Минбар, маъруза, костюм, галстук, папка тўла қоғозлар. Сайлов жараёнлари яқин, дўстлар. Ҳеч сайловолди йиғинларда иштирок этганмисиз? Ҳар бир партия бу жараёнга олдиндан алоҳида тайёргарлик кўради. Бироқ яхши ўйланган сайловолди дастур муваффақиятнинг 30 фоизини ташкил қилади, холос. Қолган 70 фоизи сиёсий коммуникацияни тўғри йўлга қўйишга боғлиқ.

Бизда депутатликка номзодлар сайловолди учрашувларни нақд жиддий йиғилишларга айлантириб юборади. Қилинган ишлар, қилинаётган ишлар, сайловолди дастурдаги мақсаду вазифалар бирма бир саналади...рўйхатдагилар қолиб кетмаслиги учун қоғозга кўз югуртирилади. Аслида сайловолди йиғилиш эййй йўғеее учрашув канақа бўлиши керак?

Бу учрашув СИЗНИ СИЗ деб таниб олиши учун сайловчилар билан мулоқотингиз бўлиши керак. Қўполроқ, аммо гапни пўсткалласини айтганда бўлажак депутатнинг “рекламаси”га айланиши лозим. Таъсирчан, ишончли, халқчил, одамларни миқдек қаршингизда қотириб қўядиган нутқ бўлиши керак.

Интернетда чет элдаги бир эълонга кўзим тушди. Ўзини сиёсий стратегиялар бўйича маслаҳатчи экани ва сайловда ғалаба қозониш учун номзодларга ёрдам бериши мумкинлиги айтилган.

Сиёсий маркетинг соҳаси аллақачон ривожланиб бўлган. Яъни, сиз депутат сифатида ғалабага эришиш учун медиа, интернет олами, жонли мулоқотларда нимани қандай гапирасиз буни ипидан игнасигача режалаштириб берувчи мутахассислар, компаниялар бор. Улар сизга сайловчилар ишончини олиб беради.

Ишончга эришиш албатта, осон эмас. Унга фақат қоғозда дастурлар ишлаб чиқиш, лойиҳаларни ёзиш билан эришиб бўлмайди. Халқни ишонтириш учун қоғоз эмас, сиз гапирасиз. Бунинг учун муаммони аниқлаш, одамлар кайфиятини баҳолаш, таъсирли, халқчил усулларни қўллаш, жонли нутқга эга бўлиш муҳим.

Бир сиёсий маркетолог айтган экан, “Ғолиблик учун аниқ тасаввур, дадил мақсад ва каттароқ фикр керак”. Бўлажак депутатларимиз учун ажойиб маслаҳат. Ғалаба учун аввало, ҳар бир сайловловолди дастурингизни тасаввур қилиб кўринг, кейин олдингизга тасаввурингизни амалга ошириш учун мақсад қўйинг, шу мақсадни амалга ошириш учун ХАЛҚҚА тайинли,жўяли фикр айтинг. Улар ИШОНСИН, сизни қўлласин!

ДАВЛАТГА ИШОНИШ катта нарса! Лекин у кичик-кичик ишончларсиз асло, амалга ошмайди. Бу ишончлар эса ҳар бир депутат, ҳоким, вазиру амалдорлар орқали йиғиб, тўпланади.

Биз фақат қўшиқчиларни танийдиган халқ эмас, депутатини ҳам “юлдуз”лардек ҳар ишидан воқиф бўладиган эл бўлишимиз аввало, сизнинг қўлингизда!

Бу барчамиз биладиган “Мона Лиза” сурати. Лекин ҳозир сиёсий коммуникацияда мавзунинг “умри” ҳақида шу сурат атрофида гаплашамиз.

"Мона Лиза" 1911 йилда ўғирлангач, машҳур бўлиб кетганини кўпчилик билади. Бу тарихий воқеа фонида пресса, жамоатчиликнинг ажралмас ўрни бўлган. Санъат асари йўқолгач, газеталар бутун дунё бўйлаб тинимсиз жар солади, бу “тўпалон” то асар топилмагунча, яъни 2 йил ичида бирон марта газеталар эътиборидан тушиб қолмайди, улар жамоатчиликни бу мавзуни эсдан чиқаришларига асло йўл қўймайди ҳам. Муқовалар, мақолалар, суратлар барчаси қайта ва қайта бу ўғрилик фош этилмаганини кўрсатиб тураверади. Охиригача, ҳақиқатгача...

Бизда назаримда, муҳим мавзуларнинг “умри қисқа” .. Узоғи бир ҳафталик трендга чиқадию, бошқа мавзу фонида у унутилади, батамом. Ижтимоий тармоқ орқага қарашга ҳам ҳоли бўлмас даражада янги мавзулар, баъзан шу даражада маиший муаммолар муҳокамасига киришиб кетади. Афсуски, ОАВ ҳам.
Биз қачонки, жамиятда ниш урган, жон куйдириб муҳокама қилган мавзумизни то у ўз ечимини топмагунча, эски тўнлар ечилмагунча, эски ҳаммомлар янги бўлиб, туяни думи ерга теккунича эътибордан четда қолдирмасакгина илдиз томир отмайди.
Агар кучимиз фақат қуриган шоҳларнигина олиб ташлашга етса, демак ҳали биз қайта ва қайта бир мавзуни йиллар давомида муҳокама қилаверамиз. Ҳақиқатга олиб борадиган йўлга тушиб ололмай, турган жойимизда айланамизки, охири бундан ҳатто ўзимизнинг хафсаламиз ҳам пир бўлади.
Бугун муҳокама қилаётган мавзуларимиз “тарих зарварақларида” қолиб кетмасин! Гапирайлик, мулоқот қилайлик, охиригача борайлик!

“Tafakkur” jurnalini o‘qishni yaxshi ko‘raman. Har bitta maqola emas, har bitta so‘zda katta ma’no bor.

2-sonini o‘qib, “O‘zi yashashdan maqsadimiz nima bo‘lishi kerak?”, degan savol bilan avval, o‘zimni, keyin atrofimdagilarning ham yuragini ancha siqqandim))
Bu sonida Sobirjon Yoqubovning siyosiy fanlar doktori Narzulla Jo‘rayev bilan “Bir yon ma’siyat, bir yon ma’sumiyat” nomli suhbatini o‘qib, bir paytlar o‘zimcha dadillik bilan ochgan “Siyosiy muloqot” kanalimning taqdirini boshi berk ko‘chaga solib qo‘yganimdan afsuslandim.

Chunki maqolada Arastuning odamzodni “siyosiy mavjudot” degan ta’rifidan boshlab, davlatni qanday bo‘lishi, jamiyat rivoji, taraqqiyot insonlar tafakkuri mahsuli ekaniga urg‘u berilgan.

“Och qornim tinch qulog‘im” deb siyosiy masalalar yuzasidan fikr bildirmaslik, voqealarga loqaydlik Sharof Boshbekov aytganidek, “dunyoga chinqirib kelsak-da, shivirlab yashamoq”dek gap.

Suhbatda aytilganidek, har bir rahbar kadrlarning savodxonligini oshirish, o‘z ustlarida alohida imijmeykerlar bilan ishlashlarini zamon talab qilmoqda. Zamon-ku talab qilgani mayli, lekin omma emas, xalq bo‘lib odamlar ham talab qilsa, har bir masalada hisob, har bir muammoga javob so‘rasa, chiqishlarini kuzatsa, tahlil qilsa, “orzudagi jamiyat” quriladi.

Mana, saylovlar yaqin, debatlar bo‘lmoqda. Bu yil ancha jonlanish, harakatlar sezilarli oshgan. Ikkinchi taraf – saylovchilar ham voqealarga befarq bo‘lmasa, kuzatsa, savol bersa, talab qilsa, erta “Xalq uyi” ga vijdonli, oqil, xalq xizmatini qiladigan inson deputat bo‘ladi.

https://t.me/SIYOSIYMULOQOT

“Отлар кечувда алмаштирилмайди”, “Ғалабанинг минг битта отаси бор, мағлубият эса ҳамиша етим” – сиёсатчиларнинг машҳур иборалари қандай яралган?

Лекин зодагон Талейран Наполеоннинг аллақачон “сиёсий мурда” эканини яхши билар, тахтни узоқ ушлаб қололмаслигини сезарди. Ва бу таклифга “Император вақтдан адашди. Кечикдингиз”, деб жавоб қайтаради.

Oʻz: https://oyina.uz/uz/article/1550

Ўз: https://oyina.uz/kiril/article/1551

Расмий саҳифаларимиз👇

Telegram | Facebook | X | Instagram

Siyosiy nutq faqat rasmiy uslubda bo‘lmaydi!

Telegram/