የፋሲል ከነማ የቡድን አባላት በህመም ላይ ለሚገኙት የመቐለ 70 እንደርታው ምክትል አሰልጣኝ ኮማንደር ዮሐንስ ሲሳይ ድጋፍ አድርገዋል

በተጫዋችነት እና በአሰልጣኝነት በኢትዮጵያ እግርኳስ የራሱን አሻራ ያሰፈረው የቀድሞ የትራንስ ኢትዮጵያና ዋልታ ፖሊስ ትግራይ እንዲሁም የመቐለ 70 እንደርታ ምክትል አሰልጣኝ ሆኖ በመስራት ላይ የነበረው ኮማንደር ዮሐንስ ሲሳይ በአሁኑ ወቅት በካንሰር በሽታ በከፍተኛ ሁኔታ ታሞ ይገኛል።በመሆኑም ህክምናው በሀገር ውስጥ የማይሰጥ ስለሆነ ከኢትዮጵያ ውጭ ወጥቶ እንዲታከም የህክምና ባለሙያዎች ማረጋገጫ ሰጥተዋል።

በመሆኑንም ለህክምናው ውጭ ሀገር በመሄድ እንዲታከም ለመላው የስፖርት ቤተሰብ የቀረበውን የድጋፍ ጥሪ በመቀበል የፋሲል ከነማ ተጫዋቾች እና የአሠልጣኝ ቡድን አባላት መዋጮ በማድረግ የ50 ሺ ብር ድጋፍ ማድረጋቸው ታውቋል።

የክለቡ አባላትም ሌሎች ክለቦች ይህንን መልካም አርዓያ ያለውን ተግባር ተቀላቅለው ድጋፍ እንዲያደርጉ ጥሪ አቅርበዋል።

ድጋፍ ለማድረግ 👇

ወ/ሮ ትብለፅ ገብረመስቀል

👉 የኢትዮጽያ ንግድ ባንክ | 1000184557375

👉 ወጋገን ባንክ | 0952411530101

የኢትዮጵያ ሴቶች ፕሪሚየር ሊግ የ23ኛ ሳምንት አጠቃላይ ውጤቶች ፣ የ24ኛ ሳምንት መርሐግብር ፣ የደረጃ ሰንጠረዥ እና የከፍተኛ ጎል አስቆጣሪዎች ደረጃ !

😍 አርቲስቶች ፣ ድምፃውያን ፣ ጋዜጠኞች እና ቲክቶከሮችን በጎፈሬ ማሊያ ለማየት ዝግጁ ናችሁ? 🤩

ጎፈሬ የታዋቂ ሰዎች አዝናኝ የስፖርት ፌስቲቫል ውድድርን አጋር ሆነ

በቅዳሜ ሚዲያ እና አድቨርታይዚንግ አዘጋጅነት በአርቲስቶች ፣ ድምፃውያን ፣ ጋዜጠኞች እና ቲክቶከሮች መካከል ደማቅ ስፖርታዊ ውድድር ሊደረግ ቀን ተቆርጦለታል። ውድድሩ እንደ ፌስቲቫልነቱ አዝናኝ ከመሆኑ ባሻገር ለመቄዶንያ የአረጋዉያን እና የአእምሮ ህሙማን መርጃ ማዕከል ገቢ የማሰባሰቢያ በጎ ዓላማ ይዞ በደማቅ ሁኔታ ሚያዚያ 23 እና 26 የሚከናወን ይሆናል።

የኢትዮጵያውያን ኩራት የሆነው ጎፈሬም ውድድሩን በምርቶቹ እና በሽልማቶች ለማድመቅ የሁለት ዓመት የአጋርነት ስምምነት በዛሬው ዕለት ከቅዳሜ ሚዲያ እና አድቨርታይዚንግ ጋር ተፈራርሟል።

ዛሬ ቀትር ላይ በሀርመኒ ሆቴል በርካታ የጥበብ ባለሙያዎች እና ጥሪ የተደረገላቸው እንግዶች በተገኙበት በተከናወነው የፊርማ ሥነ-ስርዓት እና ጋዜጣዊ መግለጫ ላይ ቅዳሜ ሚዲያ ከጎፈሬ ጋር ስምምነቱን ከፈፀመ በኋላ የአርቲስቶች፣ የድምፃውያን፣ የጋዜጠኞች እና የቲክቶከሮችን ቡድን በመወከል የቡድኖቹ አምበሎች ከውድድሩ በፊት የቃላት ጨዋታ የጀመሩበትን ፍልሚያ ከመድረክ ሆነው ጀምረዋል።

@goferesportswear