ССВ матбуот котиби| Эмланиш – соғлик кафолати!
32.8K subscribers
6.01K photos
2.37K videos
44 files
9.69K links
Ўзбекистон Республикаси Соғлиқни сақлаш вазирлиги Матбуот ва ПР хизмати раҳбари Фурқат Санаевнинг телеграм канали

Twitter: twitter.com/furqatsanayev
Facebook: facebook.com/furqatsanaev/

Вазирлик телеграм канали - @ssvuz
Download Telegram
ЭМЛАШДАН КЕЙИН ТАНА ҲАРОРАТИ КЎТАРИЛСА, НИМА ҚИЛИШ КЕРАК?

CCВ Матбуот хизмати Коронавирусга қарши курашиш штаби аъзоси Севара Убайдуллаева
дан коронавирусга қарши кураш ва вакцинация жараёнлари бўйича саволларга жавоб олди.

— Вакцина қабул қилувчи фуқаролар дастлаб қандай тиббий текширувлардан ўтказилади?

— Вакцина қабул қилувчи фуқаролар дастлаб шифокор назоратидан ўтади, тиббий кўрик давомида шифокор:
📌фуқаронинг бугунги кундаги шикоятлари, умумий аҳволини ўрганади;
📌мавжуд сурункали касалликларини ва бугунги кунда қабул қилаётган дори воситалари ҳақида маълумот олади;
📌организмнинг аъзоларида кузатилаётган ўзгаришлар: қон босими, тана вазни ва бўй узунлигини ўлчаш, юрак уриш ва нафас олиш сони, сатурацияни аниқлайди, шунингдек юрак, нафас аъзоларини аускультатив эшитади;
📌шифокор текширувида аниқланган ҳолатдан келиб чиқиб, зарурат бўлганда клиник ва лаборатор текширувлар: умумий қон ва пешоб таҳлиллари, қонда қанд миқдори ва биокимёвий текширувлар ўтказилади.

Фуқароларнинг саломатлик ҳолатидан келиб чиқиб, организмда ўткир шамоллаш ёки яллиғланиш касалликлари аниқланмаса ва сурункали касалликлари авж олиш ёки хуруж қилиш эҳтимоли бўлмаса, эмланиш тавсия этилади.

— Агар эмлашдан кейин тана ҳарорати кўтарилса, қандай йўл тутиш керак?

— Эмлашдан сўнг мабодо тана ҳарорати 38 даражагача кўтарилса, ортиқча ваҳимага тушмаслик керак. Бундай ҳолатда, аввало, кўп суюқлик ичиш тавсия этилади ва тегишли тавсилар олиш учун оилавий шифокорга мурожаат этиш керак. Тана ҳарорати давомли равишда 38 даражагача кўтарилиши кузатилса, уни келтириб чиқараётган омилни аниқлаш учун клиник лаборатор текширувлар ўтказиш лозим бўлади.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
ТАЙИНЛОВ

Соғлиқни сақлаш вазирининг тегишли буйруғи билан Рискиев Умидулла Раҳматуллаевич вазирликнинг Даволаш-профилактика ёрдамини ташкиллаштириш бош бошқармаси бошлиғи вазифасини бажарувчи этиб тайинланди.

Бунга қадар у Республика шошилинч тиббий ёрдам илмий марказининг Тошкент шаҳар тез тиббий ёрдам станцияси бош шифокори лавозимида фаолият кўрсатган.

Фалсафа фанлари доктори (PhD) Умидулла Рискиев 1982 йилда Тошкент шаҳрида туғилган. 2006 йилда Тошкент тиббиёт академиясини тамомлаб, Республика ихтисослаштирилган онкология ва радиология илмий-амалий тиббиёт марказида иш бошлаган.

У ўз фаолияти давомида Республика шошилинч тиббий ёрдам илмий марказида шифокор-хирург, марказнинг 1-шошилинч хирургия бўлими мудири, бош шифокорнинг хирургия бўйича ўринбосари, қабул ташхислаш бўлими мудири, даволаш ишлари бўйича директор ўринбосари каби масъулиятли вазифаларда ишлаб келган.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi
ТАЙИНЛОВ

Соғлиқни сақлаш вазирининг тегишли буйруғи билан Бўриев Баходир Рахмонович вазирликнинг Соғлиқни сақлаш тизими инфратузилмасини ривожлантириш ва қурилишини ташкиллаштириш бошқармаси бошлиғи этиб тайинланди.

Бунга қадар у мазкур бошқармада бошлиқ ўринбосари лавозимида фаолият юритиб келаётган эди.

53 ёшли Б. Бўриев Тошкент давлат техника университетини тамомлаган бўлиб, кўпгина ташкилотларда масъул лавозимларда фаолият юритган.

