«Կոշիկի (ոտնամանի) գործով» հսկող դատախազը, քննիչի միջնորդությամբ, դադարեցրել է Արցախի Վանք գյուղից Նարեկ Թևոսյանի դեմ քրեական հետապնդումը՝ հավաքի մասնակիցներին նյութապես շահագրգռելու հոդվածով

Նարեկն այս գործով անազատության մեջ է գտնվել 3 ամիս, որից երկուս ու կես ամիսը՝ բանտային, մնացածը՝ տնային կալանքի ներքո։

Իհարկե, այս գործը ընդհանրապես չպետք է «ծնվեր», առավել ևս՝ բոլոր գրված ու չգրված օրենքներով՝ Նարեկը չպետք է բանտարկվեր:

Ռուբեն Մելիքյան
Իրավապաշտպան

Բագրատ Սրբազանն ընդդեմ լրագրող Դավիթ Լևոնյանի

Այսօր կայացավ դատական նիստ՝ Բագրատ Սրբազանն ընդդեմ CIVIC-ի լրագրող Դավիթ Լևոնյանի։

Փաստաբան Աննա Փիլոսյանի փոխանցմամբ՝ հաջորդ դատական նիստը նշանակվել է հունվարի 22-ին։

Հիշեցնենք, որ ս.թ. ապրիլի 27-ին, «Յութուբ» մուլտիմեդիա էլեկտրոնային հարթակի «Civic News» ալիքի էջում հրապարակվել է 8 ր. 39 վրկ. տևողությամբ տեսանյութ՝ «Բագրատ «սրբազանի ու ԿԳԲ-ի կապը. Ով է նա ու ինչի՞ է ցանկանում հասնել» վերտառությամբ, որում «լրագրող» մասնագիտությամբ, Դավիթ Լևոնյան անուն ազգանունով ներկայացող անձը ստահոդ, կեղծ և փաստազուրկ մեղադրանքներ ու զրպարտանքներ է հնչեցնում Բագրատ արքեպիսկոպոս Գալստանյանի հասցեին:

Նշյալ անձը Բագրատ Սրբազանին մեղադրում է (մեջբերումը վերոնշյալ «հաղորդման» էլեկտրոնային կապից է) «ռուսական ԿԳԲ-ի գործակալ լինելու, «Կրեմլից» միլիոնավոր դոլարներ ստանալու, հայ-ադրբեջանական պատերազմ հրահրելու» համար։

Լրագրողական արհեստավարժ, առարկայական և անաչառ բովանդակությունից, մասնագիտական էթիկայից և բարեվարքությունից զուրկ, ավելի շուտ՝ բլոգերային մենախոսության տպավորություն գործող նշյալ տեսանյութում հնչում են պնդումներ, թե իբր նա ունի «ապացույցներ», ըստ որոնց՝ Հայ եկեղեցու Սրբազանը «միլիոնավոր դոլարներ է ստացել»։

Մանրամասները՝ տեսանյութում։

https://www.youtube.com/watch?v=wgyagZcnStA

Դեսպաններին հանձնվելու են նամակներ իշխանության կողմից իրականացվող քաղաքական բռնաճնշումների վերաբերյալ

«Տեղեկացնում եմ, որ վաղը ժամը 3-ին լինելու եմ Կոնդի Սուրբ Հովհաննես եկեղեցու մոտ: Այնտեղից 3:30 քայլելու եմ սկզբում Եվրոպական Միության պատվիրակության, այնուհետ ԱՄՆ դեսպանատներ: Դեսպաններին հանձնելու եմ նամակներ իշխանության կողմից վարվող քաղաքական բռնաճնշումների վերաբերյալ»:

Այս մասին ֆեյսբուքյան իր էջում հայտնում է Հովհաննես Ավետիսյանը։

ՔՊ-ն չմասնակցեց հայ ռազմագերիներին Ադրբեջանից պահանջելու մասին հայտարարության նախագծի քվեարկությանը

Ավելի վաղ ԱԺ «Հայաստան» և «Պատիվ ունեմ» խմբակցությունները հանդես էին եկել հայտարարությամբ, համաձայն որի, ԱԺ պատգամավորների ¼-ի պահանջով օրվա երրորդ նիստում քննարկվելու է հրատապ թեմա՝ Ադրբեջանում պահվող հայ ռազմագերիների վերաբերյալ, ինչպես նաև նախատեսվում է հայտարարության նախագծի քվեարկություն։