#1_iyun_Xalqaro_bolalarni_himoya_qilish_kuni

Bayramingiz muborak bo‘lsin, aziz bolajonlar!

Kelajagimiz egalari bo‘lgan Siz aziz bolajonlarni, sizlar orqali butun dunyo bolalarini 1 iyun – Xalqaro bolalarni himoya qilish kuni bilan chin qalbimdan tabriklayman.

Sizlarning yuzingizdagi tabassumingiz qalblarni quvontiruvchi nigohingizda shu qadar ulkan samimiylik jo bo‘lgan-ki, bu nafaqat yuraklarni balki toshlarni ham eritishga qodirdir.

Kelajak avlodlarimizni asrab-avaylash, har tomonlama barkamol qilib voyaga yetkazish har bir davlat, har bir oila, har bir ota-onaning muqaddas burchidir.

Hozirgi “Uchinchi Renessans” – Vatanimizning yangi uyg‘onish davrida ham har tomonlama sog‘lom va barkamol avlodni voyaga yetkazish, avvalo oila, onalik va bolalikni himoya qilish, zamonaviy axborot texnologiyalari bilan ishlash ko‘nikmalarini oshirish ustuvor vazifa sifatida belgilanib ijtimoiy siyosat darajasiga ko‘tarildi.

Bugungiday dorilamon kunlarda O‘zbekistonimizning har bir o‘g‘il-qizi ota-onasi bag‘rida, jism-u joni salomat bo‘lib, quvonchu-shodlikka to‘lib, kulgulari bilan olamni to‘ldirsin!

Siz ko‘zimiz quvonchi, bizning ertamiz va hayotimiz mazmunisiz aziz bolajonlar!

Sherzod Kudbiyev,
O‘zbekiston Respublikasi Davlat soliq qo‘mitasi Raisi

Тelegram | Facebook | Youtube| Instagram

#1_iyun

Yangi Oʻzbekistonning yangi avlodi!

Davlat soliq xizmati xodimlari farzandlari uchun 1-iyun – Xalqaro bolalarni himoya qilish kuni munosabati bilan bayram tadbiri tashkil etildi.

Dastlab qoʻmita binosi oldida “Yangi Oʻzbekistonning yangi avlodi: Uchinchi Renessans bunyodkorlari oramizda!” mavzusida teatrlashtirilgan tadbir tashkil etildi.

Shundan soʻng, Respublika yosh tomoshabinlar teatrida bolajonlar uchun zamonaviy texnologiyalar yordamida maxsus shou dastur namoyish etildi.

Ulkan taassurotlarga ega boʻlgan bolajonlar uchun bino oldida aktyorlar va boshlovchilar koʻmagida intellektual viktorinalar oʻtkizildi. Bolajonlar rasm chizish, shaxmat-shashka stol tennisi va kubik-rubik yigʻish musobaqalarida bahslashdi.

Musobaqalarda I, II va III oʻrinni olgan bolalar maxsus diplom va esdalik sovgʻalari bilan taqdirlandi.

Shu kuni tadbirda ishtirok etgan barcha bolajonlaga Soliq qoʻmitasining maxsus sovgʻalari topshirildi.

Tadbir bolajonlarga olam-olam quvonch bag‘ishladi. Bu ularning chaqnab turgan ko‘zlarida va samimiy tabassumlarida aks etdi.

Soliq qo‘mitasi Matbuot xizmati

Тelegram |Facebook |Youtube| Instagram |X| Threads