يا ترى ايه اكتر حاجه مهمة دلوقتي ليك في سوق العمل ؟🤔

دلوقتي سوق العمل بيدور على المهارات زي الشهادات ويمكن أكتر في بعض الوظائف

و اهم مهارات هي مهارات ال soft skills اللي هي عبارة عن
✅ القدرة على التواصل الفعال
✅ القدره على الإقناع
✅ العرض والتقديم وغيره كتير من المهارات اللي بتكتسب بالممارسة.

وعلشان أهمية المهارات سبوت كانت لازم تعمل كورس "soft skills"

هنعرف في 👇🏻
✅ مهارات التواصل والتقديم
✅ والمهارات الأساسية لسوق العمل والتوظيف

🔹بداية من يوم ٨/٣
🔹 ولمدة ثلاث أيام

🔸وعشان تحضر معانا سجل في الفورم دي 👇
https://docs.google.com/forms/d/e/1FAIpQLSd1P3EM4pBqTUSwD6vct6NC8TMN-HBInn56qhDByUoz4k1nDw/viewform?usp=pp_url

#soft_skills
#spot

الحياة مليئة بالمواقف اللي بنلاقي نفسنا فيها محتاجين للتصرف السريع، وغالبًا بيكون تصرفنا هو اللي بيحدد مصير شخص تاني. في لحظات فاصله، ثواني قليلة ممكن تكون الفرق بين الحياة والموت، بين الأمل واليأس. عشان كده، وبدافع إنساني عميق تحت شعار "ومن أحياها ❤️"، تعلن وحدة سبوت عن إطلاق دورة الإسعافات الأولية ( ready steady rescue)المقدمة لجميع الطلاب من مختلف الكليات.
الهدف من الدورة هوان تكون الشخص المنقذ في المواقف الطارئة💗
هنتعلم ف دورتنا :
الانعاش القلبى الرئوى ( cpr ) ❤️
الحقن بمختلف انواعها و ازاى نديها (injection)💉
قياس الضغط و العلامات الحيويه ( vitals) 🌡️
اخيرا ازاى نتعامل ف مواقف كتير بنقابلها زى الحروق و الكسور و الجروح المختلفه (first aid) ⛑️ 🩹
مستنيكم تنورونا ف✨ كليه الطب جامعه طنطا
مدة الدوره : يومان
الدوره بتم مع مدربين معتمدين و فى معمل مجهز بكل الادوات و الاجهزه المطلوبه التدريب🥳
اتمام الدوره بشهاده معتمدة من كليه الطب❤️
كل اللي عليك إنك تملى الفورم وتكون مستعد تبدأ رحلتك في تعلم مهارات الإسعافات الأولية. مستنيينك تنورنا ❤️

لينك فورم التسجيل ✨
https://docs.google.com/forms/d/e/1FAIpQLSdaxsLXq1yaYQjZNxPH8UMTtflVVN1rEwF-1o6y7jftiNhe2w/viewform?usp=sf_link

لينك الإيفنت:🥰
https://facebook.com/events/s/ready-steady-rescue-bls-2024/1001744631755766/

بقولك!
أنا مخنوق بقالي كذا يوم مش عارف أذاكر 😢
/ قولي كدا بتحس بإيه بالظبط ؟

-بحس كأن عقلي مشوش، زي ما يكون واقف في منطقة ضبابية مش عارف أخد خطوة قدام، كأن حاجة قافلة على تفكيري
/ تعرف كدا إنك وصلت لتشخيص اللي عندك وهو ال "Mental fog"

🔸ولو عايز تتأكد أكتر فهتلاقي عندك من الأعراض دي :

١- صعوبة في التركيز على مهمة واحدة لفترة طويلة.

٢- صعوبة في تذكر الأشياء الحديثة أو القديمة.

٣- صعوبة في التعبير عن أفكارك أو العثور على الكلمات الصحيحة.

٤- الشعور بالإرهاق والتعب.

٥- صعوبة في إتخاذ القرارات بمعنى هتحس إن عندك لاج كل مرة تفكر فيها 😖.

٦- الصداع، الدوخة، التقلبات المزاجية.

٧- صعوبة في التعلم خصوصاً في الحاجات اللي هتتعلمها لأول مرة.
➖➖➖
#Infection_control

🔸طب إيه الأسباب اللي ممكن تخليني اوصل لكدا؟
/ لأ دول كتير اوي فتعالى نقسمهم ل ٣ مجموعات؛ (نفسية - حياتية - صحية )
1️⃣ النفسية:
إكتئاب وقلق --> ودول بيأثروا على كل الوظائف الإدراكية اللي عندك.
إجهاد مزمن ---> وده حدث ولا حرج من اسمه بيعملك أحلى ضغط على العقل والجسم
وخد بالك من الإتنين دول كويس وانت داخل على الإمتحانات لأنهم هيكونو أكبر عدو ليك 😔

2️⃣ الحياتية:
هتلاقيك بتنام ساعات قليلة، أكلك مش صحي وناقص معادن وفيتامينات مهمة، مبتتحركش كتير !
وخد بالك لازم يومك يكون فيه أي نشاط رياضي عشان دا بينشط الدورة الدموية في الجسم

3️⃣ الصحية :
كتير اوي بس بشكل عام أي مرض هيؤدي لأي سبب من أسباب النفسية او الحياتية فهو معانا
زي ؟
السكر - الجفاف - أنيميا - اضطرابات النوم - عدوى - اضطراب في الغدد الصماء - حساسية.
➖➖➖
#Infection_control

🔸 طب علاج الموضوع دا أيه ؟
أكيد لو عندك مشكلة صحية لازم تعالجها الأول ولو الموضوع مزمن لازم تشوف دكتور
بس دي شوية نصائح ممكن تساعدك:
الحصول على قسط كاف من النوم:

▪️حاول النوم لمدة 7-9 ساعات كل ليلة.

▪️ممارسة الرياضة بإنتظام وحتى التمارين الخفيفة بتساعد في تحسين الدورة الدموية.

▪️تناول غذاء صحي ومتوازن، ركز على الأطعمة الغنية بالفيتامينات والمعادن زي الفواكه والخضروات والحبوب الكاملة.

▪️ الحد من التوتر عشان محدش واخد منها حاجة 🤷‍♂️.

▪️ ابعد عن السجائر او أي حاجة فيها نيكوتين وكدا كدا الحمدلله مفيش حد هنا بيشرب كحول 😁.

▪️ الحفاظ على رطوبة الجسم، شرب كمية كافية من الماء ودي أكيد حاجة مهمة مش محتاجة كلام.

⚡وبس كدا نشوفكم في السلسلة الجاية على خير ان شاءالله❤️🫡
#Infection_control

"وحيد كان في المسجد وطالع منه وهو ماشي لقى على يمينه مكان مكتوب عليه SPOT

فسأل واحد من اللي معاه هو إيه سبوت دي..؟🤔

راح واحد منهم رد وقال دا حرفيا أجمل مكان في الكلية، دي وحدة تنمية مهارات خريجي طب طنطا، أنشئت تحت إشراف د. أمل حشيش وسنة ورا سنة بدأت تتقدم وتحصل على المكانة اللي هي فيها دلوقت.
مع سبوت هتتعلم مهارات طبية وسوفت سكيلز، هتكون صداقات جميلة، هتتعلم حاجات جميلة زي Presentation skills, time management skills, هتبقى فيها ترينر تشرح لدفعات كتير جاية، وممكن لو عندك حب لحاجة معينة وعاوز تطورها زي كومبيوتر سكيلز أو حد البحث والتوعية فمعها هتقدر تطورها🧑‍⚕️✨️.

وحيد حب الفكرة وقرر ينضم لسبوت فسأل صاحبه تاني وقاله النهارده الساعة عشرة هينزل فورم تسجيل الانضمام فسجل فيه عشان تكون سبوتاوي..❤️🎉"

تابعنا وهتعرف إحنا مين أكتر، ومتنساش تسجل في الفورم عشان تنورنا
https://facebook.com/events/s/spot-recruitment-2024/508131728644719/

أنا النهاردة جاي أحكي لكم واحدة من أكبر مخاوفي واللي كانت دايما ومازالت بتحطني تحت ضغط شديد من بعد ما دخلت الكلية،

وهي أنه العمر كل ما بيتقدم بيك وبتنشغل وتبقي حياتك روتينية لأبعد حد .. ف مفيش وقت أن الواحد يفضل يثقف نفسه ويدور علي عيوبه ويصلحها ودا واقع وكلنا حاسينه وعارفينه.

فترة الجامعة دي اهم فترة ف حياتك؛ هي الفترة الذهبية بجد والرصيد اللي انت بتجمعه وبتصرف منه باقي حياتك بدون مبالغة، الفترة دي مميزة لاسباب كتير أولها وأهمها إنك لسه شاب، عودك لين سهل تشكله علي مزاجك وتدور علي عيوبك وتعدلها قبل ما ينشف ويتصلب، مفيش ضغط، مفيش مسئوليات، عندك وقت كتير .. كتير اوي، والوقت دا ملكك، تقدر تقريبا تعمل وتتعلم أي حاجة أنت عايزها.

وكل ما بتكبر كل ما مسئولياتك بتزيد، يعني دلوقت مثلا انت مطلوب منك تذاكر وبس، بعد فترة هيبقي مطلوب منك مذاكرة وتشتغل وتفتح بيت ومسؤول من أطفال وهكذا، ف اللي متاح معاك حاليا، مش هيبقي متاح ليك بعدين.

سبوت بيئة خصبة جدا لأنك تطور من نفسك، هتلاقي فيها المناخ اللي يساعدك أنك تتعامل مع الناس وتكوّن معارف كويسه، إنك تكسر حاجز زي البريزنتيشن أو إنك تتكلم قدام الناس، هتلاقي اللي بيتعلم فوتوشوب مثلا أو لغة جديدة او دورة اسعافات أو سوفت سكيلز او أي مهارة ويقوم عامل جروب ومجمع ناس ومعلمه لغيره، والموضوع كله سيلف ليرنينج.

الكلام دا والله مش طوباويات ولا حاجة، أنا عاصرت الكلام دا كله وشوفت الناس اللي اتخرجوا وعملوا كل دا.

قال ﷺ : « احْرِصْ علَى ما يَنْفَعُكَ، وَاسْتَعِنْ باللَّهِ ولا تَعْجِزْ. »

د. محمد حامد
____

دي رسالة د. حامد الضائعة للقراصنة فسجل في فورم الانضمام ومتنساش تبعته لكل زمايلك وصحابك، وتابعنا عشان تعرف أكتر عن سبوت وكل الخدمات اللي بنقدمها.
https://forms.gle/azxXMbrPwpoxNuxw6