2005 йил “Меҳнат шуҳрати” ордени билан тақдирланган.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi
ТАЙИНЛОВ

Соғлиқни сақлаш вазирининг тегишли буйруғи билан Усманов Авазбек Толмасович вазирликни Даволаш-профилактика ёрдамини ташкиллаштириш бош бошқармаси бошлиғи ўринбосари — Бирламчи тиббий профилактика ёрдамини мувофиқлаштириш бошқармаси бошлиғи этиб тайинланди.

Тиббиёт фанлари номзоди А. Усманов 1974 йилда Қўқон шаҳрида туғилган. Ўз фаолиятини Қўқон шаҳридаги 1-сон шаҳар шифохонасида нейротравматология бўлимида стоматолог-хирург вазифасидан бошлаган. Кейинчалик Қўқон шаҳар шошилинч тиббий ёрдам шифохонасида нейротравматология бўлими стоматолог-хирурги, сўнг Қўқон шаҳар диагностика маркази бош шифокори вазифасида ишлаган.

Мутахассис 2017 йилдан буён Қўқон шаҳар шошилинч тиббий ёрдам шифохонаси бош шифокори сифатида фаолият юритиб келган.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi
ТАЙИНЛОВ

Соғлиқни сақлаш вазирининг тегишли буйруғи билан Моҳигул Тошназарова вазирликни Давлат тиббиёт ташкилотларида дори воситалари ва тиббий буюмларга бўлган эҳтиёжни шакллантириш бошқармаси бошлиғи ўринбосари этиб тайинланди.

М. Тошназарова 2014 йилда Тошкент фармацевтика институтини тамомлаган. Шу пайтга қадар “Қашқадарё дори-дармон” АЖда дорихоналарни назорат килиш инспектори, ушбу муассаса бўлими бошлиғи лавозимларида фаолият юритган.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi
Абдулла Азизов: “АҲОЛИГА ТИББИЙ ХИЗМАТ КЎРСАТИШ СИФАТИ ПОЙТАХТДА ҲАМ, ЧЕККА ҲУДУДЛАРДА ҲАМ БИР ХИЛ БЎЛИШИ КЕРАК”

Соғлиқни сақлаш вазири ўринбосари А. Азизов бошчилигидаги ишчи гуруҳ Жиззах вилоятига борди.

Вазир ўринбосари ҳудудлардаги кам таъминланган ва ижтимоий ҳимояга муҳтож аҳоли саломатлигини тиклашга кўмаклашиш, жойлардаги вакцинация жараёни ҳамда фавқулодда ҳолатларга вилоятлардаги тиббиёт муассасалари шайлигини мониторинг ва таҳлил қилиш мақсадида вазирликнинг ҳудудий бошқармалари ва улар тасарруфидаги тиббиёт муассасалари фаолиятини ўрганмоқда.

Даставвал, ишчи гуруҳ Жиззах вилоятидаги 150 ўринга мўлжалланган вилоят юқумли касалликлар шифохонасидаги ҳолат, хусусан, керакли мед-техника жиҳозлари билан таъминланганлик даражаси ҳамда коронавирусни даволашда муҳим бўлган кислород концентраторларининг шай ҳолатда эканини кўздан кечирди. Сўнг эса ҳудудлардаги эмлаш жараёнлари билан танишди.

— Мамлакатимизнинг ҳар бир худудида, пойтахтдами ёки марказдан олис туман ва шаҳардами бир хил, сифатли тиббий хизмат кўрсатилмаса, халқимизнинг розилигига эришишимиз қийин, — дейди А. Азизов. — Жиззах вилоятига қилган сафаримиз давомида Жиззах шаҳри, Дўстлик, Зомин, Пахтакор, Фориш каби туманларидаги эмлаш жараёнларини кузата туриб, оммавий эмлаш тадбирлари барча ҳудудда намунали тарзда ташкил этилганига гувоҳ бўлдим. Кузатувимиз давомида ҳудуддаги эмлаш марказларида керакли барча тиббий жиҳозлар мавжудлиги ҳамда жараён санитария-гигиена қоидаларига мос равишда ўтказилаётгани аён бўлди.

Ишчи гуруҳимиз томонидан Шароф Рашидов туманидаги 20-сон оилавий поликлиникаси ўтказган хатлов натижасида аниқланган 3- ва 4-гуруҳга мансуб 800 нафар аҳолидан 428 нафари тиббий кўриклардан ўтказилиши, улардан 361 нафарига амбулатор, 4 нафарига туман шифохонасида, 3 нафарига вилоят шифохоналарида соғломлаштириш учун йўлланмалар берилиши назоратга олинди.

Шунингдек, айрим поликлиникалардаги аҳолини электрон базасини яратиш, уларни xatlov.uz ва emlash.uz дастурига киритиш бўйича юзага келаётган жузъий камлчиликлар ўрганилиб, бартараф этилди.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
Қарийб бир асрни қаршилаётган қашқадарёлик онахон коронавирусга қарши эмланди

Бугун Қашқадарё вилояти Қарши тумани Қовчин қишлоғига яшовчи 91 ёшли Ойдин Хидирова коронавирусга қарши эмланди. Бу ҳақда Қашқадарё ССБ Ахборот хизмати маълумот берди.

1930 йил туғилган, Омонтепа маҳалласи Наврўз кўчаси 30-уйда яшовчи онахон тумандаги 52-сонли оилавий поликлиникада эмланган. Айни пайтда қарийб бир асрни қаршилаётган онахон ўзини ҳар доимгидан ҳам тетик ҳис қилмоқда.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi
ЮРТИМИЗДА КОРОНАВИРУСГА ҚАРШИ ЭМЛАНГАНЛАР СОНИ 100 МИНГ НАФАРДАН ОШДИ

💉9 апрель куни Тошкент ва Нукус шаҳарлари ҳамда вилоят марказларидан жами 25207 нафар киши COVID-19 га қарши эмланди.

❗️Шу тариқа айни кунгача мамлакатимизда коронавирус инфекциясига қарши эмланган фуқаролар сони 108 283 нафарга етди.

📊 9 апрель кунидаги эмлаш кўрсаткичлари бўйича юқори ўринларни:
📌Сурхондарё вилояти (3764 нафар),
📌Фарғона вилояти (3138 нафар),
📌Наманган вилояти (2990 нафар),
📌Хоразм вилояти (2268 нафар),
📌Самарқанд вилояти (1848 нафар),
📌Тошкент вилояти (1614 нафар
),
📌Қашқадарё вилояти (1564 нафар),
📌Жиззах вилояти (1499 нафар),
📌Андижон вилояти (1470 нафар),
📌Тошкент шаҳри (1244 нафар),
📌Бухоро вилояти (1098 нафар)
банд қилди.

Фақатгина Қорақалпоғистон Республикаси ва Навоий вилоятларида эмлаш кўрсаткичлари минг нафардан кам бўлган.

🔺Эътиборли жиҳати шуки, Тошкент шаҳри, Наманган ва Самарқанд вилоятларида коронавирусга қарши эмланган аҳоли 10 минг нафардан ошган.

Эмлаш жараёнлари давом этади.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
Кеча юртимизда яна 200 нафарга яқин фуқарода коронавирус қайд этилди

🔺2021 йил 9 апрель ҳолатига кўра, Ўзбекистонда коронавирус инфекцияси қайд этилганлар сони 84724 (+195) нафарни ташкил этмоқда.

🔴Янги касалланиш ҳолатларининг:
📌2 нафари Қорақалпоғистон Республикасида,
📌1 нафари Андижон вилоятида,
📌3 нафари Бухоро вилоятида,
📌2 нафари Жиззах вилоятида,
📌3 нафари Наманган вилоятида,
📌19 нафари Самарқанд вилоятида,
📌3 нафари Сирдарё вилоятида,
📌3 нафари Фарғона вилоятида,
📌2 нафари Хоразм вилоятида,
📌23 нафари Тошкент вилоятида,
📌134 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
📌
Қорақалпоғистон Республикасида 4 нафар,
📌Бухоро вилоятида 7 нафар,
📌Жиззах вилоятида 4 нафар,
📌Фарғона вилоятида 2 нафар,
📌Хоразм вилоятида 8 нафар,
📌Тошкент вилоятида 21 нафар,
📌Тошкент шаҳрида 125 нафар бемор тузалиб, касалликдан соғайганлар жами 82586 (+171) нафарга етди ва соғайиш кўрсаткичи 98 фоизни ташкил қилмоқда.

❗️Айни пайтда тиббиёт муассасаларида даволанаётган 1504 нафар бемордан 229 нафари оғир, 104 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
Ижтимоий тармоқларда тарқалган ота ва набираларнинг қўлларида “Шифокорлар сабаб биз онасиз қолдик” деган ёзув билан қилган мурожаатлари юзасидан муносабат

Шу йилнинг 16 март куни Навоий вилоят перинатал маркази гинекология бўлимига 12 ҳафталик ҳомиласининг нобуд бўлганлиги билан мурожаат қилган Навбаҳор тумани Ўзбекистон МФЙда яшовчи, 1985 йилда туғилган О.Ф “Ҳомиладорлик 4. 14-хафта 4-кун Туғруқ 3. Ривожланмай қолган ҳомила” ташхиси билан қабул қилинган.

Бемор бўлимда даволаш-ташхислаш стандартлари асосида тўлиқ текширувлардан ўтказилиб, ҳомиланинг уч хафтадан ортиқ ривожланмай қолганлиги, умумий қон таҳлилида лейкоцитлар миқдори нормадан ошганлиги инобатга олиниб, септик асоратларнинг олдини олиш ва антибиотико-профилактика мақсадида “Цефтриаксон” дори воситасининг 1,0 грами мушак орасига синамасидан сўнг инъекция ўтказиш тавсия берилган.

2021 йил 16 март куни соат 17:50 лар атрофида муолажа ҳамшираси томонидан ушбу дори воситаси билан ўнг билак соҳасига синама қўйгандан кейин тўсатдан анафилактик реакция, анафилактик шок ва клиник ўлим ҳолати кузатилган. Ўтказилган тезкор реанимацион чора-тадбирлардан сўнг юрак фаолияти тикланиб, реанимация бўлимида узайтирилган суъний нафас бериш аппаратида интенсив даво муолажалари давом эттирилган.

Даволаш жараёнида 17, 23 ва 25 март кунлари мамлакатимизнинг малакали анестезиолог ва реаниматологлари томонидан кўрилиб, керакли тавсиялар берилган ва буюрилган тавсиялар асосида даво муолажалари олиб борилган.

Ўтказилган интенсив даво муолажаларига қарамасдан 2021 йил 25 март куни бемор О.Ф.да биологик ўлим қайд қилинган.

Ҳозирда мазкур ҳолат юзасидан Навоий шаҳар прокуратураси томонидан терговга қадар текширув ҳаракатлари олиб борилмоқда.

Навоий вилоят соғлиқни сақлаш бошқармаси Ахборот хизмати

▶️@ssvuz
▶️@ssvmatbuotkotibi
КЕЧА ЮРТИМИЗДА КОРОНАВИРУСГА ҚАРШИ ЭМЛАНГАНЛАР СОНИ РЕКОРД ДАРАЖАГА ЕТДИ

💉10 апрель куни Тошкент ва Нукус шаҳарлари ҳамда вилоят марказларидан жами 40359 нафар киши COVID-19 га қарши эмланди.

❗️Шу тариқа айни кунгача мамлакатимизда коронавирус инфекциясига қарши эмланган фуқаролар сони 148 642 нафарга етди.

📊 10 апрель кунидаги эмлаш кўрсаткичлари бўйича Фарғона вилоятида рекорд қайд этилиб, бир куннинг ўзида 10 минг нафардан ортиқ фуқаро (10868 нафар) эмланди.

🔺Эътиборли жиҳати шуки, Наманган ва Фарғона вилоятларида коронавирусга қарши эмланган жами аҳоли 15 минг нафардан ошиб, 20 минг нафарга яқинлашди.

Эмлаш жараёнлари давом этади.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi
Коронавирусга чалинган 229 нафар беморнинг аҳволи оғирлигича қолмокда, шифокорлар уларнинг ҳаёти учун курашмоқда

🔺2021 йил 10 апрель ҳолатига кўра, Ўзбекистонда коронавирус инфекцияси қайд этилганлар сони 84922 (+198) нафарни ташкил этмоқда.

🔴Янги касалланиш ҳолатларининг:
📌7 нафари Қорақалпоғистон Республикасида,
📌2 нафари Андижон вилоятида,
📌5 нафари Бухоро вилоятида,
📌1 нафари Жиззах вилоятида,
📌2 нафари Навоий вилоятида,
📌1 нафари Наманган вилоятида,
📌20 нафари Самарқанд вилоятида,
📌2 нафари Сурхондарё вилоятида,
📌3 нафари Сирдарё вилоятида,
📌1 нафари Фарғона вилоятида,
📌2 нафари Хоразм вилоятида,
📌22 нафари Тошкент вилоятида,
📌130 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
📌Бухоро вилоятида 4 нафар,
📌Қашқадарё вилоятида 1 нафар,
📌Наманган вилоятида 6 нафар,
📌Сирдарё вилоятида 4 нафар,
📌Тошкент вилоятида 18 нафар,
📌Тошкент шаҳрида 141 нафар бемор тузалиб, касалликдан соғайганлар жами 82760 (+174) нафарга етди ва соғайиш кўрсаткичи 98 фоизни ташкил қилмоқда.

❗️Айни пайтда тиббиёт муассасаларида даволанаётган 1528 нафар бемордан 229 нафари оғир, 104 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
Танамизнинг энг “жонкуяр” аъзоси — сочларга нималар салбий таъсир қилади?

