🎉 អបអរសាទរជោគជ័យរបស់សិស្ស Sisters of Code! 🎉

យើងមានក្តីសប្បាយរីករាយជាខ្លាំងក្នុងការចែករំលែកថា អតីតសិស្សចំនួនបីនាក់នៃក្លឹបសរសេរកូដស្រ្តី បានតំណាងឱ្យប្រទេសកម្ពុជាយ៉ាងមោទនភាពនៅក្នុងការប្រកួតលើកទី៧ ICode International Youth Coding Contest – ICode4Good ASEAN 10-Nations League! 🌏👩‍💻💪

📸 សូមអូសរូបភាពខាងក្រោម ដើម្បីមើលវិញ្ញាបនបត្ររបស់ពួកគេ ហើយចូលរួមជាមួយយើងក្នុងការអបអរសាទរដំណើរដ៏អស្ចារ្យរបស់ពួកគេទាំងអស់គ្នា!

កិច្ចសម្ភាសន៍ក្លឹបសរសេរកូដស្រ្តីនៅខេត្តតាកែវ!

🌟 នៅថ្ងៃសៅរ៍ ទី២១ ខែមិថុនា ឆ្នាំ២០២៥ Sisters of Code បានធ្វើការសម្ភាសន៍ជាមួយសិស្សជាង៦០នាក់ដែលចង់ចូលរួមជាមួយក្លឹបសរសេរកូដស្រ្តីឆ្នាំ២០២៥ (Sisters of Code Clubs 2025) នៅវិទ្យាល័យបីកន្លែងក្នុងខេត្តតាកែវ៖ វិទ្យាល័យ សុខអាន ត្រាំខ្នារ វិទ្យាល័យ ប៊ុនរ៉ានី ហ៊ុន សែន បាទី និងវិទ្យាល័យ ហ៊ុន សែន ១ មិថុនា។

យើងសូមថ្លែងអំណរគុណយ៉ាងជ្រាលជ្រៅចំពោះ ក្រសួងប្រៃសណីយ៍ និងទូរគមនាគមន៍ សម្រាប់ការសម្របសម្រួលការសម្ភាសន៍នៅ មជ្ឈមណ្ឌលបច្ចេកវិទ្យាសហគមន៍ និងចំពោះសាលារៀនទាំងបីដែលបានចូលរួម សម្រាប់ការផ្តល់កន្លែង និងការលើកទឹកចិត្តដល់ការចូលរួមរបស់សិស្ស។

យើងមានក្តីរំភើបចំពោះការស្វាគមន៍ក្មេងស្រីជំនាន់ថ្មីចូលរួមក្នុងក្លឹបសរសេរកូដស្រ្តីរបស់យើង។ សូមរង់ចាំលទ្ធផលទាំងអស់គ្នា! ☺️

🎉 សូមអបអរសាទរដល់សិស្សស្រីដែលត្រូវបានជ្រើសរើសសម្រាប់ក្លឹបសរសេរកូដស្រ្តី (Sisters of Code Clubs) នៅខេត្តតាកែវ!

Sisters of Code មានសេចក្តីរីករាយដែលបានជួបនឹងស្ត្រីវ័យក្មេងដែលមានចំណង់ចំណូលចិត្ត និងមានទេពកោសល្យជាច្រើនអំឡុងពេលសម្ភាសន៍។ យើងពិតជារំភើបក្នុងការចាប់ផ្តើមថ្នាក់រៀនដំបូងរបស់យើងជាមួយគ្នាក្នុងពេលឆាប់ៗនេះ!

សម្រាប់អ្នកដែលមិនត្រូវបានជ្រើសរើសនៅលើកនេះ យើងសូមអរគុណចំពោះការព្យាយាម និងភាពក្លាហានរបស់អ្នក។ យើងសង្ឃឹមថានឹងនៅបន្តទំនាក់ទំនង និងលើកទឹកចិត្តអ្នកឱ្យបន្តស្វែងយល់អំពីបច្ចេកវិទ្យា! 💻✨