ក្លឹបសរសេរកូដស្រ្តីបានចុះអនុស្សារណៈនៃការយោគយល់ជាមួយមជ្ឈមណ្ឌលបច្ចេកវិទ្យាសហគមន៍! ✨

Sisters of Code បានចុះអនុស្សារណៈនៃការយោគយល់ (MOU) ជាផ្លូវការជាមួយមជ្ឈមណ្ឌលបច្ចេកវិទ្យាសហគមន៍ ស្ថិតក្រោមក្រសួងប្រៃសណីយ៍ និងទូរគមនាគមន៍ ដើម្បីលើកកម្ពស់សមភាពយេនឌ័រ និងពង្រីកការទទួលបានចំណេះដឹងបច្ចេកវិទ្យាឌិជីថលនៅក្នុងប្រទេសកម្ពុជា។ ☺️

តាមរយៈភាពជាដៃគូនេះ Sisters of Code នឹងបើកដំណើរការក្លឹបសិក្សាសរសេរកូដដោយឥតគិតថ្លៃនៅមជ្ឈមណ្ឌលបច្ចេកវិទ្យាសហគមន៍ ក្នុងវិទ្យាល័យក្នុងខេត្តតាកែវ ដែលមានគោលបំណងផ្តល់ឱកាសរៀនសូត្រដ៏សម្បូរបែប និងគាំទ្រសម្រាប់ក្មេងស្រីឱ្យស្វែងយល់ពីបច្ចេកវិទ្យាជាលើកដំបូងនៅក្នុងទីតាំងទាំងនេះ។

យើងសូមថ្លែងអំណរគុណយ៉ាងជ្រាលជ្រៅដល់ក្រុមការងារមជ្ឈមណ្ឌលបច្ចេកវិទ្យាសហគមន៍ សម្រាប់ទំនុកចិត្ត និងការសហការ និងសូមអរគុណដល់ Liechtenstein Development Service សម្រាប់ការគាំទ្រកន្លងមក ចំពោះកម្មវិធីក្លឹបសរសេរកូដស្រ្តី។ 🙏

យើងពិតជារំភើបចំពោះកិច្ចសហប្រតិបត្តិការនេះដែលនឹងនាំមកនូវផលវិជ្ជមានជាច្រើន។

👉 សម្រាប់ព័ត៌មានបន្ថែម សូមចូលទៅកាន់៖ https://www.sistersofcode.org/post/sisters-of-code-and-ctc-working-group-signs-mou-to-drive-inclusive-digital-education

ក្លឹបសរសេរកូដស្រ្តីនៅខេត្តតាកែវ - អំពីវគ្គសិក្សាដំបូង 🎉

នៅថ្ងៃទី៥ ខែកក្កដា ឆ្នាំ២០២៥ Sisters of Code បានបើកដំណើរការវគ្គសិក្សាដំបូងនៃកម្មវិធីក្លឹបសរសេរកូដស្រ្តី (Sisters of Code Clubs) ដោយជោគជ័យនៅវិទ្យាល័យរដ្ឋចំនួនបីកន្លែង នៅខេត្តតាកែវ រួមមាន វិទ្យាល័យ សុខអាន ត្រាំខ្នារ វិទ្យាល័យ ប៊ុនរ៉ានី ហ៊ុន សែន បាទី និង វិទ្យាល័យ ហ៊ុន សែន ១​ មិថុនា។ 🏫

ដោយទទួលបានការគាំទ្រពីមជ្ឈមណ្ឌលបច្ចេកវិទ្យាសហគមន៍ ស្ថិតក្រោមក្រសួងប្រៃសណីយ៍ និងទូរគមនាគមន៍ គំនិតផ្តួចផ្តើមរយៈពេល១៧សប្តាហ៍នេះ មានបេសកកម្មផ្តល់ជំនាញឌីជីថលចាំបាច់ដល់សិស្សានុសិស្ស និងជួយលើកទឹកចិត្តឱ្យពួកគេក្លាយជាពលរដ្ឋឌីជីថលដែលពោរពេញដោយទំនុកចិត្ត។ 💻

យើងមានក្តីរំភើបយ៉ាងខ្លាំងក្នុងការស្វាគមន៍យុវជនដែលមានភាពឆ្លាតវៃទាំងនេះចូលរួមក្នុងដំណើរសិក្សាការសរសេរកូដ។