📌 Бугун туманлар миқёсида кўплаб юқори технологик амалиётлар, хирургик операциялар ўтказилиши одатий ҳолга айланиб бормоқда.

✅ Хусусан, Навоий вилоятининг Учқудуқ тумани ҳам бу жараёндан четда қолмаган.

🩺 Шу кунларда Республика ихтисослаштирилган хирургия илмий-амалий тиббиёт маркази мутахассислари Учқудуқда бўлиб, тумандаги хирургия шифокорларининг иш фаолияти билан танишиб, уларга зарур йўл-йўриқларни белгилаб беряпти.

📹 ССВ Матбуот хизматининг Учқудуқ туманидан тайёрлаган ушбу видеолавҳасида шу ҳақда сўз боради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

🧹 Хабарингиз бор, 16–18 март кунлари юртимиз бўйлаб умумхалқ хайрия ҳашари ўтказилади.

☀️ Бугун эрта тонгдан бошланган ушбу тадбирда Соғлиқни сақлаш вазирлиги Марказий аппарати жамоаси ҳам фаол иштирок этмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

📌 Республика ўрта тиббиёт ва фармацевтика ходимлари малакасини ошириш ва уларни ихтисослаштириш маркази Навоий филиали ўтган йили 18 миллиард сўмга яқин бюджет маблағлари эвазига бунёд этилган янги замонавий типдаги бинода фаолият юритмоқда.

📝 Марказда тизимнинг асосий кучини ташкил қиладиган вилоятнинг 17 минг 500 нафардан ортиқ ўрта тиббиёт ходимлари амалиётга ўта яқин ҳолда ўқитилади. Амалий машғулотларнинг барчаси 300 дан ортиқ муляжлар ва тиббий жиҳозлар билан таъминланган симуляция тренинг хоналарида олиб борилади.

📹 ССВ Матбуот хизматининг Навоий вилоятидан тайёрлаган юқоридаги видеолавҳада ушбу марказдаги замонавий шароитлар ҳақида батафсил сўз юритилади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️БМТ ҳисоботи: 2022 йилда дунёда болалар ўлими тарихий энг паст даражагача тушган

🌐 Бирлашган Миллатлар Ташкилотининг Болалар ўлимини баҳолаш бўйича идоралараро гуруҳи (UN IGME) томонидан эълон қилинган сўнгги ҳисоботга кўра, беш ёшга тўлмасдан вафот этган болалар сони 2022 йилда тарихий минимал даражага тушиб, 4,9 миллионни ташкил қилди.

💉 “Ушбу рақамлар ортида оналарга хавфсиз туғиш, болаларни эмлаш ва оғир касалликлардан асрашда ёрдам бераётган доя ва тиббиёт ходимлари, шунингдек уларнинг саломатлиги ва тўғри овқатланишини ташкил қилиш учун оилаларга ташриф буюраётган тиббиёт ходимларининг хизмати бор”, — деб таъкидлади ЮНИCEФ ижрочи директори Кетрин Рассел.

🩺 Ҳисоботда айтилишича, бугунги кунда ҳар қачонгидан ҳам кўпроқ болалар омон қолмоқда ва дунё бўйича 5 ёшгача бўлган болалар ўлими даражаси 2000 йилдаги кўрсаткичларга қараганда 51 фоизга камайган. Бир қанча паст ва ўрта даромадли мамлакатларда ҳам бу кўрсаткичнинг пасайиши кузатилган бўлиб, бу бирламчи тиббий-санитария ёрдамига, шу жумладан, болалар саломатлиги ва фаровонлиги учун маблағлар ажратилса, натижалар яхшиланиши мумкинлигини кўрсатмоқда.

🔬 Мисол учун, натижалар шуни кўрсатадики, 2000 йилдан бери Камбоджа, Малави, Мўғулистон ва Руанда мамлакатларида беш ёшгача бўлган болалар ўлимини 75 фоиздан ортиққа қисқартиришга муваффақ бўлишган.

👨‍👩‍👧‍👦 — Эришилган натижага қарамай, миллионлаб оилалар ҳали ҳам ҳар йили, кўпинча туғилгандан кейинги биринчи кунларда фожиали бўлган фарзанд доғига дуч келишмоқда, — деди ЖССТ Бош директори Тедрос Гебрейесус. — Болаларнинг қаерда туғилиши уларнинг яшаш ёки ўлишини белгиламаслиги керак. Ҳар бир аёл ва боланинг, жумладан, фавқулодда вазиятларда ва чекка ҳудудларда ҳам сифатли тиббий хизматлардан фойдаланиш имкониятларини яхшилаш муҳим аҳамият касб этади.

🖇 “Тадқиқотлар шуни кўрсатадики, агар жамиятда болаларнинг омон қолиш чоралари уларга кўпроқ муҳтож бўлган қатламларни қамраб олса, хавф юқори бўлган мамлакатларда ҳам болалар ўлими сезиларли даражада камайишига эришиш мумкин.

‼️Бундай чора-тадбирларнинг биттаси ҳам миллионлаб болаларнинг ҳаётини сақлаб қолиши ва тиббий ёрдамни улар яшайдиган жойга яқинлаштириши мумкин. Болалар саломатлиги ва омон қолишини яхшилаш болалар касалликларини, айниқса, постнеонатал ўлимнинг асосий сабаблари, ўткир респиратор инфекциялари, диарея ва безгакни комплекс даволашни талаб этади”, — дейилади ҳисоботда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️​Якунланган ҳафта давомида каналимизда эълон қилинган энг муҳим хабарлар дайжести

🫀Юқори қон босимини тушириш учун қўлланиладиган 5 та усул

🚃 Хатирчилик шифокорни Учқудуққа нима олиб келди?

🥙 Рамазон ойида саҳарликка қандай маҳсулотлар истеъмол қилган маъқул?

📑 Хирургия маркази ва Хитойнинг етакчи клиникаси ўртасида ҳамкорлик меморандуми имзоланди

🖥 “Электрон поликлиника” тизимининг такомиллашган янги талқини пилот тариқасида ишга туширилди

🍛 Ифторлик дастурхонида қандай маҳсулотлар бўлгани мақсадга мувофиқ?

‼️ Биологик фаол қўшимчалар даволовчи хусусиятга эга эмас!

🧠 Миллий тиббиёт марказида Япония мутахассислари иштирокида инсультдан кейинги реабилитация масалаларига бағишланган тренинглар бўлиб ўтди

📺 "Хаста бўлманг" дастурининг бу галги сони кўз касалликларига бағишланди

📌 ШҲТга аъзо давлатлар Соғлиқни сақлаш вазирларининг 7-йиғилиши бўлиб ўтди

🔬 Кохлеар имплантация операцияси қандай беморларда ўтказилади?

👩‍⚕️ Навоийда ўрта тиббиёт ходимлари илғор усуллар асосида малака оширмоқда

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

​❗️Тадқиқот: Респиратор вирусли касалликлар хавфини камайтириш усули топилди

🦠 Мавсумий хасталиклар, хусусан, грипп, ЎРВИ авж олган паллаларда хоналарни тез-тез шамоллатиб туриш тавсия этилади. Бу — вируслар кўпайишига қарши синовдан ўтган самарали усул.

📌 Аммо ҳар ишда бўлгани сингари ушбу профилактик чорани қўллашда ҳам меъёр муҳим. Яъни ёпиқ бино ва иншоотлар, яшаш хоналари ҳамда иш кабинетлари керагидан ортиқ шамоллатилса, ҳаво намлиги камайиб, респиратор вируслар тарқалиши осонлашиши аниқланди.

📰 АҚШнинг "PNAS" етакчи илмий журналида эълон қилинган тадқиқот натижалари айни шу масалага бағишланди.

🔬 Муаллифлар хулосасига кўра, водород пероксиди сув микротомчиларида мустақил равишда пайдо бўла олади. Ушбу модда нафас олиш, аксириш, йўталиш чоғида беморлардан ҳавога ажраладиган суюқлик таркибидаги вирусни йўқ қилиш хусусиятига эга.

📈 Тадқиқот давомида ҳаво намлиги 15 фоиздан 50 фоизгача бўлган ёпиқ муҳитда водород пероксиди концентрацияси 3,5 баравар ошиши қайд этилди. 50-95 фоиз оралиғидаги кўрсаткичда эса бу модда деярли доимий мавжуд бўлади.

🔎 Олимлар мазкур хулосани яна бир эслатма билан бойитди: намлик даражаси паст бўлганда, вирус қуруқ ҳолатда ҳавода узоқ вақт сақланади. Бу эса унинг беморларга юқиш хавфини оширади.

‼️ Шу боис уй ичидаги нисбий намлик даражаси 40 фоиздан 60 фоизгача бўлишини таъминлаш вируслардан ҳимояланишнинг самарали усули сифатида тавсия этилади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

Буни билишингиз керак!

❓Ўт қопи организмда нима вазифани бажаради?

❓Унда тош ҳосил бўлишининг сабаби нимада?

❓Ўт қопида тош бўлган инсонда қандай аломатлар пайдо бўлади ва бундай ҳолда у қайси мутахассисларга учраши керак?

‼️ Ушбу саволларга юқоридаги видеолавҳада академик В.Воҳидов номидаги Республика ихтисослаштирилган хирургия илмий-амалий тиббиёт маркази бўлим раҳбари Миршавкат Акбаров батафсил жавоб беради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

❗️ЖССТ: Жаҳонда 5 млрд инсон трансёғларнинг зарарли таъсиридан ҳимояланмаган

🗂 Жаҳон соғлиқни сақлаш ташкилотининг маълумотига кўра, сўнгги йилларда трансёғлардан фойдаланиш сезиларли даражада ошган.

🍔 Чунки улар одатда организм учун фойдали ёғларга қараганда арзонроқ ва қатор кимёвий ва физик хусусиятларга эга. Масалан, хона ҳароратида қаттиқ ҳолатда сақланиб қолади, шу сабаб уларни турли хил қайта ишланган озиқ-овқат маҳсулотларига қўшиш қулай.

🍩 Эслатиб ўтамиз, трансёғлар саноат ёки табиий тўйинмаган ёғли кислоталардир. Саноатда ишлаб чиқарилган ушбу маҳсулот маргарин, ўсимлик ёғлари, қовурилган таом ва пишириқлар, хусусан, кракерлар, печенье ва пирогларда мавжуд. Табиий трансёғлар кавш қайтарувчи ҳайвонлар (масалан, сигир, қўй, эчки) гўшти ва улардан олинадиган сут маҳсулотларида бўлади. Саноатдаги ва табиий трансёғларнинг иккиси ҳам бирдек зарарли.

❤️‍🩹🩺 ЖССТнинг янги ҳисоботида айтилишича, дунё бўйлаб беш миллиард одам ушбу ёғларнинг зарарли таъсиридан ҳимояланмаган бўлиб, бу юрак хасталиклари ва ўлим хавфини оширади. Ҳар йили саноатда ишлаб чиқарилган трансёғлар дунё бўйлаб 278 мингдан ортиқ ўлимга сабаб бўлмоқда.

✅ ЖССТ мазкур турдаги ёғларни тақиқлаш ёки уни кунлик энергия миқдорининг 1 фоизигача камайтиришни тавсия қилади. Яъни, кунлик рационда 2000 калория бўлса, трансёғлар 2,2 граммга тўғри келиши лозим. Уларни саломатлик учун фойдали ёғлар билан алмаштириш мумкин.

📋 Илғор тажрибага асосланиб, ЖССТ давлатлар учун иккита вариантни тавсия қилади:

1) барча озиқ-овқат маҳсулотларида саноатда ишлаб чиқарилган трансёғлар умумий ёғ миқдорининг 100 гр учун 2 гр дан кўп бўлмаган мажбурий умуммиллий чекловни жорий этиш;

2) трансёғларнинг асосий манбаларидан бири бўлган қисман гидрогенланган мойлар ишлаб чиқариш ёки уларни ҳар қандай озиқ-овқат маҳсулотида ишлатишни мажбурий умуммиллий тақиқлашни жорий этиш.

📌 Қатор мамлакатлар тажрибаси шуни кўрсатадики, мажбурий чекловлар ихтиёрий чекловлардан фарқли ўлароқ, озиқ-овқат маҳсулотларидаги трансёғлар миқдорини ва уларни аҳоли томонидан истеъмол қилишни камайтиришда анча самарали.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

🏥 Илғор даволаш усулларини йўлга қўйиш, мутахассисларнинг малакасини ошириш мақсадида Республика шошилинч тиббий ёрдам илмий марказида мунтазам равишда дунёнинг етакчи жарроҳлари билан ҳамкорликда юқори технологик операциялар ўтказилиб келинмоқда.

🇲🇩 Марказга таклиф этилган навбатдаги мутахассис — Молдова Республикаси Соғлиқни сақлаш вазирлиги бош кардиохирурги, профессор Аурелиу Батринак.

🔬 Улкан тажрибага эга бу шифокор иштирокида юрак гипертрофик кардиомиопатиясига чалинган бир қанча беморларда Морроу операцияси бажарилди.

