🎓 កម្មវិធីបញ្ចប់ការសិក្សា Sisters of Code Clubs នៅភ្នំពេញ ឆ្នាំ២០២៥!

Sisters of Code មានសេចក្តីរីករាយក្នុងការប្រារព្ធកម្មវិធីបញ្ចប់ការសិក្សាសម្រាប់សិស្សចំនួន ១២៨ នាក់ ដែលបានបញ្ចប់កម្មវិធីសិក្សា Sisters of Code Clubs នៅភ្នំពេញដោយជោគជ័យ។ 🎉 Sisters of Code សូមអរគុណយ៉ាងជ្រាលជ្រៅដល់ក្រសួងប្រៃសណីយ៍ និងទូរគមនាគមន៍ ដែលបានផ្តល់កន្លែងសម្រាប់រៀបចំកម្មវិធីដ៏កក់ក្តៅនេះ ក្នុង វេទិការដ្ឋាភិបាលឌីជីថល ឆ្នាំ២០២៥ នៅកោះពេជ្រ នៅរសៀលថ្ងៃទី៧ ខែធ្នូ ឆ្នាំ២០២៥។ 🏛

យើងក៏សូមអរគុណយ៉ាងខ្លាំងដល់ Liechtenstein Development Service (LED) សម្រាប់ការគាំទ្រដែលធ្វើឱ្យពេលវេលាដ៏រីករាយនេះអាចកើតមានបាន។ 💙 យើងសូមជូនពរសិស្សទាំងអស់អោយជួបតែសំណាងល្អក្នុងការបន្តស្វែងរកឱកាសសិក្សាថ្មីៗ និងបន្តដំណើរការរៀនរបស់ពួកគេ។ 🌟

📌 អានព័ត៌មានលម្អិតអំពីព្រឹត្តិការណ៍នេះ៖ https://www.sistersofcode.org/post/graduation-day-for-sisters-of-code-clubs-students-in-phnom-penh

🌟 Sisters of Code នៅក្នុងវេទិការដ្ឋាភិបាលឌីជីថលឆ្នាំ២០២៥!

ថ្ងៃទី៧ ខែធ្នូ ឆ្នាំ២០២៥ លោកស្រី Natalja Rodionova ស្ថាបនិក Sisters of Code និងនាយិកាគ្រប់គ្រង IT Academy STEP Cambodia បានចូលរួមជាវាគ្មិនក្នុង Fireside Chat ស្តីអំពី ស្ត្រីក្នុងភាពដឹកនាំឌីជីថល នៅក្នុងវេទិការដ្ឋាភិបាលឌីជីថលឆ្នាំ២០២៥។

កិច្ចពិភាក្សានេះទទួលបានការចូលរួមដោយខ្ពង់ខ្ពស់ពីសំណាក់ លោកជំទាវ រស់ សូរក្ខា រដ្ឋលេខាធិការ ក្រសួងប្រៃសណីយ៍ និងទូរគមនាគមន៍ និង លោកជំទាវ ប្រាក់ ច័ន្ទណយ រដ្ឋលេខាធិការ ក្រសួងប្រៃសណីយ៍ និងទូរគមនាគមន៍។

📌 អានព័ត៌មានលម្អិតអំពីព្រឹត្តិការណ៍នេះ៖ https://www.sistersofcode.org/post/graduation-day-for-sisters-of-code-clubs-students-in-phnom-penh

✨ វគ្គផ្តល់ព័ត៌មានអំពីកម្មវិធី Sisters of Code Ambassadors បានបញ្ចប់ដោយជោគជ័យ!

Sisters of Code មានក្តីរីករាយក្នុងការទទួលស្វាគមន៍សិស្សានុសិស្សមួយក្រុម ដែលមានចំណាប់អារម្មណ៍ចង់ចូលរួមកម្មវិធី Sisters of Code Ambassadors ឆ្នាំ២០២៦។ យើងបានផ្លាស់ប្តូរការពិភាក្សាដ៏មានអត្ថន័យ ចែករំលែកបទពិសោធន៍ និងឆ្លើយសំណួរជាច្រើន។ យើងសង្ឃឹមថាវេទិកានេះបានជួយឲ្យអ្នកចូលរួមមានភាពជឿជាក់ និងមានការត្រៀមខ្លួនល្អប្រសើរឡើង បន្ទាប់ពីបានយល់ដឹងច្បាស់អំពីកម្មវិធី។

⏰ កាលបរិច្ឆេទផុតកំណត់នៃការដាក់ពាក្យជិតមកដល់ហើយ នៅសប្តាហ៍នេះ ថ្ងៃទី១៩ ខែធ្នូ ឆ្នាំ២០២៥។ សូមកុំខកខានឱកាសក្នុងការដាក់ពាក្យ។

👉 ទម្រង់ពាក្យសុំ៖ https://forms.gle/Q39spqdNJR3FmSSc7
👉 អានព័ត៌មានលម្អិតអំពីកម្មវិធី៖: https://www.sistersofcode.org/post/become-a-sisters-of-code-ambassador-2026