🎊🎊🎊እነሆ ተለቀቀ🎊🎊

አድሱ እና 3ኛ ኳርተር ሰንበት ትምህርት

1ኛ እና 2ኛ ቆሮንቶስ - የክርስቲያን ሕይወት እና ምስክርነት ባሕርይ


ተባረኩበት 

share

@BiruhTech

🎨 Qine Graphics and Design 🎨

የእርስዎን እና የድርጅትዎን እይታ ወደ ላቀ ደረጃ የሚያሸጋግሩ የግራፊክስ ዲዛይን ስራዎችን ይፈልጋሉ?

እንግዲያውስ #Qine_Graphics_and_Design ስራዎች ሊያገለግልዎ ዝግጁ ነው!

⚡️ Designing Beauty. Elevating Your Posts.

✅ Flyers
✅ Posters
✅ Thumbnails
✅ Social Media Posts

በጥራት እና በተመጣጣኝ ዋጋ አዘጋጅተን እናስረክባለን። አሁኑኑ DM አድርጉኝ! 👇

📨 Inbox: @thefikadu
☎️ Call: 0972838108
✨ ቻናላችንን ይቀላቀሉ:- 👇👇👇
@qine_graphics

“ዕረፉ፥ እኔም አምላክ እንደ ሆንሁ እወቁ” የሚለው ቃል በሕይወታችን ችግር፣ ጭንቀትና የማናውቀው ሁኔታ ሲከብበን እንዳንደናገጥ ያስተምረናል። ብዙ ጊዜ ሰው መፍትሔውን በራሱ ጉልበት ለማግኘት ይሞክራል፤ ምክንያትም ይደረድራል። ነገር ግን ዕረፍት ማለት መስራትን መተው ወይም ስንፍና አይደለም፤ በራሳችን ከመታመን ተመልሰን በእግዚአብሔር ላይ ሙሉ በሙሉ መደገፍ ነው።


ብዙ ጊዜ የሚያደክመን ችግሩ ብቻ ሳይሆን፣ ችግሩን በራሳችን ለመፍታት የምናደርገው የማያቋርጥ ትግል ነው። እግዚአብሔር ግን “እኔ አምላክ እንደ ሆንሁ እወቁ” ይላል። ስለዚህ ዛሬ ምክንያትህን ከማብዛት ይልቅ እምነትህን አብዛ፤ ፍርሃትህን ከማዳመጥ ይልቅ ቃሉን አዳምጥ። የማትችለውን ለእርሱ ስጥ፤ እርሱም አምላክ መሆኑን በሕይወትህ ይገልጣል።


@SinqSDA

📚 ሸክላ ሠሪው... ኤርምያስ 18፥6

አንዳንድ ጊዜ ሕይወታችን እንደተበላሸ ሸክላ ይሰማናል። “እኔ እንዲህ ሆኜ ምን ልለወጥ? ዕድሉ አልተሰጠኝም፣ ሁኔታዬ አልፈቀደልኝም፣ ብዙ ነገር ከኋላዬ አለ” ብለን ምክንያት እንደረድራለን። እግዚአብሔር ግን በኤርምያስ 18፥6 ሕይወታችን በእርሱ እጅ እንዳለ ያሳየናል።

ሸክላ ሠሪው የተበላሸውን ሸክላ አይጥለውም፤ እንደ ፈቃዱ እንደገና ይሠራዋል። እኛም በሕይወታችን ስንወድቅ፣ ስንሳሳት ወይም ነገሮች እንደፈለግነው ሳይሆኑ ሲቀሩ ተስፋ መቁረጥ የለብንም። እግዚአብሔር አሁንም በእጁ አለን። ስለዚህ ምክንያት ከመደርደር ይልቅ ራሳችንን ለሸክላ ሠሪው እንስጥ። እርሱ የተሰበረውን ሊጠግን፣ የተዛባውን ሊያስተካክልና ሕይወታችንን ለተሻለ ዓላማ እንደገና ሊቀርጽ ይችላል።

#onevoice27 #SinqSDA


@SinqSDA

📚 እግዚአብሔርን ፈልጉት... 1ኛ ዜና 16፥11


“እግዚአብሔርን ፈልጉት፥ ትጸናላችሁም” የሚለው ቃል በሕይወታችን የምንፈልገው ጥንካሬ ከየት እንደሚመጣ ያስተምረናል። ብዙ ጊዜ ስንደክም፣ ችግር ሲመጣ ወይም መንገዳችን ሲጨልም “ራሴን እችላለሁ” ብለን በራሳችን ኃይል ለመቆም እንሞክራለን። ነገር ግን የሰው ኃይል ውስን ነው፤ የእግዚአብሔር ኃይል ግን ዘላለማዊ ነው።


እግዚአብሔርን መፈለግ ማለት ችግር ሲመጣ ብቻ ወደ እርሱ መሮጥ አይደለም፤ በየቀኑ ፊቱን መፈለግ፣ ቃሉን ማንበብ፣ በጸሎት መቅረብና በፈቃዱ መመላለስ ነው። ዛሬ የሚያደክምህ ነገር ሊኖር ይችላል፤ ግን መልሱን በሰው ሁሉ ዘንድ ከመፈለግ በፊት እግዚአብሔርን ፈልግ። እርሱን ስትፈልግ ብርታትን፣ ሰላምንና ጽናትን ታገኛለህ። ስለዚህ ምክንያት ከመደርደር ይልቅ ፊቱን እንፈልግ፤ እርሱም ያጸናናል።


#onevoice27 #SinqSDA


@SinqSDA

📚 እግዚአብሔርን የምትከተሉ ሁኑ... ኤፌሶን 5፥1


“እንግዲህ እንደ ተወደዱ ልጆች እግዚአብሔርን የምትከተሉ ሁኑ።”

አንድ ልጅ አባቱን ለመምሰል ሲሞክር የሚያደርገው በፍርሃት አይደለም፤ ከፍቅር የተነሳ ነው። እኛም እግዚአብሔር የወደደንን ፍቅር ስንረዳ፣ እርሱን መከተል የግዴታ ሸክም ሳይሆን የፍቅር ምላሽ ይሆናል።

ብዙ ጊዜ ግን ለተሳሳተ ነገር ምክንያት እናበዛለን። “እሱ ስለበደለኝ እኔም በደልኩ፣ ሁኔታው ስላስገደደኝ ተሳሳትኩ፣ ሰዎች ስላልተረዱኝ እኔም አልተረዳኋቸውም” እንላለን። ነገር ግን የእግዚአብሔር ልጅ አመለካከቱን በሌሎች ሰዎች ላይ አይመሠርትም፤ በአባቱ ላይ ይመሠርታል።

ኢየሱስ በተበደለ ጊዜ በበደል አልመለሰም፤ በተጠላ ጊዜ በጥላቻ አልመለሰም፤ በመስቀል ላይ እንኳን ለሚያሰቃዩት ጸለየ። ይህ የክርስቶስ አሳብ ነው።

ስለዚህ ዛሬ ራሳችንን እንጠይቅ፦ “በሕይወቴ የማሳየው የሰዎች ባሕርይ ነው ወይስ የአባቴ?”

እንደ ተወደዱ ልጆች እንኑር። ፍቅርን እንመርጥ፣ ይቅርታን እንለማመድ፣ ትሕትናን እንልበስ። ምክንያታችን ሁኔታችን ሳይሆን ክርስቶስ ይሁን። ❤️


✝ @SinqSDA ✝
✝ @SinqSDA ✝

📖 ከእኔ ዕቅድ የእግዚአብሔር ፈቃድ ይቅደም


“ልብህን በሙሉ በእግዚአብሔር ታመን፤ በራስህም ማስተዋል አትደገፍ። በመንገድህ ሁሉ እወቀው፤ እርሱም ጎዳናህን ያቀናል።” — ምሳሌ 3፥5–6

ሰው ዕቅድ ማውጣት ይወዳል። የሚማረውን፣ የሚሠራውን፣ የሚኖርበትንና ወደፊት የሚደርስበትን ቦታ ያስባል። ዕቅድ መኖሩ መጥፎ አይደለም፤ ችግሩ ግን የእኔ ዕቅድ ከእግዚአብሔር ፈቃድ በላይ ሲሆን ነው።

አንዳንድ ጊዜ እኛ በጣም የምንፈልገውን ነገር “እግዚአብሔር ይህን ይስጠኝ” ብለን በጸሎት እንጠይቃለን። ነገር ግን ጸሎታችን የእርሱን ፈቃድ ለመፈለግ ሳይሆን የእኛን ዕቅድ እንዲያጸድቅ ሊሆን ይችላል። እውነተኛ እምነት ግን “ጌታ ሆይ፣ የእኔ ፈቃድ ሳይሆን የአንተ ፈቃድ ይሁን” ማለት ነው።

ኢየሱስም በጌቴሴማኒ ሲጸልይ “የእኔ ፈቃድ ግን አይሁን፥ የአንተ እንጂ” ብሎ አሳየን። ስለዚህ እኛም ዛሬ ዕቅዳችንን በእግዚአብሔር ፊት እናስቀምጥ፤ ነገር ግን ከዕቅዳችን በፊት ፈቃዱን እንፈልግ።

“ጌታ ሆይ፣ የምፈልገውን ሁሉ ከመስጠትህ በፊት፣ የምትፈልገውን ሰው አድርገኝ። ከእኔ ዕቅድ የአንተ ፈቃድ ይቅደም።” ❤️


     ✝ @SinqSDA ✝
     ✝ @SinqSDA ✝

📖 ክርስቶስ... የሕይወቴ መሠረት... 1ኛ ቆሮ 3፥11

“ሌላ መሠረት ማንም ሊያኖር አይችልም፤ እርሱም የተኖረው ኢየሱስ ክርስቶስ ነው።” — 1ኛ ቆሮ 3፥11

ሕንፃ ውብ መሆኑ ብቻ አያስተማምንም፤ የሚቆምበት መሠረት ጠንካራ መሆን አለበት። እንዲሁም ሕይወታችን በሰው አስተያየት፣ በገንዘብ፣ በስራ፣ በስኬት ወይም በራሳችን ችሎታ ላይ ከተመሠረተ፣ አንድ ቀን እነዚህ ሲናወጡ እኛም አብረን ልንናወጥ እንችላለን።

ክርስቶስ ግን የማይለወጥ መሠረት ነው። ሁኔታዬ ቢቀየር፣ ሰዎች ቢለወጡ፣ ዕቅዴ ባይሳካ፣ በር ቢዘጋ—እኔ አልናወጥም፤ ምክንያቱም መሠረቴ ክርስቶስ ነው።

መሠረት ማለት ችግር አይመጣም ማለት አይደለም፤ ችግር ሲመጣ እንዳንወድቅ የሚያጸናን ነው። ስለዚህ ክርስቶስን በሕይወቴ ዳር ላይ ሳይሆን በመሠረቴ ላይ አኑረዋለሁ።

ሕይወቴ ሊናወጥ ይችላል፤ መሠረቴ ግን አይናወጥም። ክርስቶስ የሕይወቴ መሠረት ነው። ❤️🕊️


     ✝ @SinqSDA ✝
     ✝ @SinqSDA ✝

“ወደ ሰማይ ወፎች ተመልከቱ፤ አይዘሩም አያጭዱምም በጎተራም አይከቱም፥ የሰማዩ አባታችሁም ይመግባቸዋል።”
— ማቴዎስ 6፥26

መልካም ሰንበት
Happy Sabbath

#happysabbath
#onevoice27
#SinqSDA

@SinqSDA

📚 የእግዚአብሔር ምሕረት

“አቤቱ፥ አንተ መሓሪና ይቅር ባይ ነህና፥ ምሕረትህም ለሚጠሩህ ሁሉ ብዙ ነውና።” — መዝሙር 86፥5

አንዳንድ ጊዜ ከእግዚአብሔር ርቀን ስንሄድ፣ “እንደገና ወደ እርሱ ልቀርብ እችላለሁ?” ብለን እንጠይቃለን። በሠራነው ኃጢአት እናፍራለን፤ በወደቅንበትም ቦታ ራሳችንን እንፈርድብናለን። ነገር ግን ዳዊት ያስታውሰናል፤ እግዚአብሔር መሓሪና ይቅር ባይ ነው።

ምሕረቱ የሚገባን ስለሆንን አይደለም፤ እርሱ መሓሪ ስለሆነ ነው። የተሰበረ ልብ ይዘን ወደ እርሱ ስንመጣ፣ በውድቀታችን አይተወንም። የሚፈልገው ከእርሱ መሸሽ ሳይሆን ወደ እርሱ መመለስ ነው።

ስለዚህ ዛሬ የትኛውም የወደቅንበት ቦታ ቢኖር፣ የእግዚአብሔር ምሕረት ከዚያ የበለጠ ነው። ኃጢአታችንን ለመደበቅ ሳይሆን ለመናዘዝ፣ ራሳችንን ለመፍረድ ሳይሆን ይቅርታውን ለመቀበል ወደ እርሱ እንቅረብ።

እግዚአብሔርን በትህትና የሚጠራ ልብ በምሕረቱ በር ፊት ባዶ አይመለስም። ምሕረቱ ብዙ ነው፤ ይቅርታውም ዛሬም ክፍት ነው። 🙏❤️

#መልካምሰንበት
#HappySabbath
#onevoice27
#SinqSDA


Telegram | Facebook | Instagram

📖 እግዚአብሔር አይጥልም

“እግዚአብሔር ሕዝቡን አይተወውም፤ ርስቱንም አይጥልም።” — መዝሙር 94፥14

ሕይወት አንዳንድ ጊዜ እንደተረሳን ያስረዳናል። ጸሎታችን የዘገየ ሲመስል፣ ችግራችን ሲበዛ፣ የምንወዳቸው ሰዎች ሲርቁ እንኳን “እግዚአብሔር ተወኝ?” ብለን ልንጠይቅ እንችላለን። ግን የምንሰማው ዝምታ የእግዚአብሔር መተው አይደለም።

እግዚአብሔር ሲዘገይ እንኳን እየሠራ ነው። መንገዱ ሲዘጋ እንኳን እርሱ አለ። እኛ የማናየውን እርሱ ያያል፤ እኛ የማንረዳውን እርሱ ያውቃል።

ስለዚህ ዛሬ ልብህ ቢደክምም አትተው። ሁኔታህ እንደተለወጠ ሊሆን ይችላል፤ እግዚአብሔር ግን አልተለወጠም። እርሱ የጀመረውን ሥራ ይፈጽማል።

🙏 “ጌታ ሆይ፣ እኔ ባላይም አንተ እንደምታየኝ እንዳምን እርዳኝ። በመከራዬ አትተወኝ፤ እምነቴን አጽና። አንተ እስካለህ ድረስ ተስፋዬ አለ። አሜን።”


#HappySabbath
#onevoice27
#SinqSDA


Telegram | Facebook | Instagram

የክርስቶስ ሰላም፡ የልባችን ዕረፍት

ሰላም… ከጭንቀትና ከፍርሃት የራቀ፣ የልብ ዕረፍት፣ የአእምሮ መረጋጋት፣ና የመንፈስ እርጋታ ነው። ክርስቶስ፣ ለሰው ልጆች ሰላምን ሊሰጥ ወደ ዓለም መጥቷል። እርሱ፣ የእውነተኛ ሰላም ምንጭ፣ የመንፈሳዊ ዕረፍት መገኛ ነው። የክርስቶስ ሰላም፣ ከዚህ ዓለም ከሚሰጠው ሰላም እጅግ የላቀ ነው።

ኢየሱስ ክርስቶስ፣ በምድር ላይ በነበረበት ጊዜ፣ ሰላምን ሰብኳል። “ሰላምን እተውላችኋለሁ፤ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጣችሁ አይደለም። ልባችሁ አይታወክ፣ አይፍራም” ብሏል። የክርስቶስ ሰላም፣ ከፍርሃትና ከጭንቀት ነፃ የሚያወጣ፣ ለተጨነቁት የልብ ዕረፍትን የሚሰጥ፣ ውስጣዊ ሰላም ነው።

የክርስቶስ ሰላም፣ ከእግዚአብሔር ጋር እርቅን ያመጣል። በኃጢአት ምክንያት ከእግዚአብሔር ተለይተን የነበርን እኛ ሰዎች፣ በክርስቶስ ሞት አማካኝነት፣ ከእግዚአብሔር ጋር ታርቀናል። ይህ እርቅ፣ የልባችንን ሰላም ይመልሳል፣ ከኃጢአት ጥፋተኝነት ነፃ ያወጣናል።

የክርስቶስ ሰላም፣ በሕይወታችን ውስጥ መከራና ፈተና ቢገጥመንም፣ በውስጣችን መረጋጋትን እንድናገኝ ያግዘናል። ክርስቶስ ከእኛ ጋር እንደሆነ ስናምን፣ ከማንኛውም የሕይወት ችግር በላይ እንሆናለን። የክርስቶስ ሰላም፣ የልባችን ጽናት፣ የተስፋችን መሠረት ነው።

ስለዚህ፣ የክርስቶስን ሰላም እንቀበል፣ በእርሱም እንኑር። ይህ ሰላም፣ ከማንኛውም ችግር በላይ የሆነ፣ የነፍሳችን ማረፊያ ነው። በክርስቶስ ሰላም፣ በደስታና በነጻነት እንመላለስ። የክርስቶስ ሰላም፣ በሕይወታችን ውስጥ ዘላለማዊ ዕረፍትን ይስጠን።

#HappySabbath
#onevoice27
#SinqSDA


Telegram | Facebook | Instagram

📚 ክርስቶስ — እውነተኛ ወዳጅ

“ከዚህ የሚበልጥ ፍቅር የለም፤ ነፍሱን ስለወዳጆቹ የሚሰጥ ነው።” — ዮሐንስ 15፥13

በሕይወት ውስጥ ብዙ ሰዎችን ወዳጅ ብለን እንጠራለን፤ ነገር ግን እውነተኛ ወዳጅነት የሚፈተነው በደስታ ጊዜ ሳይሆን በመከራ ጊዜ ነው። ሁሉም ሰው ከአንተ ጋር ሲሳካልህ ሊቆም ይችላል፤ ልብህ ሲሰበር፣ ስትወድቅና ሌሎች ሲርቁ ግን ከአንተ ጋር የሚቀረው ማን ነው?


ክርስቶስ እውነተኛ ወዳጅ ነው። እርሱ የሚወድህ ስለምትጠቅመው አይደለም፤ ራሱን ስለሰጠህ ነው። በመስቀል ላይ የገለጠው ፍቅር የቃል ፍቅር አልነበረም፤ ሕይወቱን ለእኛ የሰጠበት ፍቅር ነበር።


እርሱ ስትደሰት ከአንተ ጋር ይደሰታል፤ ስታለቅስም አይተውህም። ስትወድቅ ይነሳሃል፤ ስትደክም ያበረታሃል፤ መንገድህን ስታጣ ይመራሃል። የሰው ወዳጅነት ሊለወጥ ይችላል፤ የክርስቶስ ፍቅር ግን አይለወጥም።

ስለዚህ ብቸኝነት ሲሰማህ አትፍራ፤ በጸሎት ወደ ክርስቶስ ቅረብ። እርሱ ከሁሉ የሚበልጥ እውነተኛ ወዳጅ ነው። ❤️🙏


#HappySabbath
#onevoice27
#SinqSDA


Telegram | Facebook | Instagram

📚 በእግዚአብሔር ላይ መታመን

“በፍጹም ልብህ እግዚአብሔርን ታመን፤ በማስተዋልህም አትደገፍ።” — ምሳሌ 3፥5

በእግዚአብሔር ላይ መታመን ሁሉንም ነገር እንደምንፈልገው ማግኘት ማለት አይደለም፤ ሁሉንም ነገር ባንረዳም እርሱ እንደሚያውቅ ማመን ነው። አንዳንድ ጊዜ መንገዳችን ይጨልማል፣ ጸሎታችንም መልስ እንዳላገኘ ይሰማናል። በዚያ ጊዜ እምነት የሚፈተነው ነው።

መታመን ማለት “ጌታ ሆይ፣ የምፈልገውን ስጠኝ” ብቻ ሳይሆን፣ “ጌታ ሆይ፣ የምትመርጠው ለእኔ የተሻለ እንደሆነ አምናለሁ” ማለት ነው። እግዚአብሔር የማናየውን ያያል፤ የማናውቀውን ያውቃል፤ ከእኛ የራቀ የሚመስለውን ነገር እርሱ በጊዜው ሊያስተካክለው ይችላል።

ስለዚህ ዛሬ ሁኔታህን ሳይሆን እግዚአብሔርን ተመልከት። መንገዱን ባታውቅም መሪህን እወቅ፤ መልሱን ባታይም ቃሉን እመን። እርሱን የሚያምን ልብ በማዕበል መካከልም ሰላም ያገኛል።

እግዚአብሔርን ታመን፤ ሁሉን መረዳት ሳይኖርብህ እርሱን መታመን ይበቃሃል። 🙏❤️


#HappySabbath
#onevoice27
#SinqSDA


Telegram | Facebook | Instagram

Happy new year 🌼🌼

እነሆ በቸርነቱ አንድ ብለን ጀምረን በእርሱ መርነት አስራ አራት ማለት ቻልን ።  ኤልሻዳይ ኳይር ከተመሰረተ እነሆ አስራ አራተኛ አመቱን አስቆጠረ ለዚህም ደግሞ እግዚአብሔር ያደረገልንን ድንቅ ነገር ኑና ተመልከቱ

ፕሮግራሙ  8-9 / 01/ 2019/ ዓ / ም 
አርብ ከ12:00 ሰዓት ጀምሮ
ቅዳሜ ቀኑን ሙሉ

አገልጋዮች ፦
  ዘማሪ ጀግና ደጀነ
  ዘማሪ ኤፍሬም መስፍን
  ኤልሻዳይ የመዘምራን ቡድን

ሁላችሁም ተጋብዛችኋል !
ለወዳጅዎ ያጋሩ ......