📹 ССВ Матбуот хизмати томонидан тайёрланган юқоридаги видеолавҳада шу ҳақда батафсил сўз боради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

​❗️ЖССТ: Дунё аҳолисининг 43,1 фоизи неврологик касалликлардан азият чекмоқда

🧠 Неврологик касалликлар — ногиронликни келтириб чиқарувчи энг асосий омиллардан бири. Қолаверса, бундай хасталиклар эрта ўлимга олиб келувчи сабаблар орасида етакчи ўринларда.

📰 Британияда чоп этиладиган "Lancet Neurology" тиббиёт журналида эълон қилинган мақола айни шу мавзуда. Ундан Жаҳон соғлиқни сақлаш ташкилоти иштирокида 1990 йилдан 2021 йилгача ўтказилган кенг кўламли тадқиқот натижалари жой олган.

📊 Қайд этилишича, дунёда 3,4 миллиард киши, бошқача айтганда, Ер юзи аҳолисининг 43,1 фоизи неврологик касалликлардан азият чекмоқда. Бу борада инсульт, неонатал энсефалопатия, мигрен, деманс, диабетик нейропатия, менингит, эпилепсия, аутизм каби хасталиклар улуши юқори.

📈 Тадқиқот давомида ўрганилган бундай касалликлар сони 37 та. Якуний ҳисоб-китобларга кўра, ушбу патологиялар асоратлари 1990 йилдан 2021 йилгача 11,1 миллион кишининг ўлимига сабаб бўлган.

🩺 Хасталиклар тақсимоти ёш тоифасига қараб фарқланади. Масалан, 20 ёшдан 59 ёшгача бўлган беморлар ўртасида инсульт, мигрен ва диабетик нейропатия ташхислари юқори ўринни эгаллайди. 60-79 ёшлилар орасида эса инсульт, Альцгеймер, деманс, диабетик нейропатия билан хасталанганлар сони кўп.

📌 Олимларнинг таъкидлашича, асаб тизими бузилишлари оқибатида меҳнат қобилиятини йўқотганлар сафида эркаклар улуши аёлларга нисбатан сезиларли даражада юқори.

🔎 Неврологик хасталиклардан энг кўп азият чеккан минтақалар рўйхатида Ғарбий ва Марказий Африка давлатлари пешқадам. Энг паст статистика Австралия, Океания ва Осиё-Тинч океани минтақасида жойлашган юқори даромадли мамлакатлар ҳиссасига тўғри келади.

‼️ Табиийки, мутахассислар бундай кўрсаткичлардан жиддий хавотирда. Хусусан, ЖССТ раҳбари Тедрос Гебрейесус ушбу тадқиқот ҳукуматлар учун диагностика, даволаш ва реабилитация хизматлари сифати ҳамда кўламини ошириш бўйича кучли чақириқ бўлиши кераклигини таъкидлади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

Буни билишингиз керак!

🫀 Бугунги кунда дунёда энг кенг тарқалган юқори технологик операциялардан бири юрак қон-томирига стент қўйиш амалиёти ҳисобланади. Ундан сўнг реабилитация жараёни бошқа турдаги жарроҳлик амалиётларига қараганда анча тезроқ кечади.

❓Қайси ҳолларда бемор бундай амалиётга муҳтож бўлади, стент қўйишнинг афзалликлари нимада ва ундан аввал қандай таҳлиллар топшириш лозим ҳамда операциядан кейинги тавсиялар нималардан иборат?

‼️ Бу ҳақда юқоридаги видеолавҳада академик В.Воҳидов номидаги Республика ихтисослаштирилган хирургия илмий-амалий тиббиёт маркази жарроҳи, профессор Миржамол Зуфаров батафсил гапириб беради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

❓Хотин-қизлар қандай патронаж ва скрининг текширувларидан ўтиши керак?

📌 Хасталикни даволагандан кўра унинг олдини олган афзал. Бу тамойил бугун юртимиз тиббиётидаги устувор вазифага айланган.

🩺 Шу сабабли мамлакатимизда аҳоли саломатлигини муҳофаза қилиш учун мақсадли тиббий кўриклар ташкил этилмоқда. Хусусан, хотин-қизлар соғлигини асраш, репродуктив саломатликни муҳофаза қилиш мақсадида улар мунтазам равишда патронаж ва скрининг текширувларидан ўтказилади.

👩‍⚕️ — Хусусан, бирламчи тиббий-санитария муассасалари фаолияти доирасида 35–55 ёшли аёллар скрининг дастурлари билан қамраб олинади. Бунда оила шифокори томонидан 3 йилда 1 марта уларда бачадон бўйни саратони скрининги ўтказилиши кўзда тутилган, — дейди Юнусобод туман тиббиёт бирлашмаси бошлиғи Шоира Абдусаттарова.

🔬— Шунингдек, ушбу тоифадаги аёлларда тор соҳа мутахассиси (гинеколог) кўриги, лаборатор ва кольпоскопия каби инструментал текширувлар олиб борилади.

👵 45 – 65 ёшли аёлларда оила шифокори томонидан 2 йилда 1 марта кўкрак бези саратони скрининги ўтказилади. Бунда уларда тор соҳа мутахассиси (онколог) кўриги, маммографик инструментал текширувлар амалга оширилади.

👩 15 – 49 ёшли хотин-қизларда эса оила шифокори томонидан мунтазам профилактик кўриклар, ҳомиладорликка монеликни аниқлаш бўйича текширувлар йилда бир марта ўтказилади.

❇️ Уларда гинеколог ва бошқа тор соҳа мутахассислари томонидан кўрсатмага асосан кўриклар ташкил этилади. Қоннинг умумий таҳлили лаборатор шароитда текширилиши ҳам скрининг дастурлари доирасига киритилган.

💊 Патронаж хизмати доирасида тиббий бригада дояси томонидан ҳомиладор аёлларда 2 марта – ҳомиланинг 12 ва 32 ҳафталикларида текширув амалга оширилади.

‼️ Туғуруқдан кейинги чилла давридаги аёллар эса тиббий бригада дояси томонидан туғуруқхонадан уйга келганда 3 кун ичида, унинг 15- ва 30-кунида — жами 3 марта тиббик кўрикдан ўтказилади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

Президент Сергелидаги Ёшлар боғида дарахт экди.

@ssvuz | @ssvmatbuotkotibi | Facebook | Instagram

❗️ССВ: Наврўз байрами ва дам олиш кунларида тиббиёт муассасалари узлуксиз фаолият юритади

📌 Давлатимиз раҳбарининг тегишли фармонига кўра, бу йил Наврўз умумхалқ байрами муносабати билан юртдошларимиз иш ҳафтасининг туридан қатъи назар кетма-кет 4 кун дам олади.

🏥 Ана шу даврда қуйидаги даволаш-профилактика муассасаларининг 40 минг нафардан ортиқ тиббиёт ходими қонунда белгиланган тартибда, навбатчилик асосида аҳолига хизмат кўрсатади:

✅ 1257 та кўп тармоқли ва оилавий поликлиника,
✅ 1080 та оилавий шифокор пункти,
✅ 1002 та маҳалла тиббиёт пункти,
✅ туман, вилоят ва республика шифохоналари,
✅ ихтисослаштирилган тиббиёт марказлари,
✅ тиббиёт олий ўқув юртлари клиникалари.

🏥 Республика шошилинч тиббий ёрдам илмий маркази, унинг ҳудудлардаги 13 та филиали, туманлардаги 181 та шошилинч тиббий ёрдам қабул бўлими ҳамда туманлараро қўшма шикастланишлар ва ўткир қон-томир касалликлари марказларида 24 соат давомида навбатчи шифокор ва ҳамширалар фаолият юритади.

🚑 Юртимиз бўйича 2755 та тез тиббий ёрдам бригадаси аҳолидан бўладиган чақириқлар асосида куну тун хизмат кўрсатади.

🤱 Бундан ташқари, 227 та туғуруқ, 245 та болалар даволаш муассасаcи ҳам узлуксиз иш олиб боради.

☎️ Республика Call-маркази (1003) орқали тиббиётга тегишли саволларингизга малакали мутахассислардан кечаю кундуз жавоб олишингиз мумкин.

‼️Соғлиқни сақлаш вазирлиги байрам кунларида меҳнат қиладиган барча тиббиёт ходимларига ўз миннатдорлигини билдиради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram

​Баҳорги аллергия қандай белгилар билан намоён бўлади?

🌱 Юртимизда Наврўзи олам шукуҳи... Табиат уйғониб, ён-атроф яшилликка бурканмоқда. Дов-дарахтлар куртак ёзиб, гулга киряпти. Бироқ кўкламнинг бундай ажойиб паллалари айрим инсонлар учун синов даври.

▶️ Республика ихтисослаштирилган аллергология ва клиник иммунология илмий-амалий тиббиёт маркази директори Илмира Разикова билан мавсумий аллергия, жумладан, поллиноз касаллиги хусусида суҳбатлашдик.

🌳 — Дарахтлар гуллаши, ўсимликлардан ажраладиган чанг зарралари иммун тизими заиф кишиларда аллергияга мойилликни юзага келтириши мумкин, — дейди мутахассис.

🍀 — Мавсумий аллергия асосан 20 микрометрдан 50 микрометргача бўлган ўсимлик чангчалари туфайли пайдо бўлади ва тиббиётда поллиноз деб аталади. У acocaн бурун шиллиқ пaрдaлaри, юқoри нaфac йўллaри ҳамда кўз кoнъюнктивacигa тaъcир кўрcaтaди.

📊 Бу турдаги хасталикни уч даврга бўлиш мумкин.

📌 Илк босқич март ойи бошидан май ойи ўртасигача давом этади. Яъни дарахтлар гуллаган пайтда беморларда хасталик қўзғалади. Иккинчи босқич май ойидан июль охири ва август бошигача кузатилади. Бу мавсумда дала ўтлари гуллайди. Учинчи босқич бошоқли ўсимликлар гулга кириши билан боғлиқ бўлиб, у август ойидан ноябргача бўлган даврни ўз ичига олади.

🌿 Баҳор ойларида чинор, сарв, қайин, эма, қайрағоч, тол, қарағай, қора терак, шумтол каби дарахтларнинг гуллаши баъзи кишиларда аллергик реакцияларни келтириб чиқаради.

🩺 Қолаверса, бу фаслда ҳавода тарқалган гулчанглар, чанг ва моғор миқдори ортиши кузатилади. Оқибатда аксириш, бурун битиши ва қичишиши ёки кўп миқдорда оқиши, кўзларнинг шишиши, ёшланиши ва баъзан йўтал каби аломатлар билан баҳорги аллергия белгилари намоён бўлади.

🔎 Шунингдек, тери кўчиши, қичишиш, қуруқлашиш, қизариш ва ундаги қизғиш тошмалар ҳам хасталикка хос симптомлардир.

👩🏻‍⚕️ Бундай вазиятда, албатта, аллерголог мутахассисга мурожаат қилиш лозим. Чунки ўзбошимчалик билан даволаниш аллергияни кучайтириш ёки бошқа касалликларни келтириб чиқариши мумкин.

🧪 Аввало, беморда кузатилаётган симптомлар аллергия белгиси эканлигини махсус қон тaҳлили ёрдaмидa аниқлаш лозим. IgE тecти — шулардан бири.

🔬 Бундай текширув учун ҳозир марказимизда юқoри тeзликкa эгa ва бир вaқтнинг ўзидa 200дан ортиқ турдаги аллергенларни аниқлай оладиган aвтoмaт иммунoфeрмeнт aнaлизaтoри — “Alisei” қурилмасидан фойдаланилмоқда. Таҳлил жавоблари чиққач, натижаларга кўра, муолажалар белгиланади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram

#Кеча_ва_бугун

❗️Юртимиздаги даволаш муассасаларининг салоҳияти ва имкониятларини жаҳон стандартларига тўла жавоб берадиган юксак даражага олиб чиқиш соҳадаги трансформация жараёнларининг бош мақсадларидан бири сифатида белгиланган.

🏥 Шу боисдан бугун илғор ва замонавий шифо масканларини ташкил этишга алоҳида эътибор қаратиляпти.

✅ Болалар миллий тиббиёт маркази, Миллий тиббиёт маркази, Катталар ва болалар учун мўлжалланган гематология илмий-амалий тиббиёт марказлари – сўнгги йилларда қад ростлаган ана шундай муассасалардан. Қолаверса, ҳозирда барча қулайликларга эга бўлган онкология ва нефрология тиббиёт марказлари ҳам барпо этилмоқда.

📈 Қувонарлиси, тиббиётдаги бундай ўзгаришлар нафақат пойтахт ёки вилоят марказлари, балки юртимизнинг энг чекка ва олис ҳудудларига қадар етиб бормоқда.

📹 ССВ Матбуот хизмати томонидан тайёрланган юқоридаги видеолавҳада шу ҳақда батафсил сўз боради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram