مع النسيان كله يكون حتى فلان زارع ذكره
عارف مش أكله يهون لاكن فرض العزم شكره
علي درته معاه ونكره بعد الحب اكله بتكره
لانه الواقع فيك بالقسوة بالنسوة تتقبل فكره

لخلايق تخواك فدقايق راك فايق شن صاير تحتك
مش رايق ديما مضايق والسم اللي هالك صحتك
يحشيلك في الدوا بزياد مش عايش ويقول نصحتك
و قلبي كان خوانه سايق في الموقف بالحق نكحتك

حايقيموني عرم تريس واني ماشي فسط الكفن
عقلي يتطور كل يوم حتى قرب الناس عفن
سفينه في راسي تقول الخبره مش في كبر السن
واني لول ديما معول مغول مات فقلبي الحن

كترتهم تصنعش القيمه ولا تخلي الراجل بقدره
عشت سنين ماليهم قيمة عصرة ليمه فجرحي يبره
معاش تغرني دسكا قديمه حتى كان تكوني هبرة
عقلي مش حاسب مخلوق وقلبي يخمم كان فقبره

عقلي يطرحلي فلفكار قلبي حط افكاري في نار
متعارك حتى مع روحي وبروحي شايل اخطار
مش ميزاتي نشوف لحد ولا نحسب غيري شن دار
هوا عمر وقصة وحده لازم تختمها بمشوار ✊🏼

الخاطر ضيق موقف حقره مقهور و مش طايق نفسي
ولد بيتيه ونعرف نفسي شربة المر من حظي وقسمي
والدنيا تصنعلي فشر غمه انكد لين نكره اسمي
مافيش تيقه في اي انسان حتى كان فموقف رسمي

ﺍﻟﻘﻮﻱ ﻻ ﻳﻠﺘﻔﺖ ﻟﻠﻈﺮﻭﻑ❌ ، ﻳُﻜﻤﻞ ﻟﻴﻨﺘﺰﻉ ﻣﺎ ﻳﺮﻳﺪ 👊

" ‏إيّاك أن تيأس مِن إصلاح نفسِك."

نزّبط فيك ع المترين نشبح فيكم بين وبين

نتصبح نلقى اللي يهبط ونخبط في قلبي بناري
ونمسي في هم متكبط سبسي والكاس علي ايساري
في عزلة وكاره الناس متعارك حتى مع جاري
مش هكي مسار حياتي ولا الفرقة كان اختياري

حكمت ماتحكمش عليا البيتية تحظر وتكلف
مستحيل يفوت عليا بالك شايفني متخلف
دراما وتعيشوها ادوار عشتو بالوجه المتغلف
نفعل وكان تبي تعرفني كلمني تو بيك نتكلف

عقلي يطالب بالسماح قلبي حالف مش حايسامح
قاتل قلبي بالنجاح عقلي يخمم ديما طامح
خطفو روحي والملامح بديت بروحي ديما سارح
وتفوت الليله زي البارح ندعي امتا بنرررتاح

عتاب منغير حساب وشن تحساب كل شي يوكل
قداش من هم أنزاع والعقل معاش يقدر يتفكر
اللي شاف مش زي اللي سمع وكم وجه في الحق متنكر
وفقلبي دافن شي بسبعه قفال عليه مصكر

خديتها بالحصره ورضيت ايه
تفهمني الدنيا ياريييت. ايه
نشبع كيف يدي شميييت ايه
ولحياتي نتعدل ابدييييت ايه

زعما ديما في تخميم فعيني الدنيا ماتسواش
فقلبي حرقة ماتهداش علي دفنته و ماشفتاش
والا اللي عشمني بذكره فيوم ليل مالقيتاش
الدنيا حسبة ماتنساش تخلص حتى تولي بلاش

حسبة غلط وما ادوميش هاني ساكت مانحكيش
نتعلم ونكون متعلم ضيقي لغيري مانوريش
وعلي نفسي ماتحطيش قالب وجهي ليك ونعيش
يوم المر نكون لمراره قلبي تهنى ماتوصيش

بطني ماتشبعش حرام قلبك شابع فينا غدرا
درت افعال وقال كلام جابلي ذنب اقبح من عذرا
تقولي نساء نقولك نكره تقول قمر نقولك نقرا
تقولي رجال نقولك فيه غر ولد القاف صنع الحقرا

اعرابي إلقائي مخارج قاموسي
لفظي في لعنة توهدي نفوسي
لاقريتك لاريتك لافاهم طقوسي
مانوقف ع الطايح لانحرك كبوسي

تاخد اللي في بالي نحطه
مشتني عكس الخطه
مشتني اجباري حتى عندي نخطه
لازم تفهم باش تتخطى
وتخوا غلطة نقطة سودة عمرك كله تراجي رخيص يدكن خطه