#онлайн

📌 Тадбир доирасида икки мамлакат соғлиқни сақлаш соҳаси вакиллари турли йўналишларда ҳамкорликда бажарилаётган ишлар, уларнинг натижаларига тўхталиб ўтдилар.

🏢 Икки томонлама ҳамкорлигимизда тиббий таълимнинг алоҳида ўрни бор. Жумладан, бугунги кунда юртимизда Россиянинг 2 та тиббиёт университети — Тошкентда Н.И.Пирогов номидаги миллий тадқиқот тиббиёт университетининг, Жиззах шаҳрида эса Қозон федерал университетининг филиаллари ташкил этилган.

👨‍🎓 Россия Федерациянинг 10 та тиббиёт олийгоҳлари билан қўшма таълим дастурлари асосида бакалавриатнинг 6 та, клиник ординатуранинг 10 та йўналиши бўйича ҳамкорликда кадрлар тайёрланмоқда. Ҳозирда жами 2700 нафар ўзбекистонлик талаба ушбу мамлакатнинг тиббий олий ўқув юртларида таҳсил олмоқда.

👨‍⚕️ Ҳар йили мамлакатимизнинг 400 нафарга яқин шифокори Россиянинг етакчи клиника, марказ ва университетларида малака ошириб қайтмоқда. Ўз навбатида, 150 нафарга яқин россиялик мутахассислар юртимиздаги тиббиёт муассасаларида маҳорат дарслари ва юқори технологик жарроҳлик амалиётларини ўтказиб келади.

❗️ Иштирокчилар конференциянинг биринчи куни амалий тадбирларга бой бўлганини ҳам алоҳида эътироф этдилар.

🔬 Хусусан, дастлабки кун россиялик меҳмонлар томонидан жами 172 нафар бемор тиббий кўрикдан ўтказилиб, 35 нафар беморда юқори технологик жарроҳлик амалиётлари бажарилди.

✍️ Бундан ташқари, икки давлат тиббиёт марказлари ва институтлари ўртасида ҳамкорликни ривожлантириш бўйича 10 дан ортиқ келишувлар имзоланди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️ССВ: Туркиянинг етакчи компаниялари билан тиббий ҳамкорлик бўйича келишувларга эришилди

🇺🇿🇹🇷 Куни кеча Ўзбекистон Cоғлиқни сақлаш вазири ўринбосари Ф.Ташпулатов бошчилигидаги делегация Туркия Республикасида бўлди. Хўш, ушбу сафардан кўзланган мақсад нима эди?

🫀Маълумки, Туркия дунёда тиббиёти ривожланган етакчи давлатлардан бири ҳисобланади. Айниқса, тиббий таълим, юқори технологик операциялар, шошилинч тиббий ёрдам ва фармацевтика каби йўналишларда қардош юрт вакиллари катта натижаларни қўлга киритган.

🏙 Сафар давомида делегация аъзолари ана шу ютуқлар билан яқиндан танишиш асносида Туркиянинг етакчи компания ва ташкилот раҳбарлари билан бир қатор учрашувлар ўтказди.

🔬Мулоқотларда юртимизда янги тиббиёт муассасаларини барпо этиш, моддий-техник базасини мустаҳкамлаш, тез тиббий ёрдам ва фармацевтика соҳасини ривожлантириш бўйича инвестиция, давлат-хусусий шериклик ва грант лойиҳалари юзасидан музокаралар олиб борди.

🏥 Хусусан, Туркиянинг “Ronesans International” компанияси раҳбарияти билан ўтган учрашувда Тошкент тиббиёт академияси ҳудудида кўп тармоқли замонавий клиника барпо этиш лойиҳасининг бугунги ҳолати, эришилган натижалар ва амалга оширилиши зарур бўлган масалалар атрофлича муҳокама қилинди.

🩺 “Ronesans International” ва “Sojitz” компаниялари масъуллари билан бўлган мулоқот якунида эса Тошкент вилоятининг Нурафшон шаҳрида давлат-хусусий шериклик асосида 800 ўринли кўп тармоқли тиббиёт марказини ташкил этишга келишиб олинди.

💊 Шунингдек, делегация аъзолари фармацевтика маҳсулотларини сақлаш, уларнинг улгуржи ҳамда чакана савдоси билан шуғулланувчи “Sancak Ecza Deposu” корхонасининг Анқара шаҳридаги филиали фаолияти билан ҳам яқиндан танишди.

💸 “Oncosem Onkolojik Sistemler Sanayi ve Ticaret” компанияси билан эса Самарқанд ва Бухоро вилоятларида давлат-хусусий шериклик асосида онкологик ва гемодиализ хизматларини кўрсатиш, даволаш-соғломлаштириш марказлари учун намуна бўладиган тиббиёт марказини ташкил этиш бўйича қиймати 30 млн АҚШ долларига тенг бўлган муҳим келишув имзоланди.

🚑 Туркиянинг TIKA ташкилоти раҳбарияти билан ташкил этилган учрашувда ушбу агентлик томонидан юртимиз тез тиббий ёрдам хизмати учун 100 дона замонавий автомашиналарни харид қилиш бўйича 6 млн АҚШ доллари миқдорида грант ажратиш режалаштирилди.

‼️ Яна бир муҳим келишув “Tek Grup” компанияси билан имзоланди. Ташкилот вакиллари билан бўлган учрашувда дастлаб 5 млн АҚШ доллари миқдорида инвестиция киритиш орқали Ўзбекистонда дори воситаларини маҳаллий заводларда In Bulk асосида ишлаб чиқаришни йўлга қўйишга келишиб олинди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

Президент Шавкат Мирзиёев давлат ташрифи билан юртимизга келган Россия Президенти Владимир Путинни самимий кутиб олди
—
Президент Шавкат Мирзиёев тепло встретил Президента России Владимира Путина, прибывшего в нашу страну с государственным визитом

@ssvuz | @ssvmatbuotkotibi | Facebook | Instagram

Президентлар Шавкат Мирзиёев ва Владимир Путин "Янги Ўзбекистон" мажмуасига ташриф буюрди. Россия раҳбари Мустақиллик монументига гулчамбар қўйди
—
Президенты Шавкат Мирзиёев и Владимир Путин посетили комплекс "Янги Узбекистон". Российский лидер возложил венок к Монументу Независимости

@ssvuz | @ssvmatbuotkotibi | Facebook | Instagram

​​❗️​Якунланган ҳафта давомида каналимизда эълон қилинган энг муҳим хабарлар дайжести

📊 Тошкент давлат стоматология институти нуфузли рейтингдан жой олди

💉 Астма ўз вақтида муолажа қилинмаса, нохуш оқибатларга олиб келиши мумкин

🏥 Миллий тиббиёт марказига Хитой делегацияси ташриф буюрди

‼️ Президент ҳузурида соғлиқни сақлаш соҳасига бағишланган йиғилиш бўлиб ўтди

🦠 Коронавируснинг янги варианти тарқалмоқда

🔬 “Аллергология-иммунология — инновациядан амалиётга” мавзусида анжуман ўтказилди

📌 Президент фармацевтика тармоғида эришилаётган натижалар ва истиқболли режаларга оид тақдимот билан танишди

🔎 “Офтальмологияда инновацион технологиялар” мавзуида халқаро анжуман ташкил этилди

📋 Президент онкологик, гематологик ва иммунологик касалликларга чалинган болаларга тиббий ёрдам кўрсатишни янада такомиллаштиришга оид қарор қабул қилди

🇺🇿🇷🇺 “Ўзбекистон — Россия: саломатлик йўлида ҳамкорлик” мавзуида конференция бўлиб ўтди

🇺🇿🇹🇷 ССВ: Туркиянинг етакчи компаниялари билан тиббий ҳамкорлик бўйича келишувларга эришилди

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

📌 Кўриш инсоннинг барча ҳислари орасида энг муҳими ҳисобланади.

👓 Одатда кўриш қобилиятини табиий қабул қиламиз, аммо уни йўқотиши билан инсоннинг ҳаёт кечириш сифати пасайиб, жиддий оқибатлар юзага келади. Ушбу оқибатларнинг кўпчилигини ўз вақтида сифатли офтольмологик ёрдам кўрсатиш орқали камайтириш ёки буткул бартараф этиш мумкин.

🏢 Пойтахтимизда бўлиб ўтган “Офтальмологияда инновацион технологиялар” мавзуидаги халқаро илмий-анжуман ҳам кўз касалликларини ташхислаш ва даволаш борасидаги замонавий ёндашувларни муҳокама қилишга бағишланди.

📹 Бу ҳақда батафсил ССВ Матбуот хизмати томонидан тайёрланган видеолавҳадан билишингиз мумкин.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram