🔒 Hozirgi kunda ma'lumotlar xavfsizligi va maxfiyligi juda muhim hisoblanadi.

Shunday ekan, brauzeringizdagi maxfiylikni tekshiring: shaxsiy ma’lumotlarning sizib chiqayotganini aniqlash uchun 5 ta xizmatdan iborat to‘plamni sinab koʻring.

- Browserleaks: brauzeringiz boshqa saytlarga qanday ma’lumotlarni oshkor qilayotganini ko‘rsatadi;

- CreepJS: qurilmangiz orqa fonda qancha texnik ma’lumotni uzatayotganini baholaydi;

- FingerprintJS: raqamli barmoq izingizning qanchalik noyobligini namoyish etadi;

- Cover Your Tracks: sizni aniqlash qanchalik oson ekanligini ko‘rsatuvchi tezkor test;

- WebBrowserTools: brauzerda maxfiylik va xavfsizlikni baholash uchun oddiy testlar to‘plami.

@webmakon

Ko‘pchilik AyTini tark etishga qaror qilganlar iste’dodsiz bo‘lgani uchun ketmaydi.

Ular oʻziga mos yoʻnalish topa olmaganidan ketadi.

Biz ta’lim jarayonida qayta-qayta duch kelgan bir ssenariy bor: motivatsiyaga toʻlgan 20 yoshli oʻquvchi dasturlash kursini boshlaydi, 3-haftaga kelib qiyinchiliklarga duch keladi va “Bu soha men uchun emas ekan” deb hammasini tashlaydi.

Shunda muammo qobiliyatsizlikda emas.
Asl muammo — noto‘g‘ri kirish nuqtasida.

Frontend vizual tafakkur va detallarga e’tibori kuchli bo‘lganlarga mos keladi.

Bekend tizimli va mantiqiy fikrlaydiganlar uchun.

Data sayns abstraksiya va oʻzaro bogʻliqliklarni ko‘ra oladiganlarga mos.

DevOps jarayonlar va avtomatlashtirish haqida o‘ylaydiganlarga to‘g‘ri keladi.

Bu yo‘nalishlarning biri oson, boshqasi qiyin emas. Ular shunchaki har xil.
Noto‘g‘ri tanlov — hatto birozgina xato tanlov — bir necha oy vaqt va ishonch yo‘qotilishiga olib keladi.

Shu sababli biz Mohirdevʼda AyTida kasb tanlash dasturini ishlab chiqdik.

30 kun. Har kuni 15 daqiqadan. Oʻquvchilar 8 ta AyTi yo‘nalishiga taalluqli real dars namunalarini ko‘radi, amaliy topshiriqlarni bajaradi va haftalik refleksiya savollariga javob beradi.

30-kun yakunida ularga kimdir yo‘l ko‘rsatishi shart emas — ular o‘zlari qaysi yo‘nalish mosligini tushunib yetadi.

Ramazon oyida oʻz sohasini qidirib yurgan 1000 dan ortiq yoshlarga loyihamizni yetkazing.

Agar siz 17–24 yosh oralig‘ida AyTi sohasiga kirmoqchi boʻlgan yoshlarni bilsangiz, ularga ushbu imkoniyat haqida ayting. https://aytikasb.mohirdev.uz

Ko'zida yosh

Bugun bitta tanishim keldi. 18 - 19 yosh bola.
Yaqinda bitta bankda flutter dasturchi bo'lib ish boshlagan edi.
Oylik ham yaxshi 8 mln so'm, sinov muddatida. 2 oydan keyin 10 - 12 mln so'm bo'lishini kelishishgan.

Ish boshlaganiga 2 oy bo'lgan. Kredit berishlar juda ko'p ekan.
Ishga kirishdan oldin men boshqacha tasavvur qilgan edim.
Endi nima qilay? Men topayotgan pul - oylik xalolmi yoki xarommi deb so'rab kelibdi.

Men bilmasam, men fatvo beruvchi emasmanku, borib musulmonlar fatvo bo'limidan so'raysan deb manzilini berib yubordim.

Eng qizig'i suhbat jarayonida ko'zida yosh bir necha marta keldi.
Bildirmaslikka xarakat qildi.

Meni ajablantirgan narsa, xali qalb tirik, o'lmagan. Sof fitran nimanidir izlayapti.

U ketganidan keyin mening ham ko'zimga yosh keldi.
O'g'lim tengi bola, xalollik izlab yuribdi.

Mening nafsim esa, pulni qayerdan kelganiga parvo ham qilmaydi.

Xammamizga insof bersin.

P.S. O'smir yigitning sof fitrati sizni ham o'ylab ko'rishga majbur qilmadimi?

30 daqiqalarda "System Design Asoslari" mavzusida gaplashamiz.

Ko'rishguncha.

https://youtube.com/live/AAz4WPLzl60

Assalomu Alaykum, tasir qilganiga bo'lishgim keldi

mindful.so ga 300+ login bo'lib, email jo'natish limitidan oshib ketibdi.

limitni 5000taga oshirdim, endi email kod kelishda muammo bo'lmaydi.

O‘zbekiston

Bugun O‘zbekiston terma jamoasi uzoq kutilgan o‘yinlardan yana birida kuch sinashadi.

Bir vaqtlar «O‘zbekiston» deganda boshqa davlatlar nomini aytishsa, odamning g‘ashiga tegar edi. Chunki biz o‘zimizni yaxshi tanita olmagan edik.
Ammo kattalar aytganidek, yurtimizni dunyoga tanitishda sportchalik tezkor va samarali vosita bo‘lmasa kerak.

Bugun vatanimiz dunyo yulduzlariga aylangan kuchli jamoa bilan bahs olib boradi. Bunga vatandoshlarimiz juda katta tayyorgarliklar ko‘rishmoqda.
Turli davlat va shaharlarda o‘yinni birgalikda tomosha qilish uchun xarajat qilinmoqda. 50, 100, 200, 1000 kishilik joylar tayyorlangan.

Hech bo‘lmasa sport bahona bir-birimiz bilan birlashishimiz — bu juda katta natija.

Bu kabi tadbirlardan unumli foydalanishimiz kerak.
Bir-birimiz bilan birlashishimiz yo‘lida qilinayotgan harakatlarga befarq bo‘lmasligimiz kerak.

Bu kabi uchrashuvlarda albatta boshqalar bilan tanishing, muloqotda bo‘ling. Ertaga ularni ko‘rmasligingiz mumkin, lekin qilgan kichik yaxshiligingiz esida qoladi, farzandlariga: «Falonchi aka shu kuni bunday qilgan edi», deb sizni namuna qiladi. Sizga savob, bolaga odob.

Bugun Londonda ham yurtdoshlarimiz turli joylarda futbol ko‘rish uchun joylar tashkillashtirishgan. Men ham ulardan biriga yo‘lga otladim, 150 kishilik joy olingan, barcha chiptalar o‘yindan 3 kun oldin sotilib bo‘lgan.

Terma jamoamiz pley-offda yaxshi o‘yin ko‘rsatsin (albatta chiqamiz!), biz esa ular bahona birga ko‘rishib turaylik.

Hammamizga g‘alaba tilayman!

Rasm: Angliyaning chekka shaharchalaridan biri. Poyezd bekati. Londondan 3 soatlik yo‘lda bayrog‘imizni ko‘rish naqadar maroqli.

23.06.2026 London
@DrAlgorithm

📹 CAP theorem in system design interviews

🎁 1 TONNA KITOB SOVG'A QILAMIZ

📚 500 kg — quyidagi sahifalarimiz obunachilari uchun:

@saudabdulwahed
@haad_uz

📚 500 kg — IT va dasturlash sohasidagi siz sevgan 10 nafar bloger orqali:

@Sardoroga_blog
@Mukhammadkarim_tukhtaboev
@Mabrur_dev
@JR_TwitGram
@DrAlgorithm
@JavaHereBlogs
@UmarSadullayev
@mayoquz
@khumoyun_codes
@dasturchi_pf

G'oliblar tasodifiy tanlanadi.

🏆 Natijalar esa 10-iyul kuni e'lon qilinadi

Individual Contributor / Yakka hissakor

Agar qilayotgan ishingiz to’g’ridan-to’g’ri natija keltirsa, tabriklayman, siz “individual contributor” sifatida hissa qo’shyapsiz. O’zbekchasiga: yakka hissakor. Yozayotgan kodingiz, qilayotgan testingiz, yaratayotgan dizayningiz, qurayotgan infratuzilmangiz va hokazolar aynan shu yo’ldan ketayotganingizni bildiradi.

Deyarli hamma narvonlarda bu yo’l alohida ajratilgan. Boshqa yo’l - menejment haqida keyinroq gaplashamiz.

Dasturiy ta’minot injeneri (software engineer) uchun kod yozish - ish va majburiyatlarning bir qismi xolos. Shuning uchun ham, injener koder va programmistdan farq qiladi: injener narvondagi faqat bitta sifat bo’yichamas, hamma sifatlar bo’yicha rivojlanishi kerak.

Darajalar

Juda qisqa qilib darajalar haqida to’xtalsak. E’tibor qilish kerak, darajalarga bo’lgan talablar kompaniyadan-kompaniyaga o’zgaradi; agar kompaniyaning ichida standartlashtirilmagan bo’lsa, turli komandalarda ham farq qilishi mumkin. Masalan, kichikroq kompaniyadagi Senior, deylik, FAANG kompaniyasida xuddi shu darajani ololmasligi ehtimoli katta.

Engineer I
Bu daraja birinchi mustaqilroq ishlaydigan mutaxassislarniki. Xalq tilida “junior” deyiladi. Injener bu darajada kichik va o’rtacha topshiriqlarni boshqa tajribaliroq odamlar yordamida bajara oladi. To’xtamasdan o’rganadi.

Engineer II
Bu dajaradagi injenerlarga yaxshi aniqlangan topshiriqlar beriladi. Injener topshiriq ustida mustaqil ishlaydi, kerak bo’lganda boshqalarni chaqiradi, komanda bilan ishlaydi, kelishuvlar va sifat darajasiga to’liq amal qiladi. Juniordan farqli ravishda, bu darajadagi injenerning “tepasida turish” shart emas.

Senior Engineer I
Bu darajadan boshlab injenerga topshiriqmas, muammolar topshiriladi. Senior I texnik tomondan to’g’ri qarorlar chiqara oladi (dizayn, arxitektura), to’g’ri tanlov qiladi, turli tomonlarning qarashlarini hisobga oladi, komandasidan tashqaridagi odamlar bilan ham ishlaydi. Mahsulot va biznesni yetarlicha chuqur bilish ham lozim.

Senior Engineer II
Yuqoridagi darajaning davomi, lekin qisman texnik stekning katta farqi yo’q. Deylik, Senior II darajasidagi injener asosiy stekining atrofidagi steklarni ham yetarlicha tushunadi. Mahsulot menejerlarining texnik hamkoriga aylanadi: kattaroq muammolarni qanaqa yechish, qanday amalga oshirish, foydalanuvchilarga tezroq va muammolarsiz qiymat olib kelishni ham hisobga oladi.

Staff Engineer
Katta (bir nechta mahsulot yoki komanalar qatnashadigan) loyihalarni boshidan oxirigacha olib boradigan odamlar. Kompaniyaning mahsulotlari va biznesini juda yaxshi tushunadi. Arxitektura va tizim dizayni, loyiha boshqaruvi, monitoring, turli komponentlar qanaqa ishlashi haqida chuqur bilimga ega. Ko’p narsada “go-to-person”ga aylangan.

Principal Engineer
Kompaniyada odamlarni boshqarmaydigan eng zo’r, almashtirish qiyin injener. Har tomonlama chuqur bilimga ega, deyarli CTO darajasida. Texnologiya tomondan strategiyani qura oladi va amalga oshiradi. Juda katta muammolar va biznesga yangi imkoniyatlar ochish bilan shug’ullanadi.

Ko’nikmalar (soft/hard skills)

Narvonning o’zi keng qamrovli: injenerning sifatlarini har tomondan hisobga oladi. Lekin ishga olishda faqat bir tomondan kompromiss qilish kerak bo’lsa, u hard skill bo’ladi. Ochiq fikrlaydigan, komandada yaxshi ishlaydigan, kommunikatsiyasi zo’r, o’sadigan, boshqalarni eshita oladigan odam texnik tomondagi yetishmayotgan bilimlarni tezroq rivojlantirishi mumkin. Ayniqsa, hozir bilimga cheksiz imkoniyat bo’lgan davrda (+sun’iy intellekt). O’zingiz o’sishingizda ham shu sifatlarga juda qattiq e’tibor bering: bular bitta kitob o’qib yoki topshiriq bajarib tuzatadigan sifatlar emas.

Xulosa

Injenerlarning juda katta qismi yakka hissakor sifatida ishlaydi. Har qanday odam uchun “endi nima?” yoki “keyingi qadam qaysi?” savoliga javob bo’lishi juda ijobiy narsa. Yuqoridagi darajalar juda qisqartirilgan. Agar aniqroq talablarni bilmoqchi bo’lsangiz, boshlig’ingiz yoki komandadagi kuchliroq injenerlar bilan gaplashing. Savollar → izohlarda.

@farhodjon #superdispatch #eng_ladder

Guruhdagi behayo profillar va spam xabarlardan charchab yaratgan botim 1 oy davomida sinovdan oʻtib, ancha sayqallandi.

Bugun shu botning kodini ochib (open-source) ommaga eʼlon qilaman, marhamat, oling, foydalaning: https://github.com/anvarnarz/killspam-bot

Upd: Bot ikki rejimda ishlaydi, bulut SI bilan (gemini) va local SI bilan (NudeNet). NudeNet profil rasmlarini tahlil qiladi, local severda ishlaydi va ortiqcha xarajat talab qilmaydi. Gemini matnlarni ham oʻqiydi va spam xabarlarni aniqlaydi. Geminini bot orqali /setkey buyrugʻi orqali sozlaysiz.

Botdan qanday foydalanish yuqoridagi repoda batafsil yozilgan.

@sariqdev

#shell
#linux

ls - bu Linuxdagi papkalar(direktoriyalar) va fayllar ro'yxatini ko'rsatish uchun ishlatiladi
Inglizchada 'list' so'zidan olingan.

Asosiy xususiyatlari va flaglari :

ls - (List) bu buyruq bilan shunchaki papkalar va fayllar ro'yxatini beradi
ls -l (Long format) - bu fayllarning batafsil ro'yxatini chiqaradi (huquqlari(rwx),hajmi,oxirgi o'zgartirilgan sanasi)
ls -a (All) - Barcha yashirin fayllar nilan birgalikda ko'rsatadi ( . bilan boshlangan fayllar yashirin hisoblanadi : .gitignore )
ls -h (Human readble) - Fayl hajmini tushunarli ko'rsatadi(KB,MB,GB) (ko'pincha -l bilan -lh holatida ishlatiladi)
ls -R (Recursive)- Papkalar va ularning mundarijasini ko'rsatadi rekursiv tarzda
ls -l ./directory_name - Papkaga kirmasdan ham ichidagilarni ko'rish imkonini beradi
ls -C - Ustun ko'rinishida chiqaradi fayl va papkalarni
ls -r -Teskari tartibda chiqaradi
ls -lrt - (List+reverse+time) Vaqt bo'yicha tartiblangan holda chiqarish

#shell
#linux

cat - (inglizcha concatenate so'zidan olingan) matnli fayllarni mazmunini o'qish,ularni ekranga chiqarish ,bir nechta matnli fayllarni birlashtirish yoki yangi fayl yaratish uchun ishlatiladi .
— Matnli fayllarni terminaldan turib faylni ochmasdan ko'rish imkonini beradi
— Matnli birnechta fayllarni birlashtirib yangi faylga saqlash imkonini ham beradi
— Yangi faylni terminaldan turib matn kiritib yaratish imkonini beradi

cat fayl.txt - terminlda fayl ichidagi matnlarni ko'rsatadi
cat fayl1.txt fayl2.txt - ikkita faylni birlashtirgan holda ko'rsatadi
cat fayl1.txt fayl2.txt > new_file.txt - ikkita faylni birlashtirib uchinchi yangi faylga yozish
cat > text.txt — shundan keyin enter bosib istagan matningiz kiritib Ctrl+D bosgan holda faylni yopishingiz mumkin
cat -n - Qator raqamlari bilan chiqarish

#linux
#shell

head | tail | less

head - (boshi ) Matnli fayllarni ko'rish uchun ishlatiladi faylni boshidan o'qiydi default holatda 10 qator ko'rsatadi
head -n 5 data.txt -Matnni boshidan 5 qatorni o'qish

tail -(Oxiri) Matnli faylni oxiridan ko'rsatadi default 10 qator ko'rsatadi
tail -n 5 data.txt Matn oxiridan 5 qatorni ko'rsatadi
tail -f data.txt Real vaqt rejimida ko'rish imkonini beradi

less - Katta hajmli fayllarni sahifalab ko'rish imkonini beradi
less big_data.txt
Enter yoki Space yordamida sahifalash imkonini beradi
Yuqori yoki b yordamida yuqoriga siljitish imkonini beradi

/ - yordamida istalgan matnni qidirish imkonini beradi

#linux
#shell

whoami | cd | pwd


whoami - (Men kimman) Joriy terminalda qaysi foydalnuvchi nomidan ishlayotganingizni ko'rsatuvchi buyruq.

cd - (Change directory) - Papkaga o'tish
cd gallery - gallery pakasiga kirish
cd /var/www/html - to'liq yo'l bilan kirish
cd .. - oldingi papkaga qaytish
cd / - root ga qaytish ya'ni eng yuqoriga qaytish
cd ~ - joriy foydalanuvchiga tegishli default home papkasiga qaytish

pwd - (Print working directory) Hozir siz qaysi papkada turganingiz korsatib beruvchi buyruq.