Албатта, энди нималар ёзилиши маълум - Криштиану Роналду жаҳон чемпионатини юта олмади, фалон-пистон.

Футболда турли мусобақалар бор, масалан катта Роналдо ҳеч қачон Чемпионлар Лигасини ютмаган, Анрида «Олтин тўп» йўқ, мундиалнику юта олмаган футболчиларни санасангиз, тугамайди.

Бу билан Роналдунинг даражаси тушиб қоладими? Албатта, йўқ. У ҳозир тирик инсонлар орасида футбол тарихидаги энг зўр икки футболчидан бири. Унга ниманидир исботлаши учун чемпионлик шарт эмас.

Ҳа, эртароқ кетсин эди, Зиданга ўхшаб? Лекин у нима қилсин, характери шунақа бўлса - «мен ҳаммасига эришдим» деб ҳеч қачон ўзига айта олмайдиган. Шу жиҳати эмасми уни энг зўрлар билан бир қаторга қўйган? Унга жаҳон чемпионлиги шарт эмас.

Жаҳон чемпионлиги Меринога, Ферран Торресга керак, болаларига ниманидир гапириб бериш учун.

Жаҳон чемпионлиги Мбаппега, Кейнга, Ямалга керак. Сал бўлсаям Роналду чўққиси томон қадам қўйиш учун.

@aslanov_futbol