У 2007 годзе царква Святога Дыянісія ў в. Заастравечча Клецкага раёна пачыла пакрываецца сайдынгам. У тым жа годзе храму быў прысвоены статус гісторыка-культурнай каштоўнасці (шыфр 613Г000201), аднак, гэта ніяк не перашкодзіла ўласніку цалкам закатаць драўляны храмы ва ўдушлівы пластык. Так і стаіць 13 гадоў без усялякіх зрухаў у лепшы бок.

#антырэстаўрацыя #цэрквы #Заастравечча #драўлянаедойлідства

Неяк за скандальна ізумруднымі фасадамі палаца Сапегаў мы не заўважылі, як у тых жа Ружанах БПЦ пачала рэстаўрацыю корпуса кляштара базыльянаў, пабудаванага ў 1784—1788 гадах па праекце архітэктара Яна Самуэля Бекера (які ўласна і стварыў усе славутасці мястэчка).

#Ружаны #рэстаўрацыя #гістарычнаязабудова #манастыры

Вынікі сёлетняй рэстаўрацыі брамы-званіцы Жыровіцкага манастыра.

#рэстаўрацыя #манастыры #жыровіцы
https://glubinka.by/grodnenskaya-oblast/slonimskij-rajon/zhirovichi.html

У ранейшыя гады быў гучны скандал, калі з барочнага іканастаса паздымалі арыгінальныя абразы на вечнае захоўванне ў музеях, замяніўшы іх кононічнымі іконамі «а-ля рус», а пасля з іканастаса прыбралі і разьбяны дэкор.

Цяпер жа бачна, што частка дэкору вярнулася, праўда, калі прыгледзіцца, то становіцца зразумела, што зусім не таго, што быў.

#антырэстаўрацыя #русіфікацыя #цэрквы #інтэр'еры #дэкор #Жыровіцы #дэградацыя

А даволі вядомыя хлопчыкі тым часам мераюцца шпілямі і трасуць бубянцамі. У пачатку месяца разам сабраліся Веніямін, генарал-губернатар расійскі пасол Мезенцаў і архітэктар-рэстаўратар Генадзь Лаўрэцкі, каб абмеркаваць чарговую варыяцыю 58-метровай вежы, якую не пакідаюць надзеі пабудаваць з божай і расійскай дапамогай на тэрыторыі манастыра-помніка архітэктуры для размяшчэння ўжо адлітых у Варонежы 12-ці званоў. Па прапанове Веніяміна ў званіцы павінен размясціцца храм (у манастыры адчуваецца недахоп, відаць), бібліятэка царкоўнай літаратуры, музей гісторыі манастыра.

#манастыры #Жыровіцы
http://sobor.by/page/Arhitekturno_hudogestvenniy_sovet_Minskoy_eparhii_obsudil_stroitelstvo_kolokolni_na_territorii_Girovichskogo_monastirya