Инсон чиройининг 80 фоизи юз териси текислиги ҳамда сочларнинг соғлом кўриниши билан ўлчаниши исботланган. Аммо турли сабабларга кўра, соч тўкилиши, жилосини йўқотиши мумкин. Бу ҳолат барчамизни бирдек ташвишга солиши тайин. Ушбу қизиқарли мавзуда ССВ Матбуот хизмати мутахассисга мурожаат қилди.

— Бошда ўрта ҳисобда 50 мингдан 150 мингтагача соч толаси бўлиши меъёр ҳисобланади, — дейди Республика ихтисослаштирилган дерматология ва косметология илмий-амалий тиббиёт маркази директор ўринбосари Илҳом РАҲИМОВ. — Соч фолликуладан ўсиб чиқади. Фолликула остида эса соч қопчаси жойлашган бўлиб, у ерда соч илдизи ривожланади.

Соч қопчасида янги тола пайдо бўла бошлаганда, эскиси тўкилиб кетади. Бу табиий жараёндир. Яъни ҳар куни 60-100 донагача соч тўкилиши мумкин. Ўртача 2 йилдан 4 йилгача яшайдиган соч толаси асосан кундузи ва кўпроқ баҳор ҳамда ёз ойларида нисбатан тезроқ ўсади.

Соч — инсон организмидаги энг нозик ва энг “жонкуяр” аъзолардан бири. Чунки унинг тўкилишига тананинг бошқа аъзолари касалланиши ёки асаб толаларининг таранглашиши сабаб бўлади.

Сочнинг меъёридан ортиқ тўкилиши, аввало, нерв тизимининг умумий аҳволи бузилиши туфайли бошланади. Бунга ички секреция безлари, жигар, меъда-ичак йўли аъзолари фаолиятининг бузилиши, витамин етишмаслиги ёки соч фоликулалардаги туғма нуқсонлар ҳам туртки бўлиши мумкин.

Себорея (ёғ ажралишининг бузилиши) натижасида ҳам сочнинг эрта тўкилиши эҳтимоли бор. Тана ҳароратининг баъзи инфекцион касалликлар оқибатида узоқ вақт юқори бўлиши, захмга чалинганда ва оғир операциялардан сўнг баъзида соч тўкилади. Бошнинг сочли қисми терисига замбуруғ юққанлиги натижасида ҳам сочларимиздан айрилишимиз мумкин.

Асабий зўриқиш, ўта чарчаш ва бошқалар оқибатида кўпинча соч уя-уя ёки думалоқ-думалоқ бўлиб тўкилади. Баъзан имтиҳон даврида ўта толиқиш, уйқусизлик оқибатида ўқувчиларда ҳам соч камайиши кузатилади.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
Коронавирусга чалинган 229 нафар беморнинг аҳволи оғирлигича қолмоқда, шифокорлар уларнинг ҳаёти учун курашмоқда

🔺2021 йил 11 апрель ҳолатига кўра, Ўзбекистонда коронавирус инфекцияси қайд этилганлар сони 85114 (+192) нафарни ташкил этмоқда.

🔴Янги касалланиш ҳолатларининг:
📌7 нафари Қорақалпоғистон Республикасида,
📌2 нафари Андижон вилоятида,
📌5 нафари Бухоро вилоятида,
📌2 нафари Жиззах вилоятида,
📌2 нафари Наманган вилоятида,
📌24 нафари Самарқанд вилоятида,
📌3 нафари Сирдарё вилоятида,
📌10 нафари Фарғона вилоятида,
📌 2 нафари Хоразм вилоятида,
📌 15 нафари Тошкент вилоятида,
📌120 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

♻️Кеча кун давомида:
📌Қашқадарё вилоятида 1 нафар,
📌Наманган вилоятида 6 нафар,
📌Самарқанд вилоятида 16 нафар,
📌Сурхондарё вилоятида 2 нафар,
📌Фарғона вилоятида 2 нафар,
📌Тошкент вилоятида 18 нафар,
📌Тошкент шаҳрида 138 нафар бемор тузалиб, касалликдан соғайганлар жами 82943 (+183) нафарга етди ва соғайиш кўрсаткичи 98 фоизни ташкил қилмоқда.

❗️Айни пайтда тиббиёт муассасаларида даволанаётган 1537 нафар бемордан 229 нафари оғир, 104 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
ЖССТ маълумотларига кўра, охирги сутка давомида дунёда 646 минг нафардан ортиқ янги касалланиш ҳолати қайд этилди

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 134 миллион 957 минг нафардан ортиқни ташкил этмоқда, шундан 2 миллион 918 минг нафардан зиёд киши вафот этган (11.04.2021 йил Европа вақти билан соат 14:08 ҳолатига кўра).

Охирги сутка давомида дунёда коронавирус инфекцияси билан касалланишнинг 646 863 янги ҳолати аниқланди, 10 712 нафар бемор вафот этди.

Жонс Хопкинс университетининг ҳозирги (12.04.2021 йил Тошкент вақти билан соат 09:21 ҳолати) маълумотларига кўра, дунёда касалликни 135 миллион 877 минг нафардан ортиқ одам юқтирган, улардан 2 миллион 935 минг нафардан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 30,692 миллион нафардан ортиқ коронавирус инфекциясини юқтирганлар аниқланган. Иккинчи ўринда Бразилия (13,373 миллиондан ортиқ), учинчи ўринда Ҳиндистон (13,358 миллиондан ортиқ), тўртинчи ўринда Франция (4,945 миллиондан ортиқ), бешинчи ўринда эса Россия (4,641 миллиондан ортиқ).

Соғлиқни сақлаш вазирлиги
Жамоатчилик билан алоқалар бўлими.

—————————————

По данным ВОЗ за последние сутки в мире выявлено более 646 тысяч новых случаев заражения COVID-19

По данным Всемирной организации здравоохранения число зараженных коронавирусной инфекцией в мире составляет более 134 млн 957 тысяч, из них более 2 млн 918 тысяч человек умерли (по состоянию на 14:08 по центральноевропейскому времени 11 апреля 2021 года).

За последние сутки в мире выявлено 646 863 новых случаев заболеваемости коронавирусной инфекцией, 10 712 больных умерло.

Согласно актуальным данным Университета Джонса Хопкинса (по состоянию на 09:21 часов по ташкентскому времени 12 апреля 2021 года), в мире заразилось более 135 млн 877 тысячи человек, из них более 2 млн 935 тысяч скончались.

Лидером по количеству подтвержденных случаев остаются США, где по данным ВОЗ выявлено более 30,692 млн зараженных. На втором месте находится Бразилия (более 13,373 млн), на третьем — Индия (более 13,358 млн), на четвертом — Франция (4,945 млн), на пятом — Россия (4,641 млн).

Отдел по связям с общественностью
Министерства здравоохранения.

▶️
@ssvuz
▶️@ssvmatbuotkotibi
Media is too big
VIEW IN TELEGRAM
Юртимизда амалга оширилаётган эмлаш жараёнлари уюшқоқлик билан амалга оширилмоқда. Хоразм вилоятида ўтказилаётган аҳолини коронавирусга қарши эмлаш жараёни ҳақида “Ўзбекистон 24” телеканалининг “Янгиликлар 24” дастурида батафсил тўхталиб ўтилди.

▶️@ssvuz
▶️@ssvmatbuotkotibi
Соч тўкилишини қандай тўхтатса бўлади?

Соч тўкилиши ҳақидаги саволларга Республика ихтисослаштирилган дерматология ва косметология илмий-амалий тиббиёт маркази директор ўринбосари Илҳом РАҲИМОВ жавоб берди (2-қисм).

— Сочнинг табиий ёки меъёридан ортиқ тўкилаётганини қандай билиш мумкин?

— Бунинг учун бошни ювиб, орадан бир кун ўтгач, бош, кўрсаткич ва ўрта бармоқ билан 60 донача соч толасини ушлаб тортинг. Агар қўлингизга 7 донадан камроқ тола узилиб чиққан бўлса, зарари йўқ. Акси бўлса, унда имкон қадар тезроқ шифокорга мурожаат қилиш лозим.

— Бу каби нохуш ҳолатларнинг олдини олиш учун нима қилиш керак?

— Бунинг учун энг аввал соғлом турмуш тарзига риоя қилиш ва тўғри овқатланиш зарур. Унутманг, сочларнинг тўкилиш муаммосини махсус шампун, витамин-минералли комплекслар ва шу каби қўшимча воситалар ёрдамида ҳал қилиш ҳам яхши самара беради.

Айрим соч парваришига тааллуқли воситалар таркибида фойдали ва парваришловчи компонентлар мавжуд ва улар сочларга ижобий таъсир кўрсатади. Зарур бўлган моддалар етишмовчилигини тўлдириб, фолликулаларнинг озиқланишини яхшилайди.

❗️Соч парваришида қуйидагиларга амал қилиш тавсия қилинади:

👉🏻 Cочни юваётганда сув ҳарорати 35-45 даража илиқ бўлиши лозим. Соч қанчалик ёғли бўлса, сув ҳарорати нисбатан пастроқ бўлиши тавсия этилади.

