#社區跟進｜繼續跟進香港仔大道煤氣供應維修⚠️

阿熺啱啱收到煤氣公司同水務署嘅消息：

煤氣公司：而家已經陸續恢復煤氣供應😭會派職員去過各個受影響大廈檢查，保障居民安全🙏🏻

水務署：現時已經搵到鹹水管爆裂嘅位置，會安排緊急維修⚠️喉管嘅位置喺香港仔大道7–11附近，因此漁暉苑、漁暉道香港仔方會、賽馬會診所會暫停鹹水供應，各位街坊要用着食水先，初步預料會喺明早前完成維修工程同埋開返條路🙏🏻

#辛苦晒前線維修工人🙏🏻 #香港仔 #黃銳熺

#社區跟進｜香港仔大道匯豐對出擴展上落貨位

阿熺之前向大家匯報過有關擴闊香港仔大道匯豐銀行對出的上落貨區嘅諮詢，獲運輸署接納及落實。

現時路政署已經開展，拆除部份Type2圍欄，並安裝返鐵柱欄杆，開放俾大型貨車或旅遊巴係南寧街或香港仔大道街市後面落貨嘅狀況。

#香港仔 #黃銳熺

#社區活動｜夏季影證件相活動又嚟喇！
每逢暑假都會搞一次影證件相，今年同樣唔例外，歡迎各位街坊有需要嘅可以報名或者聯絡我！

日期：11/7/2021（日）
時間：下午3-6
地點：香港仔裕景中心20樓2室
價錢：$10/1打
報名連結：bit.ly/ABDphotos2021
[ 請先在網上預約，或致電/WHATSAPP 5500 6191登記 ]
學生相、見工相、證件相（特區護照、BNO相）
價錢 : $10/1打
————————————————
溫馨提示：
1. 影見工相、證件相記得唔好着白色衫嚟影相啦
2. 香港仔居民優先
3. 進行拍攝證件相前需先量體溫。如身體有任何不適下次再黎過啦！
此活動為非牟利活動。
本團隊不會對是次活動引致的任何損失或損害承擔責任。

#香港仔 #黃銳熺

#社區跟進｜香港仔海旁道街燈故障🛠

香港仔海旁道往薄扶林方向入香港仔入口街燈故障，現場一片漆黑，影響行車安全。

我已經馬上聯絡路政署街燈組進行維修，呼籲各位駕駛者深夜經過時注意路面安全⚠️

#香港仔 #黃銳熺

#社區跟進｜舊大街大爺燒鵝清晨油煙問題
再次收到舊大街街坊投訴，指清晨時刻大爺燒鵝兩支向舊大街的煙通噴出大量油煙黑煙，影響舊大街一帶居民及行人，更導致附近老人院警鐘誤鳴。
阿熺隨即聯絡環保署，今日到大爺燒鵝留意相關狀況及與店員交涉，環保署亦有到場視察，並檢查店舖有沒有妥善安裝減排裝置，已經要求店舖安排師傅維修及清潔，店舖應定期清洗過濾系統，並考慮加強相關設備。我們亦會密切監察油煙狀況，再作跟進。

#香港仔 #黃銳熺

收到街坊來圖，大約7:45香港仔大道聖伯多祿堂對出一棵大樹倒塌，壓到一部的士，現場導致交通擠塞。我正了解有關事情，如果有任何消息再向大家匯報。

現時有消防員到場跟進，清理樹木，現場冇人受傷🙏🏻大約10部巴士塞住，乘客都要轉乘其他交通工具，聖伯多祿堂巴士站暫時停用。

香港仔海旁道（近福群大廈入口）入香港仔封閉，香港仔大道嚴重擠塞，各位街坊請提醒駕駛者經海傍道到湖南街入口進入⚠️

#香港仔 #黃銳熺

#社區跟進｜東勝道信誠證券招牌光污染

收到金豐大廈住戶投訴，指東勝道9-11號證券行最近安裝LED顯示屏播放股票資訊，但螢幕在晚上11點後仍然開著發光，影響居民作息，居民更表示用窗簾都遮唔到。

阿熺已經即時與證券行聯絡，他們已承諾晚上10時後關上並會安排師傅調低光度，我們亦會密切監察，適時再作跟進，歡迎各位街坊有其他突發狀況都可以向我們反映！

#香港仔 #黃鋭熺

#香港仔突發｜百味王對出有滲水情況
收到有街坊於5時20分回報，南寧街百味王對出樹底有水湧出，懷疑有水管爆裂。
我們已致電水務署到場調查及維修，暫時未知會否影響鹹水話食水供應， 如果有任何消息將會再向大家公布⚠️

#香港仔 #黃銳熺

#社區跟進 ｜香港仔中心、奉天街、湖北街、湖南街、南寧街暫停咸水供應

因應昨晚奉天街水管爆裂，水務署為免嘈音影響居民休息，現進行搶修工程，會暫停咸水供應，受影響範圍包括：奉天街、南寧街、湖北街12-26號、湖南街6-13號、香港仔中心及市政大廈。

希望各位街坊稍作忍耐，再有進一步消息，會向大家盡快更新🙇🏽‍♂️

#香港仔 #黃銳熺