❓Сумалакнинг қандай фойдали хусусиятлари бор?

🍮 Сумалак — шифобахш маҳсулот. Шу боис у асрлар оша баҳор дастурхонига зеб бериб келмоқда.

Хусусан, бу неъмат:

📈 қонимизни тозалаб, жисмимизни тетиклаштириб, куч-қувватимизни оширади;

🧠 асаб тизимига ижобий таъсир кўрсатиб, стрессни енгишга ёрдам беради ва уйқуни яхшилайди;

📉 организмга ёғ ва углеводлар сўрилишини секинлаштиради;

🩸 қон айланишини яхшилайди ва жигарни заҳарли моддалардан ҳимоя қилади;

🔬 танадаги зарарли бактериялар ўсиши ва ривожланишининг олдини олади;

💊 организмни 19 дан ортиқ аминокислоталар билан тўйинтириб, лимфатик тизимга ижобий таъсир кўрсатади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

Ўзбекистон Республикаси Президенти Шавкат Мирзиёевнинг Наврўз умумхалқ байрамига бағишланган тантанали маросимдаги табрик нутқи
—
Приветственное слово Президента Республики Узбекистан Шавката Мирзиёева на торжествах, посвященных всенародному празднику Навруз

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

Соғлиқни сақлаш вазири Амрилло Иноятов Наврўз умумхалқ байрами муносабати билан тиббиёт ходимларига байрам табриги йўллади

@ssvuz | @ssvmatbuotkotibi | Facebook | Instagram

Президент Шавкат Мирзиёев Наврўз байрами тантаналарида иштирок этди

—————

Президент Шавкат Мирзиёев принял участие в торжествах по случаю празднования Навруза

@ssvuz | @ssvmatbuotkotibi | Facebook | Instagram

❗️Рамазон ойи 23 мартдан бошланади

Ўзбекистон Республикаси Президентининг “Муборак Рамазон ойини муносиб тарзда ўтказиш тўғрисида”ги қарори эълон қилинди.

Унга кўра, 2023 йилги муборак Рамазон ойининг бошланиши 23 март кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинди.

@ssvuz | @ssvmatbuotkotibi | Facebook | Instagram

Ўзбекистон Республикаси Президентининг “Маҳалла тизими ходимлари куни муносабати билан бир гуруҳ юртдошларимизни мукофотлаш тўғрисида"ги Фармони эълон қилинди.

Унга мувофиқ қуйидаги тиббиёт ходимлари II даражали «Саломатлик» орденига сазовор бўлди:

Бобоқулова Холбека Нормурадовна - Чироқчи туманидаги «Ўзбекистон» оилавий шифокорлик пункти патронаж ҳамшираси, Қашқадарё вилояти;

Шеримбетова Алтинкул Серикбаевна - Томди туманидаги «Қулимбет» оилавий шифокорлик пункти катта ҳамшираси, Навоий вилояти.

@ssvuz | @ssvmatbuotkotibi Facebook | Instagram

​❗️ССВ: Юртимизда илк бор биполяр эндопротезлаш амалиёти йўлга қўйилди

Санжарбек Маткаримов,
Тиббиёт ходимларининг касбий малакасини ривожлантириш маркази кўп тармоқли клиникаси бош шифокори:

🏥 — Замонавий тиббиёт инновацион ёндашувлар асосида ривожланмоқда. Кам инвазив диагностика ва муолажа усуллари оммалашяпти. Натижада беморларни жароҳатсиз, асоратсиз ва қисқа муддатда самарали даволаш имконияти кенгаймоқда.

📊 Бугун марказимизда ўтказилаётган қарийб 250 турдаги операцияларнинг 65 турдагиси шу сингари мураккаб ва ноёб жарроҳлик амалиётларидир.

🔬 Хусусан, жорий йил Нейротравматология бўлимида илк бор чаноқ-сон ва тизза бўғимлари артрози касаллигида плазмолифтинг муолажаси ҳамда умуртқа суяклари синишида перкутан вертебропластика амалиёти ўзлаштирилди.

📌 Бўйин умуртқаларини транспедикуляр фиксация билан стабилизациялаш операцияси жорий этилиши ҳам катта янгилик бўлди. Шунингдек, юртимизда илк бор биполяр эндопротезлаш муолажа усулини йўлга қўйдик.

▶️ Бундан ташқари, лапароскопик усул орқали Хирургия бўлимида диафрагма чуррасини бартараф қилиш, Колопроктология бўлимида эса сигмасимон ичак резекцияси операциялари бажарилди.

🩸 PRP-терапия, яъни бемор плазмасини ажратиб олиб, бўғимга юбориш йўли билан ушбу тана қисмидаги патологияни бартараф этишга қаратилган амалиётларни ҳаётга татбиқ қилдик.

🌏 Ҳозир Франция, Жанубий Корея, Япония, БАА, Ҳиндистон, Озарбайжон, Литва каби мамлакатларнинг тиббиёт муассасалари билан мустаҳкам ҳамкорлик алоқаларини йўлга қўйганмиз. Уларнинг малакали шифокорлари билан биргаликда мураккаб операциялар ўтказяпмиз.

👩🏻‍⚕️ Ўз навбатида, бир гуруҳ ходимларимиз Франция, БАА, Ҳиндистон ва Озарбайжондаги етакчи клиникаларда малака ошириб қайтди. Жорий йилда улар сафини янада кенгайтириш чоралари кўрилмоқда.

💉 Қолаверса, клиникамиз неврологик касалликлар асоратлари туфайли юзага келган патологияларни реабилитация қилишда юқори натижаларга эришяпти. Шу билан бирга, органлар трансплантациясидан кейинги реабилитация муолажаларини йўлга қўйганмиз.

❗️Энди муассасамизда МСКТ бўлимини очиш орқали беморлар учун қўшимча қулайликлар яратиш режалаштирилмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

​Рўзадорлар қандай таомланиши зарур?

📑 Жаҳон соғлиқни сақлаш ташкилоти томонидан рўзадорлар учун соғлом овқатланиш юзасидан ишлаб чиқилган тавсияларга амал қилиб, ортиқча вазндан халос бўлиш, қон босими ва организмдаги холестерин миқдорини пасайтиришга эришиш мумкин.

Хусусан:

☀️ кундузи ҳаво ҳарорати юқори бўлган пайтда салқин ва соя жойларда қолиш ҳамда қуёшда узоқ юрмаслик тавсия этилади;

🫙 ифторлик ва саҳарлик оралиғида кўп миқдорда сув ичиш мақсадга мувофиқ, чунки кундузи ҳаво ҳарорати юқори бўлиши кўп тер ажралишига сабаб бўлади.

🫗Шу боис кун давомида йўқотилган суюқлик ўрнини қоплаш эҳтиёжи юзага келади. Бунинг учун эса камида 10 стакан сув ичиш тавсия этилади.

🍏 Серсув маҳсулотлар тановул қилиш орқали ҳам бу меъёрни қисман қоплаш мумкин. Масалан, саҳарлик пайтида ёки ифторликдан кейин дессерт сифатида ҳўл мевалардан ейиш фойдали.

🥗 “Ачиқ-чучук” салати таркибидаги бодринг ва помидор ҳам серсув неъматлар ҳисобланади.

🫕 Шўрва ёки сабзавотли салатлар сингари сувга бой таомларни ҳам истеъмол қилиш мумкин.

🚫 Таркибида кофеин мавжуд бўлган кофе, чой, кола каби ичимликлардан воз кечиб турган маъқул. Чунки бу модда инсон организмида сув миқдори камайиши (дегидрация)га олиб келади.

🥤Шунингдек, газланган шакарли ичимликлар калорияга бой бўлишини эсдан чиқармаслик зарур.

🚶🏻‍♂️Кун давомида жуда кўп ҳаракат қилиш организмнинг кўп миқдорда сув йўқотишига олиб келади. Қисқа муддатли сайр ёки чигалёзди машқлари сизни тонусда ушлаб туриши мумкин. Аммо кун бўйи ҳаракатсиз ўтириш ҳам тавсия қилинмайди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

Холбека Бобоқулова — Чироқчи туманидаги “Ўзбекистон” оилавий шифокорлик пункти патронаж ҳамшираси. Кеча у Президентимизнинг тегишли фармони асосида II даражали "Саломатлик" ордени билан мукофотланди.

Хўш, олис қишлоқдаги тиббиёт ходимининг меҳнати қандай қилиб давлат назарига тушди? Бу юксак рағбат ортида қандай машаққатли меҳнат ётибди?

“Sevimli” телеканали ижодкорлари томонидан тайёрланган юқоридаги видеолавҳа орқали ушбу саволларга жавоб топишингиз мумкин.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️ЖССТ: Яна тўрт мамлакатда вабо эпидемияси қайд этилди

Жаҳон соғлиқни сақлаш ташкилоти ҳисоботига кўра, Ер юзида вабо касаллигининг тарқалиш хавфи жуда юқори.

“2023 йил 11 февралдан глобал вазият ёмонлашмоқда. Эпидемия қайд этилган мамлакатлар сони яна 4 тага кўпайиб, жами 24 тага етди”, — дейилади ЖССТ ҳужжатида.

Вабодан жабр кўрган давлатларнинг аксарияти Африка ва Яқин Шарқ минтақасида жойлашган. Мутахассислар март ойида кузатиладиган "Фредди" тропик циклони туфайли энди Малави ва Мозамбикда вазият ёмонлашиши мумкинлигидан хавотирда.

Ўз навбатида, халқаро экспертлар вабога чалинганлар ўртасида ўлим даражаси сезиларли даражада ортганини маълум қилди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❓2023 йил Ўзбекистон тиббиётида қандай инвестициявий лойиҳалар амалга оширилади?

❓Улар соғлиқни сақлаш тизимининг қайси йўналишларини қамраб олади?

❓Ушбу чора-тадбирлардан қандай натижалар кутилмоқда?

ССВ Матбуот хизмати томонидан тайёрланган юқоридаги видеолавҳа орқали ана шу саволларга жавоб топишингиз мумкин.

@ssvuz | @ssvmatbuotkotibi |Facebook | Instagram