👉🏻 Шампунни соч турига қараб танлаш мақсадга мувофиқ. Мутахасислар шампундан сўнг махсус текисловчи воситалардан фойдаланишни тавсия қилади. Улар соч қуришини ва тарашни осонлаштиради, толага эластиклик бахш этади.

👉🏻Соч тараш бир қарашда оддийдек туюлиши мумкин. Аммо унинг ҳам ўзига яраша эътиборли жиҳатлари бор: калта сочлар илдизидан, узун сочлар пастки қисмидан бошлаб таралади.

👉🏻Соч қуритгични тез-тез қўллаш тавсия этилмайди. Уни бошдан 40 сантиметр узоқликда ушлаб — “совуқ қуритиш” режимида қуритиш лозим.

👉🏻 Ёдингиздан чиқарманг! Сочни совун билан ювиш мумкин эмас. Чунки совун толадаги сув-липид қаватини йўқотади ва зарарлайди.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
ҚАШҚАДАРЁ ВИЛОЯТ НАРКОЛОГИЯ ДИСПАНСЕРИ БОШ ШИФОКОРИ ҲАҚИДАГИ ХАБАРЛАР ҲАҚИҚАТГА ЗИД

Ижтимоий тармоқларда Касби тумани тиббиёт бирлашмасининг собиқ бошлиғи жинояти учун судланганлиги, фамилиясини ўзгартирганидан сўнг вилоят наркология диспансери бош шифокори этиб тайинланганлиги ҳақида хабар эълон қилинди. Мазкур хабар юзасидан қуйидагиларни маълум қиламиз.

Вилоят наркология диспансерида 2020 йил 3 январдан Баҳодир Муҳаммаджонов бош шифокор сифатида фаолият юритмоқда.

У Самарқанд давлат тиббиёт институтида таҳсил олган. Меҳнат фаолияти давомида Қарши шаҳар марказий шифохонаси шифокор интерни, Қарши шаҳар 1-сонли шифохонада участка терапевти, Республика шошилинч тиббий ёрдам илмий маркази Қашқадарё филиалида терапия бўлими шифокори, вилоят кўп тармоқли тиббиёт марказида бош шифокорнинг даволаш ишлари бўйича ўринбосари, Касби тумани тиббиёт бирлашмаси бошлиғи, марказий шифохона бош шифокори лавозимларида ишлаган.

Аниқланишича, Баҳодир Муҳаммаджонов Касби тумани тиббиёт бирлашмаси бошлиғи сифатида фаолият кўрсатганидан сўнг судлангани ва фамилиясини ўзгартиргани ҳақидаги маълумотлар мутлақо асоссиз. Ягона интерактив давлат хизматлари портали ва вилоят ички ишлар бошқармаси маълумотида ҳам унинг Ўзбекистон Республикаси ҳудудида судланганлиги ва жиноий жавобгарликка тортилганлиги қайд этилмаганлиги маълум қилинган. Унга Самарқанд давлат тиббиёт институти томонидан 1996 йилда берилган дипломда ҳамда Қарши шаҳар ички ишлар бўлими томонидан 2016 йил 6 январда берилган паспортида ва бошқа бир қатор шахсий ҳужжатларида ҳам фамилияси “Muxammadjonov” тарзида ёзилган.

Баҳодир Муҳаммаджонов соҳада тўплаган кўп йиллик тажрибаси ва соғлиқни сақлаш тизимидаги ислоҳотлар моҳиятини яхши англагани учун тегишли бир қатор ташкилотлар суҳбатидан ўтказилган ҳолда эгаллаб турган лавозимига тайинланган.

Қашқадарё вилояти соғлиқни сақлаш бошқармаси ахборот хизмати.

▶️ @qashqadaryo_ssb
САЛОМАТЛИК АКЦИЯСИ МАМЛАКАТ БЎЙЛАБ ҚУЛОЧ ЁЗМОҚДА: ЭНДИГИ НАВБАТ САМАРҚАНД ВИЛОЯТИ!

Cўнгги йиллар тиббиёт соҳасида улкан ислоҳотлар даври сифатида муҳрланмоқда.

Юртимиз соғлиқни сақлаш тизимида аҳолига ихтисослашган тиббий хизматни яқинлаштириш, тиббий маданиятни ошириш, соғлом турмуш тарзига риоя қилиш, санитария-гигиена соҳасидаги ишларни янада кучайтириш, ҳомиладор аёлларни асраб-авайлаш, айниқса, аҳолига маҳаллабай тиббий хизмат кўрсатиш масалаларига жиддий эътибор қаратилмоқда.

Мазкур устувор вазифаларни бажаришда мунтазам ўтказилаётган тиббий кўриклар, ижтимоий акцияларнинг аҳамияти тобора ошиб бораётир.

Шу ишларнинг давоми сифатида мамлакат бўйлаб Соғлиқни сақлаш вазирлиги ташаббуси билан “Бор меҳримиз шу Ватан, шу халқ учун!” шиори остида саломатлик акцияси ўтказиб келинаётгани ҳақида хабар бериб келмоқдамиз.

Дастлаб Наманган вилоятидан бошланган, Сурхондарё ва Тошкент вилоятларида бўлиб, ҳозирда Самарқанд вилоятида ҳам давом этаётган мазкур йирик акция ҳудудларда соғлиқни сақлаш тизимидаги ислоҳотларнинг ижро ҳолатини ўрганиш, ижтимоий ҳимояга муҳтож ва “темир дафтар”га киритилган аҳолига юқори технологик замонавий тиббий ёрдам кўрсатиш мақсадида ташкиллаштирилмоқда.

329 нафар малакали тиббиёт ходимлари, жумладан, вазирлик таркибий тузилмалари раҳбарлари, пойтахтдаги тиббиёт олий таълим муассасалари профессор-ўқитувчилари ва ихтисослаштирилган илмий-амалий тиббиёт марказларининг раҳбарлари, шунингдек, маҳаллий шифокорлар иштирокида олиб борилаётган акция доирасида Самарқанд вилоятида аҳолига ихтисослашган тиббий ёрдам кўрсатиш, аҳолининг саломатлик ва касалланиш кўрсаткичларидан келиб чиқиб, гуруҳларга бўлинишининг тўғри олиб борилишини ўрганиш, ижтимоий ҳимояга муҳтож ва “темир дафтар”га киритилган аҳоли орасидан юқори замонавий тиббий ёрдамга муҳтож беморларни танлаб олиш, зарур мутахассислар жалб этилган ҳолда жойларда амалий тиббий ёрдам кўрсатиш каби ишлар амалга оширилмоқда.

Ушбу кенг қамровли ишларни амалга ошириш учун Самарқандга йўл олган эпидемиолог, терапевт, невропатолог, анестезиолог, болалар анестезиологи, реаниматолог, педиатр, онколог, дерматолог, оториноларинголог, акушер-гинеколог, уролог, хирург, офтальмолог, кардиолог, эндокринолог, травматолог, фтизиатр, пульмонолог, нейрохирург, нарколог, нефролог, аллерголог, гематолог, инфекционист каби мутахассислар маҳаллабай кесимда текширувлар ўтказишмоқда.

Ногиронлиги бўлган ва бошқа муҳтож шахслар протез-ортопедия буюмлари ва реабилитация техник воситалари билан таъминланмоқда.

Шунингдек, акция давомида бир қанча жарроҳлик амалиётлари ўтказилиши режалаштирилган.

Хусусан, буйрак трансплантацияси, эндопротезлаш, юракка стент ўрнатиш каби энг мураккаб жарроҳлик амалиётлари тиббий кўрсатмага қараб, вилоят ёки пойтахтимиздаги энг нуфузли муассасаларида бепул амалга оширилиши мўлжалланган.

❗️Эслатиб ўтамиз! Айни вақтда қарийб 4 миллион нафар аҳолига эга бўлган Самарқанд вилоятида жами 1105 та МФЙ, 711 минг 214 та хонадон бор.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️@ssvmatbuotkotibi
ЮРТИМИЗДА КОРОНАВИРУСГА ҚАРШИ ЭМЛАНГАНЛАР СОНИ 200 МИНГ НАФАРДАН ОШДИ

💉12 апрель куни мамлакатимиз ҳудудлари бўйлаб жами 67445 нафар киши COVID-19 га қарши эмланди.

❗️Шу тариқа айни кунгача мамлакатимизда коронавирус инфекциясига қарши эмланган фуқаролар сони 216 087 нафарга етди.

📊 12 апрель кунидаги эмлаш кўрсаткичлари бўйича:
📌Фарғона вилоятида яна рекорд қайд этилиб, бир куннинг ўзида 18 минг нафардан ортиқ фуқаро (18363 нафар) эмланди.
📌Шунингдек, кейинги ўринни 11 667 нафар кўрсаткич билан Андижон вилояти банд қилди.
📌Учинчи ўринни эса 8397 нафар эмланган аҳоли билан Наманган вилояти эгаллади.

🔺Эътиборли жиҳати шуки, ушбу вилоятларда коронавирусга қарши эмланган жами аҳоли сони ҳам бошқа ҳудудлардан бир неча баробар кўплиги кўринмоқда (Фарғона 36 минг нафардан, Наманган 27 минг нафардан, Андижон 25 минг нафардан ошиқ).

Эмлаш жараёнлари давом этади.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi