❓Организмнинг табиий қалқони: Қандай одатлар иммунитетни мустаҳкамлашга ёрдам беради?

✅ Иммунитет – организмнинг инфекция ва бактерияларга қарши табиий мудофааси. Унинг асосий вазифаси танага кирган микроб ва вирусларни аниқлаш ҳамда йўқ қилишдан иборат.

➡️Бу тизимнинг яхши ишлаши, аввало, организмдаги тўғри балансга боғлиқ. Бироқ баъзи ҳолларда иммунитет пасайиб, тана касалликларга қарши курашолмай қолади. Бунинг олдини олиш учун эса бир неча қоидаларга амал қилиш мақсадга мувофиқ.

🫕 Тўғри овқатланиш: ушбу қоида иммунитетни мустаҳкамлашда муҳим роль ўйнайди. Айниқса, С, D, E каби витаминлар, омега-3 ёғ кислоталари ва турли минерал ҳамда тўқималарга бой егуликлар тананинг курашиш қобилиятини ошириш билан бирга, барқарор фаолият кўрсатишини таъминлайди.

🍱 Бунинг учун овқатланиш рационига саримсоқ пиёз, сабзи, лавлаги, занжабил, броколли, наъматак, кўкатлар, қовоқ, олма, цитруслар, асал, денгиз балиқлари, сут маҳсулотлари, ёғсиз гўшт каби табиий мева-сабзавот ва озуқаларни киритиш мақсадга мувофиқ.

🪀 Жисмоний фаоллик: доимий ҳаракатда бўлиш ва ҳар куни эрталаб бадантарбия қилиш иммунитетни кучайтиради. Айниқса, бунда пиёда юриш, югуриш, велосипед учиш ва сузиш каби спорт машғулотлари жуда фойдали.

🥛Тоза сув ичиш: сув организм учун жуда муҳим. У танадан токсинларни чиқариб, иммунитетни мустаҳкамлашга ёрдам беради. Бу, ўз навбатида, ушбу тизимга тўғридан тўғри фойдали таъсир кўрсатиб, танани заҳарланишдан ҳимоялайди.

🧠 Аксинча кам миқдорда сув ичиш ҳужайра, тўқима ва органлар фаолиятига салбий таъсир этиб, иммун тизимининг заифлашишига олиб келади. Шу сабабли мутахассислар одам бир суткада ҳар бир килограмм вазни учун 40 миллилитр сув истеъмол қилиш лозимлигини таъкидлайди.

🥱 Яхши ухлаш: тиниқиб ухлаш иммунитет тизимини мустаҳкамлаб, организмнинг тикланишига ёрдам беради. Уйқу давомида иммун ҳужайралари янада самарали ишлайди. Организмнинг тўлиқ дам олиши учун катта ёшдаги инсонлар ҳар куни ўртача 7-8 соат ухлаши керак.

😠 Стрессдан сақланиш: давомий асабийлашиш иммунитетнинг пасайишига сабаб бўлади. Шунинг учун руҳий барқарорликни сақлаш жуда муҳим.

🧼 Гигиенага риоя қилиш: қўлларни тез-тез ювиш ва бошқа санитария қоидаларини амалга ошириш микроб ҳамда вируслардан ҳимоялайди.

‼️ Шунингдек, касалликларга қарши вакцина олиш, ёмон одатлардан воз кечиш ҳам иммунитетни мустаҳкамлайди.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦🟦🟦

❗️Якунланган ҳафта давомида каналимизда эълон қилинган энг муҳим хабарлар дайжести

🟣 Республика гематология марказида “GMP тизими ва қон қуйиш хавфсизлигини ошириш” мавзусида семинар бўлиб ўтди

📌 Швейцария олимлари қаришни секинлаштириш усулини аниқлади

❓ Қандай тоифадаги беморлар имтиёзли даволаниш ҳуқуқига эга?

🖥 “Дармон” ахборот тизимида тадбиркорлар учун янги қулайлик яратилди

🧑🏻‍🦽‍➡️Янги тизим: Ногиронлик қандай тартибда белгиланади?

⏰ ССВ: Давлат соғлиқни сақлаш муассасаларида аҳолига узлуксиз тиббий ёрдам кўрсатилади

💻 My.gov.uz портали орқали 25 турдаги электрон тиббий хизматлардан фойдаланиш мумкин

🤰Ҳомиладорлар неча марта скрининг текширувларидан ўтиши зарур?

🫀 Республика ихтисослаштирилган хирургия марказида туғма юрак нуқсони бўлган қарийб 100 нафар болада хайрия операциялари бажарилади

📊 Тошкент педиатрия тиббиёт институти клиникасида 125 минг нафар бола саломатлигини тиклади

💰 Фарғона жамоат саломатлиги тиббиёт институти битта лойиҳа орқали йилига 1 миллион доллардан инвестиция жалб қилади

‼️ ССВ: Оилавий поликлиникаларда тиббий ёрдамнинг кафолатланган ҳажми пулли бўлмайди

📋 Болалар миллий тиббиёт маркази лабораторияси 4 йўналиш бўйича халқаро сертификатни қўлга киритди

🔬 Республика оториноларингология марказида кохлеар имплантацияси ўзлаштирилди

🥙 Қандай озиқ-овқатлар кучли аллергияга сабаб бўлади?

🚶🏻ССВ: Вазирлик ташаббуси билан "Соғлом ҳаёт учун 5000 қадам" пиёда юриш марафони ўтказилди

🔎 Қандай одатлар иммунитетни мустаҳкамлашга ёрдам беради?

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Давлат тиббиёт муассасаларига ишга қабул қилишнинг янги электрон механизми яратилди

✅ Коррупция — давлат ва жамият учун жиддий хавф. Шу боис юртимизда барча соҳаларда, хусусан, соғлиқни сақлаш тизимида бу иллатга қарши кескин ва муросасиз курашиш, турли бюрократик ҳамда инсон омили билан боғлиқ тўсиқларга барҳам беришга қаратилган қатор чора-тадбирлар амалга ошириляпти.

☎️ — Хусусан, айни пайтда вазирлик қошида манфаатлар тўқнашуви ва коррупция ҳолатлари бўйича тезкор хабар бериш, бу борадаги камчиликларнинг ўз вақтида олдини олиш ва уларни бартараф этиш мақсадида 71 241-10-65 ёки республика бўйича ягона 1203 рақамли “Ишонч телефони” фаолият юритмоқда, — дейди Коррупцияни олдини олиш ва курашиш бўлими етакчи мутахассиси Азизбек Шукуров.

📨 — Шунингдек, вазирлик расмий веб-сайтининг ssv/pages/komplaens-xizmati саҳифаси, ssvuz/compliaence электрон почтаси ва t.me/ssvantikor_bot телеграм боти ишга туширилиб, фуқароларнинг тиббиёт тизимидаги коррупцион ҳолатлар бўйича мурожаатлари қабул қилиняпти.

✅ Соҳада бюджет қонунчилиги бузилиши, коррупциявий хатти-ҳаракатлар ва молиявий камчиликларга йўл қўйилишининг олдини олиш мақсадида вазирлик қошида Ситуацион марказ ташкил этилди.

📲 Тиббиёт муассасаларида амалга оширилаётган ҳар бир молиявий операцияни кузатиб бориш ва назорат қилиш имконини берувчи ушбу марказ “xarid.uzex.uz”, “xt-xarid.uz”, “Shaffof qurilish”, “UzASBO”, “DMBAT”, “registr.stat.uz” ҳамда бошқа ахборот тизимлари ва Ҳисоб палатасининг электрон маълумотлар базаси асосида фаолият олиб боради.

🟣 Шунингдек, давлат тиббиёт муассасаларига юқори малакали кадрларни ишга қабул қилишнинг янги электрон механизми яратилиб, ўтган йил ноябрь ойидан Бухоро вилоятида синов тариқасида йўлга қўйилди.

💻 Унга кўра, тиббиёт муассасаларидаги мавжуд бўш иш ўринлари тўғрисидаги маълумотлар, номзодларга қўйиладиган талаблар бир вақтнинг ўзида давлат фуқаролик хизмати вакант лавозимларининг очиқ портали (vacancy.argos.uz), электрон платформаси (hrm.argos.uz), ягона интерактив давлат хизматлари портали (my.gov.uz) ҳамда вазирликнинг расмий веб-сайтида (vacancy.ssv.uz) эълон қилиниб, ушбу платформалар орқали ишга кириш учун ариза юбориш хизмати жорий этилган.

⌨️ Қолаверса, даволаш-профилактика муассасаларидаги шифокорлар ва ўрта тиббиёт ходимлари лавозимлари учун малака талаблари ҳамда танлов ўтказиш учун тест ва суҳбат саволлари базаси ишлаб чиқилиб, Президент ҳузуридаги Давлат хизматини ривожлантириш агентлиги билан ҳамкорликда test.argos.uz платформасига жойлаштирилди.

📌 Мазкур янги тизим ўзини амалда оқлагани боис 2025 йил март ойидан республика миқёсида тўлиқ жорий этилиши режалаштирилган.

‼️ Айни пайтда Коррупцияга қарши курашиш агентлигининг “t-anticor.uz” платформасига вазирлик тизимида коррупцияга қарши курашиш ишларининг самарадорлигини баҳоловчи маълумотлар доимий киритиб борилмоқда.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️Фахрий донорларга БҲМнинг 15 баробари миқдорида пул мукофоти берилади

✅ Олий Мажлис Сенатининг куни кеча бўлиб ўтган ялпи мажлисида беғараз донорликни қўллаб-қувватлашга йўналтирилган қонун сенаторлар томонидан маъқулланди.

📌 “Донорлик ҳаракатини қўллаб-қувватлаш тизими такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида”ги мазкур қонун билан бир қатор янгиликлар киритилмоқда.

⬇️ Улар қуйидагилардан иборат:

✅ “Ўзбекистон Республикаси фахрий донори” кўкрак нишони билан тақдирланган шахсларга бир йўла бериладиган пул мукофоти ошириляпти. Илгари ушбу мукофот БҲМнинг 5 баравари миқдорида эди, эндиликда 15 баравар этиб белгиланаётир.

🟣 Ушбу кўкрак нишони билан тақдирланган донорлар ўзлари учун қулай бўлган вақтда ҳар йилги меҳнат таътилига чиқиши мумкин.

🟣 Шаҳар йўловчи транспортидан (йўналишли ва йўналишсиз таксилардан ташқари) бепул фойдаланади.

🟣 Санаторий-курортларда даволаниш учун йўлланмаларни навбатсиз олиш ҳуқуқига эга бўлади.

🔎 Шунингдек, қонунда маҳаллий давлат ҳокимияти органларининг мазкур йўналишдаги вазифалари ҳам аниқ белгиланган. Яъни улар томонидан аҳоли орасида беғараз донорлик маданиятини шакллантириш, кенг жамоатчилик иштирокида ривожлантириш, донорларга сифатли хизматлар кўрсатиш, улар учун қулай шарт-шароитлар яратиш чоралари кўрилади.

‼️Ушбу қонун пировардида аҳоли орасида беғараз донорлик маданиятини шакллантиришда ҳуқуқий асос бўлиб хизмат қилади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❓Оилавий поликлиника лабораториясида неча турдаги таҳлиллар амалга оширилмоқда?

✅ Сир эмас, ҳозирги кунда тиббиётни трансформация қилиш жараёнида бирламчи бўғинга алоҳида эътибор қаратилмоқда. Шу мақсадда жойлардаги тиббиёт муассасалари, жумладан, оилавий поликлиникалар учун замонавий бинолар қуриб берилмоқда ва улар сўнгги русумдаги асбоб-ускуналар билан жиҳозланаётир.

🔬 Шу ўринда яна бир масалага жиддий эътибор берилаётганини ҳам айтиш зарур. Гап оилавий поликлиника лабораториялари ҳақида боряпти. Кейинги йилларда бу йўналишда катта ишлар рўёбга чиқарилди. Натижада яқингача саноқли таҳлиллар билан кифояланган ушбу лабораторияларда айни вақтда кўплаб таҳиллар ўтказилмоқда.

➡️ Бу борада Президентимизнинг “Ўзбекистон Республикасида бирламчи тиббий-санитария ёрдами муассасалари фаолиятини ташкил этишни янада такомиллаштириш чора-тадбирлари тўғрисида” қарори дастуриламал бўлиб хизмат қиляпти.

📌 Зеро, мазкур ҳужжатда аҳоли тураржойларида профилактик кўрувлар, лаборатория клиник-биокимёвий ва инструментал (УТТ, ЭКГ ва бошқа) текширувларни олиб бориш, касалликларни эрта аниқлаш, уларнинг сурункали ҳолга ўтишига йўл қўймаслик тизимини яратишга оид вазифалар белгилаб берилган эди. Ўтган даврда бу борада салмоқли ишлар қилинди.

💬 — Муассасамиз янги бинода иш бошлагач, лабораторияга шинам хоналар берилди, — дейди пойтахтимиздаги 1-оилавий поликлиниканинг шифокор-лаборанти Гулбаҳор Исмоилова. — Муҳими, таҳлил учун керак бўладиган замонавий асбоб-ускуналар келтирилди. Натижада бир неча турдаги янги таҳлил текширувларини шу ернинг ўзида бажариш имконига эга бўлдик.

⬇️ Ҳозирги пайтда лабораториямизда қуйидаги таҳлиллар қилинмоқда:

➡️ АЛТ (аланинтрансфереза ферменти);
➡️ АСТ (аспартатаминотрансфереза ферменти);
➡️ билирубин (умумий);
➡️ билирубин (эркин);
➡️ билирубин (боғланган);
➡️ қонда қанд миқдори;
➡️ холестерин;
➡️ умумий оқсил;
➡️ креатинин;
➡️ мочевина;
➡️ ревмопроба (РФ);
➡️ СРБ (С реактив оқсили);
➡️ АСЛ-О (антистрептолизин-О);
➡️ кальций;
➡️ гепатит (В, С).

🧪 Қолаверса, бу ерда умумий қон ва сийдик, капрология (нажас таҳлили), қин суртмаси ва безгак таҳлиллари ўтказиб келиняпти.

📊 Умумий олганда, 20 турга яқин таҳлилларни шу ерда сифатли даражада амалга ошириш мумкин.

🔎 Бу ҳудуд аҳолисига катта қулайликлар яратди. Илгари одамлар айрим таҳлиллар учун бошқа ҳудудлардаги тиббиёт муассасасига қатнаган бўлса, эндиликда бунга зарурат қолмади. Энг асосий таҳлиллар шу ернинг ўзида бекаму кўст уддаланяпти.

‼️ Албатта, бу давлатимиз раҳбари бошчилигида тиббиётни халққа янада яқинлаштириш борасида олиб борилаётган эзгу саъй-ҳаракатларнинг ҳаётий тасдиғидир.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦🟦

✅ Касалликни даволашдан кўра, унинг олдини олган афзал. Бу — замонавий тиббиётда ҳам устувор мезон.

🩺 Хусусан, хасталиклар профилактикаси ва уларни эрта босқичда аниқлаш жараёнида тегишли тиббий кўрикларнинг аҳамияти катта.

❓ Хўш, юртдошларимиз қайси тиббий текширувлардан йилига камида бир марта ўтиши зарур?

📹 Юқоридаги видеолавҳа орқали ушбу саволга батафсил жавоб оласиз.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 ‼️‼️

❓Сколько видов анализов проводится в лаборатории семейной поликлиники?

✅ Не секрет, что в настоящее время в процессе трансформации медицины особое внимание уделяется системе первичной медико-санитарной помощи. С этой целью на местах строятся современные здания медицинских учреждений, в том числе семейных поликлиник, и оснащаются новейшим оборудованием.

🔬 Стоит отметить, что серьезное внимание уделяется еще одному вопросу. Речь идет о лабораториях семейных поликлиник. За последние годы в этом направлении проделана большая работа. В результате эти лаборатории, которые до недавнего времени ограничивались несколькими анализами, теперь проводят множество исследований.

➡️ В этом плане руководством к действию служит постановление Президента «О мерах по совершенствованию организации деятельности учреждений первичной медико-санитарной помощи Республики Узбекистан».

📌 В этом документе были поставлены такие задачи, как проведение профилактических обследований сельского населения, в том числе непосредственно по месту его проживания, осуществление лабораторных клинико-биохимических и инструментальных (УЗИ, ЭКГ и др.) исследований, создание системы раннего выявления заболеваний и недопущения их хронизации. В этом направлении за прошедший период проделана значительная работа.

💬 — Когда наше учреждение начало работать в новом здании, для лаборатории были предоставлены удобные кабинеты, — рассказывает лаборант Семейной поликлиники №1 столицы Гулбахор Исмаилова. — Что немаловажно, было привезено современное оборудование, необходимое для проведения анализов. В результате мы получили возможность проводить несколько видов новых исследований.

⬇️ В настоящее время в нашей лаборатории проводятся следующие исследования:

🟣 аланинаминотрансфераза (АЛТ);
🟣 аспартатаминотрансфераза (АСТ);
🟣 билирубин (общий);
🟣 билирубин (свободный);
🟣 билирубин (связанный);
🟣 уровень сахара в крови;
🟣 холестерин;
🟣 общий белок;
🟣 креатинин;
🟣 мочевина;
🟣 ревмопроба (ревматоидный фактор);
🟣 С-реактивный белок (СРБ)
🟣 Антистрептолизин-О (АСЛ-О);
🟣 кальций;
🟣 гепатит (В, С).

🧪 Кроме того, здесь проводятся общие анализы крови и мочи, капрология (анализ кала), анализ мазка из влагалища, исследование крови на малярию.

📊 Здесь на качественном уровне можно выполнить около 20 видов исследований.

🔎 Это создало большие удобства для жителей региона. Раньше для сдачи некоторых анализов людям приходилось ездить в медицинские учреждения других регионов, но теперь в этом нет необходимости. Здесь проводятся самые важные исследования.

‼️ Конечно, это яркое подтверждение благородных усилий, которые предпринимаются под руководством главы нашего государства для приближения медицины к людям.

Пресс-служба
Министерства здравоохранения.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Тиббиёт мутахассислари эндиликда янгича танлов асосида хорижга ўқиш ва малака ошириш учун юборилади

🔬 Бугун энг чекка ҳудудларда ҳам илғор диагностика ва даволаш усуллари кенг қўлланилмоқда. Ихтисослашган тиббий хизмат халққа янада яқинлашяпти. Натижада жойларда тор соҳа мутахассисларига бўлган эҳтиёж йил сайин ортиб бораётир.

🛬 Ушбу масаланинг оқилона ечими сифатида Соғлиқни сақлаш вазирлигининг 2024 йил 9 августдаги тегишли буйруғига кўра, ёшларимизни магистратура ва клиник ординатура дастурлари асосида ривожланган давлатларга ўқишга ҳамда билим ва малака ошириш учун юбориш амалиёти йўлга қўйилди.

❓ Хўш, бу жараён эндиликда қай тартибда ташкил этиляпти? Номзодлар учун қандай талаблар мавжуд?

💬 — Тиббиёт олий ўқув юртлари битирувчиларининг хорижий олий таълим муассасалари ва марказларида ўқишга, шунингдек, Соғлиқни сақлаш вазирлиги тизимидаги давлат тиббиёт муассасалари ходимларининг чет элда малака ошириш (стажировка) ва қайта тайёрлашга бориши танлов асосида ташкил қилинади, — дейди Тиббиёт ва фармацевтика ходимларининг малакасини баҳолаш маркази директори Санжар Шарипов.

🔎 — Муассасамиз номзодлар томонидан топширилган ҳужжатларни қабул қилиш ва белгиланган тартибда танлов ўтказиш бўйича ишчи орган этиб белгиланган. Мазкур жараённинг шаффофлигини таъминлаш мақсадида “Соғлиқни сақлашни бошқариш органлари ва Соғлиқни сақлаш вазирлиги тизимидаги давлат тиббиёт муассасаларининг ходимларини хорижда тайёрлаш ва қайта тайёрлаш” https://mas.ssv.uz ахборот тизими жорий этилди.

📆 Бу электрон платформа орқали (https://mas.ssv.uz) 2025 йил 1 мартдан 31 мартгача номзодларнинг ҳужжатларини қабул қилиш бўйича танлов эълон қилинади.

⬇️ Танловда иштирок этиш учун қуйидаги ҳужжатларни тақдим этиш зарур:

🟣 тил билиш сертификати (мавжуд бўлса);

🟣 малака ошириш (стажировка ўташ) ва қайта тайёрлашга қабул қилувчи хорижий тиббиёт олий таълим муассасаси ёки тиббиёт маркази тақдим этган ҳужжат (расмий хат ёки бошқа ҳужжат), бунда ўқишнинг бошланиш муддати 2025 йил май ойидан кейинга режалаштирилиши лозим;

🟣 хорижда малака ошириш (стажировка ўташ, қайта тайёрлашга ўқишга боришдан мақсад, ўқиш режаси, ватанга қайтиб келгач, олинган билим ва кўникмаларни амалиётга татбиқ этиш режалари акс этган иншо (essay));

🟣 охирги 2 йил ичида Давлат бюджети ҳисобидан хорижда малака оширмаганлиги ҳақида номзоднинг тилхати.

📌 Номзодлар тақдим этилаётган ҳужжатларнинг ҳаққонийлигига шахсан жавобгар ҳисобланади.

➡️ Ҳужжатлари қабул қилинган номзодлар билан улар топширган иншо (essay) асосида ишчи орган ҳузуридаги ихтисослаштирилган аттестация комиссиялари томонидан онлайн суҳбат ўтказилади.

🖥 Танлов натижалари ишчи органнинг ахборот тизимида ва веб-сайтида эълон қилиб борилади.

Бунда, танлов ғолибларининг магистратура ва клиник ординатурада етакчи хорижий олий таълим муассасаларида ўқитиш харажатлари (контракт пули), шунингдек, Соғлиқни сақлаш вазирлиги тизимидаги давлат тиббиёт муассасалари ходимларининг хорижда малака ошириш (стажировка) ва қайта тайёрлаш билан боғлиқ харажатлари Тиббиётни ривожлантириш давлат мақсадли жамғармаси томонидан қоплаб берилади.

‼️ Эслатма: Соғлиқни сақлаш вазирлигининг Инсон ресурсларини ривожлантириш ва бошқариш бўлими танлов ғолиблари билан вазирлик томонидан белгиланган тартибда шартнома тузади. Ушбу шартномаларда малака ошириш (стажировка ўташ) таълим дастурлари бўйича таҳсил олиб келгандан сўнг 3 йил мобайнида, қайта тайёрлаш, магистратура ва клиник ординатура таълим дастурлари бўйича ўқиб келгандан кейин эса 5 йил давомида давлат тиббиёт муассасаларида узлуксиз ишлаб бериш мажбурияти кўрсатилади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 0️⃣0️⃣0️⃣

❗️Минздрав: Медицинские специалисты будут направляться на обучение и повышение квалификации за рубеж на конкурсной основе

🔬 Сегодня передовые методы диагностики и лечения широко применяются даже в самых отдаленных районах. Специализированные медицинские услуги становятся ближе к людям. В результате потребность в узких специалистах возрастает с каждым годом.

🛬 В качестве рационального решения данного вопроса, согласно соответствующему приказу Минздрава от 9 августа 2024 года, налажена практика направления молодежи в развитые страны для обучения по программам магистратуры и клинической ординатуры, а также для повышения квалификации.

❓ Итак, как сейчас организован этот процесс? Какие требования предъявляются к кандидатам?

💬 — Отбор выпускников медицинских вузов для обучения в зарубежных высших учебных заведениях и центрах, а также работников государственных медицинских учреждений системы Минздрава для повышения квалификации (стажировки) и переподготовки за рубежом будет организован на конкурсной основе, — говорит директор Центра оценки квалификации медицинских и фармацевтических работников Санжар Шарипов.

🔎 Наше учреждение является рабочим органом по приему документов, представленных кандидатами, и проведению отбора в установленном порядке. В целях обеспечения прозрачности данного процесса внедрена информационная система «Подготовка и переподготовка за рубежом работников органов управления здравоохранением и государственных медицинских учреждений Министерства здравоохранения» https://mas.ssv.uz.

📆 Посредством данной электронной платформы (https://mas.ssv.uz) будет объявлен конкурс по приему документов кандидатов с 1 по 31 марта 2025 года.

⬇️ Для участия в конкурсе необходимо предоставить следующие документы:

🟣 сертификат о знании языка (при наличии);

🟣 документ (официальное письмо или иной документ), предоставленный зарубежным медицинским высшим учебным заведением или медицинским центром, осуществляющим прием на курсы повышения квалификации (стажировки) и переподготовки, при этом начало обучения должно быть после мая 2025 года;

🟣 повышение квалификации за рубежом (эссе, отражающее цель поездки на стажировку, переподготовку, учебный план, а также планы применения полученных знаний и навыков на практике по возвращении на родину);

🟣 заявление кандидата о том, что он/она не проходил(а) повышение квалификации за рубежом за счет средств Государственного бюджета в течение последних 2 лет.

📌 Кандидаты несут персональную ответственность за подлинность предоставленных документов.

➡️ Кандидаты, чьи документы приняты, пройдут онлайн-собеседование специализированными аттестационными комиссиями при рабочем органе на основе представленного ими эссе.

🖥 Результаты конкурса будут опубликованы в информационной системе и на сайте рабочего органа.

✅ При этом расходы на обучение (средства для оплаты контракта) победителей конкурса в магистратуре и клинической ординатуре ведущих зарубежных вузов, а также расходы на повышение квалификации (стажировку) и переподготовку за рубежом работников государственных медицинских учреждений системы Минздрава будут покрываться за счет Государственного целевого фонда развития медицины.

‼️ Примечание: Отдел развития и управления человеческими ресурсами Министерства здравоохранения заключит договоры с победителями конкурса в порядке, установленном министерством. В данных договорах предусмотрена обязанность непрерывной работы в государственных медицинских учреждениях в течение 3 лет после окончания программ повышения квалификации (стажировки), и в течение 5 лет после окончания программ переподготовки, магистратуры и клинической ординатуры.

Пресс-служба
Министерства здравоохранения.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔎 Яқинда Болалар миллий тиббиёт маркази лабораторияси Буюк Британиянинг халқаро RIQAS (Randox International Quality Assessment Scheme) дастури доирасида 4 йўналиш бўйича “Certificate of Participation” сертификатини қўлга киритгани ҳақида хабар бергандик.

➡️ Мазкур тиббиёт муассасасида бўлиб ўтган сертификатларни топшириш маросимида Соғлиқни сақлаш вазирлиги масъуллари ҳамда марказ жамоаси қатнашди.

📹 Соғлиқни сақлаш вазирлиги Матбуот хизмати томонидан шу ҳақда тайёрланган махсус видеолавҳа яқин вақтларда эълон қилинади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦🟦

✅ Баъзилар эрталаб бошини ювиб, ишга ёки ўқишга боришга одатланган. Бу ҳолатда улар сочларни фенда қуритишнинг ўзи етарли деб ўйлайди...

❓ Хўш, бу қанчалик тўғри?

❓Бошни қуритмай кўчага чиқиш қандай оқибатларга олиб келади?

📹 Юқоридаги видеолавҳа орқали ушбу саволларга жавоб топасиз.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

❓Болаларни боғчага қабул қилишда қандай тиббий маълумотномалар талаб қилинади?

✅ Боғчадаги қувноқ муҳит жажжи ўғил-қизларнинг шахс сифатида шаклланишида муҳим роль ўйнайди. Айниқса, уларнинг жамиятга тез мослашиши, жисмоний, ақлий ва маънавий камолоти бевосита ана шу маскан билан боғлиқ.

📝 Маълумки, Вазирлар Маҳкамасининг 2019 йил 13 майдаги тегишли қарорига мувофиқ мамлакатимизда умумий турдаги давлат боғчаларига 3 ёшдан 7 ёшгача бўлган болалар қабул қилинади. Хусусий мактабгача таълим муассасасига қабул қилиш ёши ва тартиби эса ушбу маскан томонидан мустақил белгиланади.

❓ Хўш, бу жараёнда ота-оналардан қандай тиббий маълумотномалар талаб этилади?

👩‍⚕️ Мазкур саволга Тошкент шаҳар соғлиқни сақлаш бошқармаси бош педиатри Дилобар Ҳидоятова батафсил жавоб берди.

🩺 — Боғча ёши болаликнинг энг муҳим даври, — дейди мутахассис. — Шу боис юртимизда жажжи ўғил-қизлар саломатлигини асраш, улар ўртасида касалликларнинг олдини олишга алоҳида эътибор қаратилмоқда.

👶 Хусусан, бугунги кунда болаларни МТМга қабул қилишда ота-оналардан бир нечта тиббий маълумотномалар талаб қилинади.

💻 Амалдаги тартибга кўра, айни пайтда туғуруқ комплексларида чақалоқ дунёга келгач, тўғридан тўғри ота-онанинг яшаш манзили бўйича рўйхатга олинади ва автоматик тарзда Давлат хизматлари маркази орқали мактабгача таълим муассасасига навбатга қўйилади.

📲 Бола 3 ёшга тўлгач, ДХМ томонидан ота-онанинг мобил телефонига фарзандини боғчага жойлаштириш учун навбати келгани ҳақида SMS-хабарнома юборилади.

🟣 Шундан сўнг Соғлиқни сақлаш вазирлигининг 2022 йил 27 июлдаги тегишли буйруғига биноан 026-шаклдаги тиббий маълумотнома олиш учун бола ҳудудий оилавий поликлиникада йўлланма асосида стоматолог, эндокринолог, ортопед, офтальмолог, оила шифокори томонидан тиббий кўрикдан ўтказилади.

🌡 Умумий қон ва пешоб ҳамда 3 марта гижжага қарши лаборатор таҳлиллар олинади.

💉Қолаверса, бола Миллий профилактик эмлаш календарига мувофиқ вирусли гепатит В, сил, полиомиелит, ротавирус инфекция, бўғма, қоқшол, кўкйўтал, Хиб инфекция, қизамиқ, эпидпаротит, пневмококк инфекция каби хасталикларга қарши вакцина олганлиги ҳақида 063-шаклдаги тиббий маълумотнома талаб қилинади. Шу билан бирга, ота-оналардан фарзандини гепатит А га қарши эмлаш тавсия этилади.

🔬 Вакцина олишга қарши кўрсатмалар (перинатал ҳолатлар, жароҳатлар, инфекцион ёки сурункали касалликлар, аввалги эмлаш препаратларига реакциялар ёки асоратлар, дори воситаларига ва озиқ-овқатларга аллергик реакциялар) бўлса, реабилитация ва соғломлаштириш жараёнларидан сўнг эмлаш тадбирлари ўтказилади.

‼️ Агар болада церебрал фалаж, талваса ва эпилепсия синдроми ҳамда руҳий хасталиклар аниқланса, ихтисослаштирилган мактабгача таълим муассасасига жойлаштириш тавсия қилинади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Республика перинатал марказининг видеотақдимоти 45 та давлат орасида биринчи ўринга сазовор бўлди

🩺 Юртимизда аёллар саломатлигини асраш тиббиёт трансформациясидаги энг муҳим йўналишлардан биридир. Бу борада эришилаётган ютуқлар эса соҳа ходимларининг ривожланиш сари дадил қадам ташлаётганидан далолат беради.

📌 Жумладан, Ўзбекистон халқаро миқёсда яна бир эътирофга сазовор бўлди. Республика перинатал маркази жамоаси яқинда БААда бўлиб ўтган “ENDODUBAI — 2025” Х халқаро тиббиёт конференциясининг “Марказий Осиё ва Кавказ мамлакатлари” махсус секциясида илк бор расман иштирок этди ҳамда видеотақдимот номинациясида биринчи ўринга сазовор бўлди.

🖇 “ENDODUBAI — 2025” эндоскопик жарроҳликнинг илғор усулларига бағишланган энг йирик халқаро конференциялардан бири саналади. Бу ноёб платформада дунёнинг барча қитъаларидан эндоскопия, гинекология ва кам инвазив жарроҳлик соҳасида юқори технологияли ускуналар билан ишлайдиган 500 нафардан ортиқ етакчи мутахассислар тажриба алмашиш мақсадида бирлашдилар.

🧑🏻‍⚕️👩🏻‍⚕️ Унда Ўзбекистондан Республика перинатал маркази Гинекология бўлими мудири, тиббиёт фанлари номзоди Жаҳонгир Ғофуров ҳамда марказнинг ёш ходими Дилафруз Ўринбоева 4 та маъруза билан иштирок этди.

📋 Жумладан, улар юртимизда кам инвазив жарроҳлик технологияларини ривожлантириш тажрибаси, перинатал марказ шароитида гинекологик касалликларни ташхислаш ва даволашда қўлланилаётган замонавий усуллар, гинекологик эндоскопия соҳасида эришилаётган ютуқлар ҳақида гапирди.

🖥 Маърузаларга конференция иштирокчилари катта қизиқиш билдирди. Улардан бири видеотақдимот номинациясида 45 та давлат орасида биринчи ўринга сазовор бўлди. Яъни унда ўзбекистонлик мутахассислар юртимизда қўлланилаётган янги операцияни намойиш этди.

💬 — Ушбу юқори технологик жарроҳлик амалиёти ҳомиладорлик бачадон бўйни чандиқ соҳасида ривожланган аёлда ўтказилган бўлиб, бачадонни сақлаб қолишга муваффақ бўлдик, — дейди Жаҳонгир Ғофуров. — Авваллари бундай беморларда 100 фоиз ҳолларда бачадонни олиб ташлашга мажбур бўлардик ва аёл бир умр фарзанд кўриш бахтидан бебаҳра қоларди. Ушбу амалиёт сабаб бемор 10 ойдан сўнг ҳомиладор бўлди ва соғлом фарзандни дунёга келтирди. Марказда 20 га яқин ана шундай амалиётларни бажардик.

✅ Ушбу видеотақдимот юртимизда инсон қадри нақадар улуғлиги ҳамда тиббиётимиздаги ютуқларнинг ёрқин намунасидир.

‼️ “ENDODUBAI” конференциясидаги иштирок мамлакатимиз мутахассисларига халқаро майдонда нафақат билим алмашиш, балки ўз тажрибасини намойиш этиш имкониятини ҳам тақдим этди.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 #No_comment

🌨 Қиш фаслининг сўнгги ойи охирлаб, юртдошларимиз гўзал баҳорни интиқлик билан кутаётган бир пайтда диёримиз оппоқ қорга бурканди.

✅ Ҳар қандай об-ҳаво шароитида ҳам мамлакатимиздаги тиббиёт муассасалари халқимизга узлуксиз ва сифатли тиббий хизмат кўрсатишда давом этади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram