляпти. Уларнинг 24 мингтаси республика тасарруфидаги клиникаларда, 550 мингтаси вилоят марказларида, 170 мингтаси эса туман миқёсида ўтказилмоқда.

Соҳадаги ислоҳотлар натижасида имкониятимиз ҳам, салоҳиятимиз ҳам ошиб бормоқда, — дейди Саидмурод ИСМАИЛОВ. — Биргина марказимизнинг ўзида йилига қилинаётган жарроҳлик амалиётлари сони ўртача 6,5 мингта, операциялар тури 350 та, шунингдек, вилоят марказларида 130 та, туман шифохоналарида эса 60 тага етди. Келгусида туманлараро марказларда қилинадиган жарроҳлик амалиётлари турини 79 тага, вилоят даражасида эса 168 тагача етказиш режалаштирилмоқда.

Яна бир муҳим факт: аорта-коронар шунтлаш операцияси ҳам мураккаб кардиохирургик амалиёт ҳисобланади. Бундай операция учун Россия ва Ҳиндистонда 8 мингдан 18 минг долларгача тўлов қилиш зарур. Европа давлатларида эса 20-30 минг доллар талаб қилинади. АҚШда 40-50 минг доллардан арзонга тушмайди. Мамлакатимизда тиббиёт ривожига кенг йўл очилиши билан юрак соҳасидаги мураккаб операциялар учун кўпи билан 3-4 минг доллар тўлов қилинмоқда.

Албатта, чет элда даволанишнинг ўзи бўлмайди. Операция ва муолажа харажатларидан ташқари, самолётга чипта, тураржой, овқатланиш сарфини қўшсангиз, тўловлар миқдори кескин ошиб кетиши турган гап. Шу маънода, беморларга дармон улашиб, уларни ҳаётга қайтараётган моҳир ва жасур шифокорларимиз меҳнатига ҳар қанча тасанно айтсак арзийди.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
Анонс: ЎЗБЕКИСТОНДА “ОТА-ОНАЛАР ОЙЛИГИ” БОШЛАНДИ

Аввал хабар қилганимиздек, бугун мамлакатимизда “Ота-оналар ойлиги” кампанияси бошланди.

ЮНИСЕФ, Ўзбекистон Республикаси Соғлиқни сақлаш вазирлиги ҳамда Мактабгача таълим вазирлиги ҳамкорлигида эълон қилинган мазкур қўшма лойиҳа доирасида юртдошларимизга илк босқичда болаларни тўғри парваришлаш ҳамда уларнинг соғлом ривожланишини таъминлашга доир муҳим маълумотлар, илмий тавсия ва маслаҳатлар тақдим этиб борилади.

Хусусан, малакали мутахассис ва экспертлар иштирокида мазкур ойликка бағишланган тўғридан-тўғри давра суҳбатини бугун соат 16:00 да “Oilaviy” телеканалида томоша қилишингиз мумкин.

Батафсил: https://uni.cf/3B4doZG

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
ОПЕРАЦИЯДАН КЕЙИНГИ ОҒРИҚҚА ҚАРШИ ҚАНДАЙ КУРАШИШ МУМКИН?
Бугун Тошкентда бўлиб ўтган нуфузли анжуман шу масалага бағишланди

Пойтахтимиздаги “Hyatt Regency” меҳмонхонасида “Ўткир оғриқни даволашнинг замонавий йўналишлари” мавзусида PAIN Academy II халқаро илмий-таълим анжумани бўлиб ўтди. 👉🏻Батафсил

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
ВАЗИЯТГА ОЙДИНЛИК КИРИТИЛДИ: КАРМАНАДА ТИББИЁТ ХОДИМИ ТОМОНИДАН БЕМОРГА ҚЎЛ КЎТАРИЛМАГАН

Жорий йил 19 октябрь куни ижтимоий тармоқларда Навоий вилояти Кармана туманидаги шифохоналардан бирида тиббиёт ходими ва шифокор қабулига келган бемор ўртасида юз берган тортишув акс этган видеолавҳа тарқалди.

Мазкур ҳолат Навоий вилояти Соғлиқни сақлаш бошқармаси томонидан шу куннинг ўзидаёқ назоратга олиниб, ўрганишлар олиб борилди.

Аниқланишича, 2021 йил 18 октябрь куни Кармана тумани Талқоқ 2-даҳасида яшовчи фуқаро Т.Т. туман марказий шифохонасининг қабул бўлимига келиб, юраги безовта қилаётгани, шу боис, ушбу муассасанинг шошилинч тиббий ёрдам бўлимида даволанмоқчи эканини маълум қилган.

Марказнинг шошилинч тиббий ёрдам бўлими шифокори Тошев Акбар беморни дарҳол тиббий текширувдан ўтказиб, унга аҳволи қониқарли экани ва умумий ҳолати шошилинч тиббий ёрдам бўлимига ётиш учун белгиланган кўрсатмаларга тўғри келмаслигини айтган. Бироқ фуқаро Т.Т. шифокорнинг сўзларига қатъий эътироз билдириб, уни ҳақиқатга мос келмайдиган сўзлар билан айблай бошлаган.

Шундан сўнг, Кармана туман тиббиёт бирлашмаси бош шифокори ўринбосари И. Нодиров, бош кардиолог А. Тошев, бош терапевт Ж. Мардонов, невролог Н. Саломов ва қабул бўлими мудири, кардиолог Н. Нурматовалар томонидан бемор консилиум қилинган. Текшириш давомида унга яна бир бор шошилинч тиббий ёрдам бўлимида даволаниш учун зарурият йўқлиги, умумий ҳолати ушбу бўлимда даволаниш учун белгиланган стандартларга тўғри келмаслиги тушунтирилган ва касаллик тарихига текшириш натижалари қайд этилган.

Қолаверса, беморга режали кардиология бўлимидан жой ҳозирланиб, зарур дори воситалари билан таъминланиши айтилган, бироқ у бунга рози бўлмасдан, шифокорлар устидан шикоят қилишини айтган. Сўнг шошилинч тиббий ёрдам бўлимига кириб, қўл телефони орқали муассасани тасвирга тушира бошлаган.

Бу ҳолатга гувоҳ бўлган марказ ҳамшираси М. Ҳамроева унинг бу хатти-ҳаракатларига эътироз билдириб, Т.Т.нинг қўл телефонини олиб қўйишга ҳаракат қилган. Бироқ, беморга ҳеч қандай қўл кўтармаган.

Шундай бўлса-да, бемор билан қўпол муносабатда бўлгани, соғлиқни сақлаш тизими ходимига муносиб бўлмаган ҳаракатларни содир этгани, бемор билан мулоқот қилиш қоидаларини қўпол равишда бузгани учун ҳамшира М. Ҳамроева қатъий огоҳлантирилган.

Айни пайтда Т.Т. туман тиббиёт бирлашмаси кардиология бўлимида режали равишда керакли даво муолажаларини олмоқда.

Шу ўринда фуқароларимиздан тиббиёт ходимларининг масъулиятли вазифаларини бажаришда уларга кўмакдош бўлишларини сўраб қоламиз.

Навоий вилояти cоғлиқни сақлаш бошқармаси.

▶️@ssvuz

▶️@ssvmatbuotkotibi
Media is too big
VIEW IN TELEGRAM
24 октябрь — Ўзбекистон Республикаси Президенти сайлови куни

МУНОСИБ НОМЗОДГА ОВОЗ БЕРАЙЛИК!

Юртимизда яна саноқли кунлардан сўнг муҳим сиёсий жараён – Ўзбекистон Республикаси Президенти сайлови бўлиб ўтади. Унда фуқароларимиз Конституциямизда мустаҳкамлаб қўйилган ҳуқуқидан фойдаланиб, ўз хоҳиш-иродасини эркин ифода этади.

Демак, 24 октябрь — 35 миллиондан зиёд юртдошимизнинг эртанги ҳаёти, келажаги ҳал бўладиган кун. Шундай экан, бу сиёсий жараён ҳар биримиздан Ватанга дахлдорлик ҳисси ва фаол фуқаролик позициясини талаб қилади.

Сайловда муносиб номзодга овоз берайлик!

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
CCВ соат милларида

Республика ихтисослаштирилган кардиология илмий-амалий тиббиёт маркази Қарши филиалида Польша Республикаси Кардиологлар жамияти президенти, профессор Роберт Гил Жулиан иштирокида маҳорат дарси тарзидаги жарроҳлик амалиёти ўтказилди.

— Маҳорат дарсининг муҳим томони шундаки, мураккаб коронар томирлар, яъни кальцинатлашган торайишлар ва ёпилган томирларни ротаблатор ускунаси ёрдамида бурғулаб очиб, стентлаш амалиёти вилоятимизда илк маротаба ташкил этилди — дейди филиал директори, тиббиёт фанлари доктори Набижон Йўлдошев. 👉🏻Батафсил

————————————
Юртимизда тиббиёт соҳасининг сўнгги ютуқлари, маҳсулот ва хизматларининг кенг ассортименти намойиш этилувчи XIII халқаро “UzMedExpo-2021” тиббиёт кўргазмаси иш бошлади.
————————————
Арманистоннинг Ереван тиббиёт институти Ангиография бўлими раҳбари Меружян Сагателян юртимизнинг Республика ихтисослаштирилган кардиология илмий-амалий тиббиёт маркази Наманган филиалига ташриф буюрди.
————————————
Тошкент вилояти ҳудудидаги кўп тармоқли марказий поликлиника ва оилавий шифокор пунктларида малакали шифокорлар томонидан чуқурлаштирилган тиббий кўриклар ташкил этилмоқда.

▶️@ssvuz
▶️@ssvmatbuotkotibi
​​21 октябрь – Ўзбек тили байрами куни

МИЛЛИЙ ҚАДРИЯТЛАРИМИЗ ГУЛТОЖИ


Бугун халқимиз учун қутлуғ сана, қувончли айём. Мамлакатимизда Ўзбек тили байрами куни янгича руҳда, кўтаринки кайфиятда нишонланмоқда.

Кеча Президентимиз шу муносабат билан йўллаган байрам табригида тилимизга миллий қадриятларимиз гултожи, дея таъриф берар экан, унинг тарихимиз ва тақдиримиз, бугунги ҳаётимиздаги ўрни ва аҳамиятига юксак баҳо берди. Ўз навбатида, уни ривожлантириш борасида олдимизда турган долзарб вазифаларни бирма-бир қайд этди.

Дарҳақиқат, сўнгги йилларда юртимизда она тилимиз қадри ва нуфузини янада ошириш борасидаги сиёсат ва амалий ишлар янги босқичга кўтарилмоқда. Пировардида ўзбек тилининг давлат тили сифатидаги мақоми ва обрў-эътибори тубдан юксалиб боряпти.

Буни ўтган қисқа даврда мазкур йўналишда қабул қилинган қатор қонун, фармон ва қарорлар самараси мисолида барчамиз яққол кўриб турибмиз.

Хусусан, 2020 йил 10 апрелда қабул қилинган “Ўзбек тили байрами кунини белгилаш тўғрисида”ги Ўзбекистон Республикаси Қонуни билан 21 октябрь санаси юртимизда “Ўзбек тили байрами куни” этиб белгиланиши муҳим тарихий воқелик бўлди.

Ана шундай саъй-ҳаракатлар доирасида Соғлиқни сақлаш вазирлиги тизимидаги муассасаларда ҳам давлат тилида иш юритишни ташкил этиш ва унинг ижросини назорат қилиш борасида самарали чора-тадбирлар амалга ошириляпти. Чунончи, ҳозирги кунда вазирлик томонидан буйруқ ва кўрсатма хатларнинг барчаси давлат тилида чиқарилаётганини қайд этиб ўтиш ўринли.

Бу борада Вазирлар Маҳкамасининг Маънавият ва давлат тилини ривожлантириш масалалари департаменти билан ҳамкорликда бутун тизим “Давлат тилида иш юритиш” ва 5 жилддан иборат “Ўзбек тилининг изоҳли луғати” китоблари билан таъминлангани муҳим омил бўлмоқда.

Қолаверса, жойлардаги барча тиббий муассасаларда Ўзбекистон Президентининг 2019 йил 21 октябрдаги “Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида”ги Фармони ва Вазирлар Маҳкамасининг 2020 йил 20 январдаги “Мамлакатда давлат тилида иш юритишни самарали ташкил этиш чора-тадбирлари тўғрисида”ги қарори ва бошқа шундай ҳужжатлар мазмун-моҳияти ҳақида тарғибот ва тушунтириш ишлари йўлга қўйилди.

Вазирлик томонидан бугунги кун нуқтаи назарига мос равишда тиббиёт мутахассислари кўригидан ўтказилиб ва уларнинг фикрларини инобатга олган ҳолда 10 мингдан ортиқ сўздан иборат “Тиббий атамалар изоҳли луғати” китоби кирилл ва лотин ёзувларида тайёрланиб, тизимдаги барча муассасаларга етказиб берилмоқда. Шу билан бирга, ҳозирги кунда таниқли олимлар, ёш тадқиқотчилар ҳамкорлигида тиббий атамаларни ислоҳ қилиш бўйича жиддий илмий изланишлар олиб бориляпти.

Бундан ташқари, вазирлик тасарруфидаги ўн битта олий ва етмиш тўртта ўрта тиббий таълим муассасасининг тиллар кафедралари қошида ташкил этилган “Юзма-юз” ва “Нишона” тўгараклари томонидан ўзбек тилига доир маҳорат дарслари, турли ижодий кечалар, мушоиралар ташкил этилаётгани ёшларимизга давлат тилининг бой ва нафис жозибасини тўлақонли етказиш, давлат тилини янада ривожлантириш ҳамда унга бўлган муносабатни мустаҳкамлашга хизмат қилаётир.

Энг асосийси, бундан кейин ҳам вазирлик тизимида она тилимизнинг софлигини таъминлаш йўлидаги ишлар тизимли равишда давом эттирилади.

Барчага Ўзбек тили байрами куни муборак бўлсин!

Соғлиқни сақлаш вазирлиги

▶️@ssvuz

▶️@ssvmatbuotkotibi
❗️Кеча юртимизда 360 нафардан зиёд кишида коронавирус инфекцияси, 7 нафар кишида пневмония қайд этилиб, ҳар икки касалликдан 353 нафар бемор соғайди

🔺2021 йил 20 октябрь ҳолатига кўра, Ўзбекистонда коронавирус инфекцияси қайд этилганлар сони 182421 (+361) нафарни ташкил этмоқда.

🔴Янги касалланиш ҳолатларининг:
📌18 нафари Қорақалпоғистон Республикасида,
📌17 нафари Андижон вилоятида,
📌7 нафари Бухоро вилоятида,
📌15 нафари Жиззах вилоятида,
📌5 нафари Қашқадарё вилоятида,
📌1 нафари Навоий вилоятида,
📌16 нафари Наманган вилоятида,
📌39 нафари Самарқанд вилоятида,
📌10 нафари Сирдарё вилоятида,
📌3 нафари Сурхондарё вилоятида,
📌24 нафари Фарғона вилоятида,
📌10 нафари Хоразм вилоятида,
📌71 нафари Тошкент вилоятида,
📌125 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
🔹Қорақалпоғистон Республикасида 18 нафар,
🔹Андижон вилоятида 13 нафар,
🔹Бухоро вилоятида 7 нафар,
🔹Жиззах вилоятида 17 нафар,
🔹Қашқадарё вилоятида 6 нафар,
🔹Навоий вилояти 1 нафар,
🔹Наманган вилояти 20 нафар,
🔹Самарқанд вилоятида 40 нафар,
🔹Сирдарё вилоятида 1 нафар,
🔹Сурхондарё вилоятида 3 нафар,
🔹Фарғона вилоятида 25 нафар,
🔹Хоразм вилоятида 10 нафар,
🔹Тошкент вилоятида 69 нафар,
🔹Тошкент шаҳрида 110 нафар бемор тузалиб, касалликдан соғайганлар жами 178319 (+340) нафарга етди ва соғайиш кўрсаткичи 98 фоизни ташкил этмоқда.

⚫️Шунингдек, 2 нафар коронавирусга чалинган бемор вафот этиб, касалликдан вафот этганлар сони 1297 нафарни ташкил қилди.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
2021 йил 20 октябрь куни 7 нафар кишида пневмония аниқланиб, жами беморлар сони 27588 нафарга етди. Кеча уларнинг 13 нафари соғайиб, умумий соғайганлар сони 26090 нафарни ташкил қилмоқда.

Юқоридаги жадвалда пневмония қайд этилиши ва ушбу касалликдан соғайиш кўрсаткичлари вилоятлар кесимида келтирилган.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi
❗️Айни кунгача мамлакатимизда жами 24 ярим миллион дозадан ортиқ коронавирусга қарши вакцина қўлланилди

🔺20 октябрда мамлакатимиз ҳудудлари бўйлаб 205 612 доза COVID-19га қарши вакцина қўлланилди. Улардан:
💉1-босқич эмланганлар 73 264 нафарни,
💉2-босқич эмланганлар 76 916 нафарни,
💉3-босқич эмланганлар 55 432 нафарни ташкил қилди.

❗️Айни кунгача мамлакатимизда жами 24 506 587 доза вакцинадан фойдаланилди. Улардан:
💉1-босқич эмланганлар 13 011 465 нафарни,
💉2-босқичда эмланганлар 7 769 794 нафарни,
💉3-босқич эмланганлар 3 725 328 нафарни ташкил қилди.

📊Кеча эмлаш кўрсаткичлари бўйича юқори ўринларни:
📌Фарғона вилояти (23 470 доза),
📌Тошкент вилояти (23 448 доза),
📌Наманган вилояти (22 973 доза)
банд қилди.

🔺 Фарғона, Андижон, Наманган, Самарқанд, Сурхондарё ва Тошкент вилоятларида жами қўлланилган вакциналар миқдори 2 миллион дозадан ошиб улгурган.

Эмлаш жараёнлари давом этади.

Соғлиқни сақлаш вазирлиги
Матбуот хизмати.

▶️@ssvuz

▶️@ssvmatbuotkotibi
▶️@sanepidxizmat