🔴 🟦🟦🟦🟦🟦

❗️Якунланган ҳафта давомида каналимизда эълон қилинган энг муҳим хабарлар дайжести

🇺🇿🇰🇿 Ўзбекистон — Қозоғистон: Соғлиқни сақлаш соҳасида ҳамкорлик алоқалари янада кенгайтирилади

✅ Президент тиббиёт муассасаларини жиҳозлаш ва хизматлар сифатини оширишга доир таклифлар тақдимоти билан танишди

📌 Соғлиқни сақлаш вазири соҳада келгусида амалга ошириладиган ишлар тўғрисида фикр-мулоҳазаларини билдирди

🖥 Рақамли тиббиёт юзасидан тақдимот ўтказилди

🏥 Тошкентда Неврология ва инсульт маркази қурилади

🔬 “Онамга жигаримни беришни роппа-роса икки йил кутдим...”

📉 Урология маркази: Ҳудудлардан пойтахтга келувчи беморлар сони камаяди

🛬 Ҳар йили 25 нафар ёшларимиз Парижда таълим олади

🔎 Республика руҳий саломатлик маркази 30 турдаги замонавий тиббий ускуналар билан таъминланди

❓ 2025 йилда Оториноларингология маркази томонидан ҳудудларда қандай ноёб операциялар йўлга қўйилади?

✅ ЖССТ: Ўзбекистон саратон касаллигига қарши курашда муҳим қадамлар ташламоқда

➡️ Соғлом турмуш тарзининг энг фаол тарғиботчилари рағбатлантирилди

📊 87 та тиббиёт муассасаси юқори самарали автоматлаштирилган диагностика ускуналари билан жиҳозланди

🔗 Тиббиёт ва фармацевтика ходимларини давлат рўйхатидан ўтказиш тизими жорий этилиши кутилмоқда

🧪 Аллергология марказида 30 турдаги янги диагностика ва даволаш усуллари жорий этилди

📍 Дерматовенерология ва косметология: Энг илғор муолажа усуллари туманлар даражасида йўлга қўйилади

🤖 Травматология ва ортопедия марказида робот жарроҳлиги амалиётга татбиқ этилади

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️Нефрология: Илғор диагностика ва даволаш усуллари туманлар даражасида йўлга қўйилмоқда

✅ Бугунги тиббиётда буйрак касалликларини эрта босқичда аниқлаш ва илғор усуллар ёрдамида даволашнинг янги технологиялари ўзлаштирилмоқда.

📈 Натижада бундай беморларга ихтисослаштирилган тиббий ёрдам кўрсатиш қамрови ва самарадорлиги ошиб боряпти. Муҳими, илғор ютуқ ва тажрибалар мамлакатимизнинг барча ҳудудлари бўйлаб кенг оммалаштирилмоқда.

➡️ Республика ихтисослаштирилган нефрология ва буйрак трансплантацияси илмий-амалий тиббиёт маркази томонидан жорий йил учун мўлжалланган бу йўналишдаги бир қатор устувор режа ва мақсадлар белгилаб олинган.

💬 — Бу йил асосий эътиборимизни ҳудудларга қаратамиз, — дейди ушбу муассаса директори Ботир Даминов. — Ихтисослаштирилган тиббий ёрдамни аҳолига янада яқинлаштирмоқчимиз.

📊 Туман (шаҳар) шифохоналарида 3 та янги даволаш усули амалиётга татбиқ қилинади. Жумладан, буйрак шикастланиши билан оғир кечувчи аутоиммун хасталикларда пульс-терапия, плазмафарез, плазмаферез + пульс-терапия амалиётлари Узун (Сурхондарё вилояти), Гулистон (Сирдарё вилояти) туманлари ҳамда Олмалиқ шаҳри (Тошкент вилояти)да жорий этилади.

📌 Ҳудудий филиалларимизда эса 2 та янги диагностика ва 2 та даволаш усули йўлга қўйилади.

✔️ Шунингдек, марказимизнинг ўзида 3 та илғор ташхислаш ва 4 та муолажа усулини амалиётга киритмоқчимиз.

🟣 Бунинг натижасида оғир кечувчи буйрак касалликларини эрта ташхислаш ва муолажа қилишда юқори самарага эришилади ҳамда беморларнинг ортиқча вақт, маблағ сарфлаб, хорижга, пойтахтимиз ва вилоятлар марказларига қатнови сезиларли даражада камаяди.

🛫 Бундан ташқари, туман ва вилоят шифохоналарида фаолият олиб бораётган 25 нафар ҳамда марказда ишловчи 12 нафар шифокор ривожланган хорижий мамлакатларнинг нуфузли клиникаларида малака оширади.

➡️ Ўз навбатида, 27 нафар мутахассис томонидан 5 та йўналиш бўйича илмий изланишлар олиб борилади. 5 нафар шифокор докторлик ва номзодлик диссертацияларини ҳимоя қилади.

🔎 Ихтисослаштирилган тиббий ёрдамни туман даражасида ташкил этиш мақсадида 2025 йилда ҳар бир ҳудуддан 2 тадан туман (шаҳар)ни намунавий ва илғор манзилга айлантиришга киришганмиз.

📍 Шу билан бирга, тажриба алмашиш, маҳорат дарслари ташкил этиш, янги ташхислаш ва даволаш усулларини жорий қилиш ва ҳудудларда тиббий кўриклар ўтказиш учун Хитой, Россия, Германия, Жанубий Корея, Туркия, Беларусь каби давлатлардан мутахассисларни жалб қиламиз.

🟢 Мамлакатимиз нефрология ва гемодиализ хизматининг мавқеи ва нуфузини ошириш орқали тиббий туризмни ривожлантириш ва марказга жалб этиладиган чет эллик беморлар сонини 3 марта оширмоқчимиз.

🖥 Умуман, рақамли ва инновацион технологиялар, телетиббиёт, масофавий маслаҳатлар, сунъий интеллект каби дастурлар амалиётга кенг татбиқ этилади. Бунинг учун имконият ва салоҳиятимиз етарли.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️Чақалоқларнинг эшитиш қобилиятини скрининг қилиш 50 фоиздан 95 фоизга етказилади

✅ Янги Ўзбекистон келажагини болаларимизнинг тимсолида кўрамиз. Шу маънода, уларнинг саломатлигига эътиборли бўлиш долзарб вазифалардан саналади. Республика ихтисослаштирилган педиатрия илмий-амалий тиббиёт маркази фаолиятида ана шу масала устуворлик қилиб келмоқда.

📌 Ўтган йилни юқори натижалар билан якунлаган мазкур жамоа аъзолари жорий йилда “Соғлом бола — соғлом келажак” тамойили асосида фаолият олиб боряпти.

💬 — Гап фарзандларимиз саломатлиги хусусида бораркан, фаолиятимизни янада кучайтиришимиз талаб этилади, — дейди мазкур муассаса директори Абдуманноп Абдуқаюмов. — Шундан келиб чиқиб, жорий йил учун қатор долзарб вазифаларни белгилаб олганмиз.

➡️ Фаолиятимизни “Марказ — вилоят —туман (шаҳар) — оилавий поликлиника” шаклидаги соматик, хирургик касалликлар профилактикасига таянган янги механизм асосида йўлга қўямиз. Бунда етук мутахассислар томонидан ишланган профилактик чора-тадбирлар ҳам тиббиёт ходимларига, ҳам аҳолига содда қилиб тушунтириб борилади.

🔬 18 ёшгача бўлган аҳоли қатлами орасида юқумли касалликларнинг юзага келиши ва тарқалишининг олдини олиш мақсадида санитария-эпидемиология хизмати билан ҳамкорликда бошқарилувчи инфекцияларга қарши эмлаш дастурлари бўйича тарғибот ишларини кучайтирамиз.

📊 Янги туғилган чақалоқларнинг эшитиш қобилиятини скрининг қилиш 50 фоиздан 95 фоизга етказилади. Шу мақсадда ҳар бир туғруқхона масъул ҳамширалари иш жойларида аудиоскрининг амалиётига ўқитилади ва аудискрининг натижаларини марказга автоматик юбориш тизими йўлга қўйилади.

➡️ Ихтисослаштирилган педиатрия хизматини туман даражасига тушириш учун ҳар бир вилоятда 2 тадан намунали туман (шаҳар) шакллантирилади.

✅ Марказимизда ташкил этилган Миллий референс лабораторияси GLP — Good Laboratory Practic ҳамда GCP — Good Clinic Practic халқаро стандарт сертификатига эга бўлди.

📍 Кейинги босқичда эса вилоятлараро лабораториялар ҳам ушбу жараёнда қатнашиб, тегишли сертификатларга эга бўлади.

🛬 Чет элдан 18 нафар етакчи мутахассисни бу ерга жалб этишни режа қилганмиз. Шунга мос ҳолда 250 нафар мутахассис иш жойининг ўзида, 150 нафари эса хорижда амалий кўникма ва касбий маҳоратини оширади.

🔎 Соҳага оид илм-фанни ривожлантириш мақсадида бугунги долзарб муаммолардан бири бўлган жигар касалликларини эрта аниқлаш, ташхислаш, даволаш ва башорат этишга йўналтирилган тадқиқот амалга оширилади. Шу орқали янги амалий ва инновацион лойиҳалар ишлаб чиқилади.

🟣 Тиббиёт муассасаларида 0-18 ёшдаги болаларга кўрсатилаётган тиббий хизмат турлари сифатини янада яхшилаш мақсадида Германия Тараққиёт банки(КfW)нинг “Болаларга тиббий хизматни ривожлантириш бўйича дастури”ни амалга ошириш ниятимиз ҳам бор. Эътиборлиси, ҳозирга қадар бу молия муассасаси билан 27 млн. евролик дастлабки келишувга эришилган.

‼️ Умуман, олдимизда яна бир қатор долзарб вазифалар турибди. Уларни муваффақиятли рўёбга чиқаришга жамоамизнинг билими ҳам, салоҳияти ҳам етарли.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 0️⃣0️⃣0️⃣

❗️В нашей стране уделяется большое внимание оснащению медицинских учреждений современным лабораторным оборудованием.

🔬 В целях дальнейшего повышения эффективности и качества оказываемых населению медицинских лабораторных услуг в столице была организована I Республиканская конференция специалистов лабораторной службы на тему «Современная качественная лабораторная диагностика: возможности и перспективы».

📹 Подробнее об этом можно узнать из видеосюжета, подготовленного Пресс-службой Минздрава.

Пресс-служба
Министерства здравоохранения.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️Туркий давлатлар халқаро университетида соғлиқни сақлаш йўналиши бўйича ҳам мутахассислар тайёрланади

✅ “Туркий давлатлар халқаро университетини ташкил этиш тўғрисида”ги Президент қарори (ПҚ-24-сон, 25.01.2025 й.) қабул қилинди.

⬇️ Қарорга кўра, Тошкент шаҳрида Туркий давлатлар халқаро университети ташкил этилади.

📌 Қуйидагилар Университет фаолиятининг асосий йўналишлари этиб белгиланди, жумладан:

➡️ муҳандислик, қурилиш, логистика, ахборот технологиялари ва дастурлаш, соғлиқни сақлаш, қишлоқ хўжалиги, озиқ-овқат саноати ҳамда иқтисодий ва ижтимоий соҳа учун халқаро стандартларга мувофиқ олий маълумотли кадрлар тайёрлаш;

➡️ ўқув дастурларини хорижий, шу жумладан, Туркиянинг етакчи олий таълим ташкилотлари билан ҳамкорликда, шунингдек, қўшма таълим дастурлари асосида жорий этиш ҳамда илмий-тадқиқотлар олиб бориш.

📝 Университет нодавлат олий таълим ташкилоти ҳисобланади ҳамда ўз фаолиятини Ўзбекистоннинг таълим соҳасидаги қонунчилик ҳужжатлари асосида амалга оширади.

🗓 2025/2026 ўқув йилидан Университетда таълим жараёни таълим соҳасида халқаро эътироф этилган ташкилотлар рейтингида биринчи 1000 талик рўйхатга кирган, шунингдек, ўз йўналишида етакчи ҳисобланган Туркия Республикаси олий таълим ташкилотларининг ўқув дастурлари асосида ташкил этилади.

✅ Университетда талабаларни ўқитиш тўлов-контракт асосида амалга оширилади ҳамда қабул параметрлари ва тўлов-контракт миқдори Университет томонидан белгиланади.

🔎 Университет фаолиятини йўлга қўйиш ва мувофиқлаштириш бўйича бошқарув кенгаши ташкил этилади.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❓Аллергология маркази томонидан йил давомида қандай янгиликлар жорий этилади?

📊 Жаҳон соҳлиқни сақлаш ташкилоти прогнозига кўра, яқин йилларда Ер юзи аҳолисининг тенг ярми аллергик касалликлар билан курашишига тўғри келади. Ҳатто баъзи тараққий этган мамлакатлар аллақачон ушбу чизиққа етиб улгурган.

✅ Бунга қарши самарали курашиш учун юртимизда ушбу турдаги хасталикларнинг олдини олиш ва даволаш сифатини оширишга алоҳида эътибор қаратилмоқда.

➡️ Республика ихтисослаштирилган аллергология ва клиник иммунология илмий-амалий тиббиёт маркази директори Илмира Разикова бу йўналишда жорий йилда амалга оширилиши режалаштирилган ишлар ҳақида маълумот берди:

💬 — Йил охиригача марказимизда 8 та, ҳудудий филиалларимизда 4 та, туман (шаҳар) шифохоналарида 2 та янги диагностика усулини амалиётга киритамиз, — дейди И.Разикова. — Шунингдек, пойтахт, вилоятлар ва туман (шаҳар)ларда 2 тадан илғор даволаш усулларини жорий этмоқчимиз.

📍 Аллергология йўналишида ихтисослаштирилган тиббий ёрдамни туман даражасига тушириш учун ҳар бир ҳудуддан 2 тадан туман(шаҳар)ни намунавий ва илғор қилишга киришдик.

🟢 Бунинг учун марказнинг юқори малакали мутахассислари ҳудудларга бориб, маҳаллий шифокорларга амалий ёрдам кўрсатишмоқда. Шу орқали беморларнинг ортиқча вақт ва маблағ сарфлаб хорижга, пойтахтимиз ва вилоятлар марказларига қатнашига барҳам берилади.

✅ Шунингдек, 10 нафар мутахассисимиз 5 та йўналишда илмий изланишлар олиб бориши кўзда тутилган. 4 нафар аллерголог докторлик ва номзодлик диссертациясини ҳимоя қилади.

📍 Ўз навбатида, бу йил Қорақалпоғистон Республикаси аҳолиси орасида бронхиал астманинг молекулар-генетик маркерлар ёрдамида персоналлаштирилган клиник даволаш протоколларини ишлаб чиқиш лойиҳаси бўйича иш бошланади.

🛬 Ҳудудларда маҳорат дарслари ўтказиш, янги технологияларни жорий қилиш ва тиббий кўриклар ташкил этиш мақсадида Россия, Грузия, Ҳиндистон, Жанубий Корея, Туркия, Қозоғистон каби давлатлардан 8 нафар мутахассисни таклиф қилмоқчимиз.

📌 Тиббий туризмни ривожлантириш — 2025 йилдаги яна бир устувор мақсадимиз. Бу орқали марказимизга келадиган чет эллик беморлар сонини 2 марта, ҳудудларда эса 2 карра кўпайтиришга эришилади.

‼️ Маълумки, аллергик хасталикларнинг олдини олишда соғлом турмуш тарзининг аҳамияти катта. Шу боис фаолиятимиз давомида касалликлар профилактикасига асосий эътиборимизни қаратамиз.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Сўнгги беш йилда гемодиализ аппаратлари сони 283 тадан 768 тага етказилди

🔎 Яқин йилларгача буйрак етишмовчилиги билан оғриган беморлар жуда кўп қийинчилик ва оворагарчиликларга дуч келган. Қолаверса, гемодиализ ва нефрология хизмати сифати ҳам мутлақо талабга жавоб бермас эди.

📌 Бу хасталикка чалинганлар зарур тиббий ёрдам билан етарли даражада қамраб олинмаган. Ушбу муолажага эҳтиёжи бор беморлар кунора 100-200 километр йўл босиб, вилоят марказларига қатнашга мажбур эди.

💬 — Республика ихтисослаштирилган нефрология ва буйрак трансплантацияси илмий-амалий тиббиёт маркази ташкил этилгунга қадар юртимиз бўйича беморларга жойлардаги шифохоналарнинг бор-йўғи 38 та бўлимда 283 та гемодиализ аппарати орқали хизмат кўрсатилар эди, — дейди муассаса директори Ботир Даминов.

📊 — Ҳозир эса жойларда 14 та филиалимиз ҳамда 102 та гемодиализ бўлими фаолият юритмоқда. Улардаги мавжуд гемодиализ аппаратлари сони эса сўнгги 5 йилда 768 тага етказилди.

✅ Шунингдек, муолажа сарфлов материалларининг бир марта ишлатилиши йўлга қўйилгач, даволаш самарадорлиги кескин ошиб, қон орқали ўтиш хавфи бўлган касалликлар, микротромбоз асоратларининг олди олинишига эришилди.

📍 Бундан ташқари, Қорақалпоғистон Республикаси, Хоразм вилояти ва Тошкент шаҳрида давлат-хусусий шериклик тамойили асосида ташкил этилган клиникаларда 1100 нафар беморни қамраб олиш имконияти юзага келди.

➡️ Беморларнинг шифохонага келиб-кетишлари ҳам инобатга олинган. Бунинг учун заруратга кўра тез тиббий ёрдам хизмати машиналари жалб этилмоқда.

💊 Гемодиализ муолажасини олувчилар 5 турдаги, буйрак трансплантацияси ўтказилган аҳоли вакиллари ҳам шунча турдаги ўта зарур дори-дармонлар билан бепул таъминланмоқда.

🖥 Нефрологик беморларнинг ягона реестри шакллантирилиб, уларга юқори малакали ихтисослашган тиббий хизмат кўрсатиш туман даражасига туширилди.

🟢 Ўз навбатида, замонавий талаблар асосида ташхис қўйиш ва даволашнинг стандартлари ишлаб чиқилиши ҳамда жорий этилиши буйрак етишмовчилиги каби ўта хавфли асорат юзага келишини камайтирди ёки муддатини сезиларли даражада узайтирди.

📈 Соҳани малакали кадрлар билан таъминлаш мақсадида магистратура ва клиник ординатурада шифокор-нефролог, болалар нефрологи ва гемодиализ мутахассисларини тайёрлаш йўлга қўйилди. Бинобарин, 74 нафар шифокоримиз 10 та хорижий давлатда малака ошириб қайтди.

🏥 Энг муҳим янгиликлардан бири Президентимизнинг тегишли қарори асосида марказимиз учун замон талабларига тўлиқ жавоб берадиган янги бино барпо этилиши бўлди. Ҳозир ушбу иншоотни қиймати 7 млн. АҚШ доллари ва 45 млрд. сўмга тенг илғор тиббий асбоб-ускуналар билан жиҳозлаш ишлари олиб борилмоқда.

‼️ Ўйлайманки, бу келгусида нефрология ва буйрак трансплантацияси соҳасидаги тиббий хизмат даражасини янада оширишга замин яратади.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️Андижон тиббиёт институти клиникасида ўтган йили юрак нуқсони бор беморларда 300 дан зиёд ноёб операциялар ўтказилди

✅ Юртимизда ихтисослашган тиббий хизмат халққа янада яқинлашмоқда. Натижада илгари фақат илғор хорижий мамлакатлар ва пойтахтда бажарилган мураккаб жарроҳлик амалиётлари эндиликда ҳудудларда муваффақиятли ўтказиляпти.

📌 Хусусан, Андижон давлат тиббиёт институти клиникасининг юрак-қон томир жарроҳлик бўлимида орттирилган ва туғма юрак нуқсони бор беморларда ўтган йили 300 дан зиёд юқори технологик операциялар амалга оширилди.

🫀Шунингдек, ўтган йили клиника мутахассислари томонидан вилоятнинг барча туманлари бўйлаб 8500 нафардан зиёд беморлар тиббий кўрикдан ўтказилиб, уларнинг 600 нафардан ортиғида коронар қон томирларни стентлаш, сунъий қон айланиш шароитида юракнинг очиқ операциялари ва ишлаб турган юракда ноёб амалиётлар бажарилди.

💬 — Қолаверса, авваллари мамлакатимизда буйрак трансплантацияси ўтказилмаслиги боис беморлар хорижга даволангани боришга мажбур эди, — дейди Андижон давлат тиббиёт институти ректори, профессор Мадамин Мадазимов.

🔎 — Қувонарлиси, юртимизда соҳага қаратилаётган эътибор туфайли ушбу ноёб операцияни институтимиз клиникасида ҳам ўтказиш йўлга қўйилиб, шу кунгача 20 нафардан зиёд беморда бу амалиёт муваффақиятли бажарилди.

📍 Ўтган йили бир гуруҳ мутахассисларимиз Америка Қўшма Штатларининг Кливленд шаҳри кардиожарроҳлик маркази, Россия Федерациясининг Aкадемик В.И.Шумаков номидаги трансплантация ва сунъий органлар маркази ҳамда Жанубий Корея, Германия, Польша ва Беларусь сингари давлатларнинг етакчи шифохоналарида ўз малакасини ошириб қайтди.

🔬 Ҳозирга келиб, клиникамизнинг юрак-қон томир жарроҳлик бўлимида 10 дан зиёд янги замонавий текшириш усуллари ва 6 турдаги юқори технологик операциялар амалиётга татбиқ этилмоқда.

‼️Бундан ташқари, жорий йил клиникамизда академик В.Воҳидов номидаги Республика ихтисослаштирилган хирургия илмий-амалий тиббиёт маркази мутахассислари билан ҳамкорликда жигар трансплантацияси, Шаҳрихон ва Қўрғонтепа туманларида эса буйрак кўчириб ўтказиш амалиётини йўлга қўйиш режалаштирилган.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Дерматовенерология марказининг иккита ҳудудий филиали халқаро аккредитациядан ўтказилади

✅ Республика ихтисослаштирилган дерматовенерология ва косметология илмий-амалий тиббиёт маркази жамоаси жорий йилда асосий эътиборни ҳудудларда янги диагностика ва даволаш усулларини жорий қилишга қаратмоқда.

💬 — Илм-фан ютуқларини соҳамизга кенг ва самарали татбиқ этиш учун, аввало, юқори салоҳиятли мутахассислар керак, — дейди ушбу муассаса директори Улуғбек Сабиров. — Айниқса, жойларда бунга эҳтиёж юқори. Шу мақсадда йил охиригача ҳудудий филиалларимизда фаолият юритаётган 15 нафар шифокор хорижга малака ошириш учун юборилади.

🛬 Шунингдек, марказимиз ҳамда Россия ва АҚШнинг нуфузли клиникалари ўртасида имзоланган меморандумлар асосида ушбу давлатлардан етакчи мутахассисларни муассасамизга жалб қилишни режалаштирганмиз.

👩‍⚕️ Қолаверса, чет элдан ташриф буюрадиган 4 нафар етук шифокор-олим иштирокида жойларда маҳорат дарслари ўтказилади.

🔬 Барча ҳудудий филиалларни 5 турдаги тиббий асбоб-ускуналар билан таъминлаш орқали тери хасталикларини эрта босқичда ташхислаш ва даволаш усуллари жорий этилади.

🤖 Марказ ва унинг ҳудудий филиалларида сунъий интеллектга асосланган рақамли технологияларни амалиётга татбиқ қиламиз.

📌 Ўз навбатида, Самарқанд ва Бухоро филиалларимиз халқаро аккредитациядан ўтказилгач, тиббий туризм йўналишида чет эллик фуқароларга сифатли, хавфсиз ва замонавий тиббий хизмат кўрсатиш имконияти янада кенгаяди.

🔎 Муассасанинг Самарқанд филиалида серорезистент захм билан оғриган беморларни плазмаферез усулида, атопик дерматитни ВЛОК терапия ҳамда инъекцион озонотерапия ёрдамида комплекс даволаш каби ўндан зиёд янги муолажа турлари ўзлаштирилади.

🏥 Марказнинг Хоразм филиали Хива шаҳридан Урганч шаҳрига кўчирилади ва ундаги бактериологик лабораторияда экма усулида текшириш, трихология йўналишида соч кўчириб ўтказиш йўлга қўйилади.

➡️ Бухоро филиалида тери ультратовуш текширув аппарати ва бактериологик анализатор ёрдамида текширувлар, ND-Yag лазер технологияси орқали косметолик муаммолари бор беморларни самарали ҳамда асоратсиз даволаш амалиётлари жорий қилинади.

🟢 Қашқадарё филиалимизда соч кўчириб ўтказиш амалиётига киришилса, Навоий филиалида хорижий давлатлар мутахасислари билан ҳамкорликда телетиббиёт ёрдамида беморлар кўриги амалга оширилади ҳамда трихология йўналишида соч экиш усули амалга оширилади.

✅ Тошкент вилояти филиалида эса иммуногистохимия текширув усули йўлга қўйилади. Бундай мисолларни яна кўплаб келтириш мумкин.

‼️ Асосийси, бу каби янгиланишлар натижасида дерматовенерология ва косметология хизматларидан юртимизнинг барча ҳудудларида кенг фойдаланиш имконияти юзага келади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

"Болалар саломатлиги" ахборот тизими ишга туширилади

✅ Президент Шавкат Мирзиёев 28 январь куни ижтимоий ёрдамларнинг манзиллилигини ошириш, ногиронлиги бўлганларни парваришлашнинг янги тизимига оид тақдимот билан танишди.

📌 Хусусан, тақдимотда қайд этилганидек, “Болалар саломатлиги” ахборот тизими ишга туширилиб, ҳар бир фарзандга қўйилган ташхис таҳлил қилиб борилади. Уларга тиббий, реабилитaция, таълим, ижтимоий хизматлар комплекс равишда кўрсатилади...

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

✅ Миллий тиббиёт маркази мамлакатимиздаги ихтисослаштирилган тиббиёт муассасалари орасида биринчи бўлиб 7/24 иш режимига ўтди.

📌 Энди бу ерда ҳафтасига 7 кун, 24 соат давомида мурожаатлар қабул қилиниб, беморларга узлуксиз тиббий хизмат кўрсатилади.

🔬 Айни пайтда муассасада янги турдаги инновацион диагностика ва муолажа усулларини йўлга қўйиш борасида жадал иш олиб борилмоқда. Хусусан, марказда робот технологияси ҳамда бош мия касалликларини даволашда қўлланиладиган гамма-пичоқ тизимлари жорий этилиши кутиляпти.

📹 ССВ Матбуот хизмати томонидан тайёрланган видеолавҳада шу каби янгиликлар хусусида сўз юритилади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

❗️Фармацевтика тармоғи жадал ривожлантирилади

✅ “Фармацевтика тармоғини жадал ривожлантиришга оид қўшимча чора-тадбирлар тўғрисида”ги Президент Фармони (ПФ-13-сон, 28.01.2025 й.) қабул қилинди.

📌 Фармонга кўра, Фармацевтика тармоғини ривожлантириш агентлиги зиммасига қуйидаги қўшимча вазифалар юклатилди:

➡️ биологик фаол қўшимчалар ва косметика маҳсулотлари саноатини ривожлантириш, шу жумладан, бозор конъюнктурасини ўрганиш, таҳлил қилиш ва ишлаб чиқаришни маҳаллийлаштириш, ушбу йўналишдаги соҳа корхоналарига илғор хорижий амалиёт ва стандартларни татбиқ этишга кўмаклашиш;

➡️ маҳаллий ҳокимликлар билан биргаликда ҳудудий фармацевтика корхоналарининг инвестиция лойиҳаларини мониторинг қилиш ва ҳисобини юритиш;

➡️ фармацевтика соҳасини рақамлаштириш ва ахборот дастурларини жорий этиш.

🔎 2025 йил якунигача Фармацевтика маҳсулотлари хавфсизлиги марказининг лабораторияси Жаҳон соғлиқни сақлаш ташкилотининг дастлабки квалификация (prequalification) тартибидан ўтказилади.

🗓 2025 йил 1 апрелдан:

🟣 чекланган савдо устамалари фақат рецепт билан бериладиган дори воситалари тоифасига нисбатан татбиқ этилади;

🟢 бир ишлаб чиқарувчи томонидан турли савдо номлари остида таркиби бир хил бўлган дори воситаларини ишлаб чиқаришда ушбу дори воситаларининг барчасига нисбатан энг паст референт нарх қўлланади;

🔴 “Фармацевтика маҳсулотлари хавфсизлиги маркази” томонидан хорижий валютада қайд этилган референт нархлар белгиланган ҳолларда автоматик равишда (тадбиркор мурожаатисиз) қайта кўриб чиқилади.

🌐@ssvuz  | 🌐@ssvmatbuotkotibi |🌐 Facebook | 🌐Instagram