#防疫跟進｜跟進香港仔確診個案⚠️

終於收到消息，指出漁光邨順風樓一位住戶（ #1708）確診武漢肺炎，並出現咳嗽及發燒徵狀，佢同今日公佈嘅黃竹坑賽馬會朗逸居個案群組有關，現時已經送往瑪麗醫院接受治療。

不過據我聯絡患者了解，佢呢幾日有去過漁暉苑天暉閣中層單位，所以我已經馬上聯絡大廈管理公司、法團、食環署就住大廈及附近公用部份進行徹底清潔。

大家亦要注意衞生，提醒埋身邊出入記得戴口罩，勤洗手，做好防疫工作！如果有防疫物資不足嘅狀況歡迎聯絡我🙏🏻
————————————————————
👦🏻登記領取中童口罩：https://bit.ly/ABDTWjunmask
💻訂閱香港仔萬事報：http://bit.ly/ABDENEWS
📱萬事屋TG Channel：https://t.me/southernethouse
👦🏻Follow我IG：instagram.hk/anguswonghei
📞求助投訴做義工傾計：55006191
🏠辦事處：香港仔湖北街12號裕景中心20樓2室

#防疫跟進｜香港仔中心海龍閣出現確診個案

收到衞生署文件，香港仔中心海龍閣出現確診或疑似確診個案（#2866），我已經馬上聯絡香港仔中心管理公司及食環署，要求在公眾地方、大廈公用地方進行徹底清潔消毒！

我亦向相關部門問緊其他更多新消息，如有任何資訊會向大家匯報！大家唔洗過份擔心，記得要做好防疫措施，減少外出！

#防疫跟進｜跟進香港仔街市大清洗💦

阿熺尋日同食環署職員一齊落去睇睇香港仔街市大清洗嘅狀況，順便交流一下處理疫情嘅意見，等大家去街市買餸都安心啲🙏🏻

我向署方了解街市應對疫情措施，包括：
⁃每晚安排用水槍同新式洗地機洗地，噴灑1:99嘅漂白水進行清潔，今晚更加用較高濃度漂白水同霧化消毒劑進行消毒

⁃設立高空清潔小隊，清理風扇、排氣管、光管等位置

⁃加強滅蟲、滅鼠工作

⁃公廁及扶手電梯維持每1-2小時清潔一次

⁃熟食中心只剩下少量檔戶提供外賣服務，檔戶及食環署亦有進行相關消毒工作

⁃已經安排清洗中央通風系統，並有計劃增設冷風機，加強街市通風

另外，食環署同機電署亦都決定咗會喺香港仔街市優先安裝體溫偵測器，預計最快可以兩個星期內完工，亦會安排人手監測同做人流管制，盡量安排每個進入街市嘅人都能夠探測體溫。

不少嘅街坊同商戶都反映漁光道街市均需要進行全面消毒，署方亦都回覆已經排期喺稍後進行。感謝食環署前線職員同外判商積極配合防疫工作，尋日香港仔亦出現確診個案，大家都要繼續注意個人衞生，防疫工作絕對唔可以鬆懈！🙌🏻
———————————————
💻訂閱香港仔萬事報：http://bit.ly/ABDENEWS
📱萬事屋TG Channel：https://t.me/southernethouse
👦🏻Follow我IG：instagram.hk/anguswonghei
📞求助投訴做義工傾計：55006191
🏠辦事處：香港仔湖北街12號裕景中心20樓2室

#防疫跟進｜香港仔中心再出現確診個案(#3237)

收到衛生署文件，香港仔中心海龍閣再次出現武漢肺炎確診個案。

綜合我收到相關消息，患者與早前居於海龍閣的患者(#2866)屬同一家人，早已送往隔離，在隔離期間發病，現時已於隔離營或醫院接受治療。

衛生署現時如非群組感染，就不會公布患者之間關係，雖然必須體諒前線醫護工作壓力，但公布更多資料絕對有助居民釋除疑慮及進行社區防疫工作，我們會向衛生署追問進一步消息，如果再有詳細資料我會向大家公布。

另外據我了解，香港仔中心管理處已經在患者送往隔離的當天徹底消毒全棟大廈及進行霧化消毒，已經在升降機加設消毒噴霧機。我已經請香港仔中心管理公司、食環署繼續做好每天清潔消毒，食環署亦會持續在附近街道進行全面清潔。

大家毋須過分擔心，記得要做好防疫措施，保持個人及家居清潔，盡量減少外出。

衞生署暫時不會全幢大廈安排做深喉唾液測試，大家如果有病徵或其他需要，可以去賽馬會診所每日早上7:30至8:30拎政府測試包，或其他私家診所進行化驗，詳情可以見：https://bit.ly/39GUuM7
———————————————————
💻訂閱香港仔萬事報：http://bit.ly/ABDENEWS
📱萬事屋TG Channel：https://t.me/southernethouse
👦🏻Follow我IG：instagram.hk/anguswonghei
📞求助投訴做義工傾計：55006191
🏠辦事處：香港仔湖北街12號裕景中心20樓2室

#防疫跟進｜巡視香港仔體育館檢疫中心安排
今日係全民檢疫嘅第一日，所以我亦都去到檢疫中心睇下，我無book到入唔到去睇，但我都向負責人了解一下運作狀況。
現場觀察所見樓下會先探咗體溫先，做檢測嘅人流不多，多數都係老友記，場內仲係有空位，多都可以做walk-in。我亦都留意到只有兩部升降機一個門口，容易係密封傳播，加上現時大樓仲有食環署同康文署運作，署方回覆就話仲有貨lift可以俾公務員使用，但阿熺都係呼籲大家小心為上。
另外，今早檢疫人員更一度佔用香港仔中心私人路位置去放物資同排隊，中心管理處之後已經叫佢地唔好放入去，及後我亦聯絡民政署同場地經理反映及要求注意，佢哋之後都唔會佔用私人空間。
不過點都好，現時全民檢疫嘅成效存疑，華大檢疫套裝又出事，檢完四周走又係無用，一旦排隊或檢測期間更有機會變成「播毒中心」，而且免費嘅東西先係最貴，更加俾埋資料佢做港區健康碼。政府遲遲唔肯封關先係問題所在，因此我建議街坊必須三思而後行，係附近出入都必須注意安全，就算係唔信點都要做檢測，大家都要做好防疫措施。
//瑞典指華大檢測病毒套裝致假陽性
https://news.rthk.hk/rthk/ch/component/k2/1546061-20200826.htm?fbclid=IwAR0ExFbAD19cMAEXCX4VXb9ZkrEt7tjzSa_K5UnZTR1rMYakf-wRjSnWKOY

#防疫跟進｜ 武漢肺炎個案 #7074 曾到東華三院蕭旺李滿福幼稚園

收到今日衞生署文件，第7074號確診者（居於雙喜大廈，1歲，無病徵，本地個案）曾在12月4日曾到過東華三院蕭旺李滿福幼稚園。

雖然幼稚園早前已經停課，我都會聯絡幼稚園了解清潔消毒及其他相關詳情，並聯絡食環署安排洗街消毒。另外，早前報稱居於利群商業中心的#5973個案已經出院。

我哋收到任何防疫消息都會盡快向大家公布，大家最重要係做好防疫措施，戴好口罩減少外出，同時注意個人衛生。如果出現病徵，請盡快求醫，我哋有更多消息會盡快向大家公布。街坊們唔夠防疫物資，歡迎聯絡我哋，我哋仲有少量成人同小童口罩！

#香港仔 #黃銳熺

#防疫跟進｜跟進東華三院蕭旺李滿福幼稚園確診個案

今日我已經到幼稚園查詢有關確診人士嘅消息及清潔工作，得悉同之前雙喜大廈#6784個案係同一家，只在11月尾到過幼稚園，得悉確診後亦早已完成消毒。幼稚園今日已經完成清潔消毒及通知家長工作，並暫停所有日間托兒服務。同時，我亦都聯絡港暉中心管業署，佢哋表示大廈嘅出入口、通風系統都係分開的，不過佢哋亦有加強大廈公用地方清潔。

我哋收到任何防疫消息都會盡快向大家公布，大家最重要係做好防疫措施，戴好口罩減少外出，同時注意個人衛生。如果出現病徵，請盡快求醫，我哋有更多消息會盡快向大家公布。街坊們唔夠防疫物資，歡迎聯絡我哋，我哋仲有少量成人同小童口罩！

#香港仔 #黃銳熺

【#防疫跟進｜香港仔中心港興閣有人確診！】

今早收到通知，香港仔中心港興閣一名中低層住戶確診武漢肺炎，已經送往醫院接受治療，其餘同一單位的住戶都已經送往隔離中心。

中心管業處已經安排升降機大堂及該樓層消毒，稍後亦會進行大廈全面消毒。我們亦會通知食環署在附近街道進行清潔消毒，以保安全！

我哋收到任何防疫消息都會盡快向大家公布，如果有任何查詢，歡迎聯絡我們！大家最重要係做好防疫措施，戴好口罩減少外出，同時注意個人衛生。如果出現病徵，請盡快求醫。街坊們唔夠防疫物資，歡迎聯絡我哋，我哋仲有少量成人同小童口罩！

#香港仔 #黃銳熺

#防疫跟進｜#11265 個案曾到香港仔街市

今日聽衛生署直播，指田灣出現不明確診個案（#11265），署方表示患者有到過香港仔街市買餸。

阿熺已經即時聯絡食環署通知及跟進事件，他們會在今晚8時關閉街市後進行徹底清潔消毒，並查詢其他防疫安排。

另外田灣邨鴻澤閣將會列為強制檢測大廈，不是封區，再有詳細強制檢疫安排，或其他消息可以留意 袁嘉蔚 Tiffany Yuen Page，我們會繼續為大家跟進匯報！

#香港仔 #黃銳熺

#防疫跟進｜跟進東華三院蕭旺李滿福幼兒園強制檢疫安排‼️

檢疫安排可以睇上一個post：https://www.facebook.com/2125227954376619/posts/2961651914067548/?d=n

今早我隨即致電幼兒園了解我你哋有咩需要協助同安排，現時佢哋會由今日起停課停到下星期一，學生返學亦都需要有檢驗呈陰性嘅通吿。

另外，今早我亦馬上去到香港仔賽馬會診所睇吓有冇足夠嘅檢疫包俾大人同小朋友，今早前線嘅工作人員話診所冇大便樽，我亦都會向醫管局查詢返有關安排。不過衛生防護中心亦有送咗一批大便樽去學校，如果有需要嘅家長可以幫該學校學童返去學校拎，方便俾幼兒做檢測🙏🏻

大家都記得要做好防疫措施，如果有任何唔舒服就快啲去睇醫生！🙏🏻

#香港仔 #黃銳熺

【#防疫跟進｜政府要求外傭必須在5月9日前進行強制檢疫🔬】

政府今日突然宣布外傭要做強制檢疫，屋企有外傭、要安排續約或者嚟緊要請外傭嘅街坊要注意幫手安排！
大家可以網上預約社區檢疫中心，可以免費做咽喉拭子測試，或者去醫管局普通科診所、香港仔郵局、黃竹坑站樣本收集包機拎樽仔做深喉唾液測試。
利東社區會堂檢測中心會喺5月1號至2號加開至晚上10點，網上預約連結呢度：
https://booking.communitytest.gov.hk/form/index_tc.jsp

#香港仔 #田灣 #黃銳熺 #袁嘉蔚

#防疫跟進｜利港中心封區順利完畢⚠️

尋晚封區就宣佈完畢，530幾人完成檢測，好消息嘅係冇發現有確診個案，工作人員亦開始收拾物資，早上交通稍有少少塞車，不過尚可接受，食環署會安排洗街再重開🙇🏻‍♂️阿熺希望初步確診者早日康復，疫情盡早消散！各位街坊亦都要繼續保持關注，做好防疫措施！🙏🏻

#香港仔 #黃銳熺

#防疫跟進 ｜消息指利港中心個案清潔女工呈陰性結果

多份報章消息指，初步確診感染變種病毒的香港仔居民清潔女工，入院後首個病毒檢測樣本，以及抗體測試結果均屬陰性，當局正調查原因。

雖然面對變種病毒最好係虛驚一場，但呢種安排同封區處理方法真係擾民🥲。

我哋亦都向民政署及衞生署求證緊，亦都問緊到底仲要唔要做強制檢疫，今早仲有咁多街坊去到利東排隊🤦‍♂️。大家亦可以留意一陣下午嘅記者會，我哋有任何消息都會盡快通知街坊！

相關報導：https://news.now.com/home/local/player?newsId=440724

#香港仔 #黃銳熺

#防疫跟進 ｜利港中心居民及曾到訪人事需再進行檢測

政府剛剛發出公告，任何在6月12日至7月2日期間，曾停留於利港中心(不包括利港商場)，亦包括於7月1日已檢疫的居民，超過兩小時之人士，須於7月4日、8日、13日及20日，分別進行共4日的檢測。

民政署建議大家前往利東社區會堂之社區檢測中心，受檢人士帶同身份證前往中心可接受免費檢測。如果各位家中有行動不便的居民、6歲以下小童，帶同身份證明文件到香港仔賽馬會普通科門診診所，可以代為領取。

檢測完成後，會以電話短訊通知受檢人士。街坊記得保存電訊以供政府人員核實。受檢人士於指定日期進行檢測後，最遲需於7月21日上午9時至晚上6時致電南區民政署64750584進行登記。

對檢測安排有疑問可於6275 6901 致電民政署查詢。

利東社區會堂檢疫中心開放時間：
-上午8時至下午1時30分
-下午2時30分至晚上8時

賽馬會普通科門診診所樣本派發包時間：
-星期一至星期五：上午9時至下午1時；下午2時至5時，
-星期六日：上午 9 時至下午 1 時。

賽馬會普通科門診診所樣本收集時間：
-星期一至星期五：上午 9 時至下午 1 時；下午 2 時至 3 時
-星期六日：上午 9 時至11時

#香港仔 #黃銳熺

#防疫跟進｜利港中心強制檢疫公告‼️（澄清版）
最近有街坊查詢曾到過利港中心多於2小時的街坊是否需進行檢測。因為利港中心的通告與政府公告有所不同, 故此的我再三向民政署確認。
根提政府的憲報及通知，說明只有兩種類別人士先要在公佈有關確診者個案後的第3天、第7天、第12天及第19天進行4次檢測：
- 公佈個案前21日曾於有關確診者居所位處的建築物內居住人士，而有關確診者為任何值得關注的變種病毒株個案確診者，該個案並且沒有與居住同一大廈內的其他本地個案有流行病學關係；
- 公佈個案前21日曾於有關確診者居所位處的建築物為其通常工作地點的人士
故此，現在只有兩種人士需要進行共四天的強檢，包括：
1️⃣ 利港中心居民
2️⃣ 利港中心的工作人員
民政署已於利港中心投放給予小童作排便的樣本瓶，並更新張貼於中心的通告。我已向相關部門反映，希望投放更多的樣本瓶到利港中心，以便居民所用。

#香港仔 #黃銳熺

#防疫跟進｜南寧街的士站對面設流動檢測車

民政署為方便居民做檢測，通知今日、7月13同20號嘅上午10點至下午8點會喺南寧街的士站對面設流動檢測車俾所有受檢人士做檢測，各位街坊有需要嘅可以去🙏🏻

另外利港中心嘅居民記得完成檢測後致電64750584通知民政署⚠️
＝＝＝＝＝＝＝＝＝＝＝＝
利港中心強檢令：

以下人士須進行共四天（7月4日、8日、13日、20日）強檢
1️⃣ 利港中心居民
2️⃣ 利港中心工作人員

#香港仔 #黃銳熺