Паглядзіце ў ва што была перабудавана прыватнымі ўласнікамі сядзіба прамысловаўца Лейбы Стругача ў Будзёнаўцы пад Ашмянамі.
Без ахоўнага статусу гаспадар цалкам знішчыў гістарычны выгляд каштоўнага помніка, пад які нават былі зарэзерваваны зоны аховы ў праекце дэталёвай планіроўкі Ашмянаў. Цяпер ні пра якія зоны і ахову ўжо казаць не даводзіцца.

Крыніца
#антырэстаўрацыя #будзёнаўка #ашмяны #непомнік #сядзібы

У нямецкім Гёрліцы скандал. У час рэканструкцыі двух гістарычных будынкаў па Саламонштрасэ (Salomonstraße) 13 і 14 знішчылі абсалютна ўвесь аўтэнтычны і досыць багаты дэкор.

Мясцовыя ўлады патлумачылі гэта тым, што паводле ўправы па ахове помнікаў фасады не заслугоўвалі аховы, а стан будынкаў быў вельмі. Каб правесці рэканструкцыю будынкаў іх пазбавілі ахоўнага статусу. Нешта нагадвае, праўда?

Жыхары горада не ацанілі такіх заяў, бо і на вока было бачна, што на адным будынку не было ніякіх пашкоджанняў фасадаў. На іншым былі - дзе нідзе абваліўся тынк, але на іншых будынках такія выпадкі вырашалі простым рамонтам. Фактычна на тое, каб знішчыць дэкор і зрабіць новы, было патрачана больш грошай, чым спатрэбілася б проста на рамонт.

Чым скончыцца гісторыя невядома, але гэта яшчэ раз паказвае, што якія б добрыя законы не былі напісаныя дзеля аховы спадчыны - усё ўпіраецца ў чалавека. Шкоднік-"хазяйственнік" знойдзецца нават у самай развітай і перадавой краіне.

https://www.saechsische.de/goerlitz/immobilien-goerlitz/landratsamt-zerstoert-goerlitzer-denkmale-salomonstrasse-13-und-14-fassaden-stuck-abgeschlagen-denkmalschutz-5946402-plus-amp.html?utm_source=msn
#Германія #антырэстаўрацыя #замежжа #гістарычнаязабудав

4 студзеня на плошчы перад Заходнім рынкам адкрылі скульптуру "Гандляр кавунамі".

Яе аўтары Ігар Засімавіч, Кацярына Зантарыя, Паліна Багданава.

Дзесяць гадоў таму гэты калектыў устанавіў на тым жа рынку скульптуру "Гандляр з парсючком" (Дзядзька Антось).

Як вам увогуле сталічная традыцыя ўпрыгожваць рынкі скульптурамі?

Крыніца
#Мінск #помнікі

Прачытаў на канале «Пошукі старога Гомеля» допіс пра страчаную пабудову на тэрыторыі сённяшняга палацава-паркавага комплексу. З боку галоўнага уваходу быў шасцікалонны порцік. На раку выходзіў фасад, аздоблены шасццю пілястрамі. Ордар у дакументах названы «геркулесавым».

Аўтар канала сувярджае, што «гісторыкам архітэктуры такі ордэр невядомы. Магчыма, гэтая назва магла ўзяцца з-за капіявання ордара вядомага гістарычнага правобраза. Напрыклад з старажытнага храма-ратонды Геркулеса ў Рыме».

Храм Геркулеса Непераможнага на Бычыным форуме мае самы багаты карынфскі ордар. Але гісторыкам архітэктуры ўсё ж вядома, што «геркулесавым» ордарам называлі зусім іншы.

Пра гэта пісаў Андрэа Паладыа ў сваіх кнігах па архітэктуры:

«У плане аздабленняў яны таксама ў вышэйшай ступені лічыліся з тым, для якога бога яны будавалі: так, Мінерве, Марсу і Геркулесу яны будавалі храмы дарычнага ордара, бо такім багам, казалі яны, што апекваюцца ваеннай справай, пасуюць пабудовы, пазбаўленыя тонкасці і мяккасці. Але Венеры, Флоры, музам, німфам і самым пяшчотным багіням трэба, казалі яны, будаваць храмы, якія пасавалі б да іх квітнеючага і пяшчотнга дзявоцкага ўзросту, праз што яны і рабілі іх карынфскага ордара, бо ім здавалася, што тонкія і квяцістыя формы, упрыгожаныя лісцем і валютамі, пасуюць такому ўзросту. Юноне ж, Дыяне, Бахусу і іншым багам, якім, здавалася, не пасавалі ні строгасць першых, ні далікатнасць другіх, яны прадпісвалі іанічны ордар, які займае сярэдняе месца паміж дарычным і карынфскім.»

Уся класічная архітэктура ў нас будавалася па трактатах і праектах Паладыа, таму ордарам страчанай пабудовы амаль дакладна быў дарычны.
#лікбез #